Производство медицинских масок

Дар Тоҷикистон истеҳсоли маҳсулотҳои пешгирикунандаи “COVID-19” ба маротиб афзоиш ёфт

98
(Таҷдидшуда 14:42 18.06.2020)
Вазорати саноат ва технологияҳои нави Тоҷикистон хабар дод, ки бо мақсади пешгирии паҳншавии сирояти коронавирус дар кишвар истеҳсоли маҳсулотҳои пешгирикунандаи “COVID-19” ба маротиб афзоиш ёфтааст

ДУШАНБЕ, 18 июн – Sputnik. Тибқи маълумоти вазорати саноати Тоҷикистон дар ҳар як корхона ва муассиса ситоди махсус таъсис дода шуда, фаъолияти онҳо тибқи нақшаи пешбинишуда ба роҳ монда шудааст.

Манбаъ хабар додааст, ки айни замон дар 49 корхонаҳои соҳа истеҳсоли ниқобҳои тиббӣ ба роҳ монда шуда, тибқи маълумоти оморӣ дар моҳҳои январ–майи соли 2020 ба миқдори 6641,6 ҳазор дона ин намуди маҳсулот истеҳсол карда шудааст.

Ҳамзамон вазорат таъкид дошт, ки дар самти истеҳсоли халатҳои муҳофизатии махсус 15 корхонаҳои саноати сабук машғул буда, дар давраи ҳисоботӣ ба миқдори 46496 дона маҳсулоти зикршударо истеҳсол ва ба муассисаҳои тандурустӣ интиқол дода шуд.

Дар баробари ин, дар Тоҷикистон 11 корхонаҳои хурду миёна, истеҳсоли маҳлули антисептикӣ, моеъҳои шӯянда, собуни мушкин, собуни хоҷагӣ, хокаи хлор ва гипохлориди натрийро ба роҳ монданд.

Инчунин ҶСК “Тоҷикхимпром”-и ноҳияи Ёвон пас аз барқарор намудани фаъолият аз аввали моҳи майи соли равон  маҳсулоти безараргардониро истеҳсол намуда истода, то имрӯз корхона 250 тонна хокаи хлор ва 260 тонна гипохлориди натрий истеҳсол намуда, ба корхона ва муассисаҳои соҳавии ҷумҳурӣ, қисми зиёди маҳсулоти безараргардониро ба таври ройгон пешниҳод намуда истодааст.

“Дар шаҳри Ҳисор, аз тарафи ҶДММ “Комбинати металлургии Ҳисор” фаъолияти коргоҳи  истеҳсоли оксигени тиббӣ ба таври шабонарӯзӣ ба роҳ монда шуда, корхона оксигени фишурда ва моеъро ба муассисаҳои тандурустии ҷумҳурӣ пешниҳод намуда истодааст”, -  зикр кардааст вазорати саноат.

98
Барчаспҳо:
маҳсулот, истеҳсол, вирус, пешгирӣ, Вазорати саноат ва технологияҳои нави Тоҷикистон, Тоҷикистон
Сотрудники птицефабрики, архивное фото

Сохтмони бузургтарин фабрикаи парандапарварӣ дар Данғара дар моҳи сентябр ба анҷом мерасад

155
(Таҷдидшуда 16:15 04.07.2020)
Аз соли 2019 дар деҳаи Хоҷа Шақиқи Балхии Ҷамоати деҳоти Себистони ноҳияи Данғара сохтмони бузургтарин фабрикаи парандапарварӣ оғоз гардида, ҳоло бунёди он аз тарафи ширкати “Мармарӣ” идома дорад

ДУШАНБЕ, 4 июл – Sputnik. Ба нақл аз сомонаи рӯзномаи “Ҷумҳурият” мувофиқи лоиҳа, дар ин фабрика 24 бинои мурғхона - ҳар кадом бо дарозии 96 метр бунёд мегардад. Ҳоло сохтмони 12 мурғхона ҷараён дорад.

Тибқи нақша, самти асосии фаъолияти корхона истеҳсоли гӯшти парандаи зотӣ (Бройлер) мебошад.

Манбаъ таъкид доштааст, ки агар комплекси муҳташами парандапарварӣ дар мавзеи Себистон, воридоти гӯшти паранда аз хориҷи кишвар якбора 40 фоиз коҳиш меёбад.

Тибқи иттилоъ, баъди ба истифода додани комплекси парандапарварӣ дар навбати аввал тухми инкубатсионӣ аз Ҷумҳурии Ӯзбекистон ворид карда мешавад. Баъдан, тибқи нақша, корхона баҳри паст кардани арзиши аслии маҳсулот ва аз байн бурдани вобастагӣ аз воридоти он аз хориҷи кишвар истеҳсоли тухми инкубаториро дар дохили корхона ба роҳ мемонад.

Мутобиқи лоиҳа, обе, ки пас аз забҳи мурғ боқӣ мемонад, тавассути таҷҳизоти махсуси тозакунӣ коркард ва барои шустушӯи мурғхонаҳо, инчунин, обёрии заминҳои назди корхона истифода бурда мешавад.

Ҳамчунин, дар ин корхона дар оянда коркарди пурраи гӯшти паранда ва истеҳсоли ҳасибҳои гуногун дар назар аст.

 Ҳамаи техникаҳо, хатҳои истеҳсолӣ ва технологияи корхона аз кишварҳои пешрафтаи ҷаҳон, аз ҷумла Федератсияи Россия ва Ҷумҳурии Мардумии Чин ворид карда мешаванд.

Тибқи лоиҳа, дар дохили корхона 2 сардхонаи муосир барои нигоҳдории маҳсулоти тайёр бо ғунҷоиши 1 ҳазору 200 тонна гӯшт сохта мешавад.

Гуфт шудааст, ки корхонаи мазкур то ҷашни 30-солагии Истиқлолияти Тоҷикистон пурра ба истифода дода мешавад.

155
Барчаспҳо:
бунёд, парандапарварӣ, корхона, Данғара, Тоҷикистон
Швейная фабрика Синар в Новосибирской области

Дар ноҳияи Ҷаббор Расулов ба маблағи 22 млн доллар корхонаи истеҳсолӣ бунёд мешавд

302
(Таҷдидшуда 12:45 02.07.2020)
Корхона аз ҷониби Ҷамъияти саҳомии пӯшидаи «Корпоратсияи Сомон Суғд» бахшида ба 30-солагии Истиқлолият сохта мешавад

ДУШАНБЕ, 2 июл — Sputnik. Дар ноҳияи Ҷаббор Расулов корхонаҳои истеҳсоли шишаи сохтмонию маишӣ ва рангубори ресмони пахтагин сохта мешавад, хабар медиҳад котиботи раисиҷумҳуи Тоҷикистон.

Лоиҳаи ин корхонаҳо зимни боздиди Эмомалӣ Раҳмон аз корхонаи дӯзандагии ҶДММ "Суғдиён" ба президент муаррифӣ карда шуд.

Идомаи сафари кории Президент ба Суғд: Раҳмон ба шаҳри Хуҷанд расид

Гуфта мешавад, ки корхонаҳо аз ҷониби Ҷамъияти саҳомии пӯшидаи «Корпоратсияи Сомон Суғд» бахшида ба 30-солагии Истиқлолияти давлатии Ҷумҳурии Тоҷикистон сохта мешаванд.

"Корхонаи истеҳсоли шишаи сохтмонӣ ва маишӣ бо харҷи 22 миллион доллар дар ноҳияи Ҷаббор Расулов бунёд карда мешавад", - омадааст дар хабарнома.

Гуфта мешавад, ки дар ин корхона бояд дар як сол 7 миллиону 200 ҳазор метри мураббаъ шишаи сохтмонӣ ва маишӣ истеҳсол карда шавад.

Супориши Раҳмон ба Ҷамъияти "Суғдиён" барои дӯхтани либоси босифат

Корхонаи рангубори ресмони пахтагин бошад, дар заминаи бинои нотамоми ҳамшафати ҶДММ «Суғдиён»-и шаҳри Хуҷанд бо харҷи 2 миллиону 500 ҳазор доллар бунёд хоҳад шуд.

Тибқи нишондоди лоиҳа дар ин корхона дар як сол 3 ҳазору 600 тонна ресмони пахтагин рангубор карда мешавад.

302
Барчаспҳо:
бунёди коргоҳи истеҳсолӣ, истеҳсолӣ, корхона, Ҷаббор Расулов

Бозорҳои Тоҷикистон дар давраи ҳамагирии COVID - 19: гузориши аксӣ

0
(Таҷдидшуда 20:08 04.07.2020)
  • Посбон дар бозори Меҳргон ҳарорати бадани муштариёнро месанҷад
  • Аробакашон дар бозори Меҳргон
  • Бозори Меҳргон
  • Фурӯшанда дар бозори Меҳргон
  • Кормандони мақомот ҳарорати бадани муштариёнро месанҷанд.
  • Меваҳо дар бозори Меҳргон
  • Меваҳои қоқ дар бозори Меҳргон
  • Фурӯшанда дар бозори Меҳргон
  • Муштариён дар бозори Меҳргон
  • Фурӯшандаи бозори Меҳргон
  • Фурӯшандаи бозори Меҳргон
Зиндагии мардуми Тоҷикистон бо тадриҷ ба шакли маъмулӣ бозмегардад. Фаъолияти бозорҳои кишварро дар замони ҳамагирии COVID - 19 дар гузориши Sputnik Тоҷикистон тамошо кунед

Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

Дар дари даромади бозор ҳарорати бадани ҳар як муштарӣ санҷида мешавад.

Маъмулан дар назди даромади бозорҳо "кунҷи беҳдоштӣ" ташкил шудааст.

Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

“Корвон” боз баста мешавад? – шарҳи мақомот

Ҳамаи фурӯшандагон низ бо ниқоб ҳастанд. Ҳамаи рафҳои савдо ҳамарӯза безарар гардонида мешаванд.

Зиёда аз ин ҳамаи бозорҳои бузурги кишварро кормандони мақомот ҳамарӯза тафтиш мекунанд.

0
  • Посбон дар бозори Меҳргон ҳарорати бадани муштариёнро месанҷад
    © Sputnik / Амир Исаев

    Посбон дар бозори Меҳргон ҳарорати бадани муштариёнро месанҷад.

  • Аробакашон дар бозори Меҳргон
    © Sputnik / Амир Исаев

    Аробакашон дар бозори Меҳргон.

  • Бозори Меҳргон
    © Sputnik / Амир Исаев

    Бозори Меҳргон имрӯзҳо боз пур аз муштарӣ аст.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Ҳамаи фурӯшандагон низ бо ниқоб ҳастанд.

  • Кормандони мақомот ҳарорати бадани муштариёнро месанҷанд.
    © Sputnik / Амир Исаев

    Кормандони мақомот ҳарорати бадани муштариёнро месанҷанд. Ҳамаи рафҳои савдо ҳамарӯза безарар гардонида мешаванд.

  • Меваҳо дар бозори Меҳргон
    © Sputnik / Амир Исаев

    Меваҳо дар бозори Меҳргон. Рафъҳо аз меваҳои мавсимӣ пур шудааст.

  • Меваҳои қоқ дар бозори Меҳргон
    © Sputnik / Амир Исаев

    Меваҳои қоқ дар бозори Меҳргон.

  • Фурӯшанда дар бозори Меҳргон
    © Sputnik / Амир Исаев

    Фурӯшанда дар бозори Меҳргон. Бозорҳои Тоҷикистон имрӯзҳо бо риояи ҳамаи қоидаҳои беҳдоштӣ ба фаъолият оғоз карданд. 

  • Муштариён дар бозори Меҳргон
    © Sputnik / Амир Исаев

    Муштариён дар бозори Меҳргон. Бидуни ниқоб ба бозор ворид шудан мумкин нест, танҳо барои кӯдакон ин қоида истисно мешавад.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Фурӯшандагон низ ҳатман ниқоб мепӯшанд.

  • Фурӯшандаи бозори Меҳргон
    © Sputnik / Амир Исаев

    Фурӯшандаи бозори Меҳргон. Барои фурӯшандагон низ пӯшидани ниқоб ҳатмӣ мебошад.

Барчаспҳо:
вируси нав, фаъолият, бозор, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон