Угонщик, архивное фото

Соҳибкори рус 6 мошини дуздидашудаашро тавассути додгоҳ аз Тоҷикистон баргардонд

626
(Таҷдидшуда 16:00 09.01.2021)
Ба як сокини Новосибирск муяссар шудааст, ки мошинҳои рабудаашро тавассути додгоҳи Душанбе баргардонад, ки қаллобон дуздидаву ба Тоҷикистон интиқол дода будаанд

 

ДУШАНБЕ, 9 янв – Sputnik.  Додгоҳи Душанбе ба сокини Новосибирск мошинҳои дуздидашудаи ӯро, ки дар Тоҷикистон пайдо шуданд, баргардонд, менависад хабаргузории “Красная Весна”.

Ба иттилои манбаъ, соли 2020 дар Новосибирск шаш мошин якбора дуздида шуда, ба Тоҷикистон интиқол дода шуд.

Ба гуфтаи соҳибкори ҷабрдида, зодагони Тоҷикистон аз рӯи нақшаи зерин кор кардаанд: аввал мошин киро карданд, баъд онро барои интиқол ба шариконашон супурдаву худашон бо ҳавопаймо парвоз карданд.

Мошинҳо тавассути шӯъбаи кофтукови ҷиноятии Вазорати корҳои дохила дар шаҳри Душанбе пайдо шуданд, ки аллакай дар Тоҷикистон будаанд.

Манбаъ мегӯяд, ҳамаи мошинҳо аз ҷониби гумрук ҳуҷҷатгузорӣ шуд, аллакай ба соҳибони нав супорида шудаанд, бинобар ин парвандаи ҷиноӣ оғоз карда шуд ва дуздони мошин пайдо шуданд.

Ҳамин тариқ, суди Душанбе чор шаҳрванди Тоҷикистонро дар ташкили дуздии се мошин гунаҳгор донист.

Онҳо бояд ҷарима супоранд ва мошинҳои тамғаи Hyundai Solaris -ро ба намояндаи соҳибкор баргардонанд.

Маълум аст, ки мурофиаи судӣ барои боқимондаи мошинҳои дуздидашуда низ ба итмом расидааст.

"Мошинҳо ба Русия барнагаштанд, зеро марзҳо бастаанд. Мо аллакай яктоашро дар онҷо фурӯхтем, панҷтои дигар истодааст, мунтазири кушодани марзҳо ҳастанд", - илова кард ҷабрдида.

Ба гуфтаи соҳиби ин фурӯшгоҳ, бори аввал дар Тоҷикистон парвандаи ҷиноӣ барои дуздии мошинҳо аз Русия боз шудааст.

Қаблан ҷониби осебдида дар қаламрави Русия ба додгоҳ муроҷиат карда буд, вале бо истифода аз ин механизм бозгардонидани ягон мошин ғайриимкон буд.

626
Автомобильная дорога, ведущая к городу Душанбе

Чаппа шудани мошин дар роҳи Хоруғ - Душанбе: ронанда бо ду мусофир ҷон дод

7268
(Таҷдидшуда 16:03 23.01.2021)
Ронандаи 46 - сола аз шаҳри Хоруғ бо 5 мусофир дар самти Душанбе ҳаракат мекард, ки дар нимароҳ ба садамаи мудҳиш рӯбарӯ шуд

ДУШАНБЕ, 23 янв — Sputnik. Кумитаи ҳолатҳои фавқулода аз рух додани садамаи мудҳиши нақлиётӣ дар километри 277 - уми роҳи мошингарди Кӯлоб - Хоруғ хабар медиҳад.

Ба иттилои манбаъ, ҳодисаи нохуш рӯзи 22 январ рух додааст.

"Ронандаи 46 - солаи автомашинаи "Landcruser", аз шаҳри Хоруғ бо панҷ мусофир самти пойтахт ҳаракат мекард, ки дар нимароҳ ба садама дучор шудааст", - таъкид мешавад дар хабар.

Манбаъ меафзояд, аз сабаби барфрезӣ ва шамоли сахт ронанда аз ӯҳдаи идораи автомашина набаромада, ба ҷарии 40 метр сарозер шуд.

Дар натиҷа худи ронанда бо ду мусофири дигар дар ҷойи ҳодиса ҷон бохтанд.

Тӯйхона мотамхона шуд: мошини домод замони барои арӯс рафтан дучори садама шуд

Гуфта мешавад, мусофирони дигарро бо ҷароҳатҳои гуногун ба бемористони шаҳри Кӯлоби вилояти Хатлон интиқол доданд. Маълумоти бештар дар мавриди фавтидагону ҷароҳатбардоштагон рӯйи даст нест.

Кумитаи ҳолатҳои фақулода ҳамчунин гуфт, рӯзи гузашта аз сабаби боришоти зиёди барф роҳи Шуғнон - Ишкошими ВМКБ муваққатан масдуд буд.

7268
Барчаспҳо:
садама, Хоруғ, Душанбе, роҳ, мошин
Вооруженные сторонники движения ИГИЛ, архивное фото

ДОИШ масъулияти ду ҳамлаи мудҳиши Бағдодро бар ӯҳда гирифт

144
(Таҷдидшуда 12:44 23.01.2021)
Ду маргталабе, ки худро назди бозоре дар Бағдод мунфаҷир намуданд, 32 нафарро куштанду 110 каси дигарро захмӣ намуданд

ДУШАНБЕ, 23 янв — Sputnik. Ахиран гурӯҳи террористии ДОИШ ба таври расмӣ масъулияти ду инфиҷори интиҳорӣ дар Бағдодро бар ӯҳда гирифт, хабар медиҳад сомонаи "Аъмоқ", ки вобаста ба ин гурӯҳ аст.

Манбаъ меафзояд, рӯзи панҷшанбе дар Бағдод яке аз аносири ин гурӯҳ ба номи Абуюсуф ал-Ансорӣ камарбанди инфиҷории худро дар майдони Ал-Тайрони Бағдод мунфаҷир кард ва камарбанди дуввумро низ Муҳаммадориф ал-Муҳоҷир, узви дигари ин гурӯҳи террористӣ ба ҳамин равиш мунфаҷир кардааст.

Ба гуфтаи масъулони ироқӣ ин ду инфиҷор, ки дар бозори пуриздиҳоми майдони Ал-Тайрони Бағдод ба вуқуъ пайваст, 32 куштаву 110 захмӣ барҷой гузоштааст.

Пайёми Оиша аз Бағдод: падару модарамро гум кардам

Ба дунболи ин ду инфиҷори террористӣ, Мустафо Ал-Козимӣ, нахуствазири Ироқ дастури оғози таҳқиқоти фавриро барои равшан шудани иллати он ва пайгарди мағзҳои террористӣ, ки убури террористҳо ва фаъолияти онҳоро осон карданд, содир кард.

Ин ду инфиҷор бо маҳкумияти шадиди кишварҳову созмонҳои мухталиф, аз ҷумла Ҷумҳурии исломии Эрон рӯ ба рӯ шуд.

144
Барчаспҳо:
ҳамла, масъулият, ДОИШ, Бағдод
Бокс, архивное фото

Воҳидов камарбанди WBO-ро гирифт: набарди дидании муштзани шикастнадидаи тоҷик-видео

0
(Таҷдидшуда 00:27 24.01.2021)
Асрор Воҳидов, муштзани шикастнадидаи тоҷик, дар мусобиқаи байналмиллалии “RCC Boxing Promotions” камарбанди WBO (Созмони ҷаҳонии бокс)-ро соҳиб гашт

ДУШАНБЕ, 23 янв – Sputnik. Ин рақобати нуҳуми Воҳидов буд, ки бидуни шикаст поён ёфт.

Мусобиқот шоми имрӯз дар шаҳи Екатеринбург баргузор гардида, Воҳид Асроров намояндаи Африқои Ҷанубӣ Тато Бонокоанеро шикаст дод.

Мавриди зикр аст, ки рақобат барои ҳарду варзишкор шадид оғоз шуд, аммо Воҳидов майдондориро аз даст намедод ва ин буд, ки пас аз зарбаҳои шадиди пайиҳам ҳарифашро дар даври 9-ум нокаут кард.

Гуфта мешавад, ин рақобат барои Воҳидов зарурӣ буд, зеро он барои камарбанди WBO Oriental баргузор шуда буд.

Видеои муштзании Воҳидови шикастнадида бо “Ракета”-и қазоқ: пирӯзӣ баъди нокдаун-навор

Ҳамакнун Воҳидови 26-сола дар 9 сабқати касбӣ 9 пирӯзӣ ба даст овард.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

0