Деньги, архивное фото

Вазири саноат хоҳиш кард ба пизишкон кумакҳои молиявӣ расонанд

620
(Таҷдидшуда 03:06 07.05.2020)
Дар як муроҷиатнома вазири саноат аз саноатгарони Тоҷикистон хоҳиш кардааст, ки дар ин рӯзҳои сахт бетараф набошанд ва дар доираи имкониятҳои мавҷуда, ёрии молиявии расонанд

ДУШАНБЕ, 7 май — Sputnik. Вазири саноати Тоҷикистон дар як муроҷиатномаи худ ба саноатгарони кишвар, ки ахиран дафтари матбуоти ин сохтор нашр кардааст, таъкид доштааст, бо мақсади муборизаи дастаҷаъмона барои пешгирӣ аз паҳншавии коронавирус ё СОVID-19 дар ҳудуди ҷумҳуриӣ, кӯмак ба қишрҳои ниёзманд, қадршиносии кормандони соҳаи Вазорати тандурустӣ ва ҳифзи иҷтимоии аҳолии Тоҷикистон барои заҳматҳои шабонарӯзӣ  ба хотири солимии мардум ва дигар сохторҳое, ки ба ин мақсад равонагардиданд, бояд якдилию якпорчагии худро дар назди ватану миллат нишон диҳем.

Ба ҳамин хотир вазир хоҳиш кардааст, ки саноатгарони кишвар бетараф набошанд ва ба пизишкон кумаки молӣ расонанад.

“Дар вазъияти ба миёномада, роҳбарияти Вазорати саноат ва технологияҳои нави Ҷумҳурии Тоҷикистон зарур мешуморад, ки дар доираи имкониятҳои мавҷуда, ёрии молиявии худро расонем”, -таъкид доштааст вазир.

Вазир қайд кардааст, ки бо ин мақсад, дар Сарраёсати хазинадории марказии Вазорати молияи Тоҷикистон суратҳисобҳо бо асъори миллӣ ва дар Бонки миллии Тоҷикистон бо асъори хориҷӣ-доллар ва рубли русӣ кушода шудааст, ки саноатгарон метавонед кӯмакпулиҳои худро гузаронанд.

“Мо боварии комил дорем, ки дар ин рӯзҳои сахту сангин барои мардуми тоҷик Шумо кумакҳои худро дареғ надошта, ёрии амалии худро мегузоред!”, - зикр кардааст вазир.

Беш аз ним миллиони Кабиров барои мубориза бо коронавирус дар Тоҷикистон

Ҳамзамон вазири саноати Тоҷикистон зикр кардааст, ки саҳми саноатгарони кишвар дар рушду нумуи ҷумҳурӣ, ғани гардонидани буҷети мамлакат, ташкили ҷойҳои корӣ, бунёди иншоотҳои иҷтимоию инфрасохторҳои истеҳсолӣ, таъмини бехатарии бозори истеъмолӣ, баланд бардоштани иқтидорҳои содиратӣ ва аз ҳама муҳим, дар саноатикунони бо суръат, ки ҳадафӣ чоруми стратегии мамлакат ба ҳисоб меравад, хело баланд арзёби мегардад, ки роҳбарияти олии Ҳукумати Тоҷикистон саҳми  саноатгаронро дар ин раванд ба инобат гирифта, пайваста имтиёзу сабукиҳоро нисбати соҳа муносиб мебинанд.

“Имрӯз тамоми ҷомеаи ҷаҳониро пандемияи коронавирус СОVID-19 ба ташвиш овардааст ва таҷриба нишон медиҳад, ки роҳҳои пешгирии он танҳо дар ҳамбастагӣ ва кӯмаки якдигар мебошад”,  - афзудааст вазири саноати Тоҷикистон.

620
Барчаспҳо:
вазир, муроҷиат, хоҳиш, кӯмаки молиявӣ, кумак, саноат, Тоҷикистон
Абрикосы, архивное фото

Оғози зардолучинӣ дар Суғд ва содироташ ба Русия

275
(Таҷдидшуда 16:14 21.05.2020)
Сарраёсати кишоварзии Суғд мегӯяд, масоҳати боғи зардолу дар вилоят қариб 45 ҳазор гектарро ташкил медиҳад

ДУШАНБЕ, 21 май — Sputnik. Масъулини Сарраёсати кишоварзии вилояти Суғд мегӯянд, офатҳои табиӣ - борону шамоли бошиддат ба ҳосил таъсири манфӣ расонд.

Нашрияи "Ҷумҳурият" аз қавли мақомдорони кишоварзии Суғд иттилоъ дод, ки дар шаҳри Исфара 4500 гектар боғоти себу нокро хунук зад.

"Дар як қатор ноҳияҳои вилоят - Ашту Конибодом ва ба номи Б.  Ғафуров ба ҷамъоварии зардолуҳои пешпазак шӯрӯъ карданд", - омадааст дар иттилоия.

Рафторҷон Муҳаммадиев, сардори Раёсати кишоварзии ноҳияи Ашт, изҳор доштаст, ки ноҳия дорои беш аз 16 ҳазор гектар боғи зардолу буда, аз ин 8900 гектар дарахтони ҳосилдиҳанда аст.

"Зардолузорро асосан навъҳои пешпазаки "арзанаки калон", "шалах" ва "рухи ҷонона", "мирсанҷарӣ", "исфарак" ва "бобоӣ", ки ҳосили фаровон доранд, ташкил медиҳад. Алҳол дар хоҷагиҳои деҳқонӣ чидани зардолуи пешпазаки "шалах", "арзанаки калон" ва "рухи ҷонона" оғоз шуда, асосан ба Федератсияи Русия содирот мегардад", - таъкид кардаст манбаъ.

Боғдорони ноҳияи Ашт имсол азм доранд истеҳсоли зардолуро ба 20 ҳазор тонна расонанд.

275
Барчаспҳо:
содирот, мавсими ҷамъоварӣ, зардолу, мева, Тоҷикистон-Русия
Завод по производству ковров

Рушди соҳаи саноат новобаста аз коронавирус: ҳаҷми истеҳсол беш аз 15 дарсад афзоиш ёфт

214
(Таҷдидшуда 03:36 20.05.2020)
Дар давоми чор моҳи аввали соли равон корхонаҳои саноатии Тоҷикистон ба маблағи қариб 9 миллиард сомонӣ маҳсулот истеҳсол кардаанд, ки нисбат ба ҳамин давраи соли гузашта 15,3 дарсад зиёд аст

ДУШАНБЕ, 20 май – Sputnik. Бино бар иттилои дафтари матбуоти вазорати саноати Тоҷикистон, рушд асосан, аз ҳисоби ҳаҷми маҳсулоти саноати коркард 19,5, истихроҷи маъдан 13,1, таъминоти неруи барқ, газ, буғ ва тозакунии ҳаво 7 дарсад таъмин гардидааст.

Манбаъ таъкид кардааст, ки дар Тоҷикистон шумораи корхонаҳои саноатӣ тамоюли  зиёдшавӣ  дошта,  фаъолияти  истеҳсолӣ вобаста ба мавҷудияти ашёи хом ва талаботи бозор ба роҳ монда шудааст.

“Барои истеҳсоли маҳсулоти нав, воридоти таҷҳизоти технологӣ ва васеъгардонии фондҳои истеҳсолӣ дар чор моҳ беш аз 1,5 миллиард сомонӣ маблағҳои худи корхонаҳо ва сармоягузорони хориҷӣ равона гардиданд”, - қайд кардааст вазорати саноат.

Ҳамчунин манбаъ зикр кардааст, ки ба ҳолати 1 майи соли равон 2204 корхонаи саноатӣ дар ҷумҳурӣ ба қайд гирифта шудааст, ки ин нишондиҳанда нисбат ба ҳамин давраи соли сипаришуда 7 дарсад ё 143 корхона зиёд аст.

“Аз шумораи умумии корхонаҳо ба бахшҳои истихроҷ 258 корхона, коркард 1789, энергетика 76 ва таъминоти об ва коркарди дуюмдараҷа 81 корхона рост меояд”, - таъкид доштааст вазорат.

Ҳамзамон дар ин муддат 61 корхонаи нави саноати сохта ба истифода дода шуд. Аз ҷумла, дар вилоятҳои Суғд 23 корхона, Хатлон 19, Вилояти Мухтори Кӯҳистони Бадахшон 1, шаҳри Душанбе 10 ва шаҳру ноҳияҳои тобеи ҷумҳурӣ 8 корхона. Аз ин ба соҳаи саноати хӯрокворӣ 21 адад, масолеҳи сохтмон 15, саноати сабук 12, мошинсозӣ 7 ва дигар соҳаҳо 6 адад рост меояд.

214
Барчаспҳо:
вирус, истеҳсол, маҳсулот, саноат, корхона, Тоҷикистон
Сотрудник полиции выстраивает в очередь мигрантов

Фаврӣ: Тоҷикистон шаҳрвандонашро марҳила ба марҳила аз Русия, ба Ватан бармегардонад

29
Сафорати Тоҷикистон дар Русия эълон дошт, марҳила ба марҳила муҳоҷирони меҳнатие, ки дар марказҳои нигоҳдории муваққатии шаҳрвандони хориҷии қарор доранд, ба Ватан баргардонида мешаванд

ДУШАНБЕ, 26 май – Sputnik. Сафорати Тоҷикистон дар Русия таъкид дошт, ки бо дастури Президенти Тоҷикистон Эмомалӣ Раҳмон нақшаи тадриҷан ва марҳила ба марҳила бо роҳҳои ҳавоӣ ва заминӣ ба Ватан баргардонидани шаҳрвандоне, ки ба илллати пандемия COVID- 19 дар хориҷа дармондаанд, амалӣ мегардад.

Сафорати Тоҷикистон дар Русия қайд намудааст, ки дар марҳилаи аввал барои баргардонидани шаҳрвандони Тоҷикистон, ки дар марказҳои нигоҳдории муваққатии шаҳрвандони хориҷии (МНМШХ) Русия тайи се моҳи охир қарор доранд, тамаркуз карда шудааст.

Супоришҳои вазири меҳнат ба намояндагиҳо дар Русия барои ҳалли мушкилоти муҳоҷирон

“Дар ин росто, тайи рӯзҳои охир ва давоми ҳафтаи ҷорӣ дар мувофиқа бо мақомоти Русия ҳамаи шаҳрвандони Тоҷикистон, ки дар марказҳои нигоҳдории муваққатӣ мондаанд, ба Ватан баргардонида мешаванд”,- эълон кардааст сафорат.

Инчунин масъулини сафорат таъкид доштанд, ки айни замон масъалаи бозгардонии дигар шаҳрвандони Тоҷикистон аз Русия дар баррасии Ситоди ҷумҳуриявӣ оид ба пурзӯр намудани чораҳои зиддиэпидемикӣ қарор дорад.

“Масъалаи мазкур аз фароҳам овардани шароити зарурӣ, аз ҷумла омода будани ҷойҳои кофӣ барои карантин ё муроқибати тиббӣ вобастагӣ дорад. Аз ин лиҳоз, аз ҳамватанони дар Русия қарордошта хоҳиш карда мешавад, ки хабарҳоро роҷеъ ба парвозҳо ба самти Тоҷикистон дар сомона ва дигар зарфиятҳои интернетии расмии Вазорати корҳои хориҷии Тоҷикистон, Сафорати Тоҷикистон дар Россия ва ширкатҳои ҳавопаймоӣ пайгирӣ намоянд”,- иттилоъ додааст сафорат.

Сафорат зикр ҳамзамон зиер кардааст, ки дар сурати ба миён омадани суолҳо ва масъалаҳои ҳалталаб шаҳарвандон метавонанд тавассути телефонҳои доимиамалкунандаи Сафорат ва консулгариҳои генералии Тоҷикистон дар Русия тамос гиранд.

29
Барчаспҳо:
баргардонӣ, шаҳрванд, Ватан, муҳоҷир, сафоратхона, Тоҷикистон