Садамаи маргбори майор Султонов дар Варзоб: се ҷавон ҳалок шуданд
(Таҷдидшуда 13:05 12.02.2021)
Нисбати Султонов Султонҷон, майори милитсия аз тарафи Додситонии кулл бо моддаи 212 қисми 3 Кодекси ҷиноятӣ парвандаи ҷиноӣ оғоз ёфтаастДУШАНБЕ, 12 фев— Sputnik. Майори милитсия, Султонов Султонҷон, ки бо суръати баланд аз ноҳияи Варзоб ба самти Душанбе ҳаракат мекард, мӯҷиби ҳалокати се нафар гардид, хабар медиҳад Вазорати умури дохилаи Тоҷикистон.
Ба иттилои манбаъ, садамаи маргбор рӯзи 11 феврал, тақрибан соати 00:10 дақиқа дар назди парки нигаҳдории воситаҳои нақлиёти қисми ҳарбии 3502 рух додааст.
Садама дар Анзоб: мошин чаппа шуду як нафар ҳалок гашт
Гуфта мешавад, Султонов бо худрави худ, ки тамғаи "Тайота - Авалон" мебошад, аз ноҳияи Варзоб ба самти шаҳри Душанбе бо суръати баланд ҳаракат карда, аз ӯҳдаи идораи нақлиёт набаромад.
"Ронанда ба самти муқобили роҳ баромада, ба автомашинаи "Опел - Вектра" бархӯрд", - таъкид мешавад дар хабар.
Зимнан, бар асари бархӯрд, ронандаи худрави "Опел - Вектра" Аъзамҷон Солиев ва мусофираш Расулов Анвар, ки ҳамагӣ 20 сол доранд ва сокинони ноҳияи Варзоб мебошанд, дар ҷойи ҳодиса ба ҳалокат расидаанд.
Мусофирони дигар, Боев Муҳаммадҷон ва Меликов Абдураҳмон бо ҷароҳатҳои вазнини ҷисмонӣ ба беморхона интиқол ёфтанд.
Манбаъ меафзояд, Боеви 22 - сола низ дар беморхона фавтид.
Нисбати майор Султонов аз тарафи Прокуратураи генералӣ бо моддаи 212 қисми 3 Кодекси ҷиноятии Ҷумҳурии Тоҷикистон парвандаи ҷиноӣ оғоз гардида, номбурда ҳоло дар ҳасби пешакӣ қарор дорад.
Барчаспҳо:
Сӯхтор дар Толятти: муҳоҷири тоҷик ду фарзандашро наҷот доду кӯдаки ду - солааш ҷон бохт
(Таҷдидшуда 14:11 25.02.2021)
Сӯхтор дар як анборе сар зад, ки муҳоҷири тоҷик ҳамроҳ бо зану се фарзанди худ ба сар мебурд ДУШАНБЕ, 25 фев — Sputnik. Дар ноҳияи Толятти Русия дар як анбор сӯхтор сар задаст, ки талафоти ҷонӣ дар пай дошт. Котиботи шӯъбаи назорати вилояти Самара хабар медиҳад, ки дар сӯхтор кӯдаки 2 - сола аз Тоҷикистон ҷон бохтааст.
Ба иттилои манбаъ, дар анбори мазкур як хонаводаи тоҷик зиндагӣ мекарданд. Ҳодисаи нохуш рӯзи 24 феврал сар задаст ва сабаби он "нодуруст истифода шудани дастгоҳи гармидиҳӣ" арзёбӣ мешавад.
Манбаъ меафзояд, муҳоҷири тоҷик ду фарзанди худро аз алангаи оташ берун овард, вале фарзанди 2 - солаи ӯ ҷон аз даст дод.
Гуфта мешавад, волидони кӯдаки марҳум ҳоло дар беморхона қарор доранд.
Зимнан, қайд мешавад, ки пас аз сӯхтор прокуратура санҷиш ташкил карда, дар ҷараёни он маълум гардид, ки анбор барои фаъолияти тиҷоратӣ бо иштироки муҳоҷирон истифода шудааст. Ҳоло қонунӣ будани кори шаҳрвандони хориҷӣ тафтиш карда мешавад.
Зодагони Тоҷикистон дар Петербург мардумро аз коми оташ наҷот доданд - навор
Мақомот аллакай аз рӯи ҳодисаи мазкур парвандаи ҷиноӣ боз карданд.
Барчаспҳо:
Ҳисси бадбинӣ: домод додарарусашро корд зад
(Таҷдидшуда 12:44 25.02.2021)
Вазорати умури дохилаи Тоҷикистон аз боздошти ҷавони 27-сола хабар дод, ки дар таҳдиди куштан ё расонидани зарари вазнин ба саломатии додарарусаш гумонбар дониста мешавадДУШАНБЕ, 25 фев — Sputnik. Тибқи иттилои Вазорати умури дохила, ҳодисаи мазкур санаи 7-уми январи соли равон дар маҳаллаи Бедаки ҷамоати деҳоти Д.Холматов ноҳияи Б.Ғафуров сурат гирифтааст.
Гуфта шудаааст, ки номбурда, дар назди бинои истиқоматии сохтмонаш нотамоми маҳаллаи Бедаки ҷамоати деҳоти Д.Холматов бо додари ҳамсараш, ҷавони 23-солаи сокини ҷамоати деҳоти Д.Холматов вохӯрда, аз рӯи хусумат ва ҳисси бадбинӣ бо ӯ ҷангу ҷанҷол намудааст.
“Ҳангоми ҷангу ҷанҷол ҷавони 27-сола додари ҳамсарашро бо корди дар дасташ буда, 1-маротиба ба панҷаи дасти рости охирон задааст”, - таъкид доштааст ВУД-и Тоҷикистон.
Таъкид шудааст, ки дар натиҷа, ҷабрдида ҷароҳати ҷисмонӣ бардоштааст.
Ҳамзамон манбаъ қайд кардааст, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 27-солаи сокини ҷамоати деҳоти Исмоили ноҳияи Б.Ғафуров бо гумони таҳдиди куштан ё расонидани зарари вазнин ба саломатӣ дастгир карда шуд.
Дар ҳоли ҳозир, нисбати гумонбаршаванда парвандаи ҷиноятӣ бо моддаи 120 Кодекси ҷиноятии Тоҷикистон оғоз карда шуда, тафтишот аз сӯи мақомоти ҳифзи ҳуқуқ идома дорад.
Барчаспҳо:
Мӯъмин Шамсов паҳлавони қазоқро бо зарбаи барқвор нокаут кард: видео
Дар мусобиқаи ҳунарҳои омехтаи OCTAGON 16 дар Алмаато миёни намояндаи Тоҷикистон Муъмин Шамсов ва варзишгари Қазоқистон Давлатбек Абдуқаҳоров муҳориба баргузор шуд.
Барои Мӯъмин Шамсов, ки 32-сола шуд, ин мубориза аввалин дар карераи касбии ӯ буд.
Давлатбек Абдуқаҳоров низ наметавонад бо таҷрибаи кофии варзишӣ фарқ кунад: вай барои мубориза бо тоҷик як ғалаба ва як мағлубият дошт.
Мубориза бо суръати тез оғоз ёфт: варзишгарон зуд ба табодули зарбаҳои сахт шурӯъ карданд.
Размикори қазоқ Шамсовро ба тури майдон ҷасф карда, ӯро маҷбур кард, ки мавқеи номусоидро ишғол кунад ва дар доираи васеъ хаста кунад.
Дар мобайни давр мубориза боздошта шуд: дидаю дониста ё на, қазоқистонӣ ба чашми Мумин зад. Пас аз каме таваққуф, рақибон набардро идома доданд.
Муштзани тоҷик Сангинов Лаваллеро шикаст дод - навори ҷолиби рақобат
Чунин ба назар мерасид, ки Абдуқаҳоров дар даври аввал пешсаф буд ва талоши бештар карда, кӯшиш кард, ки муборизаро ба замин барад. Аммо вақте ки размикори Қазоқистон танҳо як маротиба ҳимояаш кушода шуд, Мӯъмин Шамсов як зарбаи қавии ҳалкунанда зад.
Ҳаминтавр нахустин муборизаи касбии паҳлавони тоҷик бо нахустин пирӯзии боэътимоди ӯ тариқи нокаути техникӣ ба анҷом расид.
Барчаспҳо: