Фермерское хозяйство в Чеченской Республике

Вазорати кишоварзии ҶТ: саршумори чорво дар кишвар афзоиш ёфтааст

97
(Таҷдидшуда 14:02 28.03.2018)
Вазорати кишоварзии Тоҷикистон аз дастовардҳояш дар соли 2017 гузориш додаву мегӯяд саршумори чорво ва тавлиди маҳсулоти чорводорӣ дар кишвар афзоиш ёфтааст

ДУШАНБЕ, 16 янв — Sputnik. Бино ба гузориши Вазорати кишоварзии ҶТ, дар ҳама бунаҳову бунгоҳҳои кишоварзии Тоҷикистон 2 309 613 сар чорво, аз он ҷумла 1 189 733 сар модагов, 5 567 354 сар гӯсфанду буз, 5 255 667 сар паранда парвариш меёбад.

Аз ин саршумор, 162 482 сар гов (7 дарсад), 1 005 448 сар гӯсфанду буз  (18,1 дарсад) ва 1 814  508 сар паранда  (34,5 паранда дар бунгоҳҳои кишоварзӣ парвариш мешавад. Дар маҷмуъ 80,2 дарсад чорво ва парандаҳо дар бунаҳо ё хонаводаҳо парвариш меёбанд.

Бино ба омори Вазорати кишоварзӣ, дар соли 2017 нисбат ба соли 2016 саршумори чорвои калон 1,4 дарсад, гӯсфанду буз 2,8 дарсад, паранда 2,8 дарсад ва асп 0,6 дарсад афзоиш ёфтааст.

Ҳамчунин дар ин гузориш омада, ки дар соли 2017 бунгоҳҳои кишоварзии Тоҷикистон 248 769 тонна гӯшт, 949 912 тонна шир, 341 400 млн дона тухм, 4 102 тонна асал ва 2 054 тонна моҳӣ тавлид кардаанд.

Бино ба бароварди коршиносон, ҳаҷми тавлиди маҳсулоти чорводорӣ дар кишвар ба 7,6 млрд сомонӣ расида, ки 5,6 дарсад бештар аз соли 2016 аст.

Ҳаҷми умумии маҳсулоти кишоварзӣ дар соли 2017 ба 24 млрд 576 млн сомонӣ расонида шуд, ки 6,8 дарсад аз соли 2016 бештар аст.

97
Барчаспҳо:
саршумори чорво, Вазорати кишоварзии ҶТ, Тоҷикистон
Мавзуъ
Моҳипарварӣ дар Тоҷикистон: тавлидот бештар, вале нарх ҳам гаронтар
Мыло, архивное фото

Собун ва хокаи ҷомашӯии тоҷикӣ: "Озода косметик" истеҳсол мекунад

332
(Таҷдидшуда 14:00 27.07.2020)
Дар ноҳияи Бобоҷон Ғафуров авохири соли ҷорӣ корхонаи истеҳсоли собун ва хокаи ҷомашӯӣ ба истифода дода мешавад

ДУШАНБЕ, 27 июл — Sputnik. Мақомоти иҷроияи ҳокимияти ноҳияи Бобоҷон Ғафуров нақша дорад то ҷашни 30 - солагии Истиқлолияти давлатии Тоҷикистон бунёди 12 коргоҳи истеҳсоли маҳсулоти воридивазкунандаро амалm намояд, хабар медиҳад агентии Ховар.

Ба иттилои манбаъ, то авохири соли ҷорӣ, дар ин ноҳия истеҳсоли собун ва хокаи ҷомашӯӣ ба роҳ андохта мешавад.

Ин корхона дар шаҳраки Ғафуров бо ибтикори ҶДММ "Озода косметик" сохта мешавад.

Гуфта мешавад, то имрӯз ба коргоҳ хати муосири технологӣ ворид ва он насб гардида, ҳоло аз ҷониби мутахассисон корҳои таҷрибавии истеҳсолӣ ба роҳ монда шудаанд.

Made in Tajikistan: дар ноҳияи Бобоҷон Ғафуров ба истеҳсоли афшура шурӯъ карданд

Гузашта аз ин, дар маркази ноҳия сохтмони боз ду коргоҳи нави саноатӣ — корхонаи коркарди ғалла ва истеҳсоли равған бо маром ҷараён дорад. Ин ду коргоҳ аз ҷониби ҶДММ "Хубҷамъ" дар масоҳати 5 гектар ба маблағи 120 миллион сомонӣ бунёд гардида истода, ҳоло корҳои сохтмонӣ дар арафаи анҷом қарор доранд.

Тибқи нақша, дар корхонаи коркарди ғалла дар як шабонарӯз то 500 тонна гандум коркард гардида, дар корхонаи истеҳсоли равған низ дар як шабонарӯз то 30 тонна маҳсулот истеҳсол карда мешавад.

Оғози пахтачинӣ дар ноҳияи Бобоҷон Ғафуров ва тавсияҳои Аҳмадзода ба пахтачинон

Манбаъ меафзояд, дар шаш моҳи аввали соли ҷорӣ дар ноҳия бо саҳми соҳибкорони маҳаллӣ 8 коргоҳи нави истеҳсолӣ бо 80 ҷойи корӣ мавриди баҳрабардорӣ қарор гирифта,  дар маҷмӯъ, дар давраи ҳисоботӣ аз ҷониби қариб сад коргоҳи саноатии ноҳия ба маблағи 948582,0 ҳазор сомонӣ маҳсулот истеҳсол гардид.

Ҳамзамон суръати афзоиши истеҳсолот дар ин давра ба 169,9% баробар гардидааст.

332
Барчаспҳо:
истеҳсол, коргоҳ, Бобоҷон Ғафуров
Сохтмони Коллеҷи оташнишонӣ дар Данғара

Мақомоти Данғара аз бунёди чандин корхонаҳои нав эълон кард

266
Дар ноҳияи Данғара бунёди 14 корхонаи истеҳсолӣ, ба нақша гирифта шудааст. Дар ин корхонаҳо садҳо нафар бо ҷойҳои нави корӣ таъмин мегарданд

ДУШАНБЕ, 26 июл — Sputnik. Тавре дар нишасти матбуотӣ муовини якуми раиси ноҳияи Данғара Шарифзода Ҷамшед хабар дод, айни замон корҳои сохтмонии 10 корхонаи саноатӣ бомаром идома доранд.

Вай афзуд, ба истиқболи ҷашни 30-солагии Истиқлолияти давлатии Тоҷикистон дар ноҳияи Данғара сохтмони зиёда аз 372 адад иншооти таъйиноти гуногун ба нақша гирифта шудааст.

“Аз шумораи умумии иншооти сохташаванда 153 адади он алакай мавриди баҳрабардорӣ қарор гирифтаанд. Рӯзҳои наздик 33 иншооти дигари ҷашнӣ ба истифода дода мешаванд”, - гуфт Шарифзода Ҷамшед.

Ҳамзамон вай таъкид дошт, ки то моҳи сентябри соли 2021 бунёди боз 93 адад иншоот пешбинӣ шудааст.

“Ҳамчунин мумфаршкунии 184 км роҳҳои ноҳия дар назар дошта шудааст ва то имрӯз дар зиёда аз 94 км-и он корҳои сохтмонӣ ба анҷом расидаанд. Аз 371 иншооти ба шарафи ҷашни миллӣ бунёдшаванда 38 адад ба соҳаи маориф, 70 адад ба соҳаи тандурустӣ, 8 адад ба соҳаи фарҳанг, 35 адади он ба соҳаи варзиш рост омада, инчунин сохтмони 14 корхонаи саноатӣ ба нақша гирифта шудааст”, гуфт муовини якуми раиси ноҳияи Данғара.

Инчунин масъулини ноҳияи қақд карданд, ки корхонаи “Ҷунтай-Данғара Син Силу Текстил” дар муддати ду соли охир ба Чин қариб 13 ҳазор тонна риштаи пахта содирот намудааст. 

266
Барчаспҳо:
бунёд, ишғоли ҷойҳои корӣ, корхона, Данғара, Тоҷикистон
День 4 августа

Ҷашнҳои рӯзи 4 август дар Тоҷикистон ва ҷаҳон

0
(Таҷдидшуда 18:49 03.08.2020)
Рӯзи чоруми август дар ИМА – Рӯзи посбони соҳил, дар Украина –Рӯзи милитсияи миллӣ ва дар ҷазираҳои Кук – Рӯзи Конститутсия таҷлил мешавад

Рӯзи 4 август дар ҷаҳон чӣ рух дод

Соли 1777 дар Лондон нахустин Сирк дар ҷаҳон кушода шуд.

Соли 1870 дар Олмон аввалин мусобиқаи байналмилалии шоҳмот баргузор гардид.

Шахматы
© CC0 / Pixabay
Шахматы

Соли 1884 дар ИМА санги аввал барои бунёди пайкараи Озодӣ гузошта шуд.

© Sputnik / Алексей Филиппов
Города мира. Нью-Йорк

Соли 1942 дар Канада дар фурӯши чой ва қаҳва маҳдудият ҷорӣ карда шуд.

День 3 августа
© Sputnik / Стас Этвеш / Вишнякова Мария

Соли 1944 аввалин санҷиши ҳавопаймоҳои реактивии Англия — Gloster Meteor гузаронида шуд.

Соли 1963 Бонки рушди Африқо таъсис ёфтааст.

Соли 1976 дар Лондон аввалин мусобиқаи чирчирак миёни дастаҳои занона баргузор гардид.

Соли 1993 Парлумони Молдова оид ба ворид шудани ин кишвар ба Иттиҳоди Давлатҳои Мустақил ҳалнома қабул кард.

Рӯзи 4 август дар Тоҷикистон чӣ рух дод 

Соли 1997 Маҷлиси олии Тоҷикистон қарор "Дар бораи авфи иштирокчиёни даргириҳои сиёсӣ ва низомӣ"-ро қабул кард.

Соли 2009 миёни ҳукуматҳои Ҷумҳурии Тоҷикистон ва Фаронса Протокол оид ба сохтмони терминали нави Фурудгоҳи байналмилалии Душанбе бо маблағи 27 миллион евро ба имзо расид.

 Новый терминал душанбинского аэропорта. Архивное фото
© Sputnik
Новый терминал душанбинского аэропорта. Архивное фото

Соли 2009 дар Маҷмааи давлатии «Кохи Борбад» намоиши байналмилалии «Рушди энергетикаи Афғонистон» баргузор гардид.

Соли 2011 дар шаҳри Истаравшан дар Ҷамъияти саҳомии пўшидаи «Оби Зулол» бо иштироки Эмомалӣ Раҳмон коргоҳи нави коркарди меваю сабзавот мавриди баҳрабардорӣ қарор гирифт.

Соли 2016 Президенти Ҷумҳурии Тоҷикистон Эмомалӣ Раҳмон бо мақсади шиносоӣ бо ҷараёни иҷрои корҳои ободонӣ ба шаҳри Роғун сафари корӣ анҷом дода, ҳамчунин бо корҳои барқарорсозӣ дар Неругоҳи барқи обии «Роғун» шинос шуд.

Ҷашнҳои рӯзи 4 август

  • Дар ИМА – Рӯзи посбони соҳил.
  • Дар Украина –Рӯзи милитсияи миллӣ.
  • Дар ҷазираҳои Кук – Рӯзи Конститутсия.

Рӯзи 4 август дар Тоҷикистон кӣ ба дунё омадааст

Абдулазизова (Ҳаётова) Оиша (1921-2012) – актрисаи театр, Ҳунарпешаи шоистаи Тоҷикистон.

Бурҳониддин Баҳоваддинов (1953) – доктори илми тиб, профессор.

Андрей Волос (1955)- нависанда (зодаи Тоҷикистон).

Матлуба Ғаффорова (1954) – доктори илми тиб, профессор.

Мирзо Давлат (1953) – нависанда.

Ҷамшед Каримов (1940) –арбоби давлатӣ, доктори илми иқтисод, узви вобастаи АИ Тоҷикистон.

Ҳотам Солеҳбоев (1910-1987)- арбоби давлатӣ.

Табибӣ (Қосимов Абдулҳаким) (1935)- шоир.

Самеъҷон Уроқов (1947) – карнайнавоз, Ҳунарпешаи шоистаи Тоҷикистон.

Евгений Фала (1913 – 1988) – сарояндаи оркестр, Ҳунарпешаи шоистаи Тоҷикистон.

Рӯзи 4 август кӣ ба дунё омадааст

Барак Обама (1961)- 44-умин президенти ИМА.

Президент США Барак Обама
© Sputnik / Сергей Гунеев
Президент США Барак Обама
0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 24 июл дар Тоҷикистон ва ҷаҳон
Ҷашнҳои рӯзи 25 июл дар Тоҷикистон ва ҷаҳон
Ҷашнҳои рӯзи 28 июл дар Тоҷикистон ва ҷаҳон
Ҷашнҳои рӯзи 26 июл дар Тоҷикистон ва ҷаҳон
Ҷашнҳои рӯзи 29 июл дар Тоҷикистон ва ҷаҳон
Ҷашнҳои рӯзи 31 июл дар Тоҷикистон ва ҷаҳон
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон