Дар шаҳри Душанбе боз як корхонаи азими сементбарорӣ бунёд мегардад

274
(Таҷдидшуда 18:00 17.09.2019)
Дар ноҳияи Исмоили Сомонии шаҳри Душанбе бунёди боз як корхонаи азими истеҳсоли семент оғоз ёфт, баъди пурра ба кор андохтани корхонаи нав, фаъолияти корхонаи ҳозираи семент, пурра манъ карда мешавад

ДУШАНБЕ, 17 сен — Sputnik. Имрӯз Эмомалӣ Раҳмон, раисҷумҳури Тоҷикистон ва Рустами Эмомалӣ, раиси шаҳри Душанбе дар ноҳияи Исмоили Сомонии шаҳри Душанбе барои бунёди боз як корхонаи азими саноатӣ санги асос гузоштанд.

Тавре дафтари матбуоти раисҷумҳури кишвар хабар додааст, самти фаъолияти корхонаи нав ба истеҳсоли семент нигаронида шуда, он бо ҷалби сармояи мустақим сохта мешавад.

“Дар асоси лоиҳа иқтидори корхонаи истеҳсолии ҶСП “Тоҷиксемент” дар як шабонарӯз 3 ҳазору 300 ва дар як сол 1,2 млн. тоннаро ташкил медиҳад.  Дар ин корхона сементи тамғаҳои 400, 500 ва 600 истеҳсол карда мешавад”,- таъкид намудааст манбаъ.

Инчунин, дафтари матбуоти раисҷумҳур хабар додааст, ки хати истеҳсолии корхона, ки аз 10 сехи асосӣ ва ду сехи иловагӣ иборат мебошад, дар масоҳати 15 гектар васлу насб шуда, дар масоҳати боқимонда хирмани ашёи хом, анбори маҳсулоти тайёр, ташхисгоҳҳо, пойгоҳи автомобилӣ, сехи таъмирӣ, идораҳои корӣ ва дигар иншооти зарурӣ бунёд карда мешавад.

Корхона ба таври муосир, мутобиқ ба стандарти байналмилалӣ ва барои муҳити зист ва аҳолии атроф безарар дар канори шаҳр бунёд меёбад.

Ҳамзамон, манбаъ хабар додааст, ки чангу ғубор дар ҳамаи сехҳои корхона, яъне дар 10 марҳила мавриди полоиш қарор дода мешавад, ки дар натиҷа 99,3 фоиз қоидаҳои ҳифзи муҳити зист таъмин ва истеҳсолоти бе партов ба роҳ монда хоҳад шуд.

Масъулин ба Эмомалӣ Раҳмон иттилоъ доданд, ки корҳои сохтмонӣ ва васлу насби дастгоҳу таҷҳизоти истеҳсолӣ дар иншоот 1,5 сол идома хоҳад ёфт.

“Оҳаксанг, магнетит, гаҷ ва хок, дар маҷмуъ ашёи хом барои истеҳсоли семент дар ин корхона аз ҳисоби захираҳои табиии ватанӣ, аз ҷумла конҳои дараи Харангон дастрас карда мешавад”, - зикр намуд дафтари матбуоти раисҷумҳур.

Манбаъ қайд намудааст, ки технологияи истеҳсолии корхонаи ҶСП “Тоҷиксемент” бо иҷозатномаи яке аз бонуфӯзтарин ширкатҳои истеҳсолии Олмон дар Чин истеҳсол карда шудааст.

Инчунин, манбаъ таъкид доштааст, ки баъди пурра ба кор даромадани корхонаи нав, корхонаи ҳозираи семент, ки солҳои дароз кор кардаву фарсуда шудааст ва ба муҳити зисти шаҳр таъсир мерасонад, фаъолияташ пурра манъ карда мешавад.

274
Барчаспҳо:
Раисҷумҳур, Душанбе, бунёд, корхона, семент, Эмомалӣ Раҳмон, Тоҷикистон
На фабрике по производству тканей, архивное фото

Дар Тоҷикистон давоми сол беш аз 20 корхонаи ватанӣ ба кор шурӯъ кард

32
(Таҷдидшуда 10:18 29.10.2020)
Тибқи нақшаи саноатикунонии барвақтӣ дар Тоҷикистон, сарфи назар аз пандемия, зиёда аз бист корхонаи саноати сабук бо ҷойҳои нави корӣ бомуваффақият ба кор шурӯъ карданд

ДУШАНБЕ, 29 окт - Sputnik. Давоми соли ҷорӣ дар Тоҷикистон 26 корхона ва коргоҳҳои нави соҳаи саноати сабук ба кор шурӯъ карданд, хабар медиҳад Вазорати саноат ва технологияҳои нави кишвар.

Ба иттилои манбаъ, дар нӯҳ моҳи соли 2020, ба туфайли ифтитоҳи ин адад корхонаҳо, зиёда аз 490 нафар бо кор таъмин карда шуданд.

Манбаъ мегӯяд, қариб ҳамаи онҳо ба коркарди пахта, дӯхтани либосҳои гуногун, ҷӯробҳо, халтаҳои полипропиленӣ ва кӯрпаҳои пахта ихтисос додашудаанд.

Ҳамзамон корхонаҳои истеҳсоли пойафзол ва мебел низ мавҷуданд.

Тибқи маълумоти вазорат, соли ҷорӣ дар мамлакат корхонаҳои саноатии “Ваҳдат Текстайл” бо иқтидори солонаи истеҳсоли 19,2 миллион ҷуфт ҷӯробҳои гуногун, ҶДММ “Тоҷтекс” бо иқтидори 20 ҳазор дона маҳсулоти дӯзандагӣ дар як шабонарӯз дар шаҳри Душанбе ба кор оғоз карданд.

Дар Данғара марҳилаи дуюми ҶДММ "Фарм Текс" барои истеҳсоли докаи тиббӣ ба истифода дода шуд. Дар Хуҷанд дар заминаи "Сано" ва "Нассоҷи Хуҷанд" коргоҳҳои дӯзандагӣ боз шуданд.

Чунин корхонаҳои саноати сабук дар шаҳри Хоруғ, Ҳисор, ноҳияи Шаҳринавский низ пайдо шуданд.

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

Хабар дода мешавад, ки дар 9 моҳи соли равон барои васеъ кардани иқтидори истеҳсолӣ ва баланд бардоштани сифати маҳсулот дар корхонаҳои саноати сабук ба маблағи 85 миллион сомонӣ (8,2 миллион доллар) барои қолинбофӣ, гулдӯзӣ ва дӯзандагӣ таҷҳизот насб карда шудааст.

32
Цементный завод, архивное фото

Тоҷикистон ба кишварҳои ҳамсоя як миллион тонна семент содир кард

141
(Таҷдидшуда 16:49 26.10.2020)
Ҷумҳурии Тоҷикистон дар соли 2020 истеҳсоли семент ва интиқоли он ба кишварҳои ҳамсояро афзоиш дод

ДУШАНБЕ, 26 окт — Sputnik. Соли 2020 истеҳсоли семент дар Тоҷикистон ба 3237,1 ҳазор тонна расид, омадааст дар гузориши Ожонси омори кишвар.

Коршиносон мегӯянд ин нишондод назар ба ҳамин давраи соли гузашта 89,4 ҳазор тонна зиёд аст.

Як миллиарду 700 миллион доллар: арзиши истеҳсоли маҳсулоти саноатии Тоҷикистон эълом шуд

Дар 9 моҳи соли 2020 истеҳсоли семент ба 3237,1 ҳазор тонна расид, ки назар ба ҳамин давраи соли гузашта 89,4 ҳазор тонна зиёд аст.

"Аз ин миқдор 996,0 ҳазор тонна семент ба хориҷи мамлакат, аз ҷумла ба Ҷумҳуриҳои Ӯзбекистон 562,0 ҳазор тонна, Афғонистон 391,0 ҳазор тонна ва Қирғизистон 43,0 ҳазор тонна содирот гардидааст", - омадааст дар гузориш.

Ҳаҷми содиротгардида 31% ҳаҷми сементи дар ин давра истеҳсолгаридаро ташкил медиҳад.

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

Гуфта мешавад, ки дар зиёд шудани истеҳсоли семент саҳми ҶДММ "Чунгтсай Моҳир семент"-и ноҳияи Ёвон 27,9 %, "Хуаксин Ғаюр семент"-и ноҳияи Ёвон 27,1%, "Хуаксин Ғаюр Суғд семент"-и ноҳияи Бобоҷон Ғафуров 26,7% ва "Сементи Тоҷик" 5,2 % назаррас мебошад.

141
Барчаспҳо:
интиқол, истеҳсол, семент, Тоҷикистон
Нож в руке, архивное фото

Сокини Истаравшан зани 28 - олаашро кушту гардани худро бурид

0
(Таҷдидшуда 12:20 29.10.2020)
Нисбати сокини Истаравшан дар робита ба қатли ҳамсари худ, парвандаи ҷиноӣ бо моддаи 104 қисми 1 Кодекси ҷиноятии Тоҷикистон оғоз гардида, тафтишот идома дорад

ДУШАНБЕ, 29 окт — Sputnik. Дар шаҳри Истаравшан муноқишаи оилавии зану шавҳари ҷавон ба ҳалокати зани 28 - сола анҷомид, хабар медиҳад Вазорати умури дохилаи Тоҷикистон.

Ба иттилои манбаъ, ҳодисаи мазкур рӯзи 10 октябр, тахминан соати 13:00-дақиқа дар манзили истиқоматии зану шавҳар рух дод.

Манбаъ меафзояд, марди 30 - солаи сокини деҳаи Қадамҷои шаҳри Истаравшан бо ҳамсари 28 - солаи худ муноқиша намуда, бо корд 2 маротиба ба гарданаш задааст.

Ҳамсарро қатл ва хушдоманро захмӣ кард: боздошти сокини 27-солаи Норак бо ҷурми одамкушӣ

Дар натиҷа, ҳамсараш ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

"Номбурда бо мақсади худро аз ҳаёт маҳрум сохтан бо корд гардани худро бурида, ҷароҳати вазнини ҷисмонӣ гирифта, дар беморхона бистарӣ гардидааст", - таъкид мешавад дар хабар.

ВУД Тоҷикистон мегӯяд, нисбати номбурда парвандаи ҷиноятӣ бо модддаи 104 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.

0
Барчаспҳо:
боздошт, мард, куштор, Истаравшан