Сохтмон. Акс аз бойгонӣ

Анҷоми 70 % корҳо дар бунёди корхонаи сементбарории Суғд

28
(Таҷдидшуда 14:07 06.02.2015)
Айни замон наздик 70 дарсади корҳо дар умури бунёди корхонаи муштараки сементбарории Тоҷикистону Чин ба итмом расида, он дар арафаи ҷашни Истиқлол ба истифода дода хоҳад шуд.

ДУШАНБЕ, 5 фев — Sputnik. Раиси вилояти Суғд Абдураҳмон Қодирӣ роҳбарияти корхонаи муштараки сементбарории Тоҷикистону Чин "Хуаксин — Ғаюр — Суғдсемент" — ро дар ҳайати директори кулли корхона хонум Лю Юн Ся ва роҳбари намояндагии ширкат дар Тоҷикистон Акбар Ғуломов ба ҳузур пазируфт, менависад сомонаи ҳукумати вилояти Суғд.

Ба гуфтаи раиси вилояти Суғд дар асоси қарору барномаҳои ҳукумат баҳри ҷалби бештари сармоягузорӣ тамоми шароитҳо фароҳам оварда шуда, дар ин раванд аз ҷониби шарикони хориҷӣ як қатор коргоҳҳои хурду бузург сохта шудааст ва сохтмони чанде дигар босуръат ҷараён дорад, ки корхонаи "Хуаксин — Ғаюр — Суғдсемент" аз ҷумлаи онҳост.

"Хуаксин — Ғаюр — Суғдсемент" яке аз бузургтарин истеҳсолкунандаи масолеҳи сохтмонӣ, аз ҷумла семент, дар ҷаҳон ба ҳисоб рафта, айни замон зиёда аз 40 коргоҳи он дар манотиқи гуногуни рӯи олам арзи ҳастӣ дорад. Соли 2013 аз ҷониби ҳамин ширкат дар ноҳияи Ёвон коргоҳи сементбарорӣ мавриди баҳарабардорӣ қарор гирифта, дар ҳудуди ноҳияи Бобоҷон Ғафуров низ соли гузашта сохтмони корхонаи нави сементабарорӣ бо иқтидори истеҳсолии 1,2 — миллион тонна дар як сол оғоз ёфтааст",-омадааст дар хабари манбаъ.  

Зимнан, ба масъулини ин корхона тавсия дода шуд, ки дар оянда дар шаҳри Хуҷанд шабакаи барқу гармидиҳии ширкатро бо иқтидори 100 мегават бунёд намоянд. Зеро ин амал метавонад баҳри таъмини беҳтари сокинони вилоят бо нерӯи барқ ва гармидиҳӣ таъсири мусбӣ расонад.

Қайд гардид, ки дар ин корхонаи аз ҷониби ин ширкат сохташаванда, дар масоҳати умумии 48 га замини хушку саҳро бо маблағи зиёда 100 миллион доллари амрикоӣ бунёд ёфта, иқтидори лоиҳавии корхона дар як сол 1,2 миллион тонна сементи навъи 500 мебошад. Дар он қариб 1000 нафар бо кори доимӣ таъмин мегарданд. Корхона аз ҷиҳати технологӣ бо таҷҳизоти навтарини истеҳсоли семент ҷиҳозонида мешавад. Дар коргоҳи мазкур барои бароварда намудани талаботи нерӯи барқ маркази барқӣ ва гармидиҳӣ бо иқтидори 25 мегават сохта мешавад.

"Ҳоло наздик ба 70 дарсади корҳо ба итмом расида, корхона дар арафаи ҷашни Истиқлол пурра ба истифода дода мешавад",- меафзояд манбаъ.

Ба қавли сарчашмаи хабар, дар иншооти макур зиёда аз 60 нафар бинокрон ва мутахассисон фаъолият доранд, ки аксари онҳо шаҳрвандони Тоҷикистонанд. Бо баробари ба истифода додани коргоҳ сафи кормандон бештар гардида, нархи семент дар бозори дохила то 25-дарсад коҳиш меёбад.

28
Барчаспҳо:
истеҳсол ва тавлидоти семент, корхонаи сементбарорӣ, раиси вилояти Суғд, Хуаксин-Ғаюр-семент, Акбар Ғуломов, Лю Юн Ся, Абдураҳмон Қодирӣ, Хуҷанд, Суғд, Ёвон, Чин, Тоҷикистон
Мавзуъ
Чин барои иҷрои тарҳҳо дар Тоҷикистон $500 миллион иттихоз мекунад
Раҳимзода: мо аз сармоягузориҳои Чин ҳарос надорем
Тақвияти сармоягузории Чин ба иқтисоди Тоҷикистон
Цементный завод, архивное фото

Тоҷикистон ба кишварҳои ҳамсоя як миллион тонна семент содир кард

139
(Таҷдидшуда 16:49 26.10.2020)
Ҷумҳурии Тоҷикистон дар соли 2020 истеҳсоли семент ва интиқоли он ба кишварҳои ҳамсояро афзоиш дод

ДУШАНБЕ, 26 окт — Sputnik. Соли 2020 истеҳсоли семент дар Тоҷикистон ба 3237,1 ҳазор тонна расид, омадааст дар гузориши Ожонси омори кишвар.

Коршиносон мегӯянд ин нишондод назар ба ҳамин давраи соли гузашта 89,4 ҳазор тонна зиёд аст.

Як миллиарду 700 миллион доллар: арзиши истеҳсоли маҳсулоти саноатии Тоҷикистон эълом шуд

Дар 9 моҳи соли 2020 истеҳсоли семент ба 3237,1 ҳазор тонна расид, ки назар ба ҳамин давраи соли гузашта 89,4 ҳазор тонна зиёд аст.

"Аз ин миқдор 996,0 ҳазор тонна семент ба хориҷи мамлакат, аз ҷумла ба Ҷумҳуриҳои Ӯзбекистон 562,0 ҳазор тонна, Афғонистон 391,0 ҳазор тонна ва Қирғизистон 43,0 ҳазор тонна содирот гардидааст", - омадааст дар гузориш.

Ҳаҷми содиротгардида 31% ҳаҷми сементи дар ин давра истеҳсолгаридаро ташкил медиҳад.

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

Гуфта мешавад, ки дар зиёд шудани истеҳсоли семент саҳми ҶДММ "Чунгтсай Моҳир семент"-и ноҳияи Ёвон 27,9 %, "Хуаксин Ғаюр семент"-и ноҳияи Ёвон 27,1%, "Хуаксин Ғаюр Суғд семент"-и ноҳияи Бобоҷон Ғафуров 26,7% ва "Сементи Тоҷик" 5,2 % назаррас мебошад.

139
Барчаспҳо:
интиқол, истеҳсол, семент, Тоҷикистон
Угольное месторождение в Зиддах, архивное фото

Мақомоти Тоҷикистон аз афзоиши маҳсулоти саноати кӯҳӣ хабар дод

252
(Таҷдидшуда 14:06 14.10.2020)
Вазорати саноъат ва фанновариҳои навини Тоҷикистон аз афзоиши тавлиди маҳсулоти саноати куҳӣ дар ин кишвар то поёни сентябри имсол хабар дод

ДУШАНБЕ, 14 окт — Sputnik. Дар ин давра корхонаҳои ин бахш 5 миллиарду 400 миллион сомонӣ (баробар бо 526 миллиону 800 ҳазор доллар) маҳсулот тавлид кардаанд, ки дар муқоиса бо ҳамин давраи соли пеш 12.5 дарсад бештар мебошад, иттилоъ додааст сомонаи вазорати саноат технологияҳои навини Тоҷикистон.

Тибу иттилои манбаъ, дар ин муддат тавлиди тилло 10.2 дарсад, нуқра 2.4 дарсад , мис 19 дарсад ва сурма 73 дарсад афзоиш ёфта аст.

Аз ин рӯ саҳми бахши тавлидоти маҳсулоти саноати куҳӣ дар саноъати Тоҷикистон ба 25.7 дарсад расида аст .

Вазорати саноат: 53 корхонаи Тоҷикистон пурра сокинонро бо либоси мактабӣ таъмин мекунанд

Гуфтанӣ аст дар 9 моҳи соли ҷорӣ ба хориҷ аз Тоҷикистон ба маблағи 1 миллиарду 456.5 миллион сомонӣ (муодили 140 миллиону 800 ҳазор доллар) маҳсулоти саноати куҳӣ содир шуда аст.

252
Барчаспҳо:
маҳсулот, афзоиш, саноат, Тоҷикистон
Ҷаласаи Ҳукумати Тоҷикистон

Ҳукумат ҳаҷми буҷаи 2021-ро гуфт: барои кадом соҳа чанд пул?

0
(Таҷдидшуда 19:54 27.10.2020)
Ҳукумати Тоҷикистон, таҳти раёсати Эмомалӣ Раҳмон имрӯз лоиҳаи қонуни буҷаи давлатӣ барои соли 2021 ва дурнамои нишондиҳандаҳои буҷети давлатӣ барои солҳои 2022-2023-ро баррасӣ кард, ки тибқи он буҷаи соли оянда аз имсола 1,6 миллиард зиёдтар мешавад

ДУШАНБЕ, 27 окт — Sputnik. Даромади умумии буҷети давлатӣ барои соли 2021 дар ҳаҷми 27,6 миллиард сомонӣ ба нақша гирифта шудааст, ки нисбат ба буҷети соли 2020 ба маблағи 1,6 миллиард сомонӣ ё 6,1 фоиз зиёд мебошад.

Даромад аз ҳисоби чӣ?

“Бо дарназардошти дурнамои рушди соҳаҳои иқтисодии кишвар даромади ҷории буҷети давлатӣ дар ҳаҷми 20,5 миллиард сомонӣ пешбинӣ гардидааст. Афзоиши ин нишондиҳанда нисбат ба буҷети тасдиқшудаи соли 2020 ба маблағи 1 миллиард сомонӣ ё 5,1 фоиз зиёд ба нақша гирифта шудааст”, - омадааст дар иттилоия.

Котиботи раисиҷумҳур тавзеҳ дод, ки таъмини нақшаи даромади ҷории буҷети давлатӣ аз ҳисоби сарчашмаҳои андозӣ дар ҳаҷми 18,8 миллиард сомонӣ бо афзоиши 890 миллион сомонӣ, воридоти маблағҳои ғайриандозӣ 1,4 миллиард сомонӣ бо афзоиши 110 миллион сомонӣ ва грантҳо барои дастгирии буҷет дар ҳаҷми 300 миллион сомонӣ пешбинӣ гардидааст.

Таъкид гардид, ки хароҷоти умумии буҷети давлатӣ барои соли 2021 дар ҳаҷми 28,1 миллиард сомонӣ пешбинӣ шудааст, ки он нисбат ба буҷети тасдиқгардидаи соли ҷорӣ 1,7 миллиард сомонӣ зиёд мебошад.

Котиботи раисиҷумҳур илова намуд, ки Ҳукумати мамлакат афзалиятнокии маблағгузории соҳаҳои иҷтимоии кишварро нигоҳ дошта, дар буҷети давлатии Ҷумҳурии Тоҷикистон барои соли 2021 барои ин соҳаҳо 13,2 миллиард сомонӣ пешбинӣ намудааст, ки он 47 фоизи ҳаҷми умумии хароҷоти буҷет ё 14,2 фоизи маҷмӯи маҳсулоти дохилиро ташкил медиҳад.

Барои кадом соҳа чанд сомонӣ?

“Аз ҷумла, барои маблағгузории соҳаҳои маориф дар ҳаҷми беш аз 5,6 миллиард сомонӣ бо афзоиши 592 миллион сомонӣ, тандурустӣ 2,4 миллиард сомонӣ бо афзоиши 509 миллион сомонӣ, ҳифзи иҷтимоии аҳолӣ 4,2 миллиард сомонӣ бо барзиёдии 262,7 миллион сомонӣ, фарҳанг ва варзиш 1 миллиард сомонӣ бо афзоиши 69,8 миллион сомонӣ пешбинӣ гардидааст”.

Дар ҷаласаи Ҳукумат Эмомалӣ Раҳмон вобаста ба вазъи ҷаҳони имрӯза ва бо дарназардошти таъсири пандемияи бемории КОВИД-19, дар чунин шароити ҳассос барои ноил гардидан ба ҳадафҳои муайяннамудаи Ҳукумати Тоҷикистон татбиқи мутавозини сиёсати буҷету андоз ва пулию карзиро зарур шумурдааст.

Ӯ назди масъулин барои иҷрои саривақт ва босифати барномаву нақшаҳои зиддибуҳронии қабулнамудаи Ҳукумати мамлакат, барои зиёд намудани даромади буҷет пурра ба андозбандӣ фаро гирифтани тамоми манбаъҳои даромад, кам намудани бакияпулиҳои андозӣ ва пешгирии пайдоиши бақияпулиҳои нав, инчунин, баланд бардоштани интизоми молиявӣ ва андоз дар сохторҳои давлатӣ ва ғайридавлатӣ ва субъектҳои хоҷагидорӣ, таъмини истифодаи самаранок ва мақсадноки маблағҳои дар буҷети давлатӣ пешбинишуда, суръат бахшидан ба саноатикунонии босуръати кишвар, таъсиси корхонаҳои нав бо технологияҳои муосир, истеҳсоли маҳсулот ва хизматрасониҳои рақобатноки ба содирот нигаронидашуда ва ивазкунандаи воридот ва дар ин асос зиёд намудани ҷойҳои нави корӣ вазифаҳо гузоштааст.

0
Барчаспҳо:
давлатӣ, буҷа, даромад, Тоҷикистон