Преступник за решеткой

Боздошти марде, ки барои дастдарозӣ ба духтарчааш муттаҳам мешавад

1308
(Таҷдидшуда 15:11 09.01.2021)
Раёсати вазорати корҳои дохилӣ дар шаҳри Душанбе фардеро, ки бо духтарандараш ҳаракати бадахлоқона мекард, боздошт намуд.

ДУШАНБЕ, 09 янв – Sputnik. Ин хабар 7 январ дар шабакаи иҷтимоии Фейсбук нашр шуд ва як сокини шаҳри Душанбе низ ба Sputnik Тоҷикистон муроҷиат намуда, аз вазъи ногувори зане хабар дод, ки дар назди яке аз бозорҳои шаҳри Душанбе бо тифлонаш нишаста, садақаталабӣ мекунад.

Вай гуфт, мушкили ин зан на фақат молӣ, балки иҷтимоӣ аст.

“Ман бо ӯ суҳбат кардам ва ӯ ба ман нақл кард, ки бори дуввум ба шавҳар баромада, ду тифл ба дунё овард ва аз шавҳари аввалааш як духтари 9-сола низ дорад. Аммо шавҳари наваш бо ин духтараш ҳаракатҳои бадахлоқона анҷом медиҳад. Вақте аз ин аъмол эътироз мекунад, шавҳараш ӯро латукӯб кардааст. Ӯ ба мақомоти милиса муроҷиат намудааст, аммо ба доди ӯ нарасидаанд”, - гуфт ӯ.

Sputnik Тоҷикистон дирӯз, 8 январ, бо ин зани ҷабрдида тамос барқарор кард ва ӯ ин хабарро тасдиқ намуд.

Номи ин зан барои идора маълум аст, аммо аз овардани он худдорӣ мешавад. Sputnik Тоҷикистон ин иттилоъро дар ихтиёри Маркази матбуоти РВКД дар шаҳри Душанбе қарор дод.

Субҳи имрӯз, 9 январ аз ин Марказ хабар доданд, ки ҳодиса таҳти санҷиш қарор дода шуд ва барои таҳқиқи холисона, ҳамаҷониба ва воқеъбинона тамоми қувваю воситаҳои мақомоти милитсияи шаҳри Душанбе равона гардид.

“Дар доираи баргузории чорабиниҳои оперативӣ-ҷустуҷӯӣ дар давоми рӯз баъди нашри хабар шахсияти ҷавонзани болозикгардида бо ҳамроҳии шавҳараш муайян ва ба Раёсати ВКД дар шаҳри Душанбе дастрас карда шуданд”, - гуфт манбаъ.

Бино ба иттилои манбаъ, дар пайи санҷиш шахсе ба номи Намозалӣ Эмомалиев, мутаваллиди 7 майи соли 1989, муваққатан истиқоматкунандаи шаҳри Душанбе, боздошт шуд, ки соли 2015 бо моддаи 177 – и Кодекси ҷиноии ҶТ (саркашӣ намудан аз пардохти алимент) ҳабс шудааст ва баъди ба озодӣ баромадан бо ҷавонзани муроҷеъ оиладор ва соҳиби 2 фарзанд шудааст.

“Муайян карда шуд, ки дастгиршуда Эмомалиев марҳила ба марҳила якчанд маротиба аз набудани ҳамсараш истифода бурда, дидаю дониста, ки духтарандари 10 - солааш дар ҳолати оҷизӣ қарор дорад, дар манзили истиқоматиаш нисбати охирон ҳаракатҳои дорои хусусияти шаҳвонидошта анҷом дода, бо ин роҳ нафси шаҳвониашро қонеъ намудааст”, - гуфт Маркази матбуоти РВКД дар шаҳри Душанбе.

Бино ба маълумоти ин Марказ, алайҳи Намозалӣ Эмомалиев аз рӯи моддаи 139, қисми 4 – и Кодекси ҷиноии Тоҷикистон (ҳаракати зӯроварии дорои хусусияти шаҳвонӣ) парвандаи ҷиноӣ оғоз ва тафтиши парванда таҳти назорати қатъии роҳбарияти мақомоти корҳои дохилӣ қарор дода шуд.

Тибқи талаботи моддаи мазкур, дастгиршударо ҳабси тулонӣ ба мӯҳлати 20 сол таҳдид мекунад.

1308
Разбитое стекло автомобиля, архивное фото

Садамаи маргбор: Аз шиддати зарбаи "Опел" Нозигул парида ба “Тайота" заду ҳалок шуд

676
(Таҷдидшуда 12:20 19.01.2021)
Вазорати умури дохилии Тоҷикистон аз рухдоди як садамаи мудҳиши нақлиётӣ хабар медиҳад, ки дар натиҷаи он як нафар ҳалок шудааст

ДУШАНБЕ, 19 январ - Sputnik. Бино ба иттилои дафтари матбуотии ин ниҳод, садамаи нақлиётӣ рӯзи 17-уми январи соли ҷорӣ, тахминан соати 14:20-дақиқа, дар роҳи "Ваҳдат-Душанбе" сар задааст.

Ба иттилои манбаъ, ронандаи автомашинаи тамғаи "Опел-Вектра", Гулаев Акмалҷон Нуралиевичи 27 сола, сокини ҷамоати деҳоти С.Раҳимови ноҳияи Темурмалик, ҳангоми ҳаракат дар роҳи нақлиётгарди "Ваҳдат-Душанбе", дар ҳудуди ҷамоати деҳоти Баҳори шаҳри Ваҳдат аз уҳдаи идораи автомашина набаромадааст.

Ӯ дар ҳамин ҳол, пиёдагардон: Мирзокаримова Гулизор Шодиевнаи 45-сола ва ноболиғ Маҳмадиева Нозигул Ҳабибовнаи 20-соларо пахш намудааст.

"Дар натиҷа, пиёдагарди ноболиғ Маҳмадиева Нозигул Ҳабибовна аз шиддати зарбаи сахт парида, ба қисмати пеши автомашинаи тамғаи “Тайота-Кемри”, таҳти идораи Ҳалимов Абдукарим Раҷабалиевичи 21 -сола, сокини ҳамин шаҳр, бархӯрда, дар ҷойи ҳодиса ба ҳалокат расидааст",-афзудааст манбаъ.

Садамаи маргбор: Ғафурҷон бо "Дамас"-аш Ҷаъфарбеки хурдсолро пахш карду гурехт

Гуфта мешавад, шаҳрванд, Мирзокаримова Г.Ш. ҷароҳати ҷисмонӣ бардошта, дар беморхона бистарӣ гардидааст.

ВУД мегӯяд, аз рӯйи ин ҳодиса таҳқиқот идома дорад.

676
Барчаспҳо:
фавт, ВАҳдат, садама, Тоҷикистон
Машина пожарной службы

Мақомот сабаби сӯхтори хонаи раиси бозор дар Душанберо гуфтанд-видео

295
Мақомот сабаби сӯхтори хонаи раиси бозори “Зарафшон”-и маҳаллаи Зарафшони шаҳри Душанбе Меҳрӣ Бӯриеваро, ки шоми 17 январ рух дод, расиши ноқилҳои барқӣ гуфтаанд

ДУШАНБЕ, 18 янв — Sputnik. Сӯхтор дар хонаи Меҳрӣ Бӯриева тахминан соати 19:30, замоне рух додааст, ки аъзои оила дар хона ҳузур доштанд, хабар додааст сомонаи “Фараж”.

Манбаъ аз қавли корманди  хадамоти сӯхторхомӯшкунӣ дар ноҳияи Рӯдакӣ, Нурмаҳмад Хӯшаев афзудааст, ки оташсӯзӣ масоҳати 50 метри мураббаъро дарбар гирифтааст.

Таъкид шудааст, ки сабаби сӯхтор расиши кӯтоҳи ноқилҳои барқӣ дар боми манзили истиқоматии соҳибкор Меҳрӣ Бӯриева будааст.

Оташнишонҳо саривақт ба ҷои ҳодиса расиданд ва аз зарари бештар ҷилавгирӣ карда шуд. Хушбахтона, ягон нафар аз аъзои оила дар сӯхтор зарари ҷисмонӣ набардоштанд, таъкид намудааст подполковник Нурмаҳмад Хӯшаев.

Дар баробари ин сомонаи Фараж хабар додааст, ки дар макони ҳодиса, яке аз ҳамсояҳои хонум Бӯриева гуфт, зарардида барои гарм кардани хонааш аз ангиштсанг истифода мекардааст ва пас аз гармии зиёди дудбаро боми хона, ки аз масолеҳи бомпӯши навъи “Ондулин” иборат аст, оташ гирифтааст.

295
Даст ба дуо, акс аз бойгонӣ

Афзоиши фавти эрониён аз COVID-19

0
(Таҷдидшуда 20:57 19.01.2021)
Вазорати беҳдошт ва дармони Эрон мегӯяд, дар 24 соати гузашта бар асари коронавирус дар ҷумҳурӣ 83 нафар ҷон доданд

ДУШАНБЕ, 17 янв — Sputnik. Шумори қурбониёни коронавирус дар Эрон, ки 83 миллион нафар аҳолӣ дорад, то имрӯз ба 56 ҳазору 973 тан расид. Дар шабонарӯзи гузашта 83 ҳолати фавт аз ин маризӣ сабт шудаанд.

Ба гузориши Вазорати беҳдошт ва дармони Эрон, дар 24 соати гузашта 5 ҳазору 917 бемори ҷадиди мубтало ба COVID-19 дар Эрон шиносоӣ ва аз ин теъдод 518 нафар бистарӣ шуданд, навиштааст сомонаи Парстудей.

Боз 300 ҳазор ваксина "Спутник V" дастраси мардуми Аргентина шуд - видео

Манбаъ афзуд,  маҷмӯи беморони мубтало ба вируси корона дар Эрон ба як миллиону 342 ҳазору 134 нафар расидааст, ки ҳудуди як миллиону 132 ҳазор нафар аз мубталоён ба ин вирус беҳбуд ёфта ва аз бемористонҳо мурраххас шудаанд.

Теъдоди афроди мубтало ба вируси корона дар ҷаҳон низ ба беш аз 96 миллион нафар расидааст, ки аз ин теъдод беш аз ду миллион нафари ҷони худро аз даст дода ва ҳудуди 69 миллион нафар ҳам беҳбуд ёфтаанд.

0
Барчаспҳо:
беморӣ, вируси корона, Эрон