Раджаббой Ахмадзода посетил СП Зарафшон

Чин дар Суғд бо 117 миллион доллар корхонаи коркарди хокаи мис месозад

1053
(Таҷдидшуда 16:15 21.12.2020)
Мақомоти вилояти Суғд эълон кардаанд, ки корхонаи муштараки “Зарафшон” яке аз калонтарин корхонаҳои ҳудуди вилоят бо харҷи 117 миллион доллар корхонаи коркарди хокаи мис месозад

ДУШАНБЕ, 21 дек — Sputnik. Ба иттилои дафтари матбуоти мақомоти вилояти Суғд, ахиран раиси вилоят, Раҷаббой Аҳмадзода зимни сафари корӣ ба шаҳри Панҷакент аз корхонаи муштараки “Зарафшон” боздид намуд.

Таъкид шудааст, ки зимни боздид роҳбарияти корхона эълон кардааст, ки аз тарафи корхонаи муштараки “Зарафшон” бо харҷи 117 миллион доллар боз як корхонаи коркарди хокаи мис сохта мешавад.

Гуфта шудааст, ин иқдом бо мақсади амалисозии ҳадафи чоруми стратегӣ – саноатикунонии Тоҷикистон амалӣ гардида, барои сокинон ҷойҳои нави корӣ ташкил карда хоҳад шуд.

Гуфта шудааст, ки раиси вилоят бо таҳлили фаъолияти корхона дар соли равон барои беҳтар намудани нишондиҳандаҳо, афзоиши ҳаҷми истеҳсоли маҳсулот, ҷалби сокинони маҳаллӣ ба кор, иҷрои уҳдадориҳои корхона ба роҳбарияти корхона ва шаҳр супоришҳо дод.

Корхонаи муштараки “Зарафшон” яке аз калонтарин корхонаҳои ҳудуди вилоят ба ҳисоб рафта, дар он беш аз 2100 нафар бо ҷойи корӣ таъмин гардидаанд.

Ҳиссаи корхона дар соҳаи саноати шаҳру вилоят назаррас буда, давоми ҳафт соли охир нишондиҳандаи истеҳсолии корхона аз 349,8 миллион сомонии соли 2013 ба беш аз 2,6 миллиард сомонӣ расонида шудааст.

1053
Барчаспҳо:
Раҷаббой Аҳмадзода, Суғд, корхона, Зарафшон, Тоҷикистон
Праздник Мехргон в Душанбе

Дар Суғд корхонаи коргарди ғалла ифтитоҳ мешавад

61
(Таҷдидшуда 18:31 23.01.2021)
Корхонаи мазкур имкони коркард кардани то 500 тонна гандум дар як шабонарӯзро дорад. Ҳоло марҳилаи насби таҷҳизот ҷараён дорад

ДУШАНБЕ, 23 янв — Sputnik. Дар ноҳияи Бобоҷон Ғафуров аз ҷониби Ҷамъияти дорои масъулияти маҳдуди "Хубҷамъ" корхонаи коркарди ғалла бунёд гардида, айни замон корҳои васлу насби таҷҳизот ҷараён дорад. Корхонаи коркарди ғалла имкон дорад, ки  дар як шабонарӯз то 500 тонна гандум коркард намояд.

Тибқи иттилои хадамоти матбуоти Раиси вилояти Суғд, айни замон ҷараёни насби таҷҳизот дар арафаи анҷомёбӣ қарор дошта, корхона ба таври озмоишӣ фаъолияти худро ба роҳ мондааст.

Раиси вилояти Суғд Раҷаббой Аҳмадзода зимни шиносоӣ  бо корхонаи мазкур иброз дошт, ки барои расидан ба ҳадафи чоруми миллӣ – саноатикунонии босуръати мамлакат бояд аз тамоми захираву имконият истифода бурда шавад.

Дар вилоят бо дастгирии мақомоти давлатӣ ва ташаббуси соҳибкорон ҳамасола корхонаҳои нав ба кор андохта шуда, ҳаҷми истеҳсоли маҳсулоти саноатӣ сол ба сол зиёд мешавад.

Бо назардошти маҳсулоти воридотивазкунанда будани орд ба масъулин дастур дода шуд, ки барои ҳарчӣ бештар захира намудани ғалла ва ба анҷом расонидани васлу насби таҷҳизот тадбир андешанд.

61
Председатель области Раджаббой Ахмадзода

Мақомоти Суғд корхонаҳои бузурги вилоятро уҳдадор кард, ҳаҷми истеҳсолотро афзоиш диҳанд

430
(Таҷдидшуда 12:53 23.01.2021)
Ахиран дар бинои мақомоти вилояти Суғд машварати кории Раиси вилоят Раҷаббой Аҳмадзода баргузор гардид

ДУШАНБЕ, 23 янв — Sputnik. Бино бар иттилои дафтари матбуоти мақомоти вилояти Суғд, дар машварат, ки бо иштироки роҳбарони воҳидҳои сохторӣ, раисони шаҳру ноҳияҳо ва роҳбарони корхонаҳои саноатии вилоят доир шуд, масъалаи уҳдадории корхонаҳо барои соли 2021 мавриди баррасӣ қарор гирифт.

Гуфта шудааст, ки раиси вилоят дар оғози машварат таъкид доштааст, ки саноатчиёни вилоят соли 2020-ро бо дастовардҳои назаррас ҷамъбаст намуда, ба маблағи 15,4 миллиард сомонӣ маҳсулот истеҳсол карданд ва суръати рушди саноат 117,4 фоиз таъмин гардид.

Дар ҳамин ҳол, тибқи иттилои муовини якуми Раиси вилоят Хол Ҳайдар дар соли гузашта дар шаҳру ноҳияҳои вилоят 107 корхонаи саноатии нав бо 1570 ҷойҳои корӣ таъсис дода шуд.

“Корхонаҳо асосан дар соҳаҳои саноати сабук, химия, масолеҳи бинокорӣ ва хӯрокворӣ таъсис дода шуда, барои таъмини бозори дохилӣ ба маҳсулоти ватанӣ мусоидат намуданд”,- қайд кард номбурда.

Ҳамчунин гуфта шудааст, ки дар соли гузашта дар вилоят 1,3 миллион тонна семент истеҳсол гардида, беш аз 650 ҳазор тоннаи он содирот шудааст. Ҳамзамон 1,8 миллион тонна ангишт истихроҷ гардида, ба маблағи 283,5 миллион сомонӣ маҳсулоти дӯзандагӣ, аз ҷумла 5,2 миллион дона ниқоби тиббӣ истеҳсол шудааст.

Ҳаҷми истеҳсоли орд дар вилоят низ 2,1 маротиба зиёд шуда, дар корхонаҳои ордбарорӣ 607,4 ҳазор тонна орд истеҳсол гардид. Коркард ва банду басти меваи хушк низ афзоиш ёфта, ба 5463,6 тонна расид, ки нисбат ба соли 2019 коркард 1,5 маротиба зиёд мебошад.

“Дар маҷмуъ дар 650 корхонаи саноатии вилоят 220 намуди маҳсулот истеҳсол ва ё коркард мегардад”, - қайд кард Хол Ҳайдар.

Мақомоти вилоят дар ин ҷаласа зикр кардааст, ки бо мақсади боз ҳам зиёд намудани дастовардҳо дар соли 2021 корхонаҳои калони саноатӣ, ки ҳаҷми истеҳсоли як моҳаашон аз 1 миллион сомонӣ зиёд мебошад, уҳдадор мешаванд, ки бо назардошти имкониятҳо ҳаҷми истеҳсолотро афзун созанд.

Мақомот таъкид доштааст, ки теъдоди чунин корхонаҳо дар вилоят 81 адад буда, соли 2020 дар ин корхонаҳо ба маблағи 11,3 миллиард сомонӣ маҳсулот истеҳсол гардидааст.

“Тибқи таҳлилу пешбиниҳои мутахассисон бояд дар соли 2021 аз ҷониби корхонаҳои калонтарин ба маблағи 15,7 миллиард сомонӣ маҳсулот истеҳсол карда шавад”, - қайд намудааст мақомоти вилояти Суғд.

Зикр гардидадааст, ки раиси вилоят бо таҳлили вазъи соҳаи саноат ба масъулин барои ҳалли мушкилоти ҷойдошта, истифодаи захираву имкониятҳо, иқтидорҳои истеҳсолӣ, боз ҳам бештар намудани ҳаҷми истеҳсоли маҳсулот, ташкили корхонаҳои нави саноатӣ супоришҳо дод.

430
Барчаспҳо:
вилоят, машварат, саноат, Суғд, Тоҷикистон

Воҳидов камарбанди WBO-ро гирифт: набарди дидании муштзани шикастнадидаи тоҷик-видео

0
(Таҷдидшуда 23:34 23.01.2021)
Асрор Воҳидов, муштзани шикастнадидаи тоҷик, дар мусобиқаи байналмиллалии “RCC Boxing Promotions” камарбанди WBO (Созмони ҷаҳонии бокс)-ро соҳиб гашт

ДУШАНБЕ, 23 янв – Sputnik. Ин рақобати нуҳуми Воҳидов буд, ки бидуни шикаст поён ёфт.

Мусобиқот шоми имрӯз дар шаҳи Екатеринбург баргузор гардида, Воҳид Асроров намояндаи Африқои Ҷанубӣ Тато Бонокоанеро шикаст дод.

Мавриди зикр аст, ки рақобат барои ҳарду варзишкор шадид оғоз шуд, аммо Воҳидов майдондориро аз даст намедод ва ин буд, ки пас аз зарбаҳои шадиди пайиҳам ҳарифашро дар даври 9-ум нокаут кард.

Гуфта мешавад, ин рақобат барои Воҳидов зарурӣ буд, зеро он барои камарбанди WBO Oriental баргузор шуда буд.

Видеои муштзании Воҳидови шикастнадида бо “Ракета”-и қазоқ: пирӯзӣ баъди нокдаун-навор

Ҳамакнун Воҳидови 26-сола дар 9 сабқати касбӣ 9 пирӯзӣ ба даст овард.

Асрор Воҳидов 20 октябри соли 1995 дар Исфара таваллуд шудааст. Варзишгар дар вазнҳои то 52 кг ва то 56 кг баромад мекунад.

0