Председатель согдийской области Раджаббой Ахмадзода, архивное фото

Нигаронии раиси вилояти Суғд аз шароити номусоиди коргоҳҳои мурғпарварӣ

424
(Таҷдидшуда 12:18 04.04.2018)
Раиси вилояти Суғд, Раҷаббой аҳмадзода бо сафари корӣ ба ноҳияи Ҷаббор Расулов сафар кардааст

ДУШАНБЕ, 4 апр — Sputnik. Раиси вилоят зимни сафараш аз пурра истифода нагардидани имкониятҳои корхона, таъмирталаб будани қисме аз коргоҳҳои мурғпарварӣ, ҳолати яхдони фабрикаи "Ганҷи Ҳилол" изҳори ниграонӣ кардааст, хабар медиҳад равобити умумии ҳукумати вилояти суғд.

Гуфта мешавад, ки зимни ин сафар раиси вилоят нахуст ба агрохолдинги "Ганҷи Ҳилол"-и Ҷамоати деҳоти Деҳмой омада, аз майдони кишти барвақтии зироатҳо боздид намудааст

Агрохолдинги "Ганҷи Ҳилол" дорои 400 гектар замин буда, дар он картошка, помидор, бодиринг, сирпиёз, карам ва дигар маҳсулоти кишоварзӣ парвариш меёбад.

Председатель согдийской области Раджаббой Ахмадзода
© Фото : пресс-служба Хукумата Согдической области

Ба гузориши манбаъ, 60 дарсади маҳсулоти истеҳсолшуда ба кишварҳои дуру наздик содирот ва 40 дарсади дигар ба бозорҳои мамлакат ба фурӯш бароварда мешавад. Дар ин заминҳо ҳамасола то 4 ҳосил руёнида мешавад.

Раиси вилоят бо деҳқонони минтақа ҳамсуҳбат гардида, рушди соҳаи кишоварзӣ ва ба даст овардани ҳосили фаровонро аз меҳнати пурмашаққати марди деҳқон вобаста гуфтааст.

Ӯ гуфтааст, ки имрӯз дар вилоят маданияти истифодаи замин боло рафтааст ва мақомоти иҷроияи ҳокимияти давлатии вилоят деҳқонону кишоварзонро пайваста дастгирӣ хоҳад кард.

Дар идомаи сафар Раҷаббой Аҳмадзода бо фаъолияти фабрикаи парандапарварии Ҷамъияти дорои масъулияташ маҳдуди "Ганҷи Ҳилол" ошно шудааст.

Председатель Согда в районе Джаббор Расулов
Председатель Согда в районе Джаббор Расулов

дар ҳоли ҳозир дар ин фабрика 84 ҳазор сар паранда парвариш карда мешавад, ки аз ин шумор 44 ҳазору 392 сар мурғи тухмдеҳ мебошад. Дар фабрикаи мазкур танҳо дар моҳи март 595 ҳазор дона тухм истеҳсол шудааст ва мувофиқи нақша истеҳсоли тухм дар моҳи апрел то ба 1 миллион дона расонида мешавад.

Раиси вилоят аз пурра истифода нагардидани имкониятҳои корхона, таъмирталаб будани қисме аз коргоҳҳои мурғпарварӣ, ҳолати яхдон ва дигар иншооти ёрирасон изҳори нигаронӣ кардаасту барои ислоҳи камбудиҳо супоришҳои мушаххас додааст.

424
Барчаспҳо:
вазъи ногувор, нигаронӣ, Раҷаббой Аҳмадзода, Суғд
Премьер-министр Таджикистана Кохир Расулзода

Супоришҳои Расулзода ба масъулин барои суръатбахшӣ ба корҳои сохтмонӣ дар Балҷувон

96
Сарвазири Тоҷикистон, Қоҳир Расулзода ба масъулин ҷиҳати суръатбахшӣ ба корҳои сохтмонӣ дар иншооти ҷашнӣ, бозсозии роҳ то мавзеи Сари Хосор, тадбирҳои зиддиэпидемикӣ, таъмини шароити мусоид барои рушди сайёҳӣ дастуру супоришҳои мушаххас дод

ДУШАНБЕ, 10 июл — Sputnik.  Дар доираи  ин сафар ба вилояти Хатлон, Қоҳир Расулзода бо ҷараёни корҳои созандагӣ ва ободонӣ дар  ноҳияи Балҷувон ошно гардид.  

Дар ин бора АМИТ «Ховар» бо такя ба мақомоти иҷроияи ҳокимияти давлатии вилояти Хатлон хабар медиҳад.

Сарвазир бо ҳайати гурӯҳи корӣ бо корҳои  таъмиру навсозии роҳҳои маҳаллии деҳаи Шайдони Ҷамоати деҳоти «Сари Хосор» ошно шудааст.

Гуфта мешавад, ки навсозии ин  роҳҳо дар доираи нақша-чорабиниҳо бахшида ба 30-солагии истиқлоли давлатии Тоҷикистон амалӣ гардида, саҳми соҳибкорон  дар ин ободкориҳо зиёд аст.

"Масофаи роҳи мумфаршгардида наздики 4 км-ро ташкил дода, корҳои сохтмониро техникаҳои роҳсозии Муассисаи давлатии нигоҳдории роҳҳои автомобилгарди ноҳия анҷом медиҳанд", - омадааст дар хабарнома.

Масъулин иттилоъ додаанд, ки аз соли 2019  азнавбарқарорсозии Қаълаи таърихии Мири Балҷувон  оғоз гардида, алаккай як қисмати корҳо дар ин макони таърихӣ ба анҷом расидаанд. Қаълаи  мазкур яке аз ёдгориҳои таърихии ноҳия маҳсуб шуда, ҳамасола шумораи зиёди сайёҳони дохилию хориҷӣ аз он дидан менамоянд.

Расулзода бо ҳайати гурӯҳи корӣ аз корҳои сохтмонӣ дар бинои маъмурии бахши ҳифзи муҳити зисти ноҳия, ҷойи баргузории намоишгоҳ, литсейи касбӣ-техникӣ, майдони Парчами давлатӣ, осорхона ва варзишгоҳ дидан карданд.

Сохтмони варзишгоҳ барои 6000 ҷойи нишаст дар маркази ноҳия бо маблағгузории Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон   ҷараён  дошта, он яке аз  иншооти  ҷашнӣ маҳсуб мешавад.

Дар иншоот 35 нафар мутахассисон ба кор ҷалб гардидаанд.

Ҳамчунин дар ноҳия ҷаласаи кории назди сарвазир дар Қасри фарҳанги ноҳияи Балҷувон бо иштироки раиси вилояти Хатлон Қурбон Ҳакимзода, аъзои Ҳукумат ва фаъолони ноҳия доир гардид.

96
Барчаспҳо:
дастуру супоришҳо, масъулин, Қоҳир Расулзода, Балҷувон
Сотрудники птицефабрики, архивное фото

Гӯшти мурғ арзон мешавад: дар Данғара бузургтарин фабрикаи парандапарварӣ сохта мешавад

599
(Таҷдидшуда 18:08 06.07.2020)
Гуфта мешавад, дар сурати пурра ба фаъолият оғоз намудани корхонаи парандапарварӣ дар он 270 нафар ба ҷои кори доимӣ ва маоши хуб таъмин хоҳанд гашт

ДУШАНБЕ, 6 июл – Sputnik. То таҷлили 30-солагии истиқлоли Тоҷикистон дар ноҳияи Данғараи вилояти Хатлон  бузургтарин фабрикаи парандапарварӣ ба истифода дода мешавад.

Ин комплекси муҳташами парандапарварӣ дар деҳаи Хоҷа Шақиқи Балхии Ҷамоати деҳоти Себистони ноҳияи мазкур  бунёд гардида, мувофиқи лоиҳа, дар ин ҷо 24 бинои мурғхона — ҳар кадом бо дарозии 96 метр бунёд мегардад, хабар медиҳад АМИТ "Ховар".

Бино ба гузориши манбаъ, ҳоло дар минтақаи мазкур  корҳои сохтмонии 12 мурғхона бомаром  идома  дорад. Роҳбарияти  корхонаи мазкур бо мақсади сари вақт ва бо сифати баланд таъмин намудани сокинону меҳмонони пойтахти мамлакат бо гӯшти болаззати парҳезӣ дар шаҳри Душанбе бунёди бинои салоҳхонаи фабрика барои забҳи парандаро  ба нақша гирифтааст.

Тавре муовини раиси Ҷамоати деҳоти Себистони ноҳияи Данғара Фарҳод Саймуродзода гуфтааст,  фабрикаи парандапарварӣ яке аз  калонтарин  иншооти ҷашнӣ маҳсуб ёфта, самти асосии фаъолияти корхонаи мазкур  истеҳсоли гӯшти парандаи зотӣ (Бройлер) мебошад.

Тибқи иттилои  роҳбари ширкати  сохтмонии "Мармарӣ" Ҷаҳонгир Раззоқов иқтидори истеҳсолии  корхонаи парандапарварӣ  дар як сол беш аз 5140 тонна гӯшти парҳезиро ташкил дода, тибқи лоиҳа, дар дохили он 2 сардхонаи муосир барои нигоҳдории маҳсулоти тайёр бо ғунҷоиши 1 ҳазору 200 тонна гӯшт сохта мешавад. Маҷмааи парандапарварӣ аз 30 иншоот, аз ҷумла биноҳои мурғхонаҳо, инкубаторӣ, анбор, санитарӣ, маъмурӣ ва дигар иншооти ёрирасон иборат мебошад.

Гуфта мешавад, ки дар сурати пурра ба фаъолият оғоз намудани корхонаи парандапарварӣ дар он 270 нафар ба ҷои кори доимӣ ва маоши хуб таъмин хоҳад гашт.

Баъди ба истифода додани комплекси парандапарварӣ дар навбати аввал тухми инкубатсионӣ аз Ҷумҳурии Ӯзбекистон ворид карда мешавад. Тибқи нақша,  дар оянда  корхона баҳри паст кардани арзиши аслии маҳсулот ва аз байн бурдани вобастагӣ аз воридоти он аз хориҷи мамлакат  истеҳсоли тухми инкубаториро дар дохили корхона ба роҳ мемонад.

Мутобиқи лоиҳа, обе, ки пас аз забҳи мурғ боқӣ мемонад, тавассути таҷҳизоти махсуси тозакунӣ коркард ва барои шустушӯи мурғхонаҳо, инчунин, обёрии заминҳои назди корхона истифода бурда мешавад.

Ҳамчунин, дар ин корхона дар оянда коркарди пурраи гӯшти паранда ва истеҳсоли ҳасибҳои гуногун дар назар аст. Ҳамаи техникаҳо, хатҳои истеҳсолӣ ва технологияи корхона аз кишварҳои пешрафтаи ҷаҳон, аз ҷумла Русия ва Чин ворид карда мешаванд.

599
Барчаспҳо:
парандапарварӣ, корхона, Данғара
Президент Республики Таджикистан Эмомали Рахмон

Ҷаласаи Ҳукумат: аз коронавирус то омодагӣ ба зимистон баррасӣ шуд

0
(Таҷдидшуда 21:05 13.07.2020)
Эмомалӣ Раҳмон, раисиҷумҳури Тоҷикистон, бо баргузории ҷаласаи Ҳукумат, масъалаҳои таъмини амнияти озуқаворӣ, ҷамъоварии ҳосил, кишти такрорӣ, чораҳои санитарӣ - гигиенӣ алайҳи коронавирус ва омодагӣ ба зимистони солҳои 2020-2021-ро баррасӣ кард

ДУШАНБЕ, 13 июл — Sputnik. Тибқи иттилои котиботи раисиҷумҳури Тоҷикистон, Эмомалӣ Раҳмон таваҷҷуҳи аъзои Ҳукумати кишвар, роҳбарони вазорату идораҳо ва шаҳру ноҳияҳоро ба вазъи имрӯзаи ҷомеаи ҷаҳонӣ, таъсири омилҳои беруна ба иқтисоди миллӣ, хатари пандемияи коронавирус дар ҷаҳон ва таъсири манфии он ба рушди иҷтимоиву иқтисодии кишварҳои олам ҷалб кард.

Раисиҷумҳур ба Ҳукумати кишвар, мақомоти шаҳру ноҳияҳо, роҳбарони вазорату идораҳо супориш додаст, ки бо мақсади фаъолияти босуботи иқтисоди миллӣ, ҷиҳати кам кардани таъсири манфии хавфҳои беруна ба он ва таъмини фаъолияти мунтазами тамоми соҳаҳои иқтисодиёт, чораҳои таъхирнопазир андешанд.

Ба Вазорати тандурустӣ ва ҳифзи иҷтимоӣ ҷиҳати тарғиби тарзи ҳаёти солим, пешниҳоди тавсияи мутахассисони соҳа барои риояи қоидаҳои санитарӣ-гигиенӣ, таъмини марказҳои саломатӣ бо маводи доруворӣ дастуру супоришҳо дода шуд, таъкид кард котиботи раисиҷумҳур.

"Инчунин тамоми роҳбарони мақомоти марказӣ ва маҳаллии ҳокимияти давлатӣ вазифадор шуданд, ки захираву имкониятҳоро вобаста ба ғамхорӣ нисбат ба табақаҳои ниёзманд, беҳтаргардонии хизматрасониҳои тиббӣ ва пешгирӣ кардани бемории сироятии коронавирус ва пешбурди корҳои фаҳмондадиҳӣ дар байни аҳолӣ оид ба тозаву озода нигоҳ доштани муҳиту маҳалли зист, коргоҳу, иншоот ва риояи қоидаҳои беҳдоштӣ (гигиенаи шахсӣ) ба таври самаранок истифода баранд", - омадааст дар иттилоия.

Кумитаи телевизион ва радиои назди Ҳукумат ва дигар расонаҳои иттилоотии кишвар супориш гирифтаанд, ки дар бораи истифодаи самараноки заминҳои наздиҳавлигӣ ва хоҷагиҳои ёрирасон, бо истифода аз имкониятҳои ҳар як оила коркарди хонагии меваю сабзавот ва захираи зарурии маводи хуроквориро дар хонаҳо бештар тарғиб намоянд.

Дар охири кори маҷлис Эмомалӣ Раҳмон ба Ҳукумати кишвар ва мақомоти иҷроияи ҳокимияти давлатӣ барои дар сатҳи зарурӣ доир кардани маъракаи зимистонгузаронӣ, истифодаи сарфаркоронаи неруи барқ дар шароити камобӣ, омода намудани иншооти соҳаҳои иҷтимоию иқтисодӣ ба давраи зимистон, захираи кофии маводи хӯрокворӣ, захираи ангишт ва дигар сӯзишворӣ, таъмини барқу гармӣ ба муассисаҳо ва аҳолӣ дар фасли зимистон, омода кардани марказҳои барқу гармидиҳӣ, тайёр кардани муассисаҳои миёна ва олии таълимии кишвар, аз ҷумла донишгоҳу донишкадаҳо, литсейю коллеҷҳо ва омӯзишгоҳҳо ба соли хониши 2020-2021, оид ба вусъати корҳои ободониву бунёдкорӣ бахшида ба ҷашни 30-солагии Истиқлолияти давлатӣ, супоришҳои мушаххас додаст.

0
Барчаспҳо:
зимистон, Ҳукумат, Эмомалӣ Раҳмон, Тоҷикистон