Инспектор ГИБДД, архивное фото

Ронандае, ки дар як дақиқа 15 маротиба қонуншиканӣ кард, боздошт шуд - аксу навор

1012
(Таҷдидшуда 13:26 14.01.2021)
Ронандаи ҷавон ба ҳадде худравашро тез меронд, ки танҳо дар як дақиқа 15 маротиба қоидаи ҳаракат дар роҳро нақз намуд

ДУШАНБЕ, 7 январ - Sputnik. Кормандони Раёсати умури дохила дар шаҳри Душанбе ронандаи "рекордсмен" - ро боздошт намуданд. Ба иттилои котиботи РВУД дар пойтахт, як нафар корбари шабакаҳои иҷтимоӣ қонуншикании ронандаеро сабт намуда ба кормандони пулис ироа кард.

Дар навор ҳувайдост, ки ронанда ба қоида ва аломатҳои танзимкунандаи ҳаракат дар роҳ тамоман аҳамият надода, ҳатто ба кормандони БДА низ итоат накард.

Дар асоси навор, ронандаи "рекордсмен" боздошт шуд. Мавсуф Абидов Юсуфҷони 25 - сола, сокини шаҳри Душанбе мебошад.

Ронандае, ки дар Душанбе ҷавонзанро таъқиб карду гап партофт, ҷарима шуд - навор

Зимни таҳқиқи навор муайян карда шуд, ки ронанда Абидов ҳангоми ҳаракат дар кӯчаи Шерозии шаҳри Душанбе ба ҳаракати бонизоми дигар воситаҳои нақлиёт халал ворид намуда, танҳо дар 1 дақиқаи ба наворгирифташуда аз 13 то 15 маротиба ҳолати садамавии хатарнок ба вучуд оварда, бар замми ин ҳангоми боздоштан ба талаботи қонунии кормандони БДА итоат накардааст.

акс аз сомонаи РВУД дар шаҳри Душанбе
Обидов Юсуфҷон, ронандаи "рекордсмен", ки боздошт шуд

Ба ҳамин минвол, нисбати ронанда тибқи талаботи моддаҳои 326 қисми 1 (Аз тарафи ронандагони воситаҳои нақлиёт ба вуҷуд овардани ҳолати садамавӣ) ва 329 қисми 1 (Талаботи қонунии корманди милитсияро бобати боздоштани воситаи нақлиёт иҷро накардани ронандагон) протоколи маъмурӣ тартиб дода шуда, барои қабули қарори қонунӣ ба мақомоти Суд ирсол карда шуд.

1012
Барчаспҳо:
навор, боздошт, қонуншиканӣ, ронанда
Девушка в наручниках, фото из архива

Зани 22-cола дар Ваҳдат хушдори 68-солаи чиниашро бо курсии чӯбин зада кушт

764
(Таҷдидшуда 12:42 16.01.2021)
Цзян Венсин аз соли 2019 инҷониб бо шаҳрванд “М”-и 22 сола, модари танҳо, шиносоӣ пайдо намуда, мунтазам ӯро бо баҳонаи маҳс кардани баданаш ба бошишгоҳи саҳроӣ, ки онҷо зиндагонӣ мекард, даъват карда, бар ивази аз 50 то 100 сомонӣ алоқаи ҷинсӣ анҷом медодааст

ДУШАНБЕ, 16 янв – Sputnik.  Додситонии кулли Тоҷикистон аз боздошти як ҷавонзани 22-сола, сокини шаҳри Ваҳдат хабар медиҳад, ки дар куштори марди чинӣ муттаҳам мешавад.

Ба иттилои дафтари матбуотии ин ниҳод, санаи 8 январи соли 2021 да беморхонаи шаҳри Ваҳдат шаҳрванди Ҷумҳурии Халқии Хитой, Тсзян Венсини 68-сола, муваққатан истиқоматкунандаи шаҳри Вахдат, деҳаи Чиртак, ки аз соли 2008 инҷониб ба истеҳсоли маҳсулоти кишоварзӣ машғул буд, ба ҳалокат расида, барои баррасии ҳолат 9 январи парвандаи ҷиноятӣ оғоз карда шуда.

 Муайян карда шуд, ки Тсзян Венсин аз соли 2019 инҷониб бо шаҳрванд “М”-и 22 сола, модари танҳо, соҳиби як фарзанд, зодаи ноҳияи Дарвоз, сокини шаҳри Вахдат, деҳаи Чиртак, шиносоӣ пайдо намудааст.

“Ӯ мунтазам “М”-ро бо баҳонаи маҳс кардани баданаш ба бошишгоҳи саҳроӣ, ки онҷо зиндагонӣ мекард даъват карда, бар ивази аз 50 то 100 сомонӣ алоқаи ҷинсӣ анҷом медодааст”,-мегӯяд манбаъ.

Гуфта мешавад, 8 январи соли 2021, тахминан соати 18:30 дақиқа “М” бо даъвати навбатии Тсзян Венсин барои маҳси бадан ба бошишгоҳи саҳроии номбурда рафтааст.

Тсзян Венсин бошад чун ҳарвақта ҳангоми баданашро маҳс кардани “М” бар ивази 100 сомонӣ анҷом додани алоқаи ҷинсиро пешниҳод кардааст.

““М” дар давраи ҳайзи занона гирифтор буданаш талаби номбурдаро рад кардааст. Тсзян Венсин ба суханони “М” аҳамият надода, маҷбуран бо номбурда як маротиба алоқаи ҷинсӣ анҷом дода, аз охирин талаб кардааст, ки то саҳар бо ӯ дар бошишгоҳи саҳроияш монад. “М” талаби ӯро рад намуда, ба сӯи дари бошишгоҳи саҳроӣ рафта, аз Тсзян Венсин хоҳиш кардааст, ки бинобар танҳо будани фарзанди хурдсолаш барои ба хонаашон рафтан иҷозат диҳад”,-афзудааст, манбаъ.

Аммо, Тсзян Венсин аз ин рафтори “М” ба қаҳру ғазаб омада, бо истифодаи ноқили оташков ба қисми қафои сари номбурда як маротиба зада, ба номбурда ҷароҳати ҷисмонӣ расонидааст.

Баъди алоқаи ҷинсӣ бо ноболиғ: мард 70 ҳазор пешниҳод кард, ки аз ҷавобгарӣ халос шавад

Шаҳрванд “М” аз қаҳру ғазаб курсии чубини дар назди кати хоби Тсзян Венсин бударо гирифта, бо он якчанд маротиба ба қисми фарқ ва чаккаи сари номбурда зарбаҳо задааст, ки Тсзян Венсин ҷароҳати вазнини ҷисмонӣ бардошта, ба ҳалокат расидааст.

764
Машина полиции

Садамаи маргбор: ҳалокати марди солхӯрдае зери чархи “Лексус-450”-и Исфандиёр

384
(Таҷдидшуда 12:30 16.01.2021)
Вазорати умури дохилии Тоҷикистон аз рухдоди як садамаи нақлиётӣ тайи рӯзи гузашта хабар медиҳад, ки бар асари он марди солхӯрдае ҳалок шудааст

ДУШАНБЕ, 16 янв – Sputnik. Бино ба иттилои дафтари матбуотии ин ниҳод, ҳодиса рӯзи гузашта, тахминан соатҳои 18:40-дақиқа дар роҳи самти Душанбе-Кӯлоб дар ҳудуди шаҳри Норак сар задааст.

Ба иттилои манбаъ, ронандаи автомашинаи тамғаи “Лексус-450”, Маҳмудзода Исфандиёр Сафаралии 38-сола, сокини шаҳри Кӯлоб, ҳангоми ҳаракат аз самти шаҳри Душанбе, ба самти шаҳри Кӯлоб дар ҳудуди шаҳри Норак аз уҳдаи идора кардани воситаи нақлиёт набаромада, пиёдагард Тоҳиров Исматулло Фатҳуллоевичи 61-сола, сокини ҷамоати деҳоти Пули-Сангини шаҳри Норакро пахш намудааст.

Садамаи маргбор: ронандаи "Мерседес-Спринтер" зани 70-соларо пахш кард

Дар натиҷа, пиёдагард Тоҳиров Исматулло Фатҳуллоевич ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.
Аз рӯи ин ҳодиса таҳқиқот идома дорад.

Ёдовар мешавем, ин нахустин ҳолати пахшсозии солхӯрдагон набуда, қаблан ВКД хабар дода буд, ки Ортиқбоева Савриниссо Мухторовнаи 70-сола, сокини ноҳияи Масчо зери чархи  "Мерседес-Спринтер"-и Юсупов Шаҳзод Мавлонович, сокини ҳамин ноҳия ҳалок шуд.

384
Медицинские работники в отделении реанимации и интенсивной терапии в госпитале для больных COVID-19

Ҳолатҳои нави сироятёбӣ ба коронавирус дар Чин: мутахассисони СҶБ вориди Вуҳон шуданд

0
(Таҷдидшуда 16:24 16.01.2021)
Созмони ҷаҳонии беҳдошт ахиран омори нави гирифторон ба коронавирус дар ҷаҳонро эълон кард

ДУШАНБЕ, 16 январ – Sputnik. Тибқи иттилои Созмони ҷаҳонии беҳдошт то санаи 15 январ шумори сироятшудагон  ба 91 миллиону  816 ҳазору 91 нафар расид.

Тибқи иттилои манбаъ, ҷонбохтагон ба 1  миллиону 986 ҳазору 871 нафар расидаааст.

Дар ҳамин ҳол, шумори муолиҷашудагон ба беш аз 67 миллиону нафар расидааст.

Кумитаи ҳолатҳои фавқулоддаи Тоҷикистон хабар додааст, ки намояндагони Созмони ҷаҳонии беҳдошт барои муайян кардани ҷойю макони аввали зуҳури вируси корона ба Вуҳони Чин ворид шуданд.

Тибқи иттилои расида ин коршиносон дар ҳайати 14 нафар ба Чин рафтанд, гуфтушуниди дурудароз билохира самар дод ва Чин 14 январи соли равон ба коршиносону мутахассисони байналмилалӣ иҷозаи вуруд дод.

Дар ин ҳайат вирусшиносон аз Амрико, Австралия, Олмон, Ҷопон, Британияи Кабир, Русия, Нидерландия, Қатар ва Ветнам шомиланд.

Ҳамзамон манбаъ иттилоъ додааст, ки дар Чин бори аввал аз моҳи марти соли гузашта то ба имрӯз шумори зиёди гирифторони нав ба коронавирус ба қайд гирифта шуд. Мақомот гуфтанд, ки шабонарӯзи гузашта 144 нафар чун мубталои нав сабт шуд (моҳи марти соли гузашта 202 нафар буд).  Дар қиёс ба мамолики дигар ин омор чандон зиёд ҳам нест, вале ҳукуматдорони Чин онро чун як бонги изтироб қабул мекунанд.

0
Барчаспҳо:
омор, вируси корона, ҷаҳон, вирус, Чин