Встреча Раджаббоя Ахмадзода с главой китайской компании ТАЛКО ГОЛД

Роҳбари ширкати “Талко Голд” ба Аҳмадзода чӣ ваъда дод?

310
(Таҷдидшуда 19:57 23.07.2019)
Роҳбари ширкати “Талко Голд” зимни мулоқот бо раиси вилояти Суғд ваъда додааст, ки бо ҷалби сармояи чинӣ дар вилояти Суғд боз як корхонаи нави металлургӣ бунёд мегардад

ДУШАНБЕ, 23 июл — Sputnik. Раҷаббой Аҳмадзода, раиси вилояти Суғд ахиран бо Ли Фэн, роҳбари ширкати “Талко Голд” дидору гуфтугӯ кард, иттилоъ додааст дафтари матбуоти раиси вилояти Суғд хабар додааст.

Бино бар иттилои манбаъ, тарафҳо зимни мулоқот дар бораи ҳамкориҳои самаранок ва ташкили боз як корхонаи нави металлургӣ табодули афкор карданд.

Хуҷанд истеҳсоли маҳсулоти санотаиро афзоиш додааст

Раиси вилоят зимни суҳбат аз муносибатҳои хуби Тоҷикистону Чин ёдовар шуда, қайд намуд, ки дар вилоят якчанд корхонаи муштарак фаъолият доранд, ки ба манфиати ҳар ду кишварҳост.

Раҷаббой Аҳмадзода қайд намуд, ки дар ҳоли ҳозир сохтмони корхонаи азими саноатӣ ҶСП “Талко Голд”, дар вилоят ҷараён дорад.

Раҷаббой Аҳмадзода зимни машварати корӣ аз мансабдорони Суғд чӣ хост?

“Ин корхона дар мавзеъи Кончочи ноҳияи Айни бо харҷи 200 миллион доллар бунёд гардида истодааст ва то имрӯз дар корҳои сохтмонӣ 60 миллион доллар азхуд карда шудааст. Айни замон ба корҳои сохтмонӣ 400 нафар ҷалб гардида, бо мавриди истифода қарор гирифтани корхона дар соли 2020 беш аз 1000 нафар бо ҷоий корӣ таъмин мешаванд”, гуфт раиси вилояти Суғд.

Визит Эмомали Рахмона в Согдийскую область
пресс-служба президента Таджикистана

Манбаъ ёдрас шудааст, ки ҶСП “Талко Голд” дар заминаи маъдани кони Кончоч, ки иборат аз се қитъа, яъне Чулбои, Кончоч ва Шахкон мебошад, сохта ба истифода дода мешавад. Дар ин кон захираи панҷ унсури кимиёӣ, аз ҷумла тиллову сурма асосӣ ва нуқра, симоб, флюорит ҳамчун унсурҳои ҳамроҳ ҳисобу китоб шуда, ба тавозуни захираҳои давлатӣ гузошта шудаанд.

Дар навбати худ Ли Фэн ҳангоми мулоқот иттилоъ дод, ки тасмим доранд бо ҷалби сармояи чинӣ боз як корхонаи нави металлургиро дар вилоят бунёд намоянд.

Раиси вилоят таъкид кард, ки ҷониби вилоят барои тақвияти ҳамкориҳо ва таъсиси ҳарчӣ бештари корхонаҳои саноатӣ омода аст.

Ҷонибҳо ба мувофиқа расиданд, ки барои оғози корҳои сохтмонӣ мавзеи муносиб интихоб гардида, барои бунёди корхона корҳои омӯзишӣ оғоз карда шавад.

310
Барчаспҳо:
Хуҷанд, ҶСП "Талко Голд", ТАЛКО, саноат, Суғд, корхона, ширкат, Тоҷикистон
Продажа муки

Орд арзон мешавад?: вазири тоҷик аз афзоиши истеҳсоли орд дар Тоҷикистон таъкид кард

684
(Таҷдидшуда 11:59 05.08.2020)
Айни замон дар ҷумҳурӣ 47 корхонаҳои ордбарорӣ фаъолият дошта, танҳо дар шашмоҳаи аввали соли равон 374 ҳазору 982 тонна орд истеҳсол намудаанд, ки ин нисбат ба ҳамин давраи соли 2019 43 ҳазору 136 тонна зиёд мебошад

ДУШАНБЕ, 5 авг — Sputnik.  Вазири саноат ва технологияҳои нави Тоҷикистон Заробиддин Файзуллозода дар нишасти матбуотӣ таъкид доштааст, ки дар шашмоҳаи аввали соли равон бо сабаби паҳн шудани бемории коронавирус дар ҷаҳон аввалҳои моҳи март дар ҷумҳурӣ  арзиши орд ба таври сунъӣ боло рафт.

 “Имрӯз корхонаҳои ордбарории мамлакат на танҳо имконияти  таъмини пурраи аҳолиро бо орди хушсифати ватанӣ доранд, балки  ба кишварҳои ҳамсоя, назири Ҷумҳурии Исломии Афғонистон низ содироти онро ба роҳ мондаанд”, - таъкид дошт Вазири саноат ва технологияҳи нав.

Ҳамчунин вай афзуд, ки тоҷирон ё шахсони манфиатдоре, ки ба таври сунъӣ арзиши ордро боло бурданд, аз вазъи бозор бехабаранд, зеро дар чанд соли охир корхонаҳои мо Тоҷикистонро пурра бо орди ватанӣ таъмин мекунанд.

“Дилхоҳ корхона метавонад аз хориҷи мамлакат ба ҷумҳурӣ гандум ворид намояд, зеро дар ин самт ягон мушкилӣ ҷой надорад. Танҳо ширкатҳоеро, ки гандум  ворид месозанд, зарур аст истеҳсоли ордро ба роҳ монанд”-, афзуд вазир.

Мавсуф гуфт, ки дар шашмоҳаи аввали соли 2020 воридоти гандум камтару  орд бештар шудааст.

Дар ҳамин ҳол вазири саноат ва технологияҳои нав таъкид дошт, ки бештари гандум аз Қазоқистон ва Русия ворид мешавад, ки арзиши он дар кишварҳои истеҳсолкунанда низ боло рафтааст.

“Агар хоҷагиҳои деҳқонӣ тавонанд корхонаҳои ватаниро бо гандуми дохилӣ пурра таъмин намоянд, дар ин сурат арзиши орд низ поён меравад”, - гуфт ӯ.

Дар ҳоли ҳозир, дар бозорҳои шаҳри Душанбе ва ноҳияҳои атроф  айни замон арзиши як халта орди 50 кг навъи якум аз 227 сомонӣ шурӯъ мешавад.

Гуфта шудааст, ки дар соли 2019 талаботи бозори дохилӣ дар ҳаҷми 710,1 ҳазор тонна орд пурра таъмин карда шуда, 3132,5 тонна орд ба хориҷи мамлакат содир шудааст.

684
Барчаспҳо:
корхона, вазир, истеҳсол, орд, Тоҷикистон
Мыло, архивное фото

Собун ва хокаи ҷомашӯии тоҷикӣ: "Озода косметик" истеҳсол мекунад

333
(Таҷдидшуда 14:00 27.07.2020)
Дар ноҳияи Бобоҷон Ғафуров авохири соли ҷорӣ корхонаи истеҳсоли собун ва хокаи ҷомашӯӣ ба истифода дода мешавад

ДУШАНБЕ, 27 июл — Sputnik. Мақомоти иҷроияи ҳокимияти ноҳияи Бобоҷон Ғафуров нақша дорад то ҷашни 30 - солагии Истиқлолияти давлатии Тоҷикистон бунёди 12 коргоҳи истеҳсоли маҳсулоти воридивазкунандаро амалm намояд, хабар медиҳад агентии Ховар.

Ба иттилои манбаъ, то авохири соли ҷорӣ, дар ин ноҳия истеҳсоли собун ва хокаи ҷомашӯӣ ба роҳ андохта мешавад.

Ин корхона дар шаҳраки Ғафуров бо ибтикори ҶДММ "Озода косметик" сохта мешавад.

Гуфта мешавад, то имрӯз ба коргоҳ хати муосири технологӣ ворид ва он насб гардида, ҳоло аз ҷониби мутахассисон корҳои таҷрибавии истеҳсолӣ ба роҳ монда шудаанд.

Made in Tajikistan: дар ноҳияи Бобоҷон Ғафуров ба истеҳсоли афшура шурӯъ карданд

Гузашта аз ин, дар маркази ноҳия сохтмони боз ду коргоҳи нави саноатӣ — корхонаи коркарди ғалла ва истеҳсоли равған бо маром ҷараён дорад. Ин ду коргоҳ аз ҷониби ҶДММ "Хубҷамъ" дар масоҳати 5 гектар ба маблағи 120 миллион сомонӣ бунёд гардида истода, ҳоло корҳои сохтмонӣ дар арафаи анҷом қарор доранд.

Тибқи нақша, дар корхонаи коркарди ғалла дар як шабонарӯз то 500 тонна гандум коркард гардида, дар корхонаи истеҳсоли равған низ дар як шабонарӯз то 30 тонна маҳсулот истеҳсол карда мешавад.

Оғози пахтачинӣ дар ноҳияи Бобоҷон Ғафуров ва тавсияҳои Аҳмадзода ба пахтачинон

Манбаъ меафзояд, дар шаш моҳи аввали соли ҷорӣ дар ноҳия бо саҳми соҳибкорони маҳаллӣ 8 коргоҳи нави истеҳсолӣ бо 80 ҷойи корӣ мавриди баҳрабардорӣ қарор гирифта,  дар маҷмӯъ, дар давраи ҳисоботӣ аз ҷониби қариб сад коргоҳи саноатии ноҳия ба маблағи 948582,0 ҳазор сомонӣ маҳсулот истеҳсол гардид.

Ҳамзамон суръати афзоиши истеҳсолот дар ин давра ба 169,9% баробар гардидааст.

333
Барчаспҳо:
истеҳсол, коргоҳ, Бобоҷон Ғафуров
Доллары США, архивное фото

Дар лоиҳаи буҷаи Тоҷикистон барои соли 2021 пандемияи коронавирус ба назар гирифта мешавад

0
(Таҷдидшуда 14:31 06.08.2020)
Вазорати молияи Тоҷикистон намунаи ниҳоии лоиҳаи буҷети давлатиро барои соли 2021 аз рӯи натиҷаҳои семоҳаи сеюми соли 2020 тасдиқ мекунад

ДУШАНБЕ, 6 авг — Sputnik. Лоиҳаи буҷаи давлатии Тоҷикистон барои соли 2021 бо назардошти нишондиҳандаҳои макроиқтисодӣ дар заминаи пандемияи коронавирус таҳия хоҳад шуд, хабар медиҳад Вазорати молияи ҷумҳурӣ.

Вазорат қайд кард, ки намунаи ниҳоии лоиҳаи буҷаи давлатии Тоҷикистон барои соли 2021 дар асоси натиҷаҳои семоҳаи сеюми соли 2020 муайян карда мешавад.

Ғайр аз ин, соли ҷорӣ нишондиҳандаҳои дурнамо барои солҳои 2022-2023 таҳия карда мешаванд.

Мутобиқи нишондиҳандаҳои пешгӯии Вазорати молия, моддаҳои хароҷоти буҷети давлатӣ барои солҳои 2021-2022 бояд 29,7% ва 29% ММД-ро ташкил диҳанд.

Бонкдори №1: аз ҷалби миллиардҳо доллар амонатҳои шабонарӯзӣ то афзоиши ММД ва таваррум

Ҳаҷми умумии даромади буҷети давлатӣ барои соли 2021 дар ҳаҷми 28,6 миллиард сомонӣ ба нақша гирифта шудааст

Ҳамзамон, дар робита ба пандемия аз коронавирус, буҷаи давлатии Тоҷикистон барои соли 2020 ихтисор карда шуд.

0