Цех на предприятия и ООО «Вахдат Текстиль»

Мақомоти Хатлон гуфт, дар соли ҷорӣ чанд корхонаи саноатӣ сохта мешавад

81
(Таҷдидшуда 10:14 11.01.2021)
Ба истиқболи ҷашни 30 - солагии Истиқлолияти давлатии Тоҷикистон дар шаҳру ноҳияҳои вилояти Хатлон бунёди 380 корхонаву коргоҳи нави саноатӣ бо 2 ҳазору 600 ҷойи кор ба нақша гирифта шудааст

ДУШАНБЕ, 11 январ - Sputnik. Тибқи иттилои дафтари матбуоти мақомоти вилояти Хатлон аз 380 корхонаву коргоҳи нави саноатӣ, аллакай, 256 иншоот бо 2 ҳазору 759 ҷойи кор мавриди баҳрабардорӣ қарор гирифт.

Гуфта шудааст, ки фаъолияти ин корхонаву коргоҳҳо, асосан, ба истеҳсоли маҳсулоти семент, нахи пахта, барқ, орд, коркарди меваю сабзавот, шир, қаннодӣ, масолеҳи сохтмонӣ, маводҳои бастубанди тиббӣ, дӯзандагӣ ва дигар иншоот равона гардидааст.

“Ҳоло дар вилоят 623 корхонаи саноатӣ буда, аз тарафи корхона ва коргоҳҳои дар соли ҷорӣ баистифодадодашуда ба маблағи умумии 36,3 миллион сомонӣ маҳсулот истеҳсол гардида, аз ин ҳисоб ба буҷет маблағҳои иловагӣ ворид шуданд”, - иттилоъ додааст манбаъ.

Манбаъ таъкид доштааст, ки дар маҷмӯъ, то 1 январи соли равон ҳаҷми сармояи хориҷии ба вилоят воридшуда 1,6 миллиард доллари амрикоӣ мебошад, ки 1,4 миллиард доллари онро сармояи мустақими хориҷӣ ташкил медиҳад.

Қайд карда шудааст, ки соли ҷорӣ 4 лоиҳаи пешниҳоднамудаи соҳибкорони хатлонӣ аз ҷониби Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва собиқ Муассисаи давлатии “Фонди дастгирии соҳибкории назди Ҳукумати Тоҷикистон” ба маблағи 21,3 миллион сомонӣ дастгирӣ ёфт.

Дар маҷмӯъ, собиқ фонди дастгирии соҳибкорӣ аз оғози фаъолияти худлоиҳаҳои сармоягузории 77 субъекти соҳибкории вилоятро барои гирифтани қарзи имтиёзнок дар ҳаҷми 116,9 миллион сомонӣ дастгирӣ кардааст.

Зикр гардидааст, ки ҳаҷми истеҳсоли маҳсулоти саноатӣ дар ёздаҳ моҳ ба 7 миллиарду 927,8 миллион сомонӣ расид, ки дар қиёс ба ҳамин давраи соли гузашта 237,3 миллион сомонӣ зиёд мебошад. Ҳоло дар вилоят 90 номгӯйи маҳсулоти саноатӣ истеҳсол мешавад.

Дар ин давра ҳиссаи саноати коркард дар ҳаҷми истеҳсоли маҳсулоти саноатӣ 49 дарсад, истеҳсол ва таъмини неруи барқ  46,7 дарсад, саноати истихроҷ 3,8 дарсад, таъминоти об, тозакунӣ, коркарди партовҳо ва дастрасии коркарди дуюмдараҷа 0,5 дарсадро такшил дод. Инчунин, дар соҳаи хӯрокворӣ ба маблағи 844,1 миллион сомонӣ маҳсулот истеҳсол шуд.

81
Барчаспҳо:
сохта, корхонаҳои саноатӣ, корхона, Хатлон, Тоҷикистон
Работа компании по производству пластиковых окон

Дар шаҳри Кӯлоб корхонаи истеҳсоли дару тирезаҳои пластикӣ кушода шуд

53
(Таҷдидшуда 15:01 20.01.2021)
Дар корхона таҷҳизоти истеҳсолӣ аз Туркия дастрас ва васлу насб гардида, дар ин коргоҳ 10 нафар сокинони ҷамоати деҳоти Зиракӣ соҳиби ҷойи кори доимӣ шудаанд

ДУШАНБЕ, 20 янв – Sputnik. Дар шаҳри Кӯлоб корхонаи истеҳсоли дару тирезаҳои пластикӣ бо номи "Ҳаким" ба баҳрабардорӣ расид.

Дар маросими ифтитоҳи корхона, роҳбари гурӯҳи корӣ оид ба омодагӣ ба ҷашни 30-солагии Истиқлол дар шаҳри Кӯлоб, ёвари президенти Тоҷикистон оид ба масоили рушди иҷтимоӣ ва робита бо ҷомеа Абдуҷаббор Раҳмонзода, раиси шаҳри Кӯлоб Абдуқодир Вализода ва дигар намояндагони корхона ширкат карданд.

Дар ин бора бахши матбуоти мақомоти иҷроияи ҳокимияти давлатии шаҳри Кӯлоб хабар медиҳад.

Ҷамъбасти соли 2020 ва супоришҳо барои 2021: маҷлиси Расулзода дар вилояти Хатлон

Гуфта мешавад, дар корхона таҷҳизоти истеҳсолӣ аз давлати Туркия дастрас ва васлу насб гардидааст.

"Дар ин коргоҳ 10 нафар сокинони ҷамоати деҳоти Зиракӣ соҳиби ҷойи кори доимӣ ва маоши хуб гардиданд", - омадааст дар хабарнома.

Дар корхона тиреза, дар, мизу курсӣ ва дигар намуди мебел истеҳсол мешаванд.

Раҳмонзода ва раиси шаҳри Кӯлоб Абдуқодир Вализода таваҷҷуҳи соҳибмулк ва коргарони корхонаро ба истеҳсоли маҳсулоти рақобатпазир ва таъмини бозорҳо бо маҳсулоти хушсифат ҷалб намудаанд.

53
Барчаспҳо:
корхона, истеҳсол, ш. Кӯлоб
В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

123
(Таҷдидшуда 20:10 16.01.2021)
Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ  “Ховар”.

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

123
Барчаспҳо:
баргузор, саноат, Душанбе, намоишгоҳ, Афғонистон
Швейцарский флаг на горе Саентис в Шваегалпе, Швейцария, архивное фото

Тоҷикистон аз ҳама зиёд ба Швейтсария мол содир кардааст

0
(Таҷдидшуда 17:43 22.01.2021)
Шарикони асосии Тоҷикистон дар бахши содирот дар соли 2020 Швейтсария, Қазоқистон, Афғонистон ва Ӯзбекистон будаанд

ДУШАНБЕ, 22 янв — Sputnik. Вазорати рушди иқтисод ва савдои Тоҷикистон аз кишварҳое, ки ҷумҳурӣ аз ҳама зиёд ба онҳо мол содир кардааст, ном бурд.

Тибқи иттилои хабаргузории “Авесто”, шарикони асосии содиротии Тоҷикистон давлатҳои Швейтсария, Туркия, Қазоқистон, Афғонистон ва Ӯзбекистон шудаанд.

Дар маҷмӯъ тайи соли гузашта дар Тоҷикистон ҳаҷми содирот 1 миллиарду 406 миллион доллар ва воридот 3 миллиарду 150,9 миллион долларро ташкил додааст.

Дар зимн қариб ними содирот аз Тоҷикистон ба Швейтсария рост меояд, ки ҳудуди 49 дарсад аз ҳаҷми умумии содиротро ташкил додааст.

Таъкид шудааст, ки аз январ то декабри соли 2020 маблағи содирот аз Тоҷикистон ба Швейтсария 688,7 миллион долларро ташкил додааст. Воридот аз ин кишвар муодили 6,7 миллион долллар будааст.

Содирот ба Туркия ҳудуди 14,4 дарсади ҳаҷми умумиро ташкил дода, ҳаҷми умумии гардиши савдо 322,6 миллион долларро ташкил додааст. Аз ин ба содирот 203 миллион доллар ва ба воридот 119,6 миллион доллар рост меояд.

Истеҳсоли пиёз дар Тоҷикистон якчанд маротиба зиёд шуду картошка бетағйир

Ба феҳрасти молҳои асосии содиротии Тоҷикистон, алюминийи аввалия, пахта, меваҳои хушк ва металҳои қиматбаҳо шомил шудаанд.

Дар бахши воридот Тоҷикистон моли бештарро аз Русия гирифтааст, ки 29,6 дарсади ҳаҷми умумиро ташкил медиҳад. Аз Қазоқистон – 24 фоиз, аз Чин – 13,9 фоизи молҳо ворид шудаанд.

0
Барчаспҳо:
ҳаҷми содирот, Швейтсария, молӣ, Тоҷикистон