Кӯҳҳои Тоҷикистон. Акс аз бойгонӣ

Финляндия барои харидории таҷҳизоти геофизикӣ ба ҶТ кӯмак мекунад

13
Ҳамкории дуҷонибаи геологҳои Тоҷикистону Финляндия тақвият меёбад. Ҳамтоёни хориҷии геологҳои тоҷик ҷиҳати дастрас кардани таҷҳизот ба онҳо кӯмак мерасонанд.

ДУШАНБЕ, 4 фев — Sputnik.  Масоили марбут ба дастрас кардани таҷҳизотҳои муосири геофизикӣ амсоли "МЭРИ-24" ва муҳаррики тамғаи "АСТРА-100" дар мулоқоти роҳбарони идораҳои геологии Тоҷикистону Финляндия баррасӣ гардид, менависад сомонаи Саридораи геологияи ҶТ.

Вохӯрии сарварони хадамоти геологии ду кишвар ахири ҳафтаи сипаришуда дар Душанбе баргузор шуд.

"Мутахассисони бахши геологияи ҳар ду кишвар чанд сол боз дар мавриди созмон додани портали интернетии минтақавии геологӣ ҳамкорӣ доранд",- иттилоъ медиҳад сарчашма.

Дар нишасти мазкур намояндаи Хадамоти геологии Финляндия Юкка Мултала қайд намуд, ки дар давоми ҳафтаи корӣ бо мутахассисони соҳаи гидрогеология ва геофизика вохурӣ гузаронида, масоили боқимондаро баррасӣ хоҳад кард 

"Дастрас намудани таҷҳизотҳои геофизикӣ барои гузаронидани корҳои муҳандисӣ — геофизикӣ, аз қабили «МЕРИ-24» ва генератори «АСТРА-100», омӯзиши обҳои зеризаминӣ, рақамикунонии харитаҳо ва тартиб додани феҳристи чоҳҳои обҳои зеризаминӣ аз масоили авлавиятдошта маҳсуб мегардад",-иброз дошт Мултала.

Ҳамчунин, оид ба қарордоди қабулшуда аз 11-14 декабри соли 2014 дар шаҳри Истамбули Туркия барои гузаронидани омӯзишҳои геофизикии сетарафа байни геофизикҳои Афғонистон, Финляндия ва Тоҷикистон дахл карда шуд.

Ба қавли ҷаноби Юкка Мултала, барои рақамикунонии харитаҳо дар курсҳои омӯзиши GIS ва ARGIS 2 мутахассиси гидрогеолог аз Тоҷикистон равон мешаванд  

13
Барчаспҳо:
геофизикӣ, кӯмак, ҳамкорӣ, Саридораи геологияи ҶТ, Хадамоти геологии Финляндия, Юкка Мулталла, Туркия, Афғонистон, Финляндия, Тоҷикистон
Дымоотводные трубы завода

Вакили парлумон гуфт барои чӣ саноатикунонии босуръати кишвар лозим аст

70
(Таҷдидшуда 12:31 25.01.2021)
Бахтиёр Аҳмадзода, вакили Маҷлиси намояндагони Маҷлиси Олии Ҷумҳурии Тоҷикистон таъкид доштааст, ки саноатикунонии босуръати кишвар барои таъмини устувории иқтисодиёт заминаи амиқ мегузорад

ДУШАНБЕ, 24 янв— Sputnik. Ба гуфтаи вакили парлумони Тоҷикистон Бахтиёр Аҳмадзода дар натиҷаи тадбирҳои амалинамудаи Ҳукумати ҷумҳурӣ дар се соли охир ҳиссаи соҳаи саноат дар маҷмӯи маҳсулоти дохилӣ аз 15,2 то 17,3 фоиз афзоиш додааст.

"Бо дарназардошти аҳамияти соҳаи саноат дар ҳалли масъалаҳои иқтисодиву иҷтимоӣ ва таъсиси ҷойҳои корӣ соли 2018 Эмомалӣ Раҳмон пешниҳод намуда буд, ки саноатикунонии босуръати кишвар ҳадафи чоруми стратегӣ эълон карда шавад ва то соли 2030 ҳиссаи соҳаи саноат дар маҷмӯи маҳсулоти дохилӣ ба 22 фоиз расонида шавад", - гуфт вакил.

Бахтиёр Аҳмадзода зикр намудааст, ки Ҳукумати Тоҷикистон, аз ҷумла Вазорати саноат ва технологияҳои нав бо корхонаҳои соҳавӣ дар семоҳаи аввали соли равон барои тадбиқи амалии ҳадафи чоруми стратегии давлат - яъне гузориши иқтисодиёти Тоҷикистон аз самти аграрӣ-саноатӣ ба индустриалӣ–аграрӣ, инчунин иҷрои Қарори Ҳукумати кишвар аз 30 январи соли 2019 "Дар бораи ҷамъбасти натиҷаҳои рушди иҷтимоию иқтисодии Тоҷикистон дар соли 2018 ва вазифаҳо барои соли 2019" корҳои муайянеро ба анҷом расонидааст.

"Дар давраи ҳисоботӣ ҳаҷми истеҳсоли маҳсулоти саноатӣ дар ҷумҳурӣ ба 5 млрд 721 млн сомонӣ расонида шуда, суръати афзоиш нисбат ба ҳамин давраи соли 2018 ба 115,9% баробар шуда, афзоиш 792,9 млн сомониро ташкил дод", - қайд кард вакили парлумон.

Вай афзуд, ки ҳиссаи соҳаҳо дар ҳаҷми умумии истеҳсоли маҳсулоти саноатӣ тариқи зайл ба назар мерасад: энержӣ 31,3%, саноати маъдан 25,6%, саноати хӯрокворӣ 19,0%, саноати масолеҳи сохтмон 8,7%, саноати сабук 7,1%, саноати мошинсозӣ 6,1%, табъу нашр 0,9%, саноати ангишт 0,7% ва газ 0,5%.

Афзоиши ҳаҷми истеҳсоли маҳсулот дар саноати ангишт 152,4%, саноати маъдани кӯҳӣ 115,0%, саноати масолеҳи сохтмон 111,1%, саноати сабук 113,5%, саноати мошинсозӣ 110,6%, саноати табъу нашр 169,8%, саноати хӯрокворӣ 118,4% корхонаҳои пахтатозакунӣ 67,9%, нафт ва газ 124,5% ва электроэнергетика 123,3%-ро ташкил дод.

Дар ҳамин ҳол, рушди саноат дар ҳамаи минтақаҳои ҷумҳурӣ таъмин гардида, дар ВМКБ 105,0%, вилояти Суғд 116,4%, вилояти Хатлон 107,3%, щаҳри Душанбе 122,3% ва НТҶ 149,4%-ро ташкил дод.

Дар ин давра ҳаҷми муҳимтарини маҳсулоти саноатии дар ҷумҳурӣ истеҳсолшаванда, аз 103,0 то 169,4 фоиз нисбат ба ҳамин давраи соли гузаашта афзоиш ёфт.

70
Барчаспҳо:
иқтисод, парлумон, вакил, саноат, Тоҷикистон
Праздник Мехргон в Душанбе

Дар Суғд корхонаи коргарди ғалла ифтитоҳ мешавад

89
(Таҷдидшуда 18:31 23.01.2021)
Корхонаи мазкур имкони коркард кардани то 500 тонна гандум дар як шабонарӯзро дорад. Ҳоло марҳилаи насби таҷҳизот ҷараён дорад

ДУШАНБЕ, 23 янв — Sputnik. Дар ноҳияи Бобоҷон Ғафуров аз ҷониби Ҷамъияти дорои масъулияти маҳдуди "Хубҷамъ" корхонаи коркарди ғалла бунёд гардида, айни замон корҳои васлу насби таҷҳизот ҷараён дорад. Корхонаи коркарди ғалла имкон дорад, ки  дар як шабонарӯз то 500 тонна гандум коркард намояд.

Тибқи иттилои хадамоти матбуоти Раиси вилояти Суғд, айни замон ҷараёни насби таҷҳизот дар арафаи анҷомёбӣ қарор дошта, корхона ба таври озмоишӣ фаъолияти худро ба роҳ мондааст.

Раиси вилояти Суғд Раҷаббой Аҳмадзода зимни шиносоӣ  бо корхонаи мазкур иброз дошт, ки барои расидан ба ҳадафи чоруми миллӣ – саноатикунонии босуръати мамлакат бояд аз тамоми захираву имконият истифода бурда шавад.

Дар вилоят бо дастгирии мақомоти давлатӣ ва ташаббуси соҳибкорон ҳамасола корхонаҳои нав ба кор андохта шуда, ҳаҷми истеҳсоли маҳсулоти саноатӣ сол ба сол зиёд мешавад.

Бо назардошти маҳсулоти воридотивазкунанда будани орд ба масъулин дастур дода шуд, ки барои ҳарчӣ бештар захира намудани ғалла ва ба анҷом расонидани васлу насби таҷҳизот тадбир андешанд.

89
Сотрудники ФСБ РФ во время задержания гражданина одной из Центрально-азиатских республик

Боздошти ҷавони 22 сола дар пойтахт барои ташкили фоҳишахона

0
(Таҷдидшуда 11:43 25.01.2021)
Вазорати умури дохилаи Тоҷикистон аз боздошти ҷавони 22 сола дар пойтахт барои ташкили фоҳишахона хабар дод

ДУШАНБЕ, 25 янв— Sputnik. Бино бар иттилои дафтари матбуоти вазорати умури дохилаи Тоҷикистон,  ҷавони мазкур дар хонаи иҷорагирифтааш фоҳишахона ташкил карда, аз марду зане, ки ба хонаи ӯ барои алоқаи ҷинсӣ меомаданд 150 сомонӣ мукофотпулӣ мегирифтааст. 

Тибқи иттилои манбаъ зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 22-солаи сокини шаҳри Душанбе бо гумони ташкил ва нигаҳдошти фоҳишахона дастгир карда шуд.

Гуфта шудааст, ки номбурда, дар хонаи иҷорагирифтааш, воқеъ дар кӯчаи Сино ба ҷавони 24 ва зани 35-соли сокинони шаҳрҳои Турсунзода ва Душанбе барои алоқаи ҷинсӣ намудан шароит муҳайё намуда, аз онҳо 150 сомонӣ мукофотпулӣ гирифтааст.

Дар ҳоли ҳозир, аз рӯи ҳодиса мазкур тафтишот идома дорад.

Ёдрас мешавем, ки тибқи қонуни нави Тоҷикистон шахсоне, ки ба ташкил ё нигаҳдошти фоҳишахонаҳо, инчунин даллагӣ машғул мебошанд, аз ҳуқуқи падарӣ ва модарӣ маҳрум мегарданд.

0
Барчаспҳо:
ҷавон, Вазорати умури дохилаи Тоҷикистон, боздошт, фоҳишахона, Тоҷикистон