Ҷаласаи Ҳукумат, акс аз бойгонӣ

Сармоядори тоҷик бо харҷи 1 миллиард дар Душанбе корхона месозад: Ҳукумат сабукӣ дод

4937
(Таҷдидшуда 10:11 07.10.2019)
Парлумони Тоҷикистон барои сармоядори ватанӣ, ки бо харҷи 1 миллиард сомонӣ дар шаҳри Душанбе корхона месозад, сабукиҳо дар бахши андозу гумрукро тасвиб кард. Ин созишнома аз ҷониби Ҳукумат пешниҳод шуд

ДУШАНБЕ, 7 окт - Sputnik. Фаррух Ҳамрализода, раиси Кумитаи сармоягузорӣ ва идораи амволи давлатии Тоҷикистон дар ҷаласаи ахири парлумон созишнома барои бунёди корхонаи “Тоҷиксемент”-ро муаррифӣ кард, ки баъди ифтитоҳи он корхонаи “Сементи тоҷик” дар пойтахт баста мешавад.

Бар асоси созишномаи Ҳукумат бо “Тоҷиксемент”, ки парлумон тасвиб кард,  корхонаи ҷадид бо харҷи  1 миллиард сомонӣ бунёд мегардад ва ба гуфтаи Ҳамрализода ин маблағи сармоягузори ватанӣ мебошад. Раиси Кумитаи сармоягузорӣ таъкид намуд, ки сармоягузори ватанӣ корхонаҳоро бо истифода аз технологияҳои пешқадам ва риояи талаботи экологӣ бо иқтидори истеҳсоли 1 миллиону 200 ҳазор тонна семент ва истеҳсоли 80 миллион дона халта дар як сол бунёд менамояд.

Бахтиёр Маҷидов, мудири ҷамъияти саҳомии пӯшидаи “Тоҷиксемент” дар назди вакилон изҳор дошт, ки корхона пурра аз ҳисоби сармояи ватанӣ сохта мешавад ва ҳам муассисону ҳам мудир шаҳрвандони Тоҷикистон мебошанд. Ӯ аз афроди мушаххас ном набурд, аммо қаблан бархе аз расонаҳои Тоҷикистон хабар доданд, ки корхонаи нави семент аз ҷониби саҳмдорони ширкати “Фароз” сохта мешавад. Масъулини "Фароз" ва "Тоҷиксемент" мушаххасан дар ин бора то ҳол шарҳе ироа накардаанд.   

Дар ҳамин ҳол ҶСК “Сементи тоҷик”, ки роҳбарияшро Зайнулло Соҳибов ба уҳда дорад,  баъди фаъол шудани корхонаи ҶСП “Тоҷиксемент” корашро қатъ хоҳад кард.

Қарори Ҳукумат: сабукӣ барои тавлиди “Мерседес”-ҳои “Made in Tajikistan”

Котиботи раисиҷумҳури Тоҷикистон ахиран хабар дод, “баъди пурра ба кор даромадани корхонаи нав, корхонаи ҳозираи семент, ки солҳои дароз кор кардаву фарсуда шудааст ва ба муҳити зисти шаҳр таъсир мерасонад, фаъолияташ пурра манъ карда мешавад”.

Миллиардро мегузораду чӣ сабукӣ мегирад?

Фаррух Ҳамрализода иттилоъ дод, ки бар асоси созиши “Тоҷиксемент” бо Ҳукумат сармоягузор аз пардохти андоз аз фоида ва андози иҷтимоии шаҳрвандони хориҷӣ — ғайрирезидент ба муҳлати 5 сол озод мебошад ва молҳо барои татбиқи лоиҳа бидуни пардохти андоз аз арзиши иловашуда ва боҷҳои гумрукӣ  ба кишвар ворид мешаванд.

Сармоягузор тоҷикистонию пудратчӣ чинӣ

Маҷидов, мудири “Тоҷиксемент” дар парлумон хабар дод, ки корҳои лоиҳакашӣ, таъмин ва насби таҷҳизот аз ҷониби ширкати чинии  “Ҷиангсу пенгфей групп” анҷом дода мешаванд.

Ӯ афзуд, ки бар асоси лоиҳа сохтмону насби таҷҳизоти истеҳсолӣ дар корхона ҳудуди 1,5 сол тӯл хоҳад кашиду  дар ҷараёни сохтмон 1500 нафар, аз ҷумла 1350 шаҳрванди Тоҷикистон ҷалб мегарданд. Ба гуфтаи Маҷидов баъди фаъолсозии корхона 600 нафар бо ҷои кори доимӣ таъмин хоҳанд шуд.

На ҳама розиянд: Маҷидов гуфт, корхона безарар мешавад

Қаблан аз тасмими бунёди корхонаи азими истеҳсоли семент дар шаҳри Душанбе бархе аз корбарони шабакаҳои иҷтимоӣ интиқод карда, ба далели партовҳо аз чунин корхонаҳои азим таъкид намуда буданд, ки онҳо бояд дар берун аз ҳудуди пойтахт бунёд шаванд.

Мудири “Тоҷиксемент” вакилони мардумиро муътақид кард, ки корхона мутобиқ ба стандарти байналмилалӣ ва барои муҳити зист ва аҳолии атроф бе зарар дар канори шаҳр бунёд мегардад.

“Чангу ғубор дар ҳамаи сехҳои корхона, яъне дар 10 марҳила мавриди полоиш қарор дода мешавад, ки дар натиҷа 99,3 фоиз қоидаҳои ҳифзи муҳити зист таъмин ва истеҳсолоти бе партов ба роҳ монда хоҳад шуд”, ‑ таъкид намуд Маҷидов дар парлумон.

Дар шаҳри Душанбе боз як корхонаи азими сементбарорӣ бунёд мегардад

Тасвиби созишнома барои ироаи сабукиҳо дар ҳолест, ки Эмомалӣ Раҳмон, раисиҷумҳури Тоҷикистон ва Рустами Эмомалӣ, шаҳрдори Душанбе нимаи дуюми моҳи сентябри соли равон дар ноҳияи Исмоили Сомонии шаҳри Душанбе барои бунёди корхонаи “Тоҷиксемент” санги асос гузоштанд. Тибқи иттилои котиботи раисиҷумҳур, дар ин корхона сементи тамғаҳои 400, 500 ва 600 истеҳсол карда мешавад. Манбаъ таъкид намуд, ки технологияи истеҳсол дар корхона бо иҷозатномаи яке аз бонуфӯзтарин ширкатҳои истеҳсолии Олмон дар Чин истеҳсол карда шудааст.

4937
Барчаспҳо:
сабукӣ, андоз, созишнома, Кумитаи сармоягузорӣ ва идораи амволи давлатӣ, семент, корхона, Душанбе, Тоҷикистон
Угольное месторождение в Зиддах, архивное фото

Мақомоти Тоҷикистон аз афзоиши маҳсулоти саноати кӯҳӣ хабар дод

251
(Таҷдидшуда 14:06 14.10.2020)
Вазорати саноъат ва фанновариҳои навини Тоҷикистон аз афзоиши тавлиди маҳсулоти саноати куҳӣ дар ин кишвар то поёни сентябри имсол хабар дод

ДУШАНБЕ, 14 окт — Sputnik. Дар ин давра корхонаҳои ин бахш 5 миллиарду 400 миллион сомонӣ (баробар бо 526 миллиону 800 ҳазор доллар) маҳсулот тавлид кардаанд, ки дар муқоиса бо ҳамин давраи соли пеш 12.5 дарсад бештар мебошад, иттилоъ додааст сомонаи вазорати саноат технологияҳои навини Тоҷикистон.

Тибу иттилои манбаъ, дар ин муддат тавлиди тилло 10.2 дарсад, нуқра 2.4 дарсад , мис 19 дарсад ва сурма 73 дарсад афзоиш ёфта аст.

Аз ин рӯ саҳми бахши тавлидоти маҳсулоти саноати куҳӣ дар саноъати Тоҷикистон ба 25.7 дарсад расида аст .

Вазорати саноат: 53 корхонаи Тоҷикистон пурра сокинонро бо либоси мактабӣ таъмин мекунанд

Гуфтанӣ аст дар 9 моҳи соли ҷорӣ ба хориҷ аз Тоҷикистон ба маблағи 1 миллиарду 456.5 миллион сомонӣ (муодили 140 миллиону 800 ҳазор доллар) маҳсулоти саноати куҳӣ содир шуда аст.

251
Барчаспҳо:
маҳсулот, афзоиш, саноат, Тоҷикистон
Работа нефтяных станков - качалок

Тоҷикистон истихроҷи нафтро афзоиш додааст

246
(Таҷдидшуда 13:29 09.10.2020)
Тибқи маълумоти Вазорати энергетикаи Тоҷикистон, дар ҳашт моҳи соли 2020 дар ҷумҳурӣ беш аз 15,4 ҳазор тонна ашёи хом истеҳсол шудааст

ДУШАНБЕ, 9 окт — Sputnik. Тоҷикистон ҳаҷми истихроҷи нафтро афзоиш дод, аммо суръати коркарди онро коҳиш ёфтааст, хабар медиҳад хадамоти матбуоти Вазорати энергетика ва захираҳои оби кишвар.

Тибқи иттилои вазорат, зарфи 8 моҳи соли 2020 дар Тоҷикистон беш аз 15,4 ҳазор тонна ашёи хоми нафтӣ истеҳсол шудааст.

Гуфта мешавад, ин нишондиҳанда нисбат ба ҳамин давраи соли гузашта 3,6% зиёдтар шудааст.

Ба иттилои манбаъ, дар баробари истеҳсоли бештар ҳаҷми коркарди он дар ҷумҳурӣ коҳиш ёфт. Аз ҷумла, нишондиҳандаи имсола нисбат ба соли гузашта 6,3% коҳиш ёфтааст.

Вазорати энергетика вазъро бо кам шудани истеҳсоли бензин, сӯзишвории дизелӣ, мазут ва битум шарҳ дод.

Саридораи геологияи гуфт, дар Тоҷикистон чи қадар кони нафту газ аст

Таъкид шудааст, ки аз моҳи январ то августи соли 2020, Тоҷикистон 413,5 ҳазор тонна маҳсулоти нафтиро ба маблағи умумии беш аз 198,8 миллион доллар ворид кардааст.

Иктишофи нафту гази Тоҷикистон: танҳо ду ширкат, ҳарду ҳам кор намекунанд

Русия таъминкунандаи асосии маҳсулоти нафтӣ дар бозори кишвар боқӣ мемонад. Инчунин, маҳсулоти нафтӣ ба Тоҷикистон аз Қазоқистон ва дигар кишварҳо интиқол дода мешавад.

246
Барчаспҳо:
коркард, Вазорати энергетика ва захираҳои об, нафт, Тоҷикистон

Тавсифи Зеленский аз Раҳмон: сазоворед

0
(Таҷдидшуда 19:04 22.10.2020)
Раисҷумҳури Украина Владимир Зеленский ба унвони раисҷумҳури Тоҷикистон Эмомалӣ Раҳмон ба муносибати интихоб шуданаш ба мансаби президентӣ барқияи шодбошӣ ирсол кардааст

ДУШАНБЕ, 21 окт — Sputnik. Тавре котиботи раисҷумҳури Тоҷикистон менависад, раисҷумҳури Украина кишвардори Тоҷикистон Эмомалӣ Раҳмонро ба муносибати пирӯзӣ дар интихобот муборакбод гуфта, ба Эмомалӣ Раҳмон муваффақият таманно кардааст ва ӯро чун роҳбари сазовор ба боварии мардуми Тоҷикистон тавсиф кардааст.

Президент Республики Таджикистан Эмомали Рахмон
© Официальная страница пресс-службы президента РТ в Facebook

"Ғалабаи Шумо дар интихоботи кунунӣ далели боварии мардуми тоҷик ба Шумо ва дастгирии васеи роҳи интихобкардаи сиёсиву иҷтимоии рушди Ҷумҳурии Тоҷикистон мебошад,-  таъкид кардааст вай.

Раисҷумҳури Украина афзудааст, "аз номи мардуми Украина ва шахсан аз номи худам Шуморо ба муносибати аз нав интихоб шуданатон ба мақоми Президенти Ҷумҳурии Тоҷикистон самимона табрик менамоям".

Зеленский изҳори умедворӣ кардааст, ки минбаъд, муносибатҳои Тоҷикистону Украина ба сатҳи нав мебароянд.

Раҳмон ба Зеленский: мо ба ояндаи муносибатҳои дӯстӣ назари нек дорем

"Аз ин фурсати хурсандибахш истифода бурда, ба Шумо, Ҷаноби Олӣ сиҳатии комил ва дар фаъоляти пурмасъулиятатон минбаъд ҳам муваффақият, ба мардуми дӯсти тоҷик бошад, сулҳ, ризоият ва шукуфоӣ орзумандам", - гуфтааст дар анҷом вай.

Ба иттилои котиботи президент ҳамчунин аз номи резиденти Венгрия Янош Адер ва Президенти Ҷумҳурии Федеративии Бразилия Ҷейр Месиас Болсона ба Эмомалӣ Раҳмон барқияи шодбошӣ расидааст.

0