Эмомалӣ Раҳмон, раисиҷумҳури Тоҷикистон ҳангоми боздид аз ВМКБ

Ташвиши Раҳмон дар Роштқалъа: насби техникаи куҳна дар корхонаи нав ва иҷро нашудани нақша

2714
(Таҷдидшуда 12:51 12.09.2018)
Эмомалӣ Раҳмон, раисиҷумҳури Тоҷикистон имрӯз зимни боздидаш аз ноҳияи Роштқалъа вазъи иқтисодӣ-иҷтимоиро таҳлил намуда, аз иҷро нашудани супоришҳо ва оғоз нагардидани кор дар 42 иншооти нақшавӣ нигаронӣ кардааст

ДУШАНБЕ, 12 сен — Sputnik. Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон дар мулоқот бо сокинон аз он нигаронӣ кардааст, ки барноми рушди Роштқалъа барои солҳои 2016-2020, ки 142 лоиҳа ба маблағи қариб 250 миллион сомониро дар бар мегирад, дар сатҳи зарурӣ татбиқ нашуда истодааст.

"Аз маблағи умумии барнома 83 миллион сомонӣ ба соҳаҳои иҷтимоиву иқтисодӣ ва беш аз 156 миллион сомонӣ барои рушди инфрасохтор равона гардидааст.  Вале бояд гуфт, ки дар дуюним соли татбиқи барнома ҳамагӣ 9 фоизи он амалӣ шуда, 18 миллион сомонӣ аз худ карда шудааст. Илова бар ин, бо сабабҳои гуногун дар 42 иншоот корҳои сохтмон тибқи барномаи пешбинишуда то ҳанӯз оғоз нагардидаанд", — таъкид намудааст раисиҷумҳур.

Раисиҷумҳур роҳбарияти вилоят ва вазоратҳои дахлдорро муваззаф намудааст, ки  бо  ҷалби сармоягузорони ватаниву хориҷӣ барои дар муҳлатҳои муқарраршуда ва бо сифати баланд амалӣ кардани барномаи зикршуда тадбирҳои фаврӣ андешанд.

Раисиҷумҳур таъкид намудааст, ки роҳи мошингарди Хоруғ — Роштқалъа — Чавшангозро таҳти назорати ҷиддӣ қарор диҳанд ва барои суръат бахшидани кор дар ин самт тадбирҳои иловагӣ андешанд.

"Ҳангоми сафарҳои қаблӣ ба ноҳия ба Вазорати нақлиёт ва роҳбарони ноҳияву вилоят доир ба азнавсозӣ кардани қитъаи хатарноку серсадамаи роҳи мошингард дар километри 71-74-и мавзеи Сежд супориш дода будам. Вале қитъаи мазкур то ҳол азнавсозӣ нашудааст ва мусофирону воситаҳои нақлиёт, хусусан, дар фасли зимистон ба мушкилоти зиёд рӯ ба рӯ мешаванд" — изҳор доштааст Эмомалӣ Раҳмон.

Ӯ барои ислоҳи ин вазъ ба масъулини мақомоти маҳаллӣ ва ҷумҳуриявӣ  то охири сол муҳлат дода, таъкид намудааст, ки баъди анҷоми корҳо ба Дастгоҳи иҷроияи раисиҷумҳур гузориши муфассал пешниҳод намоянд.

Эмомалӣ Раҳмон таъкид намудааст, ки Роштқалъа имкониятҳои зиёд дорад, ки ҳанӯз истифода нашудаанд. Ба гуфтаи ӯ дар ноҳияи Роштқалъа барои рушди саноат, алалхусус, коркарди сангҳои гуногун, истеҳсоли масолеҳи сохтмон, коркарди мева, гиёҳҳои шифобахш ва  дигар навъҳои ашёи хом имкониятҳои зиёд мавҷуданд, вале онҳо то ҳанӯз пурра истифода нашудаанд.

Раисиҷумҳур ташвишовар хондааст, ки  ҳаҷми истеҳсоли маҳсулоти саноатӣ дар давоми панҷ соли охир қариб тағйир наёфтааст ва дар соли 2017 ба маблағи ҳамагӣ 6 миллион сомонӣ маҳсулот истеҳсол гардидааст. 

"Вазъият дар нимсолаи аввали соли ҷорӣ низ бетағйир монда, дар ин давра ягон корхона ё коргоҳи нави истеҳсолӣ ба кор андохта нашудааст, ки боиси ташвиш мебошад", — афзудааст Эмомалӣ Раҳмон.

Ӯ инчунин изҳор доштааст, коргоҳи дӯзандагие, ки соли 2010 дар ноҳия аз ҷониби Иттиҳодияи истеҳсолии "Нассоҷии Тоҷик" ифтитоҳ шуда буд, ҳоло бо сабаби  он, ки таҷҳизоти кӯҳнаи истеъмолкунандаи нерӯи зиёди барқ дар он насб шудаасту маҳсулоти рақобатпазир истеҳсол карда наметавонад ва дар ҳолати муфлисшавӣ қарор дорад.

Раисиҷумҳур  Вазорати саноат ва технологияҳои нав ва мақомоти маҳаллиро муваззаф кардааст, ки бо ҷалби соҳибкорон ҳарчи зудтар масъалаи бо технологияҳои муосир таҷҳизонидани корхонаи мазкурро ҳал намоянду барои бунёди корхонаву коргоҳҳои нави истеҳсолӣ ва таъсис додани ҷойҳои иловагии корӣ чораҳои мушаххас андешанд.

Дар пайи боздид аз ноҳияи Роштқалъа Эмомалӣ Раҳмон ба шаҳри Хоруғ сафар кард. Феълан сафари кории Эмомалӣ Раҳмон дар маркази ВМКБ идома дорад.

2714
Барчаспҳо:
раисиҷумҳур, корхона, Роштқалъа, саноат, техника, нигаронӣ, Тоҷикистон
Предприятие Вахдат по производству носков в Таджикистане

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

298
(Таҷдидшуда 15:13 07.08.2020)
Вазири рушди иқтисоди Тоҷикистон ахиран эълон доштааст, ки 2216 корхонаи саноатии бақайдгирифташуда 124 корхона аз фаъолият бозмонд

ДУШАНБЕ, 7 авг — Sputnik. Ахиран вазири иқтисод ва савдои Тоҷикистон Завқӣ Завқизода, зимни нишасти матбуотӣ таъкид дошт, ки Дар нимсолаи якуми соли ҷорӣ ба хотири иҷрои ҳадафи чоруми миллӣ –  саноатикунонии кишвар тадбирҳои зарурӣ амалӣ гардиданд.

Ба гуфтаи вай,дар Тоҷикистон 83 корхонаи нави саноатӣ, бо таъсиси 1135 ҷои кор, мавриди баҳрабардорӣ қарор гирифт.

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

Вай зикр кард, ки дар натиҷаи паҳншавии пандемияи коронавирус, корхонаҳои саноатии кишвар ба як қатор мушкилиҳо, аз ҷумла дастрасии номукаммал ба воситаҳои молиявӣ ва ашёи хом, таҷҳизоту технологияҳои замонавӣ ва коҳишёбии нархи молу маҳсулоти содиротии кишвар дар бозорҳои ҷаҳонӣ, дучор гардиданд.

Ҳамзамон Завқӣ Завқизода зини нишастӣ матбуотӣ таъкид дошт, ки дар ин росто, аз 2216 корхонаи  саноатии  бақайдгирифташуда 124 корхона аз фаъолият бозмонд.

298
Барчаспҳо:
фаъолият, аз ҳаракат бозмондан, аз фаъолият бозмондани нашриёт, корхона, саноат, Тоҷикистон
Продажа муки

Орд арзон мешавад?: вазири тоҷик аз афзоиши истеҳсоли орд дар Тоҷикистон таъкид кард

813
(Таҷдидшуда 11:59 05.08.2020)
Айни замон дар ҷумҳурӣ 47 корхонаҳои ордбарорӣ фаъолият дошта, танҳо дар шашмоҳаи аввали соли равон 374 ҳазору 982 тонна орд истеҳсол намудаанд, ки ин нисбат ба ҳамин давраи соли 2019 43 ҳазору 136 тонна зиёд мебошад

ДУШАНБЕ, 5 авг — Sputnik.  Вазири саноат ва технологияҳои нави Тоҷикистон Заробиддин Файзуллозода дар нишасти матбуотӣ таъкид доштааст, ки дар шашмоҳаи аввали соли равон бо сабаби паҳн шудани бемории коронавирус дар ҷаҳон аввалҳои моҳи март дар ҷумҳурӣ  арзиши орд ба таври сунъӣ боло рафт.

 “Имрӯз корхонаҳои ордбарории мамлакат на танҳо имконияти  таъмини пурраи аҳолиро бо орди хушсифати ватанӣ доранд, балки  ба кишварҳои ҳамсоя, назири Ҷумҳурии Исломии Афғонистон низ содироти онро ба роҳ мондаанд”, - таъкид дошт Вазири саноат ва технологияҳи нав.

Ҳамчунин вай афзуд, ки тоҷирон ё шахсони манфиатдоре, ки ба таври сунъӣ арзиши ордро боло бурданд, аз вазъи бозор бехабаранд, зеро дар чанд соли охир корхонаҳои мо Тоҷикистонро пурра бо орди ватанӣ таъмин мекунанд.

“Дилхоҳ корхона метавонад аз хориҷи мамлакат ба ҷумҳурӣ гандум ворид намояд, зеро дар ин самт ягон мушкилӣ ҷой надорад. Танҳо ширкатҳоеро, ки гандум  ворид месозанд, зарур аст истеҳсоли ордро ба роҳ монанд”-, афзуд вазир.

Мавсуф гуфт, ки дар шашмоҳаи аввали соли 2020 воридоти гандум камтару  орд бештар шудааст.

Дар ҳамин ҳол вазири саноат ва технологияҳои нав таъкид дошт, ки бештари гандум аз Қазоқистон ва Русия ворид мешавад, ки арзиши он дар кишварҳои истеҳсолкунанда низ боло рафтааст.

“Агар хоҷагиҳои деҳқонӣ тавонанд корхонаҳои ватаниро бо гандуми дохилӣ пурра таъмин намоянд, дар ин сурат арзиши орд низ поён меравад”, - гуфт ӯ.

Дар ҳоли ҳозир, дар бозорҳои шаҳри Душанбе ва ноҳияҳои атроф  айни замон арзиши як халта орди 50 кг навъи якум аз 227 сомонӣ шурӯъ мешавад.

Гуфта шудааст, ки дар соли 2019 талаботи бозори дохилӣ дар ҳаҷми 710,1 ҳазор тонна орд пурра таъмин карда шуда, 3132,5 тонна орд ба хориҷи мамлакат содир шудааст.

813
Барчаспҳо:
корхона, вазир, истеҳсол, орд, Тоҷикистон
Урна для голосования на одном из избирательных участков в Таджикистане. Архивное фото

Интихоботи президентӣ: Ҳизби аграрӣ ҳам номзад пешниҳод мекунад

0
(Таҷдидшуда 19:35 13.08.2020)
Ҳизби аграрии Тоҷикистон анҷумани ғайринавбатии худро даъват кардааст, то номзади худро дар интихоботи президентӣ пешниҳод кунад

Душанбе, 13 август - Sputnik. Рустам Латипов, раиси Ҳизби аграрӣ, дар таъйиди ин хабар ба Sputnik Тоҷикистон гуфт, ин анҷуман қарор аст соати 09:00 – и рӯзи шанбе, 15 август дар толори Академияи миллии илмҳои Тоҷикистон баргузор шавад.

"Мо ҳудуди 130 намояндаи худро аз шуъбаҳои Ҳизби аграрӣ дар саросари кишвар даъват кардаем. Ду масъала дар рӯзномаи маҷлис аст. Яке, ширкати ҳизб дар интихоботи президентӣ ва дигаре, пешниҳоди номзад", - гуфт Рустам Латипов.

Ҳизби аграрии Тоҷикистон 15 ноябри соли 2005 таъсис ёфта, дар интихоботҳои президентии солҳои 2006 ва 2013 низ ширкат кардааст.

Дар интихоботи президентии соли 2006 номзади ҳизб раиси он Амир Қароқулов буд, ки бино ба иттилои Комиссияи марказии интихобот ва раъйгирии Тоҷикистон, 5,2 дарсади раъйи мардумро ба даст оварда буд.

Таъйини интихобот ба рӯзи 13 сентябри соли 2020

Дар интихоботи президентии соли 2013 Ҳизби аграрӣ номзадии Толиббек Бухориев, муовини раиси ҳизбро пешниҳод кард, ки 4,61 дарсад раъй гирифт.

Интихоботи президентии Тоҷикистон 11 октябри соли равон баргузор мешавад. То ба ҳол ҳеҷ як аз номзадҳо маълум нестанд.

0
Барчаспҳо:
ҳизб, чор ҳизб, Тоҷикистон, интихобот