Корхонаи алюминийи Тоҷикистон, акс аз бойгонӣ

Баёнияи расмӣ: Чин соҳиби "Талко" намешавад

918
(Таҷдидшуда 19:55 23.01.2020)
“Талко” ё “Ширкати алюминиуми Тоҷикистон” тавзеҳ дод, ки чӣ гуна Чин ба корхона қариб 5,5 миллиард сомонӣ сармоягузорӣ мекунаду бидуни соҳиб шудан ба ин корхона пулашро бозпас мегирад

ДУШАНБЕ, 23 янв — Sputnik. Ахбор дар бораи эҳтимоли вогузор шудани идораи “Талко” ба Чин баъди табдили КВД “Ширкати алюминиуми тоҷик” ба ҷамъияти саҳҳомии кушода як “ҳаннотии ошкоро” - и расонаӣ мебошад, омадааст дар баёнияи расмӣ, зери имзои Игор Сатторов, мудири Департаменти иттилоърасонӣ ва робитаи умумии “Талко”.

Дар баёния, ки дастраси Sputnik Тоҷикистон шуд, ба манзури ҷилавгирӣ аз ҳар гуна гумонзаниҳо дар бораи ин масъала, ки пас аз гузариш ба ин шакли тиҷории мудирияти ширкат ва навсозии истеҳсолот бо ҷалби сармоягузории хориҷӣ, соҳиби ширкати Ширкати алюминиуми тоҷик кӣ хоҳад буд, чанд маворид ба таваҷҷуҳи умум ва расонаҳо ҳавола кардааст.

“Дар ҳоли ҳозир, Ширкат алюминиуми тоҷик воқеан дар ҳоли музокира бо ҳамкорони чинӣ барои ҷалби сармоя барои навсозии тавлиди электиролизӣ аст ва онҳо ба фурӯши саҳмияҳо рабте надоранд”, - омадааст дар санад.

Бино ба он, тавофуқнома бо ширкати давлатии Чин China Machinery Engineering Corporation (CMEC), ки барои навсозии “Талко” 545 миллион доллар ихтисос додааст, ҳанӯз моҳи апрел қабл аз табдил ёфтани “Талко” ба ширкати саҳҳомӣ ба имзо расидааст.

“Илова бар ин, тавофуқнома дар чаҳорчӯби EPC (муҳандисӣ, таъмин, сохтмон) + F (маблағгузорӣ) имзо шудааст, ба ин маънӣ, ки эҷоди ягон корхонаи муштарак дар он пешбинӣ нашудааст - ширкати чинии CMEC кори навсозиро аз тариқи сармоягузориҳои ҷазбшуда анҷом медиҳад ва пас аз анҷоми он иншоотро ба таври комил дар ихтиёри Талко хоҳад гузошт”, - омадааст дар баёния.

Бино ба он, таҷҳизоти лозим барои навсозии “Талко” аз пардохти андоз бар арзиши изофа ва пардохтҳои гумрукӣ озод мебошад.

“Боздеҳ ё баргардонидани маболиғи сармоягузоришуда дар навсозӣ аз тариқи фурӯши алюминиуми тавлидшуда дар хатҳои нави электролизӣ анҷом хоҳад шуд”, - омадааст дар санад.

Дар баёния омадааст, дар асл як корхонаи ҷадид дар қаламрави Ширкати алюминиуми тоҷик сохта мешавад, ки зарфияташ, тибқи тарҳ, 300 ҳазор тон дар сол хоҳад буд.

“Аз 545 миллион доллари барномарезишуда, 435 миллион доллар барои сохтмон, 90 миллион доллари боқимонда сармояи гардиш хоҳад буд (муқоиса: тарҳи мушобеҳи сармоягузории EPC+F дар сохти корхонаи алюминиум дар Қазоқистон бо зарфияти 250 ҳазор тон дар сол бо ҳазинаи беш аз 1 миллиард доллар анҷом шудааст)”, - омадааст дар баёнияи “Талко”.

Бино ба баёния, пас аз навсозӣ “Талко” пешрафтатарин таҷҳизоти комилан худкор ё автоматӣ барои тавлиди алюминиумро дарёфт мекунад, ки дар пайи он ҳазинаи барқу навъҳои дигари тавлид тақрибан ба нисф коҳиш меёбад ва 94% - и алюминиум бо сифати баланди A7 ва A8 ба даст хоҳад омад.

“Яке дигар аз бартариҳои “Талко” иҷрои муваффақиятомези барномаи ҷойгузинии воридот тавассути ин ширкат аст, ки иҷоза медиҳад куллияи мавод аввалияи истеҳсолотро ба таври мустақил дар дохили кишвар истихроҷ кунад”, - хулоса шудааст баёния.

Изҳороти “Талко” дар ҳолест, ки чанде қабл Маҷлиси намояндагони Тоҷикистон бо ворид кардани тағйирот дар Қонуни хусусигардонии моликияти давлатӣ ин ширкат ва ҳам нерӯгоҳи барқи обии Роғунро аз қатори иншооте, ки моликияти истисноии давлат ба ҳисоб мераванд, хориҷ кард. Дар пайи ин тағйирот эътирозҳое дар шабакаҳои иҷтимоӣ ва ҷомиа ба вуҷуд омаданд, ки ҳукумати Тоҷикистон мехоҳад муҳимтарин иншоотҳои миллиро дар ихтиёри афрод ё ширкатҳои алоҳида гузорад. “Талко” ва неругоҳи “Роғун” соли 2009 моликияти истисноии давлат ё мардуми Тоҷикистон эълон шуда буданд. Қаблан як манбаъ дар ширкат ба “Sputnik Тоҷикистон” гуфта буд, ки саҳмияҳои “Талко” 100 фоиз дар дасти давлати Тоҷикистон боқӣ мемонанд.

918
Барчаспҳо:
ТАЛКО, Тоҷикистон
Предприятие Вахдат по производству носков в Таджикистане

Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

294
(Таҷдидшуда 15:13 07.08.2020)
Вазири рушди иқтисоди Тоҷикистон ахиран эълон доштааст, ки 2216 корхонаи саноатии бақайдгирифташуда 124 корхона аз фаъолият бозмонд

ДУШАНБЕ, 7 авг — Sputnik. Ахиран вазири иқтисод ва савдои Тоҷикистон Завқӣ Завқизода, зимни нишасти матбуотӣ таъкид дошт, ки Дар нимсолаи якуми соли ҷорӣ ба хотири иҷрои ҳадафи чоруми миллӣ –  саноатикунонии кишвар тадбирҳои зарурӣ амалӣ гардиданд.

Ба гуфтаи вай,дар Тоҷикистон 83 корхонаи нави саноатӣ, бо таъсиси 1135 ҷои кор, мавриди баҳрабардорӣ қарор гирифт.

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

Вай зикр кард, ки дар натиҷаи паҳншавии пандемияи коронавирус, корхонаҳои саноатии кишвар ба як қатор мушкилиҳо, аз ҷумла дастрасии номукаммал ба воситаҳои молиявӣ ва ашёи хом, таҷҳизоту технологияҳои замонавӣ ва коҳишёбии нархи молу маҳсулоти содиротии кишвар дар бозорҳои ҷаҳонӣ, дучор гардиданд.

Ҳамзамон Завқӣ Завқизода зини нишастӣ матбуотӣ таъкид дошт, ки дар ин росто, аз 2216 корхонаи  саноатии  бақайдгирифташуда 124 корхона аз фаъолият бозмонд.

294
Барчаспҳо:
фаъолият, аз ҳаракат бозмондан, аз фаъолият бозмондани нашриёт, корхона, саноат, Тоҷикистон
Продажа муки

Орд арзон мешавад?: вазири тоҷик аз афзоиши истеҳсоли орд дар Тоҷикистон таъкид кард

813
(Таҷдидшуда 11:59 05.08.2020)
Айни замон дар ҷумҳурӣ 47 корхонаҳои ордбарорӣ фаъолият дошта, танҳо дар шашмоҳаи аввали соли равон 374 ҳазору 982 тонна орд истеҳсол намудаанд, ки ин нисбат ба ҳамин давраи соли 2019 43 ҳазору 136 тонна зиёд мебошад

ДУШАНБЕ, 5 авг — Sputnik.  Вазири саноат ва технологияҳои нави Тоҷикистон Заробиддин Файзуллозода дар нишасти матбуотӣ таъкид доштааст, ки дар шашмоҳаи аввали соли равон бо сабаби паҳн шудани бемории коронавирус дар ҷаҳон аввалҳои моҳи март дар ҷумҳурӣ  арзиши орд ба таври сунъӣ боло рафт.

 “Имрӯз корхонаҳои ордбарории мамлакат на танҳо имконияти  таъмини пурраи аҳолиро бо орди хушсифати ватанӣ доранд, балки  ба кишварҳои ҳамсоя, назири Ҷумҳурии Исломии Афғонистон низ содироти онро ба роҳ мондаанд”, - таъкид дошт Вазири саноат ва технологияҳи нав.

Ҳамчунин вай афзуд, ки тоҷирон ё шахсони манфиатдоре, ки ба таври сунъӣ арзиши ордро боло бурданд, аз вазъи бозор бехабаранд, зеро дар чанд соли охир корхонаҳои мо Тоҷикистонро пурра бо орди ватанӣ таъмин мекунанд.

“Дилхоҳ корхона метавонад аз хориҷи мамлакат ба ҷумҳурӣ гандум ворид намояд, зеро дар ин самт ягон мушкилӣ ҷой надорад. Танҳо ширкатҳоеро, ки гандум  ворид месозанд, зарур аст истеҳсоли ордро ба роҳ монанд”-, афзуд вазир.

Мавсуф гуфт, ки дар шашмоҳаи аввали соли 2020 воридоти гандум камтару  орд бештар шудааст.

Дар ҳамин ҳол вазири саноат ва технологияҳои нав таъкид дошт, ки бештари гандум аз Қазоқистон ва Русия ворид мешавад, ки арзиши он дар кишварҳои истеҳсолкунанда низ боло рафтааст.

“Агар хоҷагиҳои деҳқонӣ тавонанд корхонаҳои ватаниро бо гандуми дохилӣ пурра таъмин намоянд, дар ин сурат арзиши орд низ поён меравад”, - гуфт ӯ.

Дар ҳоли ҳозир, дар бозорҳои шаҳри Душанбе ва ноҳияҳои атроф  айни замон арзиши як халта орди 50 кг навъи якум аз 227 сомонӣ шурӯъ мешавад.

Гуфта шудааст, ки дар соли 2019 талаботи бозори дохилӣ дар ҳаҷми 710,1 ҳазор тонна орд пурра таъмин карда шуда, 3132,5 тонна орд ба хориҷи мамлакат содир шудааст.

813
Барчаспҳо:
корхона, вазир, истеҳсол, орд, Тоҷикистон

Таркиш ва бераҳмӣ: воқеъияти тазоҳуроти Белорус - гузориши аксӣ

0
(Таҷдидшуда 17:35 12.08.2020)
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
  • Тазоҳурот пас аз эълони пирӯзии Лукашенко дар интихоботи президентӣ дар Минск
Рӯзи сеюм мешавад, ки дар Белорус тазоҳурот ором намегирад. Аз интихоб шудани Лукашенко ба маснади президентӣ на ҳамаи шаҳрвандон шоданд

Интихоботи президентӣ дар Белорус 9 август доир шуд. Бино ба гузориши КМИ дар ин раъйдиҳӣ 5,8 миллион нафар ширкат кард.

Раҳмон ба Лукашенко: пирӯзӣ, гувоҳи эътирофи саҳми бузургатон дар соҳибихтиёрии давлат аст

Бар асоси эълони натоиҷи  интихоботӣ Александр Лукашенко, президенти кунунии ин кишвар бо ба даст овардани 80,23% овозҳо пирӯз шуд.

Натоиҷи интихобот дар ин кишвар на писанди ҳама шуд. Ҳамин тавр, се рӯз мешавад, ки дар шаҳри Мински Белорус эътирозҳо доман паҳн мекунад.

Тазоҳурот зуд- зуд ба макони задухӯрди эътирозгарон  ва мақомоти пулис табдил меёбад.

Тибқи иттилои расмӣ, давоми се рӯз дар паи гирдиҳамоиҳо беш аз 6 ҳазор кас боздошт шудааст.

Танҳо дар давоми рӯзи гузашта 51 тазоҳургар ва 14 корманди пулис ҷароҳатдор шудааст. 

Кумитаи тафтишотии кишвар дар ин росто 17 парвандаи ҷиноӣ боз кардааст.

0
  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Дар Белорус тазоҳурот пас аз анҷоми интихобот ва эълони пирӯзии мутлақи Лукашенко сар зад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Тибқи иттилои КМИ Белорус бино ба интихоботи мардум бо 80 дарсади овозҳо кишвардори кунунӣ - Александр Лукашенко дигарбора ба мақоми президентӣ интихоб шуд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / Vasily Fedosenko

    Натоиҷи интихоботи президентӣ на ба ҳамаи шаҳрвандони Белорус писанд омад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AFP 2020 / Sergei Gapon

    Се рӯз мешавад, ки шаҳрвандони норозӣ аз натоиҷи интихоботи президентии Белорус ба кӯчаҳо мебароянд ва дарҳол миёни онҳо ва мақомоти пулис муноқиша сар мезанад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP / Sergei Grits

    Бино ба гузориши мақомоти расмӣ дар се рӯзи охир дар паи тазоҳурот беш аз 6 ҳазор кас боздошт шудааст.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © REUTERS / VASILY FEDOSENKO

    Корманди мақомоти қудратии Белоруссия ба тазоҳургари ҷароҳатдор - Евгения Зайчкина ишора мекунад.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AFP 2020 / Sergei Gapon

    Тазоҳургарон ба сӯи полис "коктейли Молотов" ҳаво медиҳанд, намояндагони мақомот дар навбати худ бо оринҷакҳои резинӣ ва рангдошта ба онҳо таҳдид мекунанд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP / Sergei Grits

    Танҳо дар давоми шаби гузашта 51 тазоҳургар ва 14 корманди мақомоти қудратӣ захмӣ шуданд. Кумитаи тафтишотии кишвар парвандаи ҷиноӣ боз кард.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    © AP /

    Тазоҳургарон яке аз ҳамсафашонро, ки дар паи бархӯрд бо пулис ҷароҳатдор шудааст, ҳамроҳӣ мекунанд.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    Sputnik

    Тазоҳургарон дар яке аз кӯчаҳои шаҳри Минск.

  • Тазоҳурот пас аз эълони пирӯзии Лукашенко дар интихоботи президентӣ дар Минск
    Sputnik

    Кормандони мақомоти қудратӣ тазоҳургарро боздошт мекунанд.

Барчаспҳо:
акс, гузориш, тазоҳурот, Белоруссия