Скорая помощь, архивное фото

Садама дар Ваҳдату ноҳияи Турсунзода ду кушта бар ҷой гузошт

379
(Таҷдидшуда 13:57 08.02.2021)
Бар асари ду садамаи маргбор дар шаҳрҳои Турсунзода ва Ваҳдат як ҷавони 22 - сола ва марди 52 - сола ҷон аз даст доданд

ДУШАНБЕ, 8 фев — Sputnik. Вазорати умури дохилаи Тоҷикистон аз ду садамаи маргбори нақлиётӣ дар роҳҳои кишвар хабар медиҳад, ки дар пай талафоти ҷонӣ ба бор оварданд.

Ба иттилои котиботи ВУД Тоҷикистон, садамаи аввал рӯзи 6 феврал, тахминан соати 23:30 дақиқа ба айби ронандаи автомашинаи тамғаи "Мерседес - Бенс" рух дод.

"Расулов Зафари 32 - сола, сокини шаҳри Ваҳдат аз ӯҳдаи идораи нақлиёт набаромада, дар ҳудуди ҷамоати деҳоти Абдувосиев пиёдагарди 22 - соларо пахш кард", - таъкид мешавад дар хабар.

Гуфта мешавад, Муродов, ки низ сокини шаҳри Ваҳдат аст, аз ҷароҳатҳои бардошта дар беморхона ба ҳалокат расид.

Чунин як садамаи маргбор дар шаҳри Турсунзода нисфирӯзи 7 феврал ба вуқӯъ омад.

Манбаъ меафзояд, ронандаи автомашинаи тамғаи "ВАЗ-2110", Раҷабов Исломҷони 20 - сола, ҳангоми ҳаракат дар ҳудуди роҳи мошингарди ҷамоати деҳоти Тӯйчиеви шаҳри мазкур аз уҳдаи идораи автомашина набаромада, дучархарон Худоёрови 52 - соларо пахш кард.

Садамаи маргбор дар роҳи "Душанбе-Кӯлоб" як куштаю се захмӣ бар ҷой гузошт

Дар натиҷа, Худоёров ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

ВУД Тоҷикистон мегӯяд, аз рӯи ин ҳодисаҳо таҳқиқот идома дорад.

379
Барчаспҳо:
Турсунзода, ВАҳдат, садама
Медицинская каталка в больнице, архивное фото

Сӯхтор дар Толятти: муҳоҷири тоҷик ду фарзандашро наҷот доду кӯдаки ду - солааш ҷон бохт

392
(Таҷдидшуда 14:11 25.02.2021)
Сӯхтор дар як анборе сар зад, ки муҳоҷири тоҷик ҳамроҳ бо зану се фарзанди худ ба сар мебурд

ДУШАНБЕ, 25 фев — Sputnik. Дар ноҳияи Толятти Русия дар як анбор сӯхтор сар задаст, ки талафоти ҷонӣ дар пай дошт. Котиботи шӯъбаи назорати вилояти Самара хабар медиҳад, ки дар сӯхтор кӯдаки 2 - сола аз Тоҷикистон ҷон бохтааст.

Ба иттилои манбаъ, дар анбори мазкур як хонаводаи тоҷик зиндагӣ мекарданд. Ҳодисаи нохуш рӯзи 24 феврал сар задаст ва сабаби он "нодуруст истифода шудани дастгоҳи гармидиҳӣ" арзёбӣ мешавад.

Манбаъ меафзояд, муҳоҷири тоҷик ду фарзанди худро аз алангаи оташ берун овард, вале фарзанди 2 - солаи ӯ ҷон аз даст дод.

Гуфта мешавад, волидони кӯдаки марҳум ҳоло дар беморхона қарор доранд.

Зимнан, қайд мешавад, ки пас аз сӯхтор прокуратура санҷиш ташкил карда, дар ҷараёни он маълум гардид, ки анбор барои фаъолияти тиҷоратӣ бо иштироки муҳоҷирон истифода шудааст. Ҳоло қонунӣ будани кори шаҳрвандони хориҷӣ тафтиш карда мешавад.

Зодагони Тоҷикистон дар Петербург мардумро аз коми оташ наҷот доданд - навор

Мақомот аллакай аз рӯи ҳодисаи мазкур парвандаи ҷиноӣ боз карданд.

392
Барчаспҳо:
тоҷик, муҳоҷир, сӯхтор, Толятти
Драка, архивное фото

Ҳисси бадбинӣ: домод додарарусашро корд зад

377
(Таҷдидшуда 12:44 25.02.2021)
Вазорати умури дохилаи Тоҷикистон аз боздошти ҷавони 27-сола хабар дод, ки дар таҳдиди куштан ё расонидани зарари вазнин ба саломатии додарарусаш гумонбар дониста мешавад

ДУШАНБЕ, 25 фев — Sputnik. Тибқи иттилои Вазорати умури дохила, ҳодисаи мазкур санаи 7-уми январи соли равон дар маҳаллаи Бедаки ҷамоати деҳоти Д.Холматов ноҳияи Б.Ғафуров сурат гирифтааст.

Гуфта шудаааст, ки номбурда, дар назди бинои истиқоматии сохтмонаш нотамоми маҳаллаи Бедаки ҷамоати деҳоти Д.Холматов бо додари ҳамсараш, ҷавони 23-солаи сокини ҷамоати деҳоти Д.Холматов вохӯрда, аз рӯи хусумат ва ҳисси бадбинӣ бо ӯ ҷангу ҷанҷол намудааст.

“Ҳангоми ҷангу ҷанҷол ҷавони 27-сола додари ҳамсарашро бо корди дар дасташ буда, 1-маротиба ба панҷаи дасти рости охирон задааст”, - таъкид доштааст ВУД-и Тоҷикистон.

Таъкид шудааст, ки дар натиҷа, ҷабрдида ҷароҳати ҷисмонӣ бардоштааст.

Ҳамзамон манбаъ қайд кардааст, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 27-солаи сокини ҷамоати деҳоти Исмоили ноҳияи Б.Ғафуров бо гумони таҳдиди куштан ё расонидани зарари вазнин ба саломатӣ дастгир карда шуд.

Дар ҳоли ҳозир, нисбати гумонбаршаванда парвандаи ҷиноятӣ бо моддаи 120 Кодекси ҷиноятии Тоҷикистон оғоз карда шуда, тафтишот аз сӯи мақомоти ҳифзи ҳуқуқ идома дорад.

377
Барчаспҳо:
корд, куштанд, таҳдид, ҷавон, вазорати умури дохила, боздошт, Тоҷикистон
День 26 февраля нац

Истеҳсоли "Волксваген" ва шомил шуданиТоҷикистон ба САҲА: имрӯзи таърих

0
(Таҷдидшуда 18:47 25.02.2021)
Рӯзи бисту шашуми феврал, Рӯзи байналмилалии фориғболӣ мебошад. Дар ин рӯз раҳбари ансамбли фолклории "Помир", фалаксарои маъруф Соҳиба Давлатшоева ба дунё омадааст

Рӯзи 26 феврал дар ҷаҳон чӣ рух дод

Соли 1936 дар Олмон нахустин автомобили "халқӣ"- "Волксваген" истеҳсол карда шуд.

Соли 2017 дар намоишгоҳи техникӣ-коммуникатсионӣ дар Барселона тамғаи навкардашудаи телефони Nokia 3310 ба  тамошо гузошта шуд.

Рӯзи 26 феврал дар Тоҷикистон чӣ рух дод

Соли 1995 аввалин маротиба дар Тоҷикистони соҳибистиқлол интихоботи парлумонӣ баргузор гардид.

Соли 1992 Тоҷикистон ба САҲА ҳамроҳ шуд.

Соли 2010 дар Душанбе маросими ботантанаи мукофотонидани барандагони стипендияи ба номи Дмитрий Менделеев баргузор гардид.

Соли 2014 дар ҷаласаи Шӯрои Маҷлиси миллии Маҷлиси Олии Ҷумҳурии Тоҷикистон лоиҳаи қарорҳои Маҷлиси миллии Маҷлиси Олии Ҷумҳурии Тоҷикистон "Оид ба ворид намудани тағйирот ба Қонуни конститутсионии Ҷумҳурии Тоҷикистон "Дар бораи мақомоти прокуратураи Ҷумҳурии Тоҷикистон" баррасӣ карда шуд

Соли 2016 ташаббусҳои муштараки Тоҷикистону Нидерландия муҳокима карда шуданд.

Соли 2016 дар Ню-Йорк ташаббуси Тоҷикистон дар масъалаи рӯзномаи ҷаҳонии оби тоза муҳокима карда шуд.

Соли 2009 дар Кохи Ваҳдати пойтахт бо ширкати Эмомалӣ Раҳмон ба муносибати 1310-солагии Имоми Аъзам конфронси ҷумҳуриявии илмӣ-амалӣ таҳти унвони "Мероси Имоми Аъзам ва фарҳанги миллӣ" баргузор гардид.

Ҷашнҳои рӯзи 22 январ дар Тоҷикистон ва ҷаҳон

Соли 2014 Консепсияи пешрафти инноватсионии комплекси агросаноатии Ҷумҳурии Тоҷикистон тасдиқ карда шуд.

Соли 2016 Қоҳир Расулзода дар ноҳияи Восеи вилояти Хатлон дар маросими пардабардорӣ аз нимпайкараи марҳум генерал-майор Рустам Амакиев, собиқ фармондеҳи Воҳиди таъйиноти махсуси зиддитеррористии "Алфа"-и Кумитаи давлатии амнияти миллии Ҷумҳурии Тоҷикистон иштирок кард.

Ҷашнҳои рӯзи 26 феврал

  • Рӯзи байналмилалии фориғболӣ.

Рӯзи 26 феврал кӣ ба дунё омадааст

Меҳрӣ Абдуллоева (1931) – раққоса, Ҳунарпешаи шоистаи Тоҷикистон.

Карим Абдулов (1939-2011) – доктори илми таърих, профессор, нависанда, Корманди шоистаи Тоҷикистон.

Зебо Давлатшоева (1969) – рассом.

Соҳиба Давлатшоева (1970)- сароянда, Ҳунарпешаи шоистаи Тоҷикистон.

Наргиси Карим (1975)- шоира.

Усмон Раҷабов (1950)- меъмор.

Раиса Савина (1925) – доктори илми тиб, профессор.

Нозим Сафаров (1939) – доктори илми таърих.

Ҷамшеди Саъдулло (1961)- публисист.

Абдувадуд Файзиев (1942)- актёри театр.

Аҳмад Юсуфов (1928 – 1987) – доктори илми тиб, профессор.

0
Барчаспҳо:
ҷаҳон, ҷашн, Тоҷикистон