Девушка в наручниках, фото из архива

Зан мардро "шантаж" мекард: пули калон диҳӣ маълумотҳои бадномкунандаро паҳн намекунам

2109
(Таҷдидшуда 13:32 25.01.2021)
Вазорати умури дохилаи Тоҷикистон аз боздошти зани 32 сола хабар дод, ки бо усули "шантаж" аз як мард пули калон ситонид

ДУШАНБЕ, 25 янв— Sputnik. Бино ба иттилои дафтари матбуотии ин ниҳод, зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани 32-солаи сокини ҷамоати деҳоти Чоркӯҳи шаҳри Исфара ҳамчун гумонбар дар содир намудани ҷинояти тамаъҷӯӣ дастгир карда шуд.

Гуфта шудааст, ки зани мазкур соли 2016 бо марди 32-солаи сокини ҷамоати деҳоти Чоркӯҳ шинос шуда, барои паҳн накардани маълумотҳои бадномкунанда, аз ҷабрдида ба маблағи 22 ҳазору 824-сомонӣ талаб намудааст.

Манбаъ таъкид доштааст, ки номбурда санаи 21-уми январи соли 2021, дар ҳудуди ҷамоати деҳоти мазкур ҳангоми гирифтани 2 ҳазору 750-сомонӣ дастгир карда шуд.

Дар ҳоли ҳозир ба иттилои манбаъ, нисбати гумонбаршаванда парвандаи ҷиноятӣ бо моддаи 250 қисми 1 Кодекси ҷиноятии Тоҷикистон оғоз карда шуда, тафтишот идома дорад.

Ёдрас мешавем, ки чанде пеш ВУД-и Тоҷикистон аз боздошти як марде хабар дода буд, ки мехост бо усули "шантаж" аз як зан пул ситонид.

Ба иттилои манбаъ, номбурда, бо зани 39-солаи сокини шаҳри мазкур рафту омади дӯстона дошта, бо роҳи иъроб (шантаж) таҳдид кардааст, ки дар ҳолати ба ӯ 500-доллари амрикоӣ оварда надиҳад, оид ба алоқаҳои байни онҳо ба хешовандони наздикаш расонида, ҳамзамон ба шабакаҳои иҷтимоии интернетӣ паҳн мекунад.

Гуфта мешавад, номбурда, дар маҳаллаи Зарафшон ҳангоми гирифтани 300 доллари амрикоӣ дастгир гардид.

Бояд қайд кард, ки ин нахустин ҳолати тамаъҷӯйӣ бо усули "шантаж" набуда, қаблан низ вазорат аз чунин ҳолату боздоштҳо хабар дода буд.

2109
Барчаспҳо:
бадномкунӣ, пул, мард, шантаж, тамаъҷӯӣ, зан, боздошт, Тоҷикистон
Задержание, архивное фото

Навори бозпурсии ноболиғе, ки ҳамсинфашро нахуст бо санг кушту пасон оташ зад - видео

1025
(Таҷдидшуда 14:26 04.03.2021)
Вазорати корҳои дохилии Тоҷикистон навори бозпурсии ноболиғи 17-соларо, ки дар қатли бераҳмонаи ҳамсинфаш гумонбар дониста мешавад, нашр кард

ДУШАНБЕ, 4 мар — Sputnik. Вазорати умури дохила ахиран дар ин бора шоми 3-юми март гузориши телевизионӣ нашр кард.

Ин ниҳод, сабаби қатли Ҳоким Бобоев, навраси 17-соларо дар ноҳияи Рӯдакӣ ба "муноқишаи миёни ду ҳамсинф" ва "хусумати кӯчак" рабт додааст.

Гуфта мешавад ҳоло қотили Ҳоким Бобоев боздошт шудааст.

ВКД қайд кардааст, ки беназоративу бемасъулиятии волидайн ва таваҷҷуҳ накардан ба рафтору кирдор  фарзандони ноболиғ ба он оварда мерасонад, ки ноболиғон ба ҷиноятҳои вазнин ва махсусан вазнин даст зананд.

"Чунин як бемасъулиятии волидайн ва масъулини муассисаи таълимӣ дар ноҳияи Рӯдакӣ ба он анҷомид, ки як нафар ноболиғи 17 сола аз ҷониби ҳамсоли хеш бо як бераҳмии махсус ба ҳалокат расонида шуд”, - иттилоъ дод манбаъ.

Гуфта мешавад, ки ҷиноят 25-январи соли равон дар ҳудуди деҳаи чортеппаи ноҳияи Рӯдакӣ дар заминаи хусумати кучак содир гардид.

“Ҳамсолон миёни ҳам муноқиша карда, сипас, гумонбар бо мақсади аз ҳаёт маҳрум кардани ҳамсинфи хеш дар яке аз манзилҳои нотамом бо санг ба сару рӯйи дувумӣ зада, ба ҳалокат расондааст", - гуфта шуд дар гузориши расмии Вазорати корҳои дохилӣ.

Худи гумонбаршаванда зимни бозпурсӣ дар ҷойи ҳодиса гуфт: “Санга гирифтам бар сараш задам, ҳички нафаҳма гуфта дар инҷо оташаш задам” .

ВКД-и Тоҷикистон таъкид доштааст, ки гумонбаршаванда барои рӯйпӯш кардани ҷиноят ва аз байн бурдани изи ҷиноят шабона ба макони ҳодиса омада тавасути сӯзишворӣ ҷасади ҳамсинфашро оташ задааст.

ВКД-и Тоҷикистон зикр кардааст, ки вобаста ба ҳолати ҷойдошта аз ҷониби Прокуратураи ноҳияи Рӯдакӣ бо дастрасии моддаи 104 қисми 2-и Кодекси Ҷиноятии Тоҷикистон парвандаи ҷиноятӣ оғаз гардида дар ҳолати тафтишот қарор дорад.

1025
Барчаспҳо:
гумонбар, қатл, ноболиғ, бозпурсӣ, навор, вазорати корҳои дохилӣ, Тоҷикистон
Сотрудники ФСБ РФ во время задержания гражданина одной из Центрально-азиатских республик

42 зарби корд барои 60 сомониву телефон: Саймумин гуфт, чӣ гуна таксиронро кушт - видео

4432
(Таҷдидшуда 20:23 03.03.2021)
Вазорати корҳои дохилии Тоҷикистон навори бозпурсии Саймумин Муҳиддинов, ки дар қатли ваҳшиёнаи таксирон бо 42 зарби корд гумонбар мешуд, нашр кард

ДУШАНБЕ, 3 мар — Sputnik. ВКД-и Тоҷикистон дар як наворе ҷузъиёти пуррраи ин ҷиноятро мадҳушро шарҳ додааст.

Ба гузориши ВКД номбурда санаи 15 феврал соли равон бо мақсади ба даст овардани маблағи муфт бо истифодаи зуровари автомашинаи мусофиркашони таксиии Эраҷи Эмомалӣро манъ карда бо корди ба ӯ ҳамла намуда аз ӯ ронанда талаби пулӣ кардааст. Баъд аз шунидани ҷавоби рад ба узвҳои ҳаётан муҳими ронанда 42 маротиба зарба зада бо як бераҳмии махсус дар кӯчаи деҳоти ба ҳалокат расонидааст.

Худи Саймумин Муҳиддинов зимни бозпурси гуфт: “гуфтамаш, ки 8 сомонӣ дорам мешавад? Гуфт намешавад. Манам беақлӣ карда, дар ёдам корд зад. Кордро гирифтам ба бари манаҳаш гузоштам. Ва ӯро таҳдид кардам, мехостам пулҳояшро бигирам. Ронанда тарсид дастамро гирифт, сипас  миёнамон занозанӣ сар зад. Охир дар ёд дорам, ки аввалин корди задаам ба китфаш буд”.

ВКД таъкид доштааст, ки Муҳиддинов Саймумин ба шаҳри Душанбе омада ба чанд рӯз ба айшу ишрат ва беҳудагарди машғул будааст.

ВКД-и Тоҷикистон таъкид кардааст, ки баъд аз куштори ронандаи такси номбурда аз ҷайби ӯ 60 сомонӣ ва телефони мобиливу дигар ҳуҷатҳоро гирифта аз ҷои ҳодиса ғайб задааст.

Кормандони милитсияи дар давоми 24-соат ошкорсозии ин ҷинояти мудҳишро таъмин карданд ва муайян карданд, ки ҷинояти мазкурро шаҳрванд Муҳиддинов Саймумин Саймуддинович санаи таваллудаш 20.08.2000, сокини ҷамоати деҳоти Истиқлоли ноҳияи Ҷайҳун содир намудааст.

Ӯ аз зодгоҳа дастгир ва ба шаҳри Душанбе интиқол дода шуд.

Ҳоло нисбати гумонбаршаванда Саймумин Муҳиддинов дар Прокуратураи шаҳри Душанбе тибқи талаботи моддаи 104 (одамкушӣ) Кодекси ҷиноятии Тоҷикистон парвандаи ҷиноятӣ оғоз карда шуда мавриди тафтиш қарор дорад.

4432
Барчаспҳо:
навор, гумонбар, таксӣ, бозпурсӣ, вазорати корҳои дохилӣ, Тоҷикистон
Новоизбранный премьер-министр Садыр Жапаров

Ҷабборов бо сафари расмӣ ба Тоҷикистон меравад

46
Роҳбари Қирғизистон Содир Ҷаббаров бо сафари расмӣ ба Душанбе сафар карданист ва дар ояндаи наздик ӯ инчунин аз Ӯзбекистон, Чин ва Туркманистон дидан хоҳад кард

ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.

Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.

"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", -  гуфт сарвари вазорати корҳои хориҷӣ.

Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.

Ҷабборов ба кишвардори Русия тӯҳфаи ғайриоддӣ дод

Хотиррасон мекунем, ки қаблан Президент ба Русия ва Қазоқистон ташриф оварда буд.

Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.

46
Барчаспҳо:
сафар, Тоҷикистон, раисҷумҳур, Қирғизистон