Ребенок плачет

Даҳшат: таҷовузи писарбача дар Ҳисор

4286
(Таҷдидшуда 16:41 12.02.2021)
Сару садоҳо дар мавриди таҷовуз ва ҳомиладор шудани духтари 12 - сола дар Ҳисор анҷом наёфт, ки боз як ҳодисаи нангини ба ин монанд боз рух дод

ДУШАНБЕ, 12 фев – Sputnik. Дар Турсунзода ҳудуди 10 рӯзи қабл, як кӯдак мавриди таҷовуз қарор гирифтааст, хабар медиҳад сомонаи Pressa.tj бо истинод ба мақомоти маҳаллӣ.

Ба иттилои манбаъ, феълан марди таҷовузкунанда дастгир шудааст ва ҳоло дар боздоштгоҳ қарор дорад.

Гуфта мешавад, ин мард худ сокини шаҳри Ҳисор аст.

Манбаъ аз қавли навбатдори Шӯъбаи умури дозилӣ дар шаҳри Ҳисор менависад, ки алайҳи таҷовузгар парвандаи ҷиноятӣ боз шуда, тафтишотро прокуратура идома медиҳад.

Дастдарозии нав ба номуси писарбачаи ноболиғ дар Ҳисор дар ҳолест, ки қаблан низ дар ин минтақа духтари 12 - сола мавриди таҷовуз қарор гирифта буд ва ҳатто пас аз ин ҳодисаи даҳшатбор ҳомиладор шуд.

Таҷовуз ва қатли кӯдаки гадо дар истгоҳ дар наздикии Душанбе-видео

Чанде пеш ваколатдори ҳуқуқи кӯдак дар Тоҷикистон Раҷабмоҳ Ҳабибуллозода изҳор дошта буд, ки масъалаи пурзӯр кардани ҷазои кӯдакозорон дар кишвар омӯхта мешавад.

Ӯ гуфт, "такмили қонунгузорӣ, пурзӯр намудани ҷазо дар ҷаласаи Маҷлиси миллӣ низ масъалагузорӣ карда шуд". Ҳоло дар Тоҷикистон таҷрибюаи дигар давлатҳо дар ин маврид мавриди омӯзиш қарор дорад.

4286
Барчаспҳо:
кӯдак, таҷовуз, Ҳисор
Бывший президент Франции Николя Саркози

Николя Саркозӣ ба се соли ҳабс маҳкум шуд

182
(Таҷдидшуда 19:38 01.03.2021)
Додгоҳи Порис Николя Саркозиро дар фасод гунаҳкор донист ва кишвардори собиқро ба мӯҳлати се сол маҳкум ба зиндон намуд

ДУШАНБЕ, 1 март - Sputnik. Додгоҳи Порис президенти пешини Фаронса Николя Саркозиро дар фасод ва тиҷорати нуфуз гунаҳгор донист ва ӯро ба се соли зиндон маҳкум кард, ки ду соли он шартан аст.

Худи президенти собиқ ҳамаи иттиҳомотро комилан рад кард ва дар мурофиа ҳам ҳузур надошт. 

Додситонӣ инчунин изҳор дошт, ки Николя Саркозӣ кӯшиш кардааст, ки ба корманди суди кассатсионӣ Гилберт Азиберт ришва диҳад ва аз ӯ дар бораи тафтишоти маблағгузории ғайриқонунии маъракаи президентӣ аз ҷониби духтари бунёдгузори L'Oreal Лилиан Беттанкурт маълумот гирад.

Тахмин зада мешуд, ки тавассути вакили шахсии худ Саркозӣ ваъда додааст, ки ба кормандони суд дар гирифтани мақоми бонуфуз дар Монако кӯмак хоҳад кард.

Ҳамчун, сабтҳоии гуфтугуи телефонии боздоштшудаҳо пешниҳод гардид, ки дар он иштирокчиёни сӯҳбатҳо ҳеҷ гоҳ якдигарро бо номи воқеии худ намегирифтанд ва худи собиқ сарвари кишвар тахаллуси Пол Бисмутро истифода мебурд.

Ташхис муайян кард, ки дар сабтҳои телефонӣ худи Саркозӣ суҳбат кардааст.

Ҳимоятгар изҳор дошт, ки прокуратура барои баровардани хулоса ҳеҷ асосе надорад. Адвокат Жаклин Лаффонт тавзеҳ додааст, ки "ин танҳо як сӯҳбати дӯстона буд".

Додгоҳ Гулнора Каримоваро барои 13 солу 4 моҳ равонаи зиндон кард

Аммо Саркозӣ бар ин назар аст, ки ҳамаи парвандаҳо як навъ интиқом гирифтани додрасҳо аз ӯст, ки замони раисҷумҳур будан ваколатҳои онҳоро маҳдуд мекард.

Зимнан, прокуратураи молиявӣ хоҳиш кард, ки ба ӯ 4 соли зиндон, аз ҷумла ду сол шартӣ дода шавад.

Ба ҳамин минвол, Саркозӣ аввалин президенти собиқи Фаронса мебошад, ки ҳукми воқеии зиндонро гирифт.

Ҳанӯз соли 2011, раҳбари пешини Фаронса Жак Ширак барои ташкили ҷойҳои бардурӯғи кори дар шаҳрдории Порис ба 2 соли ҳабси шартӣ маҳкум шуд.

182
Барчаспҳо:
Николя Саркози, Фаронса
Камнепад перекрыл движения по трассе Душанбе-Худжанд

Ду ҳодисаи нохуш дар Бадахшон: яке худкушӣ карду, дигаре дар сангрезӣ ҷон бохт

140
Як ҳодисаи нохуш дар шаҳри Хоруғ ва дигаре дар ноҳияи Роштқалъи ВМКБ ба қайд гирифта шуд

ДУШАНБЕ, 1 мар — Sputnik. Раёсати Кумитаи ҳолатҳои фавқулода дар ВМКБ аз рух додани ду ҳодисаи нохуш хабар медиҳад.

Ба иттилои манбаъ, ҳодисаи аввал дар маркази вилоят - шаҳри Хоруғ ба вуқӯъ пайвастааст.

Гуфта мешавад, субҳи рӯзи 27 феврал дар соҳили дарёи Ғунд дар шаҳри Хоруғ ҷасади шахсияташ номаълум намоён шудааст. Зимнан, кормандони раёсати мазкур ҷасадро фавран аз дарё берун оварда, барои дақиқ шудани асли воқеа онро ба мақомоти дахлдор супурданд.

Муайян шудааст, ки марҳум сокини 57 - солаи шаҳраки Исмоили Сомонии шаҳри мазкур мебошад.

Ҳамчунин як ҳодисаи дигар дар ноҳияи Роштқалъа рух додааст.

Раёсати КҲФ дар вилоят хабар медиҳад, ки рӯзи 28 феврал, соати 16:10 бар асари резиши санг дар деҳаи Видоҷи ҷамоати деҳоти Мирсаид Миршакари ноҳияи Роштқалъа сокини 52-сола ба ҳалокат расидааст.

Ҷустуҷӯи ҷасади зани 71 - сола дар Бадахшон идома дорад: бемори рӯҳӣ буд

Бино ба гуфтаи шоҳидон, марҳум дар кӯҳ машғули чорвочаронӣ будааст. Сокинони деҳа ҷасади ӯро аз кӯҳ поин оварда, ба соҳибонаш супурдаанд. Ҷузъиёти бештари марги сокини Роштқалъа ифшо нашудааст.

140
Денежные купюры.

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

0
(Таҷдидшуда 00:23 02.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард, ки асъори миллӣ нисбат ба ҳафтаи гузашта каме тақвият ёфтааст

ДУШАНБЕ, 2 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1527 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6174 то 13.8100 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1527 то 0.1540 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1515 - 0,1540 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1515 то 0.1545 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Пешгӯиҳо дар мавриди қурби рублу доллар дар моҳи март

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

0