Слитки. Архивное фото

Вазорати саноат: дар Тоҷикистон истеҳсоли нуқраву тилло афзоиш ёфт

158
(Таҷдидшуда 20:04 22.07.2019)
Давоми шаш моҳи соли равонт дар корхонаҳои соҳаи саноати маъданҳои кӯҳӣ ва металлҳои қиматбаҳо ба маблағи 3 млрд. 53 млн. сомонӣ маҳсулот истеҳсол шудааст, ки нисбат ба ҳамин давраи соли гузашта 211,6 миллион сомонӣ зиёдтар мебошад

ДУШАНБЕ, 22 июл — Sputnik.  Бино бар иттилои Вазорати саноат ва технологияҳои нави Тоҷикистон, ҳаҷми истеҳсоли маҳсулоти саноатии корхонаҳои саноати маъданҳои кӯҳӣ 25,6% аз ҳаҷми умумии маҳсулоти корхонаҳои саноатии ҷумҳуриро ташкил додаанд.

Манбаъ қайд намудааст, ки дар муқоиса бо ҳамин давраи соли гузашта истеҳсоли тилло дар ин давра 51,4%, нуқра - 32,5%, хокаи руҳ - 7,9% ва хокаи сурма - 30,5% афзудааст.

Инчунин, тавре манбаъ иттилоъ додааст, тиллои ба фурӯш бароварда аз тарафи Бонки миллии Тоҷикистон, Вазорати молияи ҷумҳурӣ ва корхонаҳои заргарии кишвар харидорӣ шудааст, ки ин 100 дарсадро ташкил медиҳад.

Тоҷикистон дар ивази Маркази гармидиҳӣ ба Чин 2 кони тилло додааст

Масъулини вазорат қайд намуданд, ки афзоиши истеҳсоли маҳсулоти кӯҳкориро КМ “Зарафшон”, КМ “Анзоб”, ҶДММ “Шимшо”, ҶДММ “Пакрут” ва ҶДММ “Мурод” таъмин намуданд.

China Nonferrous Gold ба истихроҷи тилло дар кони Покрӯд оғоз мекунад

Ҳамзмаон манбаъ зикр намудааст, ки барои рушди соҳа ба маблағи 266,6 млн. сомонӣ   сармояи хориҷӣ ҷалб шуд.

Тибқи маълумоти Вазорат, ҳамзамон барои рушди соҳа ва ба кор даровардани иқтидорҳои нави истеҳсолӣ, ташкили ҷойҳои нави корӣ ва истеҳсоли маҳсулоти содиротӣ, сохтмони иншоотҳои нави истеҳсолии ҶДММ “ТВЕА Душанбе саноати кӯҳӣ” барои истеҳсоли тилло дар заминаи кони “Кумарғи боло”- и ноҳияи Айнии вилояти Суғд, ҶСК “Равшан”- истеҳсоли  маҳсулоти заргарӣ ва ҷавоҳиротӣ дар шаҳри Душанбе ва ҶСП “ТАЛКО Голд” истеҳсоли тилло ва хокаи сурма дар давраи ҳисоботӣ идома дорад.

158
Барчаспҳо:
афзоиш, вазорати саноат ва технология навин, истеҳсол, нуқра, захира, тилло, Тоҷикистон
Добытые драгоценные камни

Бештари сангҳои қиматбаҳои Тоҷикистон дар соли ҷорӣ ба Швейтсария содирот шудааст

185
(Таҷдидшуда 17:02 24.11.2020)
Ожонсии омори Тоҷикистон мегӯяд, ки саҳми сангҳои қиматбаҳо ва нимқиматбаҳо ва металлҳои қиматбаҳо дар содироти кишвар дар 10 моҳи охир то 55 фоиз афзоиш ёфтааст

ДУШАНБЕ, 24 ноя — Sputnik. Ба нақл аз сомонаи  Авеста, содироти Тоҷикистон дар даҳ моҳи гузашта як миллиарду 200 миллион доллар арзоварӣ доштааст, ки аз ин рақам наздик ба 690 миллион доллар аз ҳисоби содироти сангҳои қиматбаҳо ва нимқиматбаҳо ва металлҳои қиматбаҳост.

Ин нишондиҳанда дар муқоиса бо ҳамин давраи соли гузашта,  464 миллион доллар бештар аст.

Гуфта мешавад, ки мақсади беш аз 500 миллион доллар содироти сангҳои қимматбаҳо ва нимқимматбаҳо ва металлҳои қимматбаҳои Тоҷикистон кишвари Швейтсария будааст.

Аммо ба далели маҳрамона будани истеҳсоли тилло дар Тоҷикистон дар бораи мизони содироти он хабаре мунташир намешавад.

Бо ин ҳол бахши қобили мулоҳизаи сангҳои қимматбаҳо ва нимқимматбаҳо ва металлҳои қимматбаҳои Тоҷикистон ба шакли хом ба хориҷ содир мешавад.

185
Барчаспҳо:
омор, афзоиш, содирот, сангҳои қиматбаҳо, Тоҷикистон
Усмонали Усмонзода, министр энергетики и водных ресурсов Таджикистана

Дастури Усмонзода барои зудтар ба роҳ мондани коркарди нафт дар Данғара

931
(Таҷдидшуда 13:56 23.11.2020)
Муовини сарвазири Тоҷикистон, Усмоналӣ Усмонзода барои зудтар ба роҳ мондани коркарди нафти хом дар Данғара ба масъулин супоришҳо дод

ДУШАНБЕ, 23 ноя – Sputnik. Муовини сарвазири Тоҷикистон, Усмоналӣ Усмонзода бо кори корхонаҳои бунёдгардида дар вилояти Хатлон, аз ҷумла дар Минтақаи озоди иқтисодии "Данғара" ошно шудааст.

Усмонзода зимни вохӯрӣ бо намояндагони ширкати "ТК-ойл" аз масъулини ширкат талаб намудааст, ки вобаста ба бартараф кардани мушкилоти ҷойдошта ва ҳарчӣ зудтар ба роҳ мондани коркарди нафти хом кӯшиши бештар ба харҷ диҳанд, хабар медиҳад АМИТ "Ховар".

Муовини сарвазир омодагии худро ҷиҳати бартарафсозии мушкилоти ҷойдошта, аз ҷумла даъвати мутахассисон аз Чин, хариди нафт ва роҳҳои ворид кардани нафти хом бо роҳбарони корхона тавассути видеоконференсия баён намудааст.

Корхонаи полоиши нафт ҳаст аммо нафт нест: оё Тоҷикистон ба Техаси дувум табдил меёбад?

Бино ба гузориши манбаъ, корхонаи коркарди нафту газ, ки дар МОИ "Данғара" сохта шудааст, иқтидори коркарди 500 ҳазор тонна нафти хомро дар як сол доро мебошад.

Минтақаи озоди иқтисодии "Данғара" дар 521,3 ҳектор замини ноҳияи Данғара бунёд шудааст.

Соли 2015 маросими оғози сохтусози се корхонаи бузург ба арзиши беш аз 1,6 милёрд сомонӣ дар ин минтақа бо ширкати раисҷумҳур Эмомалӣ Раҳмон баргузор шуда буд.

931
Барчаспҳо:
муовини сарвазир, саноат, Усмоналӣ Усмонзода
Зима в городе Душанбе

Борону барф меборад: пешбинии обуҳавошиносони Тоҷикистон барои имрӯз

0
(Таҷдидшуда 10:08 25.11.2020)
Имрӯз дар ҷумҳурӣ ҳаво абрнок шуда, дар ноҳияҳо борон ва барф меборад, гузориш медиҳанд обуҳавошиносони Тоҷикистон

ДУШАНБЕ, 24 ноя — Sputnik.  Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳаво абрнок шуда, дар баъзе ноҳияҳо бориши борон ва барф ба амал меояд. Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят   шабона 1-6 дараҷа хунук мешавад.

Рӯзона ҳаво аз 2 дараҷа хунук то 3 дараҷа гарм мешавад. Дар  шарқи вилоят  ҳаво шабона 12-17 дараҷа хунук ва рӯзона  2-7   дараҷа хунук мешавад.

Ҳаво дар вилояти Суғд  тағйирёбанда шуда, дар ноҳияҳои алоҳидаи кӯҳӣ бориши борон ва барф дар назар аст. Шамол аз самти ғарб бо суръати 3-8 метр дар як сония мевазад. Ҳаво  дар водиҳо шабона 1-6 дараҷа  хунук ва рӯзона 1+6 дараҷа гарм мешавад.

Дар ноҳияҳои кӯҳӣ ҳаво шабона  3-8 дараҷа  хунук ва рӯзона аз 3 дараҷа  хунук то 2 дараҷа гарм мешавад.

Дар вилояти Хатлон  ҳаво абрнок шуда, борон ва барф меборад.  Шамол аз самти ғарб бо суръати 3-8 метр дар як сония мевазад. Ҳаво дар водиҳо шабона аз 1 дараҷа хунук то 4 дараҷа гарм ва рӯзона 2+7 дараҷа  гарм  мешавад.

Дар  доманакӯҳҳо ҳаво шабона 1-6 дараҷа хунук ва рӯзона аз 2+7 дараҷа гарм мешавад.

Дар шаҳру ноҳияҳои тобеи марказ ҳавои абрнок шуда, боридани борон ва  барф пешбинӣ шудааст. Шамол аз самти ғарб бо суръати 3-8 метр дар як сония  мевазад. 

Сардиву барфу борон: ҳушдори обуҳавошиносон ва тавсияҳои КҲФ Тоҷикистон

Ҳаво  дар водиҳо  шабона аз 3 дараҷа хунук  то 2 дараҷа гарм ва рӯзона 2+7 дараҷа гарм мешавад.  Дар ноҳияҳои кӯҳӣ ҳаво шабона 4-9 дараҷа хунук ва рӯзона аз  1 дараҷа хунук то 4 дараҷа гарм мешавад.

Дар  шаҳри Душанбе ҳаво абрнок шуда, борон ва барф меборад. Шамол аз самти ғарб бо суръати 3-8 метр дар як сония мевазад. Ҳарорати ҳаво шабона аз 1 дараҷа хунук то 1 дараҷа гарм ва рӯзона  3+5 дараҷа гарм мешавад.

 

 

 

0