Президент Таджикистана на открытии нового завода Сиёма в Душанбе

Эмомалӣ Раҳмон корхонаи боҳашамати "Сиёма" -ро ифтитоҳ кард - акс

913
(Таҷдидшуда 13:50 27.08.2019)
Котиботи раисиҷумҳур мегӯяд, корхонаи "Сиёма" аз рӯи стандартҳои эътирофгардидаи ҷаҳонӣ фаъолияти худро роҳандозӣ кардааст

ДУШАНБЕ, 27 авг — Sputnik. Президенти Ҷумҳурии Тоҷикистон Эмомалӣ Раҳмон бо раиси шаҳри Душанбе Рустами Эмомалӣ имрӯз дар ноҳияи Исмоили Сомонии Корхонаи истеҳсоли обҳои ташнагишикан ва маҳсулоти машруботии "Сиёма"-ро мавриди баҳрабардорӣ қарор дода, бо хати истеҳсолӣ ва имкониятҳои он аз наздик шинос шудаанд.

Бино ба гузориши котиботи раисиҷумҳур, корхонаи мазкур дар доираи дастуру ҳидоятҳои роҳбари давлат аз ҷониби ҶДММ "Авесто Гурӯҳ" бунёд ёфта, имконият дорад, ки дар як сол ба ҳисоби як басти корӣ 33 миллион литр обро истеҳсолу ба харидорон пешниҳод намояд.

Гуфта мешавад, ки иншооти мазкур бо муосиртарин хатҳои истеҳсолӣ таъмин гардида, сифати ҳамаҷонибаи маҳсулоти омодашударо дастгоҳҳои насбшуда таъмин хоҳанд кард.

Ба иттилои масъулин, технологияи насбшудаи корхонаи мазкур истеҳсоли ширкати маъруфи "Сидел"-и Фаронса буда,  он дар асоси стандартҳои муосири байналмилалӣ фаъолият мекунад.

Муҷаҳҳазсозии Корхонаи истеҳсоли обҳои ташнагишикан ва маҳсулоти машруботии "Сиёма" -ро мутахассисон аз Ҷумҳуриҳои Фаронса, Италия, Полша, Чехия, Русия, Сербия, Мексика, Аргентина ва Испания анҷом дода, технологияи "Сидел" пурра ба таври автоматӣ фаъолият менамояд.

Тавре ба раисиҷумҳур иттилоъ додаанд, дар корхона диққати аввалиндараҷа ба сифати маҳсулоти истеҳсолгардида зоҳир гардида, хати истеҳсолӣ бо филтри тозакунии чорзинагӣ таъмин мебошад.

Президент Таджикистана на открытии нового завода Сиёма в Душанбе
© Официальная страница пресс-службы президента РТ в Facebook.
Президент Таджикистана на открытии нового завода "Сиёма" в Душанбе

Аз ҷумла, барои таъмини сифати хуб ва мутобиқсозии он ба талаботи ҷории байналмилалӣ  об аз филтрҳои кварсӣ, карбонӣ, керамикӣ ва ионикунӣ гузаронида мешавад.

Дар ин баробар ҷиҳати таъмини бехатарии маҳсулот ва ҳифзи саломатии истеъмолкунанда низоми азоникунанда низ дар корхонаи тозабунёд истифода бурда мешавад, ки тадбирҳо сифати ҳамаҷонибаи маҳсулотро таъмин хоҳанд кард.

Истеҳсоли обҳои газнок, бегаз ва обҳои хуштаъм дар зарфҳои пластикӣ ва шишагии гуногунҳаҷм ба роҳ монда шуда, намуди зоҳирӣ ва сифати он ҷавобгӯ ба талаботи стандартҳои дохилӣ ва хориҷӣ мебошад.

Ба фаъолият оғоз намудани корхонаи мазкур имконият медиҳад, ки минбаъд дар ин ҷо на танҳо маҳсулоти воридотивазкунанда, балки ба содирот нигаронидашуда низ истеҳсол карда шавад, зеро ин корхона аз рӯи стандартҳои эътирофгардидаи ҷаҳонӣ фаъолияти худро роҳандозӣ кардааст.

Ба иттилои масъулин, ҳангоми васлу насби хати истеҳсолӣ дар асоси қарордодҳои баимзорасидаи Ширкати “Авесто Гурӯҳ” ва “Сидел”-и Фаронса мутахассисони маҳаллӣ аз курси омӯзишӣ гузашта, тартиби истифодаи технологияро пурра аз худ намуда, феълан мустақиман идораи фаъолияти хати истеҳсолиро амалӣ месозанд.

Хати технологии истеҳсоли маҳсулоти машруботӣ аз давлатҳои Урупо, бахусус аз ширкатҳои машҳури “Altec”-и Чехия ва “STM”-и Полша, инчунин аз “ЗавКом Инжиниринг”-и Русия фармоиш дода шуда, пурра васлу насб карда шудааст.

Бо мақсади пешниҳоди маҳсулоти аълосифат лабораторияи муосир бо таҷҳизоти замонавӣ, бахусус муайянкунандаи зичии дараҷаи машрубот аз ширкати австриягӣ  таъмин гардидааст, ки дар айни замон дар ҳудуди Осиёи Марказӣ қиёс надорад.  Машруботи дар ин корхона истеҳсолшаванда асосан барои содирот пешбинӣ шудаанд.

Тибқи иттилои котибот, дар айни замон 100 нафар дар корхонаи нав соҳиби ҷои кор гардида,  ҳангоми пурра ба кор даромадани корхона 160 нафар мутахассисони маҳаллӣ бо ҷои корӣ доимӣ ва маоши хуб таъмин мегарданд. 

Ҳамчунин 25 мутахассиси хориҷии дигар барои омода кардани кадрҳои маҳаллӣ ба кор ҷалб гардидаанд. 

Ҳудуди корхона 1,4 гектар заминро дар бар гирифта, масоҳати бинои сохташуда 7500 метри мураббаъро ташкил медиҳад.

Бинои  мазкур бо санъати муосири меъморӣ бунёд ёфта, дар сохтмони он  зиёда аз 100 нафар мутахассисони соҳибтаҷрибаи маҳаллӣ соҳиби ҷои кори доимӣ гаштанд.

Президент Таджикистана на открытии нового завода Сиёма в Душанбе
© Официальная страница пресс-службы президента РТ в Facebook.
Президент Таджикистана на открытии нового завода "Сиёма" в Душанбе

Аснои шиносоӣ Эмомалӣ Раҳмон, ба сатҳу сифати корҳои анҷомёфта  баҳои баланд дода, барои фаъолияти пурсамар ва истеҳсоли маҳсулоти рақобатпазир ба масъулини корхона дастуру ҳидоятҳои муфид додааст.

Қобили тазаккур аст, ки барои бунёди корхонаи мазкур раисиҷумҳур 19 марти соли 2018 санги асос гузошт.

Бояд гуфт, ки об барои коркард ва истеҳсоли маҳсулоти ниҳоӣ аз дарёи Сиёма, ки 55 километр дуртар аз пойтахт қарор дорад, дастрас карда мешавад ва ин об дар Озмуни байналмилалии обҳои ошомиданӣ, ки соли 2001 дар ИМА баргузор гардида буд, дар даҳгонаи обҳои беҳтарини ҷаҳон шомил карда шуд.  

Тибқи тадқиқоти олимони соҳа, оби Сиёма ба организми зинда таъсири мусбат расонида, барои тавоноии тан, бахусус кори мушакҳо, рӯда, ҳазмкунии таом ва барои тозакунии организм басо фоидаовар арзёбӣ карда шудааст. Он аз қабати пиряхҳо сарчашма гирифта, барои кашонидани об корхона бо нақлиёти муосири соҳавӣ, ки таркиб ва хусусиятҳои онро ҳамаҷониба нигоҳ медорад, таъмин мебошад.

Президент Таджикистана на открытии нового завода Сиёма в Душанбе
© Официальная страница пресс-службы президента РТ в Facebook.
Президент Таджикистана на открытии нового завода "Сиёма" в Душанбе

Барои таъминоти корхона бо об ва тақсимоти минбаъдаи он дар нуқтаҳои фурӯш воситаҳои нақлиёти махсуси калонҳаҷм бо ғунҷоиши 25-тоннагӣ ва миёнаҳаҷм бо ғунҷоиши 4-тоннагӣ бо насби тамғаи “Сиёма” харидорӣ шудаанд.

Дар назар аст, ки дар муҳлати наздиктарин шумораи нақлиёти боркаш то 200 адад расонида шавад.

Котиботи раисиҷмҳур мегӯяд, оби истеҳсолшавандаи "Сиёма" аз нигоҳи иқтисодӣ ва иҷтимоӣ манфиатовар буда, муаррифи давлат дар арсаи байналмилалӣ шуда, содироти минбаъдаи он метавонад манфиати хуби иқтисодӣ оварад.

Ҳамзамон фаъолияти корхона ба амалигардии "Барномаи давлатии мусоидат ба содирот ва воридотивазкунии Ҷумҳурии Тоҷикистон барои солҳои 2016-2020"  мусоидат хоҳад кард.

Ҳукумати мамлакат мақсад гузоштааст, ки тавассути таъсиси корхонаҳои нави саноатӣ коркарди ҳарчи бештари ашёи хоми ватаниро ба роҳ монда, ба ин васила Тоҷикистонро аз кишвари аграриву саноатӣ ба мамлакати саноативу аграрӣ ва содироткунандаи маҳсулоти тайёр табдил диҳад.

Танҳо дар шашмоҳаи якуми соли 2019 дар шаҳри Душанбе ҳаҷми истеҳсоли маҳсулоти саноатӣ 1,3 миллиард сомониро ташкил додааст, ки назар ба ҳамин давраи соли гузашта 25 фоиз зиёд буда, тайи солҳои2016 — 2018 ҳаҷми он қариб ду баробар афзудааст.

Шумораи корхонаҳои саноатӣ дар шаш моҳи соли ҷорӣ ба 462 адад расидааст, ки нисбат ба ҳамин давраи соли гузашта 20 корхона зиёд мебошад.

Президент Таджикистана на открытии нового завода Сиёма в Душанбе
© Официальная страница пресс-службы президента РТ в Facebook.
Президент Таджикистана на открытии нового завода "Сиёма" в Душанбе

Бино ба таъкиди Эмомалӣ Раҳмон, дар арафаи ҷашни 28-солагии Истиқлолияти давлатии Тоҷикистон дар шаҳри Душанбе ба фаъолият оғоз намудани коргоҳу корхонаҳои нави истеҳсоливу хизматрасонӣ нишонаи пешрафти босуботи иқтисоди миллӣ, қадамҳои устувори мо ба самти рушди дарозмуддати мамлакат ва ободии пойтахт мебошанд.

Обрасонӣ аз дарёи Сиёма ба сокинони Душанберо марҳум Қаҳҳор Маҳкамов, нахустин раисиҷумҳури Тоҷикистон аз орзуҳои худ хонда буд, ки амалӣ нашуд.

Маҳкамов дар яке аз  суҳбатҳо дар солҳои охири умраш бо расонаҳо гуфт, оби Сиёма аз тозатаринҳо дар минтақа буда, мутахассисони олмонӣ гуфтанд, ҳеч ниёзе ба "филтр", ё худ тозакунӣ надорад.  Маҳкамов иттилоъ дода буд, ки иҷрои тарҳ соли 1987 оғоз гардида, то соли 1990 даҳ километр лӯлаҳои қутрашон 1,2 метриро кашида буданд, аммо дар пайи нооромиҳо лӯлаҳо ба яғмо бурда шуданд.

Ширкати “Авесто Гуруҳ”, ки ба истеҳсоли нӯшокиҳои ташнашикану шароббарорӣ машғул хоҳад шуд, чанд соли қабл таъсис ёфта, феълан дар бахшҳои гуногун фаъолият дорад. Аз ҷумла ин ширкат масъули насби низоми пардохти электронӣ дар нақлиёти ҷамъиятии Душанбе интихоб шуда, инчунин ба тавлиди воситаҳои нақлиёти мусофирбар дар пойтахт машғул мебошад.

913
Барчаспҳо:
Душанбе, Рустами Эмомалӣ, Эмомалӣ Раҳмон, Тоҷикистон
Мавзуҳо:
Раисҷумҳури Тоҷикистон Эмомалӣ Раҳмон (222)
Разработка угольного месторождения в Таджикистане, архивное фото

Тоҷикистон то соли 2040 истихроҷи ангиштро то ба 15 миллион тонна мерасонад

214
(Таҷдидшуда 10:45 30.08.2020)
Ангиштканони Тоҷикистон тасмим гирифтанд, истихроҷи ангиштро дар соли равон то ба 2,2 млн тонна ва то соли 2040 ба 15 миллион тонна расонанд

ДУШАНБЕ, 30 авг — Sputnik. Мувофиқи маълумоти геологӣ, ҳоло дар ҷумҳурӣ зиёда аз 36 кон ва зуҳуроти ангишт кашф  гардидаанд, ки захираи умумии онҳо беш аз 4,3 млрд. тонна ҳисоб карда  шудааст. Аз  ин миқдор   331,4 млн. тонна захираҳои тасдиқшудаи саноатӣ  барои истихроҷу коркард омода  мебошанд.

Саидҷон Саидраҳмонзода, сардори Раёсати ангишти Вазорати саноат ва технологияҳои нави Тоҷикистон, таъкид доштааст, ки  дар давраи Иттиҳоди Шӯравӣ дар Ҷумҳурии Тоҷикистон ҳар сол  ба миқдори  600-700 ҳазор тонна ангишт истихроҷ  шуда, талаботи солонаи он  дар бозори дохилӣ  1,5 млн. тоннаро ташкил медод.

Корхонаи калонтарини соҳа ҶСК “Ангишт”,  қаблан Шахтаи №8 дар шаҳраки Шӯроб,  бо иқтидори солонаи 300 ҳазор тонна аз соли 1939 ба фаъолият оғоз намуда,  соли 1979 зиёда аз 950 ҳазор тонна ангишт истихроҷ намудааст. Дар ин давра шумораи коргарон 3500  нафар, дарозии нақбҳо ва иншооти фаъолияткунандаи зеризаминӣ дар корхона 32 км-ро ташкил медод.

КФ “Шахтаи Фон-Яғноб” соли 1983 бо тарзи зеризаминии истихроҷи ангишт дар қитъаи «Карйерний»- и  кони ангишти “Фон-Яғноб” бо иқтидори солонаи 300 ҳазор тоннна истихроҷи ангишт ба фаъолият оғоз намудааст.

Бо барҳам  хӯрдани Иттиҳоди Шӯравӣ  соҳаи истихроҷи ангишт низ дар қатори дигар соҳаҳо таназзул ёфта,  фаъолияти  конҳои  асосии  мамлакат-  “Шӯроб” ва “Фон-Яғноб” бо сабаби дастрас нагардидани маблағҳо ва техникаю таҷҳизоти зарурӣ ба мушкилиҳо  дучор гардиданд. Дар натиҷа истихроҷи солонаи ангишт дар  ҷумҳурӣ соли 1997 то ба  14 ҳазор тонна коҳиш ёфт.

“Дар даврони истиқлолият пеши роҳи пастравии истеҳсолот дар соҳа  гирифта шуд. Аз соли 2007 то соли 2014 дар ҷумҳурӣ 18 корхона, аз ҷумла 6 корхонаи давлатӣ ва 12 корхонаи  ғайридавлатӣ дар 11 кони ангишт (дар 3  кон бо тарзи зеризаминӣ ва дар 15  кон бо тарзи кушода) ба истихроҷи ангишт   оғоз намуданд”, - қайд кард Саидҷон Саидраҳмонзода.

Вай афзуд, соҳаи саноати ангишт яке аз самтҳои афзалиятноки саноатикунонии босуръати иқтисодиёти мамлакат ҳисобида шуда, истифодаи самараноки захираҳои фаровони он метавонад дар як муҳлати кӯтоҳ барои пешрафти соҳаи саноати кишвар нақши сазовор гузорад.

Саидҷон Саидраҳмонзода, ҳамчунин гуфт ангиштканони мамлакат тасмим гирифтанд, истихроҷи ангиштро дар соли равон то ба  2,2 млн тонна ва то соли 2040 ба 15 миллион тонна расонанд.

214
Барчаспҳо:
тонна, истихроҷ, ангишт, Тоҷикистон
Тоннель на строительстве Талко Голд

“Талко голд” - "нозанини саноатӣ" дар оғӯши куҳҳои Фон гузориши тасвирӣ

879
(Таҷдидшуда 14:19 29.08.2020)
Дар ин иншоот беш аз 80 сол аст, ки кор мекунанд, аммо то ба ҳол касе муваффақ ба берун овардани ҳатто як грам филиз нашудааст. Оё “Талко голд” муваффақ хоҳад шуд?

ДУШАНБЕ, 25 авг — Sputnik, Фахриддини Холбек. Дар минтақаи Кончочи ноҳияи Айнӣ якбора ду корхонаи саноатии ширкати “Талко” қомат рост мекунанд. Яке аз онҳо “Талко Голд” аст, ки қарор буд моҳи сентябр ба кор шурӯъ кунад, аммо кораш то баҳори соли оянда ба таъхир афтод.

Ба Sputnik Тоҷикистон имкон даст дод, ки ба маҳалли сохтмони он роҳ ёбад.

Кончоч минтақаест, ки дар 7 километрии Искандаркӯл воқест. Аммо вуруд ба он софу содда нест. Ҳанӯз дар пойи ағбае, ки пушташ Кончоч ҷойгир аст, як посгоҳу сад (шлагбаум) – ро бояд гузашт.

Вақте роҳи кӯтоҳ, аммо пурпечутоб ва тангу хатарноки ағба, пушти сар мемонад, як водии сарсабзу ғанӣ аз рангҳои мухталиф ва ҳамоно аз нигоҳи аввал масруф ба истиқбол меояд. Он ҷо ҳамоно баҳор аст. Табиат ва боду ҳавои охири август нест.

Таваллуди дигар

Аввалин чизе, ки таслим мекунанд ва ҳар нафар бояд дошта бошад, кулоҳ (каска) ва беостини сохтмонӣ аст.

Ли Фен, мудири кулли “Талко Голд”, қисса мекунад, ки соли 2018 вақте ба ин маҳал омад, ҳамагӣ шаш нафар буданд – ӯ ва панҷ корманди тоҷик. 

Строители на стройке Талко Голд
© Sputnik /
Строители на стройке Талко Голд

“Ин ҷо дар гузашта шаҳраки коргарӣ буд. Вақте мо омадем, манозил ҳоли харобе доштанд. Аз бомҳо об мечакид, тирезаҳо рехтаву деворҳо ҷо – ҷо кафида ва фаршҳо шикаста буданд. Лозим омад, ҳамаро аз нав таъмир кунем”, - гуфт Ли Фен.

Ҳоло дар шаҳраки Кончоч 500 нафар, ба шумули 150 мутахассиси чинӣ, зиндагӣ мекунанд. Дар гӯшаи дигари минтақа сохтмони як корхонаи флюарит низ дар ҳоли анҷомёбист, ки дар он 200 тоҷик ва 50 чинӣ машғули коранд. Аммо замоне, ки сохтмон тамом мешавад, мутахассисон мераванд ва ҳудуди 2 000 корманд дар ин шаҳрак маскун хоҳанд шуд.

Шурӯъи “Талко Голд”

Соли 2015 Корхонаи воҳиди давлатӣ (ҳоло Ҷамъияти саҳҳомии боз) – и “Талко” муҷаввизи коркарди захоири зерзаминӣ дар кони Кончочи ноҳияи Айнии вилояти Суғдро ба даст овард. 27 апрели соли 2017 зерширкати навашро бо унвони Ҷамъияти саҳҳомии пӯшидаи “Талко Голд” сабти ном кард.

15 декабри ҳамон сол “Талко” ва “Ширкати саноати куҳии Ҳуаюй” (Tibet Hua Yu Mining Co., Ltd) – и Чин “Созишнома дар бораи ширкати муштарак” – ро имзо карданд, ки дар пайи он “Талко Голд” бо саҳми 50 ба 50 ба ширкати муштараки тоҷикиву чинӣ табдил ёфт.

Нуктаи ҷолиб ин аст, ки дар миёни тамоми корхонаҳои маъдани фаъол дар саросари кишвар, аз қабили “Зарафшон”, “Анзоб”, “Апрелевка”, “Пакрут” ва ғайра “Талко Голд” танҳо ширкате хоҳад буд, ки Тоҷикистон дар он 50 дарсад саҳм дорад. Бақия ҳама бо саҳми 75 то 100% мутааллиқи ширкатҳои хориҷиянд.

Рахмон дал начало строительству Талко Голд
пресс-служба президента Таджикистана
Рахмон дал начало строительству "Талко Голд"

30 марти 2018 “Талко Голд” аввалин ҷаласаи саҳҳомонашро баргузор ва стратегияи рушдашро таъйид кард. 200 миллион доллар барои тарҳи “Талко Голд” низ аз Чин ба даст омад. Моҳи июни соли 2018 Эмомалӣ Раҳмон, раисҷумҳури Тоҷикистон санги таҳдоби “Талко Голд” – ро гузошт ва сохтмон шурӯъ шуд.

“Як гулу сад харидор”

Яҳё Давлатов, маъруф ба Бобои Ҳоҷӣ, “таърихи зиндаи Кончоч” аст. Ӯ ҳанӯз соли 1977 дар синни 20-солагӣ ҳамчун коргари оддӣ дар ин кон ба кор шурӯъ кард ва ҳоло сардори Департаменти хоҷагидории “Талко Голд” мебошад. Бино ба нақли ӯ, аввалин экспедитсия ба Кончоч ҳанӯз дар соли 1935 аз сӯи геологҳои шӯравӣ анҷом шуда, аммо бидуни ҳеҷ натиҷае ба зудӣ кори худро қатъ кардааст.

“Аз соли 1947 то 1956 Эскпедитсияи Равад кор кард. Он замон геологҳо таҷҳизоти худро бо хару асп ба ин минтақа интиқол медоданд. Боз корҳо қатъ шуданд. Соли 1965 Экспедитсияи иктишофӣ-геологии Моғиён ташкил ёфт, ки ба далели набудани роҳ, ҳатто тракторро ба қисмҳо ҷудо намуда, тариқи хару асп ба Кончоч интиқол доданд ва ин ҷо аз нав ҷамъ оварданд. Соли 1997 сармоягузории корҳо аз сӯи ҳукумати Тоҷикистон дар кони Кончоч қатъ шуд”, - қисса мекунад Яҳё Давлатов.

Пас аз суқути Иттиҳоди Шӯравӣ тиллову сурмаи Кончоч ширкатҳои хориҷии зиёдро ба сӯи худ мекашид. Солҳои 90 як ҳайати ширкати “Оксус Голд” (Бритониё) ва ҳам як ҳайате аз Эрон ба ин маҳал омада, муддате саргардон шуданд, аммо рафтанду дигар барнагаштанд. Дар бораи дигар харидорон низ суҳбат мешавад, аммо онҳо баробари ошноӣ бо маҳал, ки воқеан аз шоҳроҳи Душанбе – Хуҷанд беш аз 30 км фосила дорад ва ҳам он замон роҳҳои саъбулубур дошт, аз баҳри миллионҳои хуфта дар Кончоч баромаданд.

Ба қавли Яҳё Давлатов, эҳтимолан дурии роҳу харҷи бузург ҷозибаи конро барои ширкатҳои хориҷӣ кам мекард, чун ҳар ширкат мекӯшад харҷи кам кунаду фоидаи зиёд ба даст орад.

Строительство СП Талко Голд в Согдийской области
Строительство СП "Талко Голд" в Согдийской области

“Соли 2001 аз Абдуфаттоҳ Шарифзода, намояндаи парлумон аз ноҳияи мо (ҳоло сухангӯи прзиденти Тоҷикистон) хоҳиш кардам, ки як саре ба Кончоч занад. Вақте ӯ бо вазъ ошно шуд, таҳти таъсир қарор гирифт ва ба Душанбе баргашта, мавзӯъи тақвияти корҳо дар конро ба миён гузошт. Дар пайи талошҳои он кас кори Экспедитсияи Моғиён аз нав ҷон гирифт, то ин ки соли 2015 ҳукумати Тоҷикистон ин конро аз тавозуни Саридораи геология ба ширкати “Талко” гузаронд”, - қисса мекунад Яҳё Давлатов.

Аз Кончоч то Кончоч

Кончоч як овардгоҳро мемонад. Хоки замину дуди боркашҳо ба ҳаво печида, доду фарёдҳо ба лафзҳои тоҷикиву чинӣ фазоро пур мекард. “Дулан” – ҳои боркаш мисли мӯрчаҳои чоркунҷаи сурх аз ин тараф ба он он тараф дар ҳаракатанд: аз поёни роҳи калон иддае хок бар пушт сарозер мешаванд, ё холӣ боло меоянд, дар қисмати болоӣ бархе ба куҳ часпида, дар синаи куҳ фурӯ мераванд ё маъдан ба пушт берун шуда, поён меоянд. Ба қавли масъулин, кор дар сохтмон 24 соат ва дар се баст бо ҷӯшу хурӯш ҷараён дорад.

Ли Фен мегӯяд, кони Кончоч аз се қитъа - Чӯлбойӣ, Кончоч ва Шахкон иборат аст, ки дар баландии 2500 ба 2700 метр аз сатҳи баҳр ҷойгиранд.

“То ба ҳол дар кон 23 километр нақб канда шуда, 3 км – и дигар боқӣ мондааст. Вақте корхона ба кор дарояд, 5 ҳазор тон дар рӯз ё солона то 1,5 миллион тон хока ё маъдани хом дар он коркард мешавад. Бо чанд усуле, ки ҳисоб кардаем, бояд аз 1 тон маъдан аз 18 то 100 грамм тилло ва аз 18,5 то 40% сурмаи соф ҳосил кунем. Умедворем, ки 2 тон тилло ва 15 тон сурма дар сол ба даст орем”, - гуфт Ли Фен.

Дар бораи захираҳои тилову сурмаи кони Кончоч дар қиёс бо маълумоти қаблии расонаишуда мудири кулли “Талко голд” иттилои дигаре ба даст медиҳад. Қаблан расонаҳо аз қавли манобеъи гуногун захоири онро аз 32 то 60 тон тилову то 300 ҳазор тон сурма ҳисоб карда буданд. Ҳамчунин аз истеҳсоли нуқра, симоб, сафедаи симоб ва флюорит низ суҳбат мешуд.

Аммо Ли Фен мегӯяд, дар ҳоли ҳозир захоири 39 тон тилло ва ҳудуди 200 ҳазор тон сурма тасбит шудааст.

“Мо фақат тилову сурма истеҳсол хоҳем кард. Бақия маодин дар афзалияти кори мо нест. Таҷҳизотамон низ барои ин ду маъдан ихтисос ёфтааст”, - гуфт ӯ.

Сохтмон дар сохтмон

Ба қавли мудири кулли “Талко голд”, тибқи тарҳ иншоот ё зерсохторҳои дигар, аз қабили низоми коркарди кон, корхонаи коркард, биноҳои зисту кор, сохтори обрасонӣ, сехи таъмири лӯлаи бухор, истгоҳи равған, партовгоҳ, анбори маводи инфиҷорӣ бояд сохта шаванд, ки Кончочро ба як маҷмӯаи бузурги саноатӣ табдил медиҳад.

План строительства Талко Голд
© Sputnik /
План строительства Талко Голд

“Мо то ба ҳол аз маркази ноҳияи Айнӣ то Кончоч ба маблағи 6 миллион доллар 30 километр хати барқ кашидем. Сохтмони як нерӯгоҳи барқ бо қудрати 110 квт-соатро низ рӯи даст гирифтаем, ки ниёзҳои тамоми аҳолии минтақаро бароварда месозад. Дар умум, корҳои сохтмонӣ қариб 80% дарсад омода шудаанд”, - гуфт Ли Фен.

Холмуҳаммад Холов, сардори Департаменти бехатарӣ ва ҳифзи муҳити зисти ширкат пешдастӣ кард ва ба масоили ҳифзи табиат ва муҳити зист пардохта, гуфт, тамоми хулосаҳои зарурӣ аз сӯи вазорати саноату Кумитаи ҳифзи муҳити зист ва дигар идораҳои зидахл таҳия шудаанд ва ҷое барои нигаронӣ вуҷуд надорад.

“Бале, агар беэҳтиётӣ мекунед, ҳама зарарро метавон интизор шуд. Мо ба маблағи қариб 2 миллион доллар 6 километр ҷӯй сохтем, то оби руди Кончоч бидуни олуда шудан ва тавре ки тӯли таърих буд, ба Искандаркӯл резад. Як сарбанди бузургеро барои нигаҳ доштани партовгоҳ сохта истодаем, аммо партов ҷамъ шуда намеистад, балки коркарди иловагӣ мешавад. Ҳамин маҳалле, ки мебинед, тибқи тарҳ пурра бо дарахтҳои гуногун сабз хоҳад шуд”, - гуфт Холмуҳаммад Холов.

Ба қавли масъулини “Талко Голд”, танҳо мушкиле, ки пеш омадааст, таъхир дар интиқоли бақия таҷҳизоти корхонаи ширкат аз Чин аст. Ли Фен мегӯяд, баробари баста шудани марзҳо ҳудуди 100 мошин таҷҳизоти ширкат дар марзи Чину Қирғизистон банд мондаанд.

“Онҳо ҳаҷми бузург доранд ва тариқи ҳавопаймо намешавад интиқолашон дод. Аммо умедворем, ки ба зудтарин фурсат онҳоро вориди Тоҷикистон кунем”, - гуфт мудири кулли “Талко Голд”.

Бидуни онҳо намешавад корхонаро ба кор андохт.

Дар роҳи бозгашт пирамарде, зоҳиран, коргари ширкат, бо як хушҳолӣ ба сӯи мо нарангушташро бардошта, ба забони русӣ гуфт: “Нозанин!”. Бале, ба ҷуз нозанини саноатӣ, ки солҳо дар оғӯши куҳҳои Фон интизорӣ мекашид, ин шоҳкорро наметавон ба гунаи дигар баён кард.

879
Барчаспҳо:
саноат, ТАЛКО, Чин, Тоҷикистон
Рабочая поездка президента Таджикистана Эмомали Рахмона

Эмомалӣ Раҳмон ба Бохтар рафт: сафари раисҷумҳур ба вилояти Хатлон идома дорад

0
(Таҷдидшуда 12:43 22.09.2020)
Имрӯз Эмомалӣ Раҳмон пас аз сафари корӣ ба ноҳияи Шаҳритус ва ифтитоҳи чанд иншооти муҳим раисҷумҳури Тоҷикистон ба шаҳри Бохтар рафт

ДУШАНБЕ, 22 сен — Sputnik.  Ба нақл аз дафтари матбуоти раисҷумҳури сафари кории президенти кишвар Эмомалӣ Раҳмон ба шаҳру ноҳияҳои вилояти Хатлон идома дорад.

Президент Таджикистана Эмомали Рахмон
© Официальная страница пресс-службы президента РТ в Facebook.

Бино бар иттилои манбаъ имрӯз пас аз дидор аз ноҳияи Шаҳритус ва ифтитоҳи чанд иншооти муҳим раисҷумҳури Тоҷикистон ба маркази маъмурии вилояти Хатлон — шаҳри Бохтар ташриф оварданд.

Гуфта шудааст, ки раисҷумҳури кишварро дар Фурудгоҳи байналмилалии Бохтар роҳбарияти вилояти Хатлон, шаҳри Бохтар ва сокинони маркази вилоят истиқбол гирифтанд.

Манбаъ таъкид доштааст, ки Президенти Тоҷикистон Эмомалӣ Раҳмон аснои сафари корӣ дар ифтитоҳи иншооти ҳаётан муҳими соҳаҳои иқтисодиву иҷтимоии шаҳри Бохтар иштирок карда бо роҳбарону фаъолон ва сокинони шаҳр мулоқоту вохӯрии судманд доир менамоянд.

0
Барчаспҳо:
Эмомалӣ Раҳмон, сафари корӣ, Шаҳритус, Бохтар, Раисҷумҳур, Тоҷикистон