Мальчик на осле в горах Таджикистана

Шароит надоранд, ё қонунро намедонанд? 30 парванда алайҳи волидон дар Суғд

215
(Таҷдидшуда 18:17 14.01.2021)
Маъмурони пулис нисбати як ҷавонзан, сокини шаҳри Истравшан, барои монеъ шудан ба рафтани фарзандаш ба мактаб парвандаи ҷиноӣ боз кардаанд

ДУШАНБЕ, 14 янв – Sputnik. Бо таъйиди ин хабар манобеъ аз РВКД дар вилояти Суғд, ба Sputnik Тоҷикистон гуфтанд, ки ин зани 30-сола (номи ин зан ба хотири ҳифзи шаъну эътибораш нашр карда намешавад), сокини шаҳри Истаравшан дар он хусус ҷавобгар дониста мешавад, ки барои гирифтани таълими ҳатмии фарзандаш, писарчаи 10-сола, хонандаи синфи 3 аз моҳи сентябр то моҳи декабри соли 2020 монеъ шудааст.

"Нисбати ин зан санаи 11 январи соли ҷорӣ бо аломати моддаи 164-и Кодекси ҷиноятии Ҷумҳурии Тоҷикистон аз ҷониби масъулони Хадамоти огоҳонӣ ва пешгирии ҳуқуқвайронкунӣ байни ноболиғон ва ҷавонон дар шаҳри Истаравшан парвандаи ҷиноӣ оғоз карда шуда, айни ҳол тафтишот идома дорад", - гуфт манбаъ аз РВКД ба Sputnik Тоҷикистон.

Моддаи 164-и Кодекси ҷиноӣ, барои монеъ шудан ба таҳсилоти ҳатмии асосӣ, яъне 9-сола ҷарима ба андозаи аз 1 ҳазор то 2 ҳазор нишондиҳанда барои ҳисобҳо ё то 2 соли зиндонро пешбинӣ мекунад.

Бино ба иттилои расмӣ,  давоми соли 2020, 29 парванда бо чунин модда нисбати волидони хонандаҳои мактаб дар шаҳру навоҳии Суғд боз карда шудааст.

Парванда алайҳи зани 30-солаи Истаравшан, 30-юмин ҳолат давоми як солу 11 рӯзи охир дар Суғд, шимоли Тоҷикистон ба ҳисоб меравад.

Дар гузашта ҳам мақомот дар бораи даҳҳо парвандаи волидон дар баррасии судҳо иттилоъ медоданд.

Масъулони комиссияи ҳифзи ҳуқуқи кӯдак дар кишвар дар бораи парҳез аз кору заҳмати сангини атфол таъкид намуда, мегӯянд, ки бояд шароити мусоид аз сӯи волидон барои таълиму тарбияи кӯдакон фароҳам шавад.

Маркази бозиҳои компютерӣ ба ҷои мактаб: боздошти беш аз 25 ноболиғу ҷавон дар Ҳисор

Аммо иддае аз ҷомеашиносон меӯянд, мушкили шароити иқтисодӣ низ ҳаст, ки баъзеи наврасон худсарона ба корҳои сахти ҷисмонӣ машғул шуда, шавқи бештари таҳсил кардан дар мактабро надоштаанд.

Тибқи муқаррароти қонуни Тоҷикистон дар бораи масъулияти падару модар дар таълиму тарбияи фарзанд, гаштугузори ноболиғон дар фасли зимистон баъд аз соати 20 ва дар фасли баҳор аз соати баъд аз 22-и шаб манъ аст.

Дар ҳоли ҷой доштани чунин ҳолатҳо нисбати волидони ноболиғон бар тибқи моддаи 90-и Кодекси ҳуқуқвайронии маъмурӣ санади ҷаримавӣ татбиқ карда мешавад.

Ин моддаи қонун ё огоҳӣ ва ё ба андозаи аз 3 то 5 нишондиҳанда барои ҳисобҳо муодили 174 то 290 сомонӣ ҷарима пешбинӣ мекунад.

РВКД дар вилояти Суғд чанде пеш дар бораи парвандаҳои маъмурии 1837 волидон бар тибқи моддаи 90 -и (беназорат гузоштани фарзандони ноболиғ дар вақти муқаррарнамудаи қонун) Кодекси ҳуқуқвайронкунии маъмурӣ хабар дода, шарҳ дода буд, ки дар 948 ҳолати ин парвандаҳо ҷарима татбиқ шуда, 749 нафар огоҳӣ гирифта, 136 парвандаи дигар дар баррасии судҳо қарор дорад.

Раёсати маорифи Суғд мегӯяд, соли таҳсили 2020 - 2021 дар бештар аз 930 муассисаҳои таҳсилоти умумии мавҷудбудаи шаҳру ноҳияҳои вилоят, беш аз 548 ҳазор хонанда ба таълиму тарбия фаро гирифта шудаанд, ки ин рақам назар ба соли таҳсили қаблӣ ҳудуди 15 ҳазор хонанда зиёд гуфта мешавад.

215
Барчаспҳо:
парванда, волидон, Суғд, Тоҷикистон
Сотрудники КЧС спасли двух подростков

Наҷоти ду ноболиғ дар пойтахти Тоҷикистон

276
(Таҷдидшуда 19:31 21.01.2021)
Кормандони Кумитаи ҳолатҳои фавқулодда дар шащри Душанбе ду кӯдаки ноболиғе, ки дар дохили хона банд монданд, наҷот доданд

ДУШАНБЕ, 21 янв— Sputnik. Ба нақл аз КҲФ-и Тоҷикистон як сокини хиёбони Рӯдакии пойтахт ба қисми навбатдории Раёсати Кумитаи ҳолатҳои фавқулодда дар шаҳри Душанбе занг зад ва хабар дод, ки дари манзили истиқоматиаш баста ва ду кӯдаки ноболиғаш дар дохили хона мондааст.

Манбаъ иттилоъ додааст, ки дастаи махсуси зудамали наҷоти КҲФ дар шаҳри Душанбе дар ҳайати 5 нафар, ба ҷои ҳодиса сафарбар шуданд.

“Лозим омад бо истифода аз нардбон ва дигар таҷҳизот аз тиреза вориди хона шаванд ва дарро аз дарун боз кунанд. Маълум шуд, ки ду кӯдак, ки яке духтарчаи 7-сола ва дигар писарчаи 8-сола дар дохили хона монда буданд”, - таъкид доштааст манбаъ.

КҲФ-и Тоҷикистон қайд кардааст, ки кӯдакон солим ба модарашон супурда шуданд ва ба ҳеч ёрии тиббиву равонӣ ниёз надоштанд.

Дар ҳамин ҳол КҲФ зикр кардааст, ки дар зарфи як ҳафтаи охир танҳо дар шаҳри Душанбе ин чорумин ҳолатест, ки модарон саросема аз манзил берун мешаванд ва тифлон дар дохил танҳо мемонанд. 

276
Барчаспҳо:
Душанбе, пойтахт, ноболиғ, наҷот, КҲФ Тоҷикистон, КҲФ, Тоҷикистон
Скорая помощь в Афганистане, архивное фото

Таркиши шадид дар бозори Бағдод: ду маргталаб 28 нафарро куштанду 75 касро захмӣ карданд

58
Зӯҳри рӯзи 21 январ дар Бағдод ду таркиши мудҳиш рух дод, ки дар натиҷа теъдоди зиёди куштаву ҷароҳатбардоштаро дарпай дошт

ДУШАНБЕ, 21 янв – Sputnik. Вазорати дохилаи Ироқ ҷузъиёти ду таркиши маргталабонаи зуҳри имрӯз дар маркази Бағдодро мунташир кард, хабар медиҳад Парс тудей бо такя ба ИРНА.

Манбаъ аз қавли Холид Алмуҳанно сухангӯи вазорати умури дохилаи Ироқ дхабар медиҳад, ки аввалин террористи ҳомили камарбанди таркишӣ вонамуд карда, ки бемор аст ва вақте мардум дар атрофаш ҷамъ шуданд,худро мунфаҷир карда аст.

Зимнан, маргталаби дигар низ ба фосилаи андаке вақте мардум барои интиқоли захмиҳо ҷамъ шуданд, камарбанди интиҳории худро мунфаҷир кард.

Бар асари инфиҷор дар бозори марказии Бағдод 28 тан кушта ва 73 нафар захмӣ шуданд.

Инфиҷор дар Кобул 18 куштаю захмӣ барҷой гузошт

Ҳамзамон низ ҳамаи масирҳо ва вурудиҳои мунтаҳӣ ба минтақаи амниятии сабз дар маркази Бағдод, ки дафотири теъдоде аз ниҳодҳои байналмиллалӣ , сафоратхонаҳо ва дастгоҳҳои муҳими ҳукуматӣ дар онҷо қарор дорад, баста шуда аст. Ин минтақа ду километр аз майдони Алтирон фосила дорад.

Ҳанўз ҳеч фард ё гурӯҳе масъулияти ин ду инфиҷори интиҳорӣ дар Бағдодро то кунун бар уҳда нагирифта аст.

58
Барчаспҳо:
маргталаб, таркиш, Бағдод
 Председатель Демократической партии  Саидджафар Усмонзода

Роҳбари ҳизби демократи Тоҷикистон дар ноҳияи Панҷ маълум шуд

0
(Таҷдидшуда 21:07 21.01.2021)
Мақсуд Нуруллоев раиси бахши Ҳизби демократи Тоҷикистон дар ноҳияи Панҷ интихоб шудааст

ДУШАНБЕ, 21 янв — Sputnik. Ба нақл аз сомонаи рӯзномаи “Фараж” интихоби Мақсуд Нуруллоев дар ҳолест, ки моҳи апрели соли гузашта раиси собиқи бахши ҲДТ дар ноҳияи Панҷ Шариф Назаров, бинобар сабаби гирифторӣ бемории ҳамагири коронавирус аз олам даргузашт.

Дар ҳамин ҳол, раиси ҲДТ Саидҷаъфар Усмонзода таъкид доштааст, ки  Мақсуд Нуруллоев аз соли 2013 инҷониб узви ҳизб аст. Вай қайд кардааст, ки ҲДТ дар ноҳияи Панҷ 227 аъзо дорад.

Усмонзода сабаби интихоби шудани Нуруллоевро ба раисии бахши ҳизб дар ин ноҳия ба “фаъолу дилсӯз” будани ӯ рабт дод.

Манбаъ зикр кардааст, ки Мақсуд Нуруллоев соли гузашта дар баробари раиси феълии ноҳияи Панҷ Шоҳиён З. дар интихобот ба вакили маҷлиси вакилони халқи вилояти Хатлон дар ҳавзаи интихоботии Панҷ-54, тариқи худпешбарӣ, номзад буд, аммо мутаасифона интихоб нагардид.

Нуруллоев Мақсуд Бекмуродович 26-уми июли соли 1977 дар деҳаи ба номи Ҳасан Шерови ҷамоати Озодагони ноҳияи Панҷ, дар оилаи ронанда ба дунё омада, солҳои 1983-1993 дар муассисаи таҳсилоти миёнаи умумии рақами 12-и деҳааш таҳсил кардааст. Ихтисосаш ронанда аст. Ӯ то чанд соли охир раисии кумитаи маҳаллаи деҳаи ба номи Ҳасан Шеровро ба уҳда дошт.

0
Барчаспҳо:
интихоб, Панҷ, раис, Ҳизби демократи Тоҷикистон