Нигоҳдорияш ғайриимкон буд - Назарбоев дар бораи маргу нашъамандии наберааш Айсултон гуфт

889
(Таҷдидшуда 14:20 09.01.2021)
Айсултон Назарбоев, ки тобистони соли гузашта даргузашт, натавонист ба нашъамандӣ тоб орад, гуфт Элбасӣ

ДУШАНБЕ, 9 янв – Sputnik. Шабакаи телевизионии “Хабар” бахши сеюми филми мустанади "Штрихи к портрету"-ро намоиш дод.

Президенти нахустини Қазоқистон Нурсултон Назарбоев дар бораи наберааш Айсултон Назарбоев сухан гуфт.

"Аз се духтар ман набераҳои олиҷаноб дорам. Мутаассифона, мо имсол (соли 2020 - Sputnik) як набераро аз даст додем, ки ба ман хеле монанд буд (Айсултон Назарбоев - Sputnik). Ман барои ин набераам сахт таассуф мехурам, ки барвақт рафт ", - гуфт Назарбоев дар як мусоҳибаи видеоӣ.

Вай қайд кард, ки Айсултон дар кишварҳои мухталиф аз нашъамандӣ табобат гирифтааст.

"Метавонистем ӯро ба ҳеҷ ҷо нафиристем, аммо нигоҳ доштанаш ғайриимкон буд. Вай аллакай ғуломи ин кор буд, худро нигоҳ дошта наметавонист. Мо ӯро дар Маскав табобат кардем, дар Лондон табобат кардем. Чунин ба назар мерасад, ки аз ин кор баромада, аммо боз баргашт", - илова кард, Элбасӣ.

Даргузашти Айсултон Назарбоев

Набераи Элбасӣ Айсултон Назарбоев моҳи августи соли 2020 дар Лондон даргузашт. Тибқи баъзе хабарҳо, дили ӯ аз кор монд.

Айсултон Назарбоев (Алиев) 26 августи соли 1990 ба дунё омадааст. Ӯ писари духтари бузургии президенти Қазоқистон Дарига Назарбоева ва сиёсатмадори қазоқистонӣ Раҳмат Алиев буд. Аз ӯ як писар ва як духтар боқи мондааст.

Набераи Назарбоев хатмкардаи коллеҷи Байналмилалии Остона, "Мактаби байналмилалии Амрико" дар Залтсбург, буда, ҳамчунин аз мактаби Академияи шоҳигарии Бритониё гузашта ва дипломи Донишгоҳи  КИМЭП - ро бо ихтисоси "идоракунии тиҷорат" гирифта буд.

 

889
Барчаспҳо:
фавт, нашъаманд, набера, Назарбоев, Қазоқистон
Сотрудники КЧС помогли мальчику освободить палец из гайки

Наҷоти кӯдаки чорсола дар Суғд, ки дар ангушташ гайка дармонд

80
(Таҷдидшуда 17:22 22.01.2021)
Кумитаи ҳолатҳои фавқулода аз наҷоти тифле хабар медиҳанд, ки аз беназоратии волидонаш дар нагушташ гайка руст шудааст

ДУШАНБЕ, 22 янв — Sputnik. Ба Маркази идоракунии ҳолатҳои бӯҳронии Раёсати Кумитаи ҳолатҳои фавқулодда ва мудофиаи гражаднӣ дар вилояти Суғд хабар расидааст, ки дар ангушти тифли чорсола гайка рус шудаасту табибон ҳам илоҷи беосеб берун кардани онро намеёбанд.

Тибқи иттилои Кумитаи ҳолатҳои фавқулода, ин занги телефонӣ субҳи имрӯз, соати 11:00 аз беморхонаи клиникии вилояти Суғд ба номи С.Қутфиддинов расидааст.

Бо дарёфти хабар имдодгарони Дастаи махсуси зудамали наҷоти вилояти Суғд фавран ба беморхона сафарбар шудаанд.

"Амалиёти имдод дар шӯъбаи ҷарроҳии асаб ва осебшиносӣ бо истифода аз таҷҳизоти махсуси наҷот бо риояи қоидаҳои техникаи бехатарӣ ва санитарӣ гузаронида шуд. Гайка аз ангушти ӯ берун оварда шуд. Вазъи саломатии кӯдак дар ҳолати хуб қарор дорад", - омадааст дар хабарнома.

Маълум шуд, ки тифл ҳамагӣ чор сол доштаву аз беназоратии волидайн даст ба гайкаву дигар таҷҳизот задааст ва билохира гайка дар ангушташ дар мондааст.

Наҷоти ду ноболиғ дар пойтахти Тоҷикистон

Кормандони Раёсат бо падари тифл ҳамсуҳбат шуданд ва гуфтанд, ки фарзандашонро набояд беназорат гузоранд, чун метавонад муҷиби нохушиҳои дигар шавад.

80
Барчаспҳо:
наҷотдиҳӣ, наҷот, КҲФ ҶТ, кӯдак, табибон
Место взрыва на нефтяном предприятии в Татарстане

Таркиши мудҳиш дар Тотористон ду кушта ва як захмӣ бар ҷой гузошт

52
(Таҷдидшуда 17:08 22.01.2021)
Дар як корхонаи истеҳсоли нафти Тотористон таркиш ба амал омад. Феълан аз чанд кушта хабар дода мешавад

ДУШАНБЕ, 22 янв — Sputnik. Дар як корхонаи нафт, воқеъ дар деҳаи Болшое Нуркеевои Тотористон, таркиш рух дод. Дар ин бора ТАСС ва "Интерфакс" бо такя ба манобеъи худ хабар медиҳанд.

Гуфта мешавад, ки то ҳол дар паи ин таркиш ду нафар ҷон бохта як нафари дигар захмӣ шудааст.

Тибқи иттилои манобеъ, як контейнер бо ҳавои фишурдашуда таркидааст. Ҳодиса ҳангоми санҷиши ҳавоии партоби об рух додааст.

Ногуфта намонад, ки Болшое Нуркеево дар ноҳияи Сармановски Тотористон ҷойгир аст.

Бино ба иттилои Вазорати тандурустии кишвар, ҷарбдида дар ҳолати вазнин ба беморхона фиристода шудааст.

Хадамоти матбуоти прокуратураи Тотористон марги ду нафарро тасдиқ кард.

Таркиши шадид дар бозори Бағдод: ду маргталаб 28 нафарро куштанду 75 касро захмӣ карданд

Ҳамзамон, шӯъба қайд кард, ки дар ҷои ҳодиса таркиш ба амал наомадааст.

"Ин ҷо контейнер кафида буд, таркиш ба амал наомадааст", - гуфт намояндаи прокуратура.

Манбаъ афзуда, ки ин ҳодиса дар корхонаи ҶДММ "Ширкатҳои хурди нафтии Тотористон" соати 09:50 ба вақти Маскав ҳангоми озмоиши ҳавоии агрегати партоби об дар минтақаи кушод рух додааст.

52
Барчаспҳо:
захмӣ, кушта, таркиш, Татаристон

Танку тӯпу зиреҳпӯш: қудрати ҳарбии Тоҷикистон дар рақамҳо

0
(Таҷдидшуда 18:25 22.01.2021)
Дар Тоҷикистон ҳамасола барои мусаллаҳшавӣ тақрибан 79 миллион доллар масраф мекунанд. Sputnik Тоҷикистон муайян кард, ки маҷмааи мудофиаи дохилӣ аз чӣ иборат аст
Қудрати ҳарбии Тоҷикистон - 2021
© Sputnik

Дар рейтинги навшудаи байналмилалии қудрати ҳарбӣ, Тоҷикистон аз қатори 138-и имконпазир мақоми 99-умро ишғол кардааст.

Тибқи маълумоти нашркардаи ширкати байналмилалии Global Firepower, мавқеи ҷумҳурӣ дар тӯли сол тағйир наёфтааст. Дар артиши Тоҷикистон нӯҳ ҳазор нафар ҳузур доранд. Ин 0,1% аз шумораи умумии аҳолиро ташкил медиҳад. Маълум аст, ки Тоҷикистон дар соли 2020 барои мудофиа ва силоҳ 79 миллион доллар ҷудо кардааст.

Аз миёни таҷҳизоти техникии ҳарбӣ дар Тоҷикистон аз ҳама беш техникаи зиреҳпӯш - 400 адад, мавҷуд аст. Сипас дар ин феҳраст танкҳо қарор доранд, ки шумораи умумии онҳо 253 адад аст.

Гузашта аз ин, дар низоми захиравии кишвар 125 маҷмааи мушакӣ, 80 тӯп ва 20 чархбол қарор доранд.

Қонуни нави хизмати ҳарбӣ: маблағу тартибро Ҳукумат муайян мекунад

Аз миёни кишварҳои Осиёи Марказӣ, Ӯзбекистон қавитарин артишро дорад, ки бо 50 000 сарбозаш дар ҷои 51-ум қарор гирифта, ба ин соҳа 15 миллиард доллар масраф мекунад.

Қирғизистон каме болотар аз Тоҷикистон, дар хатти 93 қарор дорад, ки 11 000 сарбоз ва 20 миллион доллари амрикоӣ барои силоҳ солона харҷ мекунад.

Буҷаи мудофиавии Афғонистону Қазоқистон 4 миллиард доллар ва аз Туркманистон 800 миллион доллар мебошад.

0
Барчаспҳо:
ҳарбӣ, қувва, Тоҷикистон