Абдураҳмон Қодирӣ. Акс аз бойгонӣ

Ҳаҷми истеҳсоли маҳсулоти Суғд ба як миллиард дулор расонида мешавад

169
(Таҷдидшуда 18:35 17.09.2017)
Ин нуктаро раиси вилояти Суғд, Абдураҳмон Қодирӣ дар ҷасалаи 15-уми байнидавлатии кишварҳои ИДМ оид ба бехатарии саноатӣ гуфтааст

ДУШАНБЕ, 17 сен — Sputnik. Ба гузориши равобити умумии ҳукумати вилояти Суғд, рӯзи 14 сентябр дар шаҳри Гулистон ҷаласаи 15-уми байнидавлатии ИДМ оид ба бехатарии саноатӣ баргузор шудааст.

Раиси вилояти Суғд Абдураҳмон Қодирӣ рушди соҳаи саноатро дар вилояти Суғд назаррас арзёбӣ намуда, таъкид кардааст, ки дар маҷмӯъ ҳаҷми истеҳсоли маҳсулот дар оянда ба як миллиард дулор расонида мешавад.

"Ҳоло дар вилояти Суғд якчанд корхонаҳои бузурги муштараки саноатӣ фаъолияти пурсамар доранд. Меҳмонон дар доираи сафарашон ба вилояти Суғд тибқи барномаи корӣ аз корхонаҳои саноатӣ ва мавзеъҳои фарҳангиву таърихӣ боздид намуда, худ шоҳиди пешравиҳои соҳаҳои мухталиф хоҳанд шуд", — гуфтааст Қодирӣ.

Шӯрои байнидавлатии ИДМ оид ба бехатарии саноатӣ соли 2002 созмон ёфтааст. Ҳадаф аз ташкили он ҳалли масъалаҳои марбут ба бехатарии саноатӣ ва таъмини кафолати амнияти ҳаёт ва саломатии кормандоне, ки дар иншооти хатарнок кору фаъолият менамоянд, инчунин ҳифзи аҳолӣ ва муҳити зист аз садамаҳои техногенӣ бо назардошти истифодаи самараноки таҷриба ва илму техника мебошад.

Дар ҷаласаи 15-ум бо қарори аъзои Шӯро Раёсати Шӯрои байнидавлатии ИДМ оид ба бехатарии саноатӣ ба уҳдаи Ҷумҳурии Тоҷикистон гузошта шуд.

Ба ҳайъати Шӯро ҷумҳуриҳои Озарбойҷон, Арманистон, Молдова, Федератсияи Русия, Қазоқистон, Қирғизистон, Тоҷикистон ва Украина шомил мебошанд.

Илова бар ин бо пешниҳоди кишварҳои аъзои Шӯрои мазкур дар ҷаласаи 15-ум намояндагони Узбакистон даъват шуда, ширкат кардаанд.

169
Барчаспҳо:
ҷаласа, ИДМ, Абдураҳмон Қодирӣ, Суғд
Мавзуъ
Нигаронии раисҷумҳур аз вазъи бади саноат ва ёдоварӣ аз захираҳои нафту газ
Вазири саноат: ТАЛКО мушкилот дорад ва онро бояд ҳал кард
На фабрике по производству тканей, архивное фото

Дар Тоҷикистон давоми сол беш аз 20 корхонаи ватанӣ ба кор шурӯъ кард

40
(Таҷдидшуда 10:18 29.10.2020)
Тибқи нақшаи саноатикунонии барвақтӣ дар Тоҷикистон, сарфи назар аз пандемия, зиёда аз бист корхонаи саноати сабук бо ҷойҳои нави корӣ бомуваффақият ба кор шурӯъ карданд

ДУШАНБЕ, 29 окт - Sputnik. Давоми соли ҷорӣ дар Тоҷикистон 26 корхона ва коргоҳҳои нави соҳаи саноати сабук ба кор шурӯъ карданд, хабар медиҳад Вазорати саноат ва технологияҳои нави кишвар.

Ба иттилои манбаъ, дар нӯҳ моҳи соли 2020, ба туфайли ифтитоҳи ин адад корхонаҳо, зиёда аз 490 нафар бо кор таъмин карда шуданд.

Манбаъ мегӯяд, қариб ҳамаи онҳо ба коркарди пахта, дӯхтани либосҳои гуногун, ҷӯробҳо, халтаҳои полипропиленӣ ва кӯрпаҳои пахта ихтисос додашудаанд.

Ҳамзамон корхонаҳои истеҳсоли пойафзол ва мебел низ мавҷуданд.

Тибқи маълумоти вазорат, соли ҷорӣ дар мамлакат корхонаҳои саноатии “Ваҳдат Текстайл” бо иқтидори солонаи истеҳсоли 19,2 миллион ҷуфт ҷӯробҳои гуногун, ҶДММ “Тоҷтекс” бо иқтидори 20 ҳазор дона маҳсулоти дӯзандагӣ дар як шабонарӯз дар шаҳри Душанбе ба кор оғоз карданд.

Дар Данғара марҳилаи дуюми ҶДММ "Фарм Текс" барои истеҳсоли докаи тиббӣ ба истифода дода шуд. Дар Хуҷанд дар заминаи "Сано" ва "Нассоҷи Хуҷанд" коргоҳҳои дӯзандагӣ боз шуданд.

Чунин корхонаҳои саноати сабук дар шаҳри Хоруғ, Ҳисор, ноҳияи Шаҳринавский низ пайдо шуданд.

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

Хабар дода мешавад, ки дар 9 моҳи соли равон барои васеъ кардани иқтидори истеҳсолӣ ва баланд бардоштани сифати маҳсулот дар корхонаҳои саноати сабук ба маблағи 85 миллион сомонӣ (8,2 миллион доллар) барои қолинбофӣ, гулдӯзӣ ва дӯзандагӣ таҷҳизот насб карда шудааст.

40
Цементный завод, архивное фото

Тоҷикистон ба кишварҳои ҳамсоя як миллион тонна семент содир кард

141
(Таҷдидшуда 16:49 26.10.2020)
Ҷумҳурии Тоҷикистон дар соли 2020 истеҳсоли семент ва интиқоли он ба кишварҳои ҳамсояро афзоиш дод

ДУШАНБЕ, 26 окт — Sputnik. Соли 2020 истеҳсоли семент дар Тоҷикистон ба 3237,1 ҳазор тонна расид, омадааст дар гузориши Ожонси омори кишвар.

Коршиносон мегӯянд ин нишондод назар ба ҳамин давраи соли гузашта 89,4 ҳазор тонна зиёд аст.

Як миллиарду 700 миллион доллар: арзиши истеҳсоли маҳсулоти саноатии Тоҷикистон эълом шуд

Дар 9 моҳи соли 2020 истеҳсоли семент ба 3237,1 ҳазор тонна расид, ки назар ба ҳамин давраи соли гузашта 89,4 ҳазор тонна зиёд аст.

"Аз ин миқдор 996,0 ҳазор тонна семент ба хориҷи мамлакат, аз ҷумла ба Ҷумҳуриҳои Ӯзбекистон 562,0 ҳазор тонна, Афғонистон 391,0 ҳазор тонна ва Қирғизистон 43,0 ҳазор тонна содирот гардидааст", - омадааст дар гузориш.

Ҳаҷми содиротгардида 31% ҳаҷми сементи дар ин давра истеҳсолгаридаро ташкил медиҳад.

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

Гуфта мешавад, ки дар зиёд шудани истеҳсоли семент саҳми ҶДММ "Чунгтсай Моҳир семент"-и ноҳияи Ёвон 27,9 %, "Хуаксин Ғаюр семент"-и ноҳияи Ёвон 27,1%, "Хуаксин Ғаюр Суғд семент"-и ноҳияи Бобоҷон Ғафуров 26,7% ва "Сементи Тоҷик" 5,2 % назаррас мебошад.

141
Барчаспҳо:
интиқол, истеҳсол, семент, Тоҷикистон
Эмомалӣ Раҳмон бо ниқоб, акс аз бойгонӣ

Қарори Ҳукумат барои сабукӣ: дору, ниқоб ва тестҳо алайҳи СОVID-19 арзон мешаванд?

201
(Таҷдидшуда 13:31 29.10.2020)
Эмомалӣ Раҳмон, раисиҷумҳури Тоҷикистон, бо имзои қарори Ҳукумат дорую дастгоҳҳои тиббиеро, ки барои мубориза бо СОVID-19 вориди кишвар мешаванд, аз пардохти боҷу андоз озод кард

ДУШАНБЕ, 29 окт — Sputnik. Бар асоси қарор, ки Эмомалӣ Раҳмон охири сентябр имзо кардааст, доруворӣ ва дастгоҳҳое, ки барои муайянсозию мубориза бо коронавирус ворид мешаванд, аз пардохти аксизҳо, боҷҳои гумрукӣ ва андоз аз арзиши иловашуда озод карда мешаванд.

Хадамоти гумруки Тоҷикистон муваззаф шудааст, ки расмиёти заруриро зимни воридоти маводи мубориза бо коронавирус саривақт анҷом диҳад.

Ба феҳрасти колое, ки аз пардохтҳои ҳатмӣ озод шудаанд, аз ҷумла мавод барои истеҳсоли воситаҳои  безараргардонӣ, дору, либосҳои муҳофизатӣ ва таҷҳизот барои муайянсозии бемории сироятии коронавирус зикр гардидаанд.

Аз ҷумла воридоти тестҳое, ки гирифтории шахс ба ин бемориро фавран муайян месозанд, аз боҷу андоз озод гардидаанд.

Дар феҳраст инчунин матоъ барои дӯхтани ниқобу либосворӣ, дастгоҳҳои ҳаводиҳӣ, дастгоҳҳои ренгению ташхиси компютерӣ ва даҳҳо маводу дастгоҳи дигар зикр шудаанд.

Ироаи сабукӣ дар ҳолест, ки қаблан корафтодагон дар шабакаҳои иҷтимоӣ аз гарон будани дорувориҳо ва воситаҳои мубориза бо коронавирус дар Тоҷикистон шикоят карда буданд.

201
Барчаспҳо:
сабукӣ, қарори ҳукумат, дору, Тоҷикистон