Замини кишти пахта. Акс аз бойгонӣ

Мақомоти Тоҷикистон 15 ҳазор гектар заминро ба чиниҳо ба иҷора доданд

32
Ширкати чинӣ сохтмони корхонаи нассоҷиро тақрибан анҷом дода ва дар заминҳои ҷудошуда барои тавлиди нахи панба ва колоҳои нассоҷӣ пахта парвариш мекунад.

ДУШАНБЕ, 16 фев — Sputnik. Ҳукумати Тоҷикистон ба ширкати чинии "Чунтай Данғара-Син Сил-Текстил" дар ноҳияи Данғара 15 ҳазор гектар замин ҷудо кард, ки дар он ширкати чинӣ пахта парвариш мекунад, хабар медиҳад сойти вазорати кишварзии Тоҷикистон.

Наҳваи истифода аз замини ба ширкати чинии "Чунтай Данғара — Син Сил-Текстил" ҷудошуда дар ҷараёни дидори мудири ширкат Ден Дао Чуан бо вазири кишоварзии Тоҷикистон Қосими Раҳбар матраҳ шудааст.

"Ҷонибҳо наҳваи парвариши пахта ва коркарди онро баррасӣ карданд. Ҳамчунин дар ин дидор мавзӯъи сохтмони корхонаи ҷадиди коркарди панба дар Данғара, ки сохтмонаш дар ҳоли анҷомёбӣ аст, матраҳ шуд", — омадааст дар хабар.

Вазорати кишоварзӣ таъкид мекунад, ки ин ширкат яке аз бузургтарин корхонаҳо аст ва дороиҳои он дар Пекин, Шанхай ва кишварҳои дигар мавҷуд мебошанд.

"Раҳбарияти ширкат итминон дод, ки заминҳои ба иҷора додашудаи Тоҷикистон аз сӯйи ширкати чинӣ муассир ва судманд истифода хоҳанд шуд", — зикр карданд дар вазоратхона.

Ширкати чинӣ тобистони соли гузашта аз ҳукумати Тоҷикистон ироъаи заминро тақозо карда буд ва ҳамзамон ба сохтмони корхонаи коркарди панба ва тавлиди колоҳо аз он, ки на танҳо бозори дохилиро таъмин мекунад, балки содирот низ мешавад, оғоз кард.

Иттилоъ дода мешуд, ки ин ширкат қасд дорад ба унвони сармоягузорӣ $120 миллион иттихоз дода дар Тоҷикистон 6 ҳазор ҷойи нави корӣ таъсис бидиҳад. Дар оянда маблағи умумии сармоягузорӣ то ба $200 миллион расонида мешавад.

Бори нахуст заминҳои Тоҷикистон ба ширкатҳои чинӣ соли 2012 дар чорчӯби барномаи вазорати кишоварзӣ ба манзури тавсеъаи бахши кишоварзии кишвар ба иҷора дода шуданд.

Он замон 150 гектар замин дар ноҳияи Абдураҳмони Ҷомӣ, 150 гектар дар ноҳияи Ёвон ва 185 га дар ноҳияи Ҷалолиддини Румӣ ба иҷораи муввақат дода шуданд.

Шароити қарордоди иҷораи заминро вазорати кишоварзӣ ифшо намекунад. Танҳо рӯшан аст, ки ин заминҳо ба муддати 49 сол ба иҷора дода шудаанд.

32
Барчаспҳо:
корхонаи нассоҷӣ, иҷораи 15 ҳазор гектар замин дар Данғара, вазорати кишоварзӣ, Қосими Раҳбар, Данғара, Чин, Тоҷикистон
Мавзуъ
Чин мехоҳад “Тоҷиказот”-ро гардон кунад
Чин барои иҷрои тарҳҳо дар Тоҷикистон $500 миллион иттихоз мекунад
Тоҷикистон дар ивази Маркази гармидиҳӣ ба Чин 2 кони тилло додааст
Истихроҷи ангишт. Акс аз бойгонӣ

“Истиқлолияти ангиштӣ”: ангишти Тоҷикистонро кӣ истеҳсол мекунад?

163
(Таҷдидшуда 19:13 14.07.2020)
Тайи ним соли равон Тоҷикистон ба Ӯзбекистону Покистон ҳудуди якуним ҳазор тон ангишт содир намудааст

ДУШАНБЕ, 14 июл — Sputnik. Санъат Раҳим, раиси Хадамоти назорати давлатии бехатарии корҳо дар саноат ва соҳаи кӯҳкории назди ҳукумати Тоҷикистон зимни нишасти матбуотии ниҳодаш гуфт, истихроҷи ангишт дар қиёс бо дигар соҳот рушдкардатарин соҳаи саноати кишвар шудааст.

 “Мо дар замони истиқлолият комилан аз воридоти ангишт даст кашидем. Истиқлолияти Тоҷикистон аз ин лиҳоз комилан таъмин аст ва мо ҳоло имконияти содир кардани ангиштро ба даст овардаем. Аз рӯи иттилое, ки Корхонаи воҳиди давлатии “Ангишт” дар ихтиёри мо гузошт, дар нимсолаи аввал якним ҳазор тон ангишт ба Покистону Ӯзбекистон содир шудааст”, - гуфт Санъат Раҳим.

Тибқи иттилои расмӣ, Тоҷикистон соли гузашта беш аз 2 миллион тон ангишт истеҳсол кардааст, ки беш аз 99 дарсади ангишт дар дохили кишвар истифода шуда, ҳудуди 18 ҳазор тон (0,95%) – и он ба Ӯзбекистону Покистону содир шудааст.

97 дарсади ангишти Тоҷикистонро ширкатҳои “Шахтаи Фон Яғноб” (ноҳияи Айнӣ, кони Фон Яғноб), “Зиддӣ” (Варзоб, Зиддӣ), “Назар айлоқ” (Рашт, Назар Айлоқ, Шикорхона), “Талко Ресурс” (Айнӣ, Фон Яғноб) ва “Ангишт” (Исфара, Шӯроб) истеҳсол кардаанд.

Тибқи иттилои Хадамоти назорати давлатии бехатарии корҳо дар саноат ва соҳаи кӯҳкорӣ, дар Тоҷикистон 16 ширкат муҷаввизи истихроҷи ангиштро ба даст овардаанд, ки ба шумули ширкатҳои ёдшуда боз 4 ширкат - “Дион ангишти Тоҷикистон” (Панҷакент, Ғузн), Комбинати металлургии тоҷик (Айнӣ, Фон Яғноб), “Ангишти Камароб” (Рашт, Назар Айлоқ, Кафтархона) ва “Ганҷи К” (Ҳисор, Чашмасанг) фаъол буда, бақия 6 адад - “Шӯробод” (Шамсиддини Шоҳин, Шӯробод), “Истиқлол” (Турсунзода, Тошқӯтан), “Сайёд” (Ваҳдат, Сайёд), “Сиёвуш Ф” (Панҷакент, Шишқат), “Қудрат 2010” (Мастчоҳ, Ғезан), “Помир” (Дарвоз) ва “Анавак” (Турсунзода, Ҳакимӣ) фаъол нестанд.

163
Барчаспҳо:
истеҳсол, содир, Покистон, Ӯзбекистон, ангишт, Тоҷикистон
Премьер-министр Таджикистана Кохир Расулзода

Супоришҳои Расулзода ба масъулин барои суръатбахшӣ ба корҳои сохтмонӣ дар Балҷувон

98
Сарвазири Тоҷикистон, Қоҳир Расулзода ба масъулин ҷиҳати суръатбахшӣ ба корҳои сохтмонӣ дар иншооти ҷашнӣ, бозсозии роҳ то мавзеи Сари Хосор, тадбирҳои зиддиэпидемикӣ, таъмини шароити мусоид барои рушди сайёҳӣ дастуру супоришҳои мушаххас дод

ДУШАНБЕ, 10 июл — Sputnik.  Дар доираи  ин сафар ба вилояти Хатлон, Қоҳир Расулзода бо ҷараёни корҳои созандагӣ ва ободонӣ дар  ноҳияи Балҷувон ошно гардид.  

Дар ин бора АМИТ «Ховар» бо такя ба мақомоти иҷроияи ҳокимияти давлатии вилояти Хатлон хабар медиҳад.

Сарвазир бо ҳайати гурӯҳи корӣ бо корҳои  таъмиру навсозии роҳҳои маҳаллии деҳаи Шайдони Ҷамоати деҳоти «Сари Хосор» ошно шудааст.

Гуфта мешавад, ки навсозии ин  роҳҳо дар доираи нақша-чорабиниҳо бахшида ба 30-солагии истиқлоли давлатии Тоҷикистон амалӣ гардида, саҳми соҳибкорон  дар ин ободкориҳо зиёд аст.

"Масофаи роҳи мумфаршгардида наздики 4 км-ро ташкил дода, корҳои сохтмониро техникаҳои роҳсозии Муассисаи давлатии нигоҳдории роҳҳои автомобилгарди ноҳия анҷом медиҳанд", - омадааст дар хабарнома.

Масъулин иттилоъ додаанд, ки аз соли 2019  азнавбарқарорсозии Қаълаи таърихии Мири Балҷувон  оғоз гардида, алаккай як қисмати корҳо дар ин макони таърихӣ ба анҷом расидаанд. Қаълаи  мазкур яке аз ёдгориҳои таърихии ноҳия маҳсуб шуда, ҳамасола шумораи зиёди сайёҳони дохилию хориҷӣ аз он дидан менамоянд.

Расулзода бо ҳайати гурӯҳи корӣ аз корҳои сохтмонӣ дар бинои маъмурии бахши ҳифзи муҳити зисти ноҳия, ҷойи баргузории намоишгоҳ, литсейи касбӣ-техникӣ, майдони Парчами давлатӣ, осорхона ва варзишгоҳ дидан карданд.

Сохтмони варзишгоҳ барои 6000 ҷойи нишаст дар маркази ноҳия бо маблағгузории Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон   ҷараён  дошта, он яке аз  иншооти  ҷашнӣ маҳсуб мешавад.

Дар иншоот 35 нафар мутахассисон ба кор ҷалб гардидаанд.

Ҳамчунин дар ноҳия ҷаласаи кории назди сарвазир дар Қасри фарҳанги ноҳияи Балҷувон бо иштироки раиси вилояти Хатлон Қурбон Ҳакимзода, аъзои Ҳукумат ва фаъолони ноҳия доир гардид.

98
Барчаспҳо:
дастуру супоришҳо, масъулин, Қоҳир Расулзода, Балҷувон
День 15 июля

Ҷашнҳои рӯзи 15 июл дар Тоҷикистон ва ҷаҳон

0
(Таҷдидшуда 20:05 14.07.2020)
Рӯзи понздаҳуми июл Рӯзи байналмилалии малакаи ҷавонон буда, дар Ботсвана – Рӯзи президент ва дар Бруней  – Рӯзи султон мебошад

Рӯзи 15 июл дар ҷаҳон чӣ рух дод

Соли 1888 аввалин маротиба дар таърихи 1000-солаи Ҷопон вулқони Бандай фаввора зад.

День 14 июля
© Sputnik / Стас Этвеш / Вишнякова Мария

Соли 1922 Ҳизби коммунистии Ҷопон таъсис дода шуд.

Соли 1923 Парлумони Италия Конститутсияи нав қабул кард.

Соли 1933 аввалин маротиба яккапарвозӣ бо ҳавопаймо дар гирди кураи Замин оғоз гардид.

Соли 1965 Конгресси ИМА қонунеро қабул намуд, ки талаб мекард дар қуттиҳои сигор ба саломатӣ зиён доштани он навишта шавад.

Соли 1992 миёни Ҷумҳурии Тоҷикистон ва Ҷумҳурии Исломии Афғонистон муносиботи дипломатӣ барқарор гардиданд.

Рӯзи 15 июл дар Тоҷикистон чӣ рух дод

Соли 2009 Сарвари давлат Эмомалӣ Раҳмон дар Миср дар маросими муаррифии китоби «Тоҷикон дар оинаи таърих» бо тарҷума ба забони арабӣ иштирок ва суханронӣ намуд.

День 13 июля
© Sputnik / Стас Этвеш / Вишнякова Мария

Соли 2009 дар Миср зимни вохӯрии Эмомалӣ Раҳмон ва Президенти вақти Филиппин хонум Глория Макапагал Арройо масоили ташкил ва густариши ҳамкории судманд миёни ду кишвар баррасӣ шуд.

Соли 2010 Эмомалӣ Раҳмон ва  муовини ёвари Президенти вақти Иёлоти Муттаҳидаи Америка Майкл Макфол масоили ҳамкории гуногунҷанбаи Тоҷикистону Америкаро баррасӣ намуданд.

Соли 2015 Сарвари давлат Эмомалӣ Раҳмон баҳри шиносоӣ бо ҷараёни корҳои барқарорсозӣ ва суҳбат бо бинокорони Неругоҳи барқи обии «Роғун» ба мавзеи бунёди ин иншоот ба шаҳри Роғун сафар карда, дар он ҷо аз тамоми қитъаҳои сохташавандаи рӯизаминӣ ва иншооти асосии зеризаминӣ боздид намуд.

Соли 2016 дар шаҳри Душанбе иҷлосияи ҳафтуми палатаи болоии Парлумони Тоҷикистон, даъвати панҷум баргузор гардид, ки дар он қариб 40 масъала баррасӣ карда шуд.

Ҷашнҳои рӯзи 15 июл

  • Рӯзи байналмилалии малакаи ҷавонон.
  • Дар Ботсвана – Рӯзи президент.
  • Дар Бруней  – Рӯзи султон.

Рӯзи 15 июл кӣ ба дунё омадааст

1606 — Рембрандт Харменс ван Рейн (соли даргузашт 1669), яке аз рассомони машҳури ҳолландӣ.

1870 — Леонид Красин (соли даргузашт1926), револютсионери русиягӣ, корманди ҳизбӣ.

1905 — Александр Хвиля (фавт 1976), ҳунарманди русиягӣ ва украинӣ, ҳунарманди халқии ИҶШС.

1939 - Алӣ Ҳоманаӣ, сиёсатшиноси эронӣ, президенти Эрон (1981—1989), раҳбари давлат  (аз соли 1989).

Рӯзи 15 июл дар Тоҷикистон кӣ ба дунё омадааст

1922 – ҳунарманди шоистаи Тоҷикистон Ҳалима Насибулина.

1941 – журналист Нур Табаров.

1948 – журналист Саидқул Шопалангзода.

1953 – журналист ва нависанда Раҳмон Остон.

1954 – нависанда  Баҳманёр.

Рӯзи 15 июл кӣ даргузашт

1904 — Антон Чехов (соли таваллуд 1860), драматург ва нависандаи рус.

Рӯзи 15 июл дар Тоҷикистон кӣ даргузашт

1954 — Садриддин Айни (соли таваллуд 1878), шоир ва нависандаи тоҷик, асосгузори адабиёти муосири тоҷик.

0
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 13 июл дар Тоҷикистон ва ҷаҳон
Ҷашнҳои рӯзи 14 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон