ДТП, архивное фото

Бархӯрди ду худрав дар Суғд ба марги 2 нафар ва маҷруҳ шудани 3 тани дигар анҷомид

522
(Таҷдидшуда 13:35 14.01.2021)
Дар ҳудуди ноҳияи Бобоҷон Ғафуров мошини сабукрав ба автомашинаи боркаш бархӯрд, ки дар натиҷа чанд тан ҳалок ва чанди дигар ҷароҳатдор шуданд

ДУШАНБЕ, 7 январ - Sputnik. Дар шимоли мамлакат садамаи маргбори нақлиётӣ рух дод, ки дар натиҷа талафоти ҷонӣ ба бор овард, хабар медиҳад Вазорати умури дохилаи Тоҷикистон.

Ба иттилои манбаъ, ҳодисаи мазкур рӯзи 6 январ, тахминан соати 04:20-дақиқа дар ҳудуди ноҳияи Бобоҷон Ғафуров рух дод.

Садама замоне сар зад, ки ронандаи автомашинаи тамғаи "Мерседес Бенс", Бобоев Хушбахти 18 - сола, сокини шаҳри Исфара аз ӯҳдаи идора кардани мошинаш набаромад.

Номбурда ҳангоми ҳаракат кардан дар роҳи мошингарди "Деҳмой-Хуҷанд-Конибодом", дар ҳудуди ҷамоати деҳоти Хистеварзи ноҳияи Б.Ғафуров, ба автомашинаи боркаши тамғаи "Чакман", таҳти идораи Асроров Акмали 30 - сола, сокини ҷамоати деҳоти Обурдони ноҳияи Мастчоҳ, бархӯрдааст.

Манбаъ меафзояд, зимни бархӯрди автомашинаҳо, ронандаи автомашинаи тамғаи "Мерседес-Бенс", Бобоев ва мусофираш Ғафуров Мирзомуроди 32 - сола, сокини шаҳри Ваҳдат, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.

ВКД-и Русия гуфт, муҳоҷирони кадом кишварҳои Осиёи миёна бештар садама мекунанд

Ичунин мусофирони дигари автомашинаи "Мерседес-Бенс", Отаёров Шодимуроди 46 - сола, сокини ноҳияи Рудакӣ, Отабоев Нуъмонҷони 30 - сола, сокини ҷамоати деҳоти Ғулакандози ноҳия Ҷ.Расулов ва Қурбонбеков Бекназари 42 - сола, сокини ноҳияи Рӯдакӣ, ҷароҳатҳои ҷисмонӣ бардошта, дар беморхона бистарӣ гардидаанд.

ВУД Тоҷикистон мегӯяд, феълан аз рӯи ҳодисаи мазкур таҳқиқот идома дорад.

522
Барчаспҳо:
роҳ, Суғд, мошин, садама
Автомобильная дорога, ведущая к городу Душанбе

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

6799
(Таҷдидшуда 16:03 23.01.2021)
Ронандаи 46 - сола аз шаҳри Хоруғ бо 5 мусофир дар самти Душанбе ҳаракат мекард, ки дар нимароҳ ба садамаи мудҳиш рӯбарӯ шуд

ДУШАНБЕ, 23 янв — Sputnik. Кумитаи ҳолатҳои фавқулода аз рух додани садамаи мудҳиши нақлиётӣ дар километри 277 - уми роҳи мошингарди Кӯлоб - Хоруғ хабар медиҳад.

Ба иттилои манбаъ, ҳодисаи нохуш рӯзи 22 январ рух додааст.

"Ронандаи 46 - солаи автомашинаи "Landcruser", аз шаҳри Хоруғ бо панҷ мусофир самти пойтахт ҳаракат мекард, ки дар нимароҳ ба садама дучор шудааст", - таъкид мешавад дар хабар.

Манбаъ меафзояд, аз сабаби барфрезӣ ва шамоли сахт ронанда аз ӯҳдаи идораи автомашина набаромада, ба ҷарии 40 метр сарозер шуд.

Дар натиҷа худи ронанда бо ду мусофири дигар дар ҷойи ҳодиса ҷон бохтанд.

Тӯйхона мотамхона шуд: мошини домод замони барои арӯс рафтан дучори садама шуд

Гуфта мешавад, мусофирони дигарро бо ҷароҳатҳои гуногун ба бемористони шаҳри Кӯлоби вилояти Хатлон интиқол доданд. Маълумоти бештар дар мавриди фавтидагону ҷароҳатбардоштагон рӯйи даст нест.

Кумитаи ҳолатҳои фақулода ҳамчунин гуфт, рӯзи гузашта аз сабаби боришоти зиёди барф роҳи Шуғнон - Ишкошими ВМКБ муваққатан масдуд буд.

6799
Барчаспҳо:
садама, Хоруғ, Душанбе, роҳ, мошин
Вооруженные сторонники движения ИГИЛ, архивное фото

ДОИШ масъулияти ду ҳамлаи мудҳиши Бағдодро бар ӯҳда гирифт

136
(Таҷдидшуда 12:44 23.01.2021)
Ду маргталабе, ки худро назди бозоре дар Бағдод мунфаҷир намуданд, 32 нафарро куштанду 110 каси дигарро захмӣ намуданд

ДУШАНБЕ, 23 янв — Sputnik. Ахиран гурӯҳи террористии ДОИШ ба таври расмӣ масъулияти ду инфиҷори интиҳорӣ дар Бағдодро бар ӯҳда гирифт, хабар медиҳад сомонаи "Аъмоқ", ки вобаста ба ин гурӯҳ аст.

Манбаъ меафзояд, рӯзи панҷшанбе дар Бағдод яке аз аносири ин гурӯҳ ба номи Абуюсуф ал-Ансорӣ камарбанди инфиҷории худро дар майдони Ал-Тайрони Бағдод мунфаҷир кард ва камарбанди дуввумро низ Муҳаммадориф ал-Муҳоҷир, узви дигари ин гурӯҳи террористӣ ба ҳамин равиш мунфаҷир кардааст.

Ба гуфтаи масъулони ироқӣ ин ду инфиҷор, ки дар бозори пуриздиҳоми майдони Ал-Тайрони Бағдод ба вуқуъ пайваст, 32 куштаву 110 захмӣ барҷой гузоштааст.

Пайёми Оиша аз Бағдод: падару модарамро гум кардам

Ба дунболи ин ду инфиҷори террористӣ, Мустафо Ал-Козимӣ, нахуствазири Ироқ дастури оғози таҳқиқоти фавриро барои равшан шудани иллати он ва пайгарди мағзҳои террористӣ, ки убури террористҳо ва фаъолияти онҳоро осон карданд, содир кард.

Ин ду инфиҷор бо маҳкумияти шадиди кишварҳову созмонҳои мухталиф, аз ҷумла Ҷумҳурии исломии Эрон рӯ ба рӯ шуд.

136
Барчаспҳо:
ҳамла, масъулият, ДОИШ, Бағдод
Бокс, архивное фото

Воҳидов камарбанди WBO-ро гирифт: набарди дидании муштзани шикастнадидаи тоҷик-видео

0
(Таҷдидшуда 00:27 24.01.2021)
Асрор Воҳидов, муштзани шикастнадидаи тоҷик, дар мусобиқаи байналмиллалии “RCC Boxing Promotions” камарбанди WBO (Созмони ҷаҳонии бокс)-ро соҳиб гашт

ДУШАНБЕ, 23 янв – Sputnik. Ин рақобати нуҳуми Воҳидов буд, ки бидуни шикаст поён ёфт.

Мусобиқот шоми имрӯз дар шаҳи Екатеринбург баргузор гардида, Воҳид Асроров намояндаи Африқои Ҷанубӣ Тато Бонокоанеро шикаст дод.

Мавриди зикр аст, ки рақобат барои ҳарду варзишкор шадид оғоз шуд, аммо Воҳидов майдондориро аз даст намедод ва ин буд, ки пас аз зарбаҳои шадиди пайиҳам ҳарифашро дар даври 9-ум нокаут кард.

Гуфта мешавад, ин рақобат барои Воҳидов зарурӣ буд, зеро он барои камарбанди WBO Oriental баргузор шуда буд.

Видеои муштзании Воҳидови шикастнадида бо “Ракета”-и қазоқ: пирӯзӣ баъди нокдаун-навор

Ҳамакнун Воҳидови 26-сола дар 9 сабқати касбӣ 9 пирӯзӣ ба даст овард.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

0