Производство Атласи Худжанд в Худжанде, архивное фото

Рушд дар вазъи буҳронӣ: мақомоти Тоҷикистон аз афзоиши маҳсулоти саноатӣ хабар дод

229
(Таҷдидшуда 15:30 22.04.2020)
Тибқи иттилои Вазорати саноат ва технологияҳои нави Тоҷикистон дар се моҳи соли равон наздик ба 1 миллиарду 750 миллион сомонӣ маҳсулоти саноатӣ ба хориҷ аз кишвар содирот шудааст

ДУШАНБЕ, 22 апр — Sputnik. Бино бар иттилои манбаъ, дар се моҳи соли равон ҳаҷми истеҳсоли маҳсулоти саноатӣ ба 6 миллиарду 783,5 миллион сомонӣ баробар шуда, суръати рушд нисбат ба ҳамин давраи соли гузашта 1 миллиарду 84,1 миллион сомонӣ  ё 16,9 дарсад афзуд.

Тибқи иттилои манбаъ, ҳиссаи соҳаи саноат дар таркиби маҷмӯи маҳсулоти дохилӣ (ММД) ба 20,4 дарсад расид.

Дар ҳамин ҳол, ба маблағи қариб 1 миллиарду 750 миллион сомонӣ маҳсулоти саноатӣ ба хориҷи кишвар содирот шуд.

Маҷмӯи маҳсулоти саноатии кишварро  бештар  неруи барқ (32,2 дарсад),  маъдан (25,9 дарсад), хӯрокворӣ (17 дарсад)  ва бахшҳои дигари саноатӣ ташкил медиҳанд.

Дар ин давра  бештар  маҳсулоти корхонаҳои коркарди пахта, нафту газ, мошинсозӣ, саноати сабук, неруи барқ  ва маъданҳои кӯҳӣ афзудааст. 

Вазорати саноати қайд кардааст, ки рушди саноат аз ҳама бештар  дар шаҳру ноҳияҳои тобеи ҷумҳурӣ  (23,8 дарсад)  ба қайд гирифта шудааст. Истеҳсоли маҳсулоти саноатӣ дар вилоятҳои Суғд 19,4,  Хатлон 17,8 ва шаҳри Душанбе 5,8 дарсадро ташкил медиҳад.

Манбаъ таъкид доштааст, ки дар ВМКБ рушди саноатӣ ба назар намерасад.

229
Барчаспҳо:
буҳрон, содирот, хориҷ, маҳсулот, вазорати саноат ва технология навин, саноат, Тоҷикистон
Абрикосы, архивное фото

Оғози зардолучинӣ дар Суғд ва содироташ ба Русия

275
(Таҷдидшуда 16:14 21.05.2020)
Сарраёсати кишоварзии Суғд мегӯяд, масоҳати боғи зардолу дар вилоят қариб 45 ҳазор гектарро ташкил медиҳад

ДУШАНБЕ, 21 май — Sputnik. Масъулини Сарраёсати кишоварзии вилояти Суғд мегӯянд, офатҳои табиӣ - борону шамоли бошиддат ба ҳосил таъсири манфӣ расонд.

Нашрияи "Ҷумҳурият" аз қавли мақомдорони кишоварзии Суғд иттилоъ дод, ки дар шаҳри Исфара 4500 гектар боғоти себу нокро хунук зад.

"Дар як қатор ноҳияҳои вилоят - Ашту Конибодом ва ба номи Б.  Ғафуров ба ҷамъоварии зардолуҳои пешпазак шӯрӯъ карданд", - омадааст дар иттилоия.

Рафторҷон Муҳаммадиев, сардори Раёсати кишоварзии ноҳияи Ашт, изҳор доштаст, ки ноҳия дорои беш аз 16 ҳазор гектар боғи зардолу буда, аз ин 8900 гектар дарахтони ҳосилдиҳанда аст.

"Зардолузорро асосан навъҳои пешпазаки "арзанаки калон", "шалах" ва "рухи ҷонона", "мирсанҷарӣ", "исфарак" ва "бобоӣ", ки ҳосили фаровон доранд, ташкил медиҳад. Алҳол дар хоҷагиҳои деҳқонӣ чидани зардолуи пешпазаки "шалах", "арзанаки калон" ва "рухи ҷонона" оғоз шуда, асосан ба Федератсияи Русия содирот мегардад", - таъкид кардаст манбаъ.

Боғдорони ноҳияи Ашт имсол азм доранд истеҳсоли зардолуро ба 20 ҳазор тонна расонанд.

275
Барчаспҳо:
содирот, мавсими ҷамъоварӣ, зардолу, мева, Тоҷикистон-Русия
Завод по производству ковров

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

214
(Таҷдидшуда 03:36 20.05.2020)
Дар давоми чор моҳи аввали соли равон корхонаҳои саноатии Тоҷикистон ба маблағи қариб 9 миллиард сомонӣ маҳсулот истеҳсол кардаанд, ки нисбат ба ҳамин давраи соли гузашта 15,3 дарсад зиёд аст

ДУШАНБЕ, 20 май – Sputnik. Бино бар иттилои дафтари матбуоти вазорати саноати Тоҷикистон, рушд асосан, аз ҳисоби ҳаҷми маҳсулоти саноати коркард 19,5, истихроҷи маъдан 13,1, таъминоти неруи барқ, газ, буғ ва тозакунии ҳаво 7 дарсад таъмин гардидааст.

Манбаъ таъкид кардааст, ки дар Тоҷикистон шумораи корхонаҳои саноатӣ тамоюли  зиёдшавӣ  дошта,  фаъолияти  истеҳсолӣ вобаста ба мавҷудияти ашёи хом ва талаботи бозор ба роҳ монда шудааст.

“Барои истеҳсоли маҳсулоти нав, воридоти таҷҳизоти технологӣ ва васеъгардонии фондҳои истеҳсолӣ дар чор моҳ беш аз 1,5 миллиард сомонӣ маблағҳои худи корхонаҳо ва сармоягузорони хориҷӣ равона гардиданд”, - қайд кардааст вазорати саноат.

Ҳамчунин манбаъ зикр кардааст, ки ба ҳолати 1 майи соли равон 2204 корхонаи саноатӣ дар ҷумҳурӣ ба қайд гирифта шудааст, ки ин нишондиҳанда нисбат ба ҳамин давраи соли сипаришуда 7 дарсад ё 143 корхона зиёд аст.

“Аз шумораи умумии корхонаҳо ба бахшҳои истихроҷ 258 корхона, коркард 1789, энергетика 76 ва таъминоти об ва коркарди дуюмдараҷа 81 корхона рост меояд”, - таъкид доштааст вазорат.

Ҳамзамон дар ин муддат 61 корхонаи нави саноати сохта ба истифода дода шуд. Аз ҷумла, дар вилоятҳои Суғд 23 корхона, Хатлон 19, Вилояти Мухтори Кӯҳистони Бадахшон 1, шаҳри Душанбе 10 ва шаҳру ноҳияҳои тобеи ҷумҳурӣ 8 корхона. Аз ин ба соҳаи саноати хӯрокворӣ 21 адад, масолеҳи сохтмон 15, саноати сабук 12, мошинсозӣ 7 ва дигар соҳаҳо 6 адад рост меояд.

214
Барчаспҳо:
вирус, истеҳсол, маҳсулот, саноат, корхона, Тоҷикистон
Министр здравоохранения Таджикистана Джамоллидин Абдуллозода

Вазири тандурустӣ таъкид кард табобати беморони вируси корона ройгон аст

107
(Таҷдидшуда 11:49 26.05.2020)
Вазири тандурустии Тоҷиккистон эълон доштааст, ки маводи доруворӣ ва муҳофизатӣ дар кишвар басанда аст ва табобати беморони вируси корона дар бемористонҳо пурра ройгон аст

ДУШАНБЕ, 26 май – Sputnik. Ҷамолиддин Абдуллозода, вазири тандурустӣ ва ҳифзи иҷтимоии аҳолии Тоҷикистон, дар суҳбато бо АМИТ “Ховар” таъкид доштааст, ки имрӯз дар Тоҷикистон маводи доруворӣ ва муҳофизатӣ басанда мебошад.

Ба гуфтаи вай, он маводу дорувориҳое, ба Вазорати тандурустӣ ворид мешаванд, ба таври кофӣ  захира карда шудаанд.

“Баъзе муассисаҳое ҳастанд, ки маводу дорувориҳои якмоҳаи худро захира намудаанд.   Назорати тақсимоти маводи доруворӣ пурзӯр гардида, супориш дода шудааст, ки беморон сари вақт бо   дорую давои зарурӣ таъмин карда шаванд. Тақсимоти маводи доруворӣ ба муассисаҳои тандурустӣ зери  назорати бевоситаи Вазири тандурустӣ қарор дорад”,- қайд кардааст Ҷамолиддин Абдуллозода.

Ҳамчунин вазир зикр кардааст, ки вазорат дар таъмини дору ягон мушкилӣ надорад ва тамоми доруворие, ки дар протоколи табобат  зикр гардидааст, аз тарафи Ҳукумати ҷумҳурӣ таъмин карда шудааст.

Ҳамзамон Абдуллозода қайд кард, ки табобати беморони COVID-19 пурра ройгон аст.

“Албатта, баъзе доруҳое ҳастанд, ки аз дорухонаҳо  дастрас карда намешаванд. Тақсимоти дурусти дору ба бемор  аз виҷдони ҳар як табиб низ вобастагӣ дорад”, - гуфт вазир.

Ёдрас мешавем, ки   то 25 май дар кишвар 3100 нафар бо ташхиси сирояти коронавируси нави КОВИД-19 ошкор гардида, аз ин беморӣ то кунун дар мамлакат 1395 нафар шифо ёфтаанд.

Гузашта аз ин , то санаи зикргардида дар мамлакат аз ин беморӣ 46 нафар фавтидаанд.

107
Барчаспҳо:
ройгон, бемористон, вирус, бемор, муҳофизат, маводи доруворӣ, Тоҷикистон