Производство медицинских масок

Ҷалби донишҷӯён ба дӯхтани ниқобҳои тиббӣ дар Тоҷикистон

243
(Таҷдидшуда 14:45 08.04.2020)
Вазорати саноат ва технологияи нави Тоҷикистон аз таъсиси як корхонаи ниқоббарорӣ дар назди Донишгоҳи технологии Тоҷикистон хабар дод

ДУШАНБЕ, 8 апр — Sputnik. Бино бар иттилои дафтари матбуоти Вазорати саноат ва технологияи нави Тоҷикистон дар Донишгоҳи технологии Тоҷикистон дар заминаи озмоишгоҳхои дӯзандагии факултети технология ва дизайн дӯхтани ниқобҳои тиббӣ ба роҳ монда шуд.

Тибқи иттилои манбаъ, тарҳи ниқоб аз тарафи мутахассисони факултет бо назардошти меъёрҳои стандартӣ лоиҳакашӣ карда шуда, дар озмоишгоҳҳои дӯзандагӣ бо ҷалби омӯзгорони мутахассис ва донишҷуён дӯхтани ниқобҳо оғоз гардидааст.

Ҳамчунин манбаъ қайд кардааст, ки раёсати Донишгоҳи технологии Тоҷикистон тасмим гирифтааст, ки дар ҳолати зарурӣ зиёда аз 6000  кормандон ва донишҷуёни худро бо ниқобҳои тиббӣ пурра таъмин намояд.

Инчунин, роҳбарияти донишгоҳ таъкид доштааст, ки дар сурати зарурӣ ҳаҷми истеҳсол зиёд карда мешвад ва ба дигар муассисаю корхонаҳо бо ниқобҳои тиббӣ  пурра таъмин хоҳанд шуд.

 

Технологический университет Таджикистана запустил производство медицинских масок
Технологический университет Таджикистана запустил производство медицинских масок

Ҳамзамон манбаъ зикр кардааст, ки барои дӯхтани ниқобҳои тиббӣ маҳсулоти пахтагини истеҳсоли ватанӣ, аз ҷумла матоъҳои пахтагини истеҳсоли корхонаи “Нассоҷии тоҷик” истифода бурда мешаванд.

Дар ҳоли ҳозир дар ин корхона, зиёда аз 1300 адад ниқобҳои тиббӣ омода карда шудааст.

243
Барчаспҳо:
донишҷӯён, донишгоҳ, корхона, саноат, вазорат, Тоҷикистон
Предприятие Вахдат по производству носков в Таджикистане

Хатлони пешқадам: бунёди 23 корхона дар панҷ моҳ

88
Мақомоти вилоти Хатлон таъкид доштааст, ки дар вилоят дар панҷ моҳи соли равон 23 корхонаю коргоҳҳои нави саноатӣ таъсис дода шуданд

ДУШАНБЕ, 5 июн – Sputnik. Моҳҳои январ-апрели имсол ҳаҷми истеҳсоли маҳсулоти саноатӣ дар вилояти Хатлон ба 2,6 миллиард сомонӣ расид, ки нисбат ба ҳамин давраи соли 2019-ум 269,1 миллион сомонӣ зиёд мебошад. Суръати афзоиш бо нархҳои ҳақиқӣ 11,2 фоиз ва бо нархҳои муқоисавӣ 9,7 фоизро ташкил дод.

Ба нақл аз хабаргузории АМИТ “Ховар” барои ба кор даровардани корхонаҳои аз фаъолият бозмонда дар якҷоягӣ бо соҳибмулкони онҳо тадбирҳо андешида, то имрӯз корхонаҳои “Дилкушо”, ҶДММ “Бофанда”, “Сомон ҒМ” ва “Самар” дар шаҳру ноҳияҳои Норак, Муъминобод, Абдураҳмони Ҷомӣ ва Восеъ фаъолияташонро дубора эҳё намуданд.

Бино бар иттилои манбаъ, дар даврони истиқлол дар вилоят 531 корхонаи нави саноатӣ бунёд гардида, аз 75 корхонаи саноатии соли 1991 ба 606 корхона дар соли 2020 расонда шудааст. Танҳо тайи шаш соли охир дар ҳудуди вилоят 291 корхонаву коргоҳҳои саноатии нав бо 6900 ҷойи нави корӣ таъсис дода шуданд. Имрӯз шумораи кормандон дар корхонаҳои саноатии вилоят нисбат ба соли 1991 ду баробар зиёд мебошад.

Ҳамзамон манбаъ зикр намудааст, ки дар зарфи бист соли охир ҳаҷми истеҳсоли маҳсулоти саноатӣ дар вилоят беш аз 8 баробар афзоиш ёфта, аз 1 миллиарду 100 миллион сомонии соли 2000 ба 8,5 миллиард сомонӣ дар соли 2019 расонда шудааст, ки ин 32 фоизи маҳсулоти умумии саноати мамлакатро ташкил медиҳад.

Дар сохтори истеҳсолии саноати вилоят ҳиссаи маҳсулоти саноати коркард 50 дарсад, истеҳсоли неруи барқ, нафту газ 39,5 фоиз ва саноати истихроҷи маъдан 4,2 фоизро ташкил медиҳад. Дар корхонаҳои саноатии вилоят 90 намуди маҳсулот истеҳсол мешавад.

88
Барчаспҳо:
саноат, коргоҳ, корхона, Хатлон, Тоҷикистон
Абрикосы, архивное фото

Оғози зардолучинӣ дар Суғд ва содироташ ба Русия

278
(Таҷдидшуда 16:14 21.05.2020)
Сарраёсати кишоварзии Суғд мегӯяд, масоҳати боғи зардолу дар вилоят қариб 45 ҳазор гектарро ташкил медиҳад

ДУШАНБЕ, 21 май — Sputnik. Масъулини Сарраёсати кишоварзии вилояти Суғд мегӯянд, офатҳои табиӣ - борону шамоли бошиддат ба ҳосил таъсири манфӣ расонд.

Нашрияи "Ҷумҳурият" аз қавли мақомдорони кишоварзии Суғд иттилоъ дод, ки дар шаҳри Исфара 4500 гектар боғоти себу нокро хунук зад.

"Дар як қатор ноҳияҳои вилоят - Ашту Конибодом ва ба номи Б.  Ғафуров ба ҷамъоварии зардолуҳои пешпазак шӯрӯъ карданд", - омадааст дар иттилоия.

Рафторҷон Муҳаммадиев, сардори Раёсати кишоварзии ноҳияи Ашт, изҳор доштаст, ки ноҳия дорои беш аз 16 ҳазор гектар боғи зардолу буда, аз ин 8900 гектар дарахтони ҳосилдиҳанда аст.

"Зардолузорро асосан навъҳои пешпазаки "арзанаки калон", "шалах" ва "рухи ҷонона", "мирсанҷарӣ", "исфарак" ва "бобоӣ", ки ҳосили фаровон доранд, ташкил медиҳад. Алҳол дар хоҷагиҳои деҳқонӣ чидани зардолуи пешпазаки "шалах", "арзанаки калон" ва "рухи ҷонона" оғоз шуда, асосан ба Федератсияи Русия содирот мегардад", - таъкид кардаст манбаъ.

Боғдорони ноҳияи Ашт имсол азм доранд истеҳсоли зардолуро ба 20 ҳазор тонна расонанд.

278
Барчаспҳо:
содирот, мавсими ҷамъоварӣ, зардолу, мева, Тоҷикистон-Русия
Руководитель отдела экономики Института стран СНГ Аза Мигранян

Коршинос: барномаи зиддибӯҳронии Тоҷикистон ду моҳ дер тасвиб шуд

0
Тоҷикистон аз ҳисоби кадом маблағҳо соҳибкоронро дастгирӣ хоҳад кард ва оё ин иқдомҳоро буҷаи кишвар мебардорад ё не - ба ин саволҳо коршинос, иқтисодшиноси Пажӯҳишгоҳи ИДМ Аза Мигранян посух гуфт

Ҳукумати Тоҷикистон барномаи зиддибӯҳронии замони пандемияи коронавирусро қабул кард, ки ба дастгирии соҳибкорон ва аҳолӣ равона гардидааст.

Имрӯз, 5 июн чанд фармони раисҷумҳури Тоҷикистон Эмомалӣ Раҳмон ба имзо расид, ки мувофиқи он чанд гурӯҳ соҳибкорон аз андоз озод карда шуда, ба қишри осебпазир кӯмакпулӣ таъин ва боло бурдани арзиши барқу хизматрасониҳои коммуналӣ мавқуф карда шуд.

Мигранян о том, за счёт чего в Таджикистане будут поддерживать бизнес

"Дар ҳар як кишвар захираи муайяне ҳаст, ки ба истилоҳ захираҳои ғайрибуҷавӣ гуфта мешавад. Ин гуна буҷа дар Тоҷикистон низ ҳаст", - гуфт Миграниян дар сӯҳбат бо Sputnik Тоҷикистон.

Ба гуфтаи коршинос, таҳлили он ки иқдомҳои зиддибӯҳронии Ҳукуматро буҷаи Тоҷикистон мебардорад ё не, ғайриминтақист, зеро феълан маълум нест, ки барои ин иқдоми Ҳукумат чӣ қадар маблағ лозим аст.
"Фаҳмиши норасоии буҷа нисбӣ аст. Ҳама гуна кишвар бо норасоии буҷа метавонад то дер  арзи вуҷуд дошта бошад", - таъкид мекунад коршинос.

 

Ба гуфтаи ӯ, ин ҷо гап дар бораи дастгирии аҳолӣ ва тиҷорати хурд меравад.

"Ҳамааш аз он вобаста аст, ки то кай дар Тоҷикистон маҳудиятҳои фаъолияти иқтисодӣ амалӣ мешавад. Агар маҳдудиятҳо фарогир бошанд, пас ин ҳамагӣ дастгирии хурдест. Агар маҳдудиятҳо кутоҳмуддат ва маҳдуд бошанд, ҳамин тавре ки ҳоло дар Тоҷикистон рӯи кор меоянд, ин дастгирӣ ба аҳолӣ ва тиҷорати хурд назаррас хоҳад шуд".

Вай афзуд, ки вақте ҷараёни даромад нест, ихтисори андоз, пардохтҳои ҳатмӣ ва харҷҳои гуногун метавонад ба қисми рақобатпазир дар кам шудани талабот ба маводи онҳо дар мӯҳлати муайян кӯмак кунад. Аммо ин истеҳсолоти заифро наҷот намедиҳад.

"Сухан дар бораи дастгириҳои иҷтимоӣ бо мақсади тавонмандии харидории аҳолӣ меравад. Ин чораҷӯиҳо барои бештари кишварҳои ҷаҳон стандартӣ мебошанд", - тавзеҳ медиҳад ӯ.

 

Ин иқдомҳои Тоҷикистон ду моҳ дер қабул шуданд, гуфт дар анҷом Мигранян.

0