Ҳалокати ду шикорчӣ зери тарма дар Ромит - акс

© Sputnik / Денис Абрамов / Гузариш ба медиабонкДорожная техника расчищает автомобильную дорогу от лавины, архивное фото
Дорожная техника расчищает автомобильную дорогу от лавины, архивное фото - Sputnik Тоҷикистон, 1920, 05.02.2021
Обуна шудан
Кумитаи ҳолатҳои фавқулода аз дарёфти ҷасади ду шикорчӣ - сокинони деҳаи Ғускефи ҷамоати деҳоти Ромит хабар медиҳад
ДУШАНБЕ, 5 фев— Sputnik. Шикорчиён рӯзи 3 феврал ба кӯҳҳои Ромит ба шикор баромада, бедарак шуда буданд, хабар медиҳад Кумитаи ҳолатҳои фавқулода.
Гуфта мешавад, ки хабари бедарак шудани шикорчиёнро ба шуъбаи Кумита дар шаҳри Ваҳдат раиси ҷамоат расонида, барои ёрӣ дар ҷустуҷӯи одамон муроҷиат кардааст.
"Барои баргузории корҳои ҷустуҷӯӣ наҷотдиҳандагони Кумита сафарбар карда шуданд”, - омадааст дар хабарнома.
Ҳамроҳи наҷотдиҳандагон ва аҳолии маҳаллӣ корҳои ҷустуҷӯӣ оғоз гардида, рӯзи 4 феврал ҷасадҳои онҳо дарёфт ва аз зери барф берун оварда шуда, ба наздиконашон супурда шуд.
© КҲФ ТоҷикистонҶасади шикорчиёни бедаракшуда
Ҷасади шикорчиёни бедаракшуда  - Sputnik Тоҷикистон, 1920, 06.04.2021
Ҷасади шикорчиёни бедаракшуда
Ҳалокшудагон сокинони 48 ва 32-солаи деҳаи Ғускефи ҷамоати деҳоти Ромит мебошанд.
"Сарфи назар аз чандин маротиба огоҳ кардан дар бораи риояи қоидаҳои бехатарӣ ва худдорӣ варзидан аз кӯҳбароӣ бо мақсади шикору ҷамъоварии ҳезум ва чаронидани чорво, бархе аз шаҳрвандон онҳоро нодида мегиранд, ки мутаассифона, ба фоҷеа боис мегардад", - таъкид кардааст ин ниҳод.
Ба шикорчиёни ВМКБ тиру милтиқ доданд - аксҳо
Кумитаи ҳолатҳои фавқулода хотиррасон мекунад, ки обуҳавои гарми чанд рӯзи ахир хатари фаромадани тармаву ярч ва сангрезаро бештар мекунад ва аз ин рӯ, эҳтиёткору ҳушёр мебояд буд.
Лентаи хабарҳо
0