Буҳрону коронавирус монеа нашуд: дар 9 моҳ дар Тоҷикистон 106 корхонаи нав ифтитоҳ ёфт

Обуна шудан
Вазорати саноат ва технологияҳои нави Тоҷикистон аз моҳи январ то сентябри соли 2020 дар кишвар ифтитоҳи 106 корхона ва 76 коргоҳро эълон кард

ДУШАНБЕ, 3 ноя — Sputnik. Дар моҳҳои январ то сентябри имсол дар Тоҷикистон фаъолияти 106 корхона ва 76 коргоҳ дар бахшҳои тавлиди маводи ғизоӣ, масолеҳи сохтмонӣ, бофандагӣ ва истихроҷи маъдан оғоз ёфтааст, иттилоъ додааст дафтари матбуоти Вазорати саноат ва технологияҳои нави Тоҷикистон.

Предприятие Вахдат по производству носков в Таджикистане - Sputnik Тоҷикистон
Дар Тоҷикистон 83 корхонаи нав ифтитоҳ ёфту 124 корхона аз фаъолият бозмонд

Тибқи иттилои манбаъ, ин марказҳои ҷадиди саноатӣ дар 9 моҳи имсол ба маблағи 891 миллион сомонӣ маҳсулот тавлид кардаанд, ки баробар бо 3,3 дар сад аз тавлиди нохолиси миллии Тоҷикистон мебошад.

Бо ин иқдом акнун саҳми маҳсулоти бахши саноеъ дар тавлиди нохолиси миллии Тоҷикистон ба 17,9 дар сад расидааст.

Тибқи иттилои Вазорати саноат ва технологияҳои нави Тоҷикистон, дар ҳоли ҳозир дар кишвар 2300 корхона ва коргоҳ, аз ҷумла 694 дар Суғд, 613 дар Хатлон, 471 дар Душанбе, 425 дар минтақаи марказӣ ва 50 коргоҳ дар вилояти Бадахшон ҷойгир аст.

Лентаи хабарҳо
0