Чигуна худ ва ғарқшавандаро дар об эмин нигоҳ дошт

611
(Таҷдидшуда 18:15 24.06.2019)
Истифодаи дурусти ҳаво ва об ба обутоби ҷисмонӣ ва таҳкими саломатии инсон оварда мерасонад. Тасвирбаёни мо ба шумо чанд қавонини оббозиро ироа мекунад, ки дар сурати риояи он метавонед роҳат шиноварӣ намуда, ҳамзамон ҷони худро аз хатар эмин доред
Чӣ гуна бояд худро дар об эмин нигоҳ  дошт
© Sputnik

Бо фаро расидани фасли гармо, мавсими шиноварӣ низ шурӯъ мешавад. Чун дамои ҳаво дар Ҷумҳурии Тоҷикистон бисёр тоқатфарсо аст, сокинон роҳи наҷотро дар шиноварӣ ва ё оббозӣ мебинанд. Зеро истифодаи дурусти ҳаво ва об ба  обутоби ҷисмонӣ ва таҳкими саломатии инсон оварда мерасонад.

Вале на ҳама вақт натиҷаи шиноварии шаҳрвандон ба хубӣ анҷом меёбад. Хабару гузоришҳо дар  мавриди ғарқшавии одамон дар ҳавзу рӯдхонаҳо қариб ҳар рӯз дар сархати расонаҳо ҷилва мезанад.

Дар аксар мавридҳо сабаби чунин ҳодисаҳои нохушро намояндагони марбута аз беэҳтиётии шаҳрандон ва ё хуб сарфаҳм нарафтан ба нозукиҳои шиноварӣ рабт медиҳанд.

Марҳамат ба шиноварӣ: Аҳмадзода се шиногоҳи Хуҷандро бозсозӣ кард

Кормандони Кумитаи Ҳолатҳои фавқуллодаи Тоҷикистон ҳар сол баъди кушода эълон намудани мавсими шиноварӣ аз шаҳрвандон даъват ба амал меоранд,то аснои шиноварӣ дар ҳавзу кӯлҳо  эҳтиёткор бошанд, ва кӯдакону ноболиғонро даме ҳам бе назорати калонсолон нагузоранд.

Бояд  танҳо дар ҷойҳои барои шиноварӣ мумкин буда, оббозӣ кард. Инчунин вақти шиноварӣ дар наздикӣ бояд мардум ҳузур дошта бошад.

Дар соҳилҳои бонишеб ва алафзор шиноварӣ кардан манъ аст. Дар фазои тӯфонӣ ва ё мавҷҳои сахт низ  шиноварӣ кардан мумкин нест. Агар машрубот истеъмол намудед, ба ҳеҷ ваҷҳ дохили об надароед.

Агар вориди об шудед, талош макунед, ки зидди маҷро шиноварӣ кунед. Бояд ба самти маҷро шиноварӣ карда тадриҷан ба соҳил наздик шавед.

Бо яхмосу оббозӣ: чигуна метавон ҳавои гарми тоқатфарсоро паси сар кард

Бо нафари ғарқшаванда наздик шудан хатарнок аст: одам аз тарс метавонад шахси ёрирасонро аз паси худ бикашад. Аз ин ру ба ғарқшаванда иҷозат бидиҳед то шуморо сахт бидорад.

Бар асоси рақамҳои оморӣ, соли гузашта дар Тоҷикистон бар асари риоя накардани меъёрҳои бехатарӣ ҳангоми оббозӣ 140 нафар ғарқ шуданд, ки аз ин миён 27 нафари онҳо кӯдакони то даҳсола ва 23 танашон то ҳабдаҳсола мебошанд.

 

611
Барчаспҳо:
ғарқшавӣ, оббозӣ, Тоҷикистон

Толибилмон дар соли хониши нав чӣ қадар таътил доранд? Тақвими истироҳати хонандагон

749
Дар Тоҷикистон ба далели авҷ гирифтани маризии сироятии коронавирус, макотибу донишгоҳҳои кишвар қабл аз мӯҳлат ба таътил баромаданд
Тақвими таътили мактабӣ дар тоҷикистон барои солҳои 2020-2021
© Sputnik /

Вазорати маорифи Тоҷикистон дар робита ба таҳсили толибилмону донишҷӯён ва ҳамзамон таҳтили қабл аз мӯҳлати онҳо фармон бароварда буд.

Тибқи ин фармоиш таътил дар муассисаҳои таҳсилоти томактабӣ то ба эътидол омадани вазъи эпидемиологӣ дар ҷумҳурӣ (дар мувофиқа бо ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус дар Ҷумҳурии Тоҷикистон) тамдид карда мешавад.

Вазири маориф ҳангоми таътил ба боздиди мактабҳои Муъминобод рафт

Имсол дар муассисаҳои таҳсилоти умумӣ аз 11 май то 16 августи соли 2020 ба хонандагону омӯзгорон таътили тобистона дода шуд.

"Идомаи соли таҳсили 2019-2020 дар синфҳои 1-8 ва 10 муассисаҳои таҳсилоти умумӣ новобаста аз шакли ташкилию ҳуқуқӣ аз 17 августи соли 2020 оғоз карда шавад", - омадааст дар фармоиши вазир.

Зимнан, хонандагони мактаб дар соли нави хониш ҷамъан 109 рӯзи таътил доранд. Ҳамчунин 144 рӯзи дарсӣ доранд.

Фармоиши Нуриддин Саид барои се рӯзи таътил дар Душанбе: Чаро?

Дар Тоҷикистон маъмулан аз ҳисоби таътили тӯлонитари зимистона истироҳат дар тобистон дертар фаро мерасад.

Синфҳои болоӣ то мобайнҳои моҳи июн дарс хонада сипас барои чанд ҳафтаи дигар имтиҳон месупоранд. аммо имсол ба далели авҷ гирифтани маризии коронавирус, таътил дар мактабҳо барвақт эълон шуд.

Донишҷӯён низ дар баробари муассилини мактаб барвақт ба таътил фаро гирифта шуданд.

749
Барчаспҳо:
мактаб, таътил, Тоҷикистон

Шогирд ба устод ниёз дорад: норасоии омӯзгорон дар ҶТ

296
(Таҷдидшуда 20:21 30.07.2020)
Тибқи гузориши охири Вазорати маориф ва илми Тоҷикистон сол то сол дар кишвар шумораи кӯдакистонҳо ва мактабҳо бештар мешавад
Таҳсилоти миёнаи умумии Тоҷикистон дар соли 2019-2020
© Sputnik /

Соҳаи маорифи Тоҷикистон ҳамоно ба омӯзгорони касбӣ ниёз дорад. То ҳол дар аксари манотиқи кишвар омӯзгорони фаннӣ намерасанд.

Вазъи омӯзгорон ва хонандагон

То имрӯз дар таҳсилоти миёнаи умумии Тоҷикистон 3 884 муассиса фаъолият мекунад, дар баробари ин 146 мактабҳои шакли нав - яъне гимназия ва литсейҳо дар кишвар фаъоланд.

Дар соҳаи маорифи Тоҷикистон 124,6 ҳазор омӯзгор меҳнат мекунад. Шумораи занон аз мардон бештар аст.

Ҳайъати бузургтарини омӯзгорон дар вилояти Хатлон кор мекунанд. Дар ин минтақа, тибқи гузориши Вазорат дар ин минтақа 44,5 ҳазор кас фаъолият мекунад.

Вале ба шумораи зиёди омӯзгорон дар вилояти Хатлон нигоҳ накарда, ин минтақа бештар аз дигар вилоятҳо ба кадрҳои касбӣ ниёз дорад.

Аз ҷумла дар ин минтақа бештар омӯзгорони фанни забони русӣ, англисӣ, геометрия ва математика намерасанд.

Дар умум ба ҷануби кишвар 900 омӯзгор намерасад.

Вазири тоҷик: дар ИДМ бештар аз ҳама дар Тоҷикистон забони русӣ эҳтиром мешавад

Дар мақоми дуюм аз рӯи ҳайъати омӯзгорон вилояти Суғд меистад. Дар ин минтақа 38 ҳазор омӯзгор фаъолият карда, 800 муаллими дигар камбуд аст.

Дар ноҳияҳои тобеъи марказ тақрибан 24 ҳазор омӯзгор кор мекунад, вале макотиби ин минтақа ба 800 омӯзгори дигар ниёз дорад.

Дар макотиби пойтахти Тоҷикистон 8,8 ҳазор омӯзгор меҳнат мекунад. Вале муассисаҳои пойтахт боз ба беш аз 200 ҳазор педагог ниёз дорад.

Дар ВМКБ бошад танҳо 80 муаллим намерасад ва дар макотиби ин минтақаи кишвар 5,6 ҳазор омӯзгор кор мекунад.

Вобаста ба хонандагон бошад, дар Тоҷикистон дар соли 2020 дар таҳсилоти миёнаи умумии кишвар беш аз 2 миллион кас ба қайд гирифта шудааст.

Теъдоди бештари хонандагон дар вилояти Хатлон беш аз 752 ҳазор, дар вилояти Суғд - 548 ҳазор дар НТМ - 490 ҳазор,  беш аз 205 ҳазор дар Душанбе ва беш аз 38 ҳазор дар ВМКБ таҳсил мекунанд.

Таҳсилоти томактабӣ дар Тоҷикистон

Дар Тоҷикистон сол то сол шумораи кӯдакистонҳо бештар мешавад.

Дар Тоҷикистон дар умум 662 муассисаи томактабӣ фаъолият дорад, ки ин рақам дар қиёс бо соли гузашта 26 дона бештар мебошад.

То имрӯз беш аз 102 кӯдак ба таҳсилоти томактабӣ фаро гирифта шудааст.

Вазири маориф санаи оғози соли нави хонишро эълон кард

Бино бар гузориши Вазорати маориф бештар аз ҳама - 272 дона, дар вилояти Суғд кӯдакистонҳо ҷойгиранд камтарин дар ВМКБ - 26 дона.

Дар Душанбе 134 боғчаи баччагона ва дар вилояти Хатлон - 152 кӯдакистону дар НТМ - 78 кӯдакистон мавҷуд аст.

Дар баробари ин дар Тоҷикистон 64 мактаб-интернат фаъолият мекунад. Дар ин муассисаҳо беш аз 8 ҳазор кас таҳсил дорад.

296
Барчаспҳо:
омӯзгорон, муаллимон, соҳаи маориф, Тоҷикистон
Люди в городе Душанбе

Ҳушдори Ожонси ҳавошиносӣ аз гармии тоқатфарсо дар моҳи август

0
(Таҷдидшуда 16:12 05.08.2020)
Агентии обуҳавошиносӣ: Моҳи август дар Тоҷикистон гармии ҳаво аз меъёри иқлимӣ 1-2 дараҷа баланд пешгӯӣ мешавад

ДУШАНБЕ, 5 авг — Sputnik. Тибқи пешгӯии Ожонси ҳавошиносии  Кумитаи ҳифзи муҳити зисти назди Ҳукумати Ҷумҳурии Тоҷикистон, моҳи август ҳарорати ҳаво тибқи меъёри иқлимӣ ва дар баъзе ноҳияҳо аз меъёри иқлимӣ 1-2 дараҷа баланд дар назар аст.

Дар ин давра ҳарорати миёнаи ҳаво дар вилояти Хатлон ва водиҳои ноҳияҳои тобеи марказ 1 дараҷа баланд аз меъёри иқлимӣ пешгӯӣ шуда, ҳаво дар водиҳо 25+29 ва дар ноҳияҳои доманакӯҳӣ 21+24 дараҷа  гарм мешавад, хабар медиҳад АМИТ "Ховар" бо такя ба Ожонси ҳавошиносӣ.

"Давоми моҳ ҳарорати ҳаво шабона 16+21  ва дар рӯзҳои алоҳида то +25 дараҷа гарм мешавад. Рӯзона ҳарорат тағйир ёфта, аз 32+37 то 35+40 дараҷа гарм мешавад. Дар ноҳияҳои ҷанубӣ то 41+43 дараҷа гармӣ пешбинӣ шудааст", - омадааст дар хабарнома.

Миқдори моҳонаи бориш дар вилояти Хатлон аз меъёр кам пешгӯӣ шуда, дар водиҳо 0,1-1,9 мм  ва дар ноҳияҳои доманакӯҳӣ 2-4 мм-ро ташкил медиҳад.

Дар ин минтақа аввали моҳ боронҳои кӯтоҳмуддат борида, раъду барқ  ба амал меояд. Шамол дар рӯзҳои алоҳида аз самти ғарб бо шиддати то 17-22 метр дар як сония вазида, дар водиҳо тӯфони чангу ғубор ба амал меояд.

Ҳарорати миёнаи моҳонаи ҳаво дар вилояти Суғд тибқи меъёри иқлимӣ  ва дар водиҳо 1 дараҷа  баланд пешбинӣ шудааст. Ҳаво дар водиҳо 25+27 дараҷа  гарм, дар ноҳияҳои доманакӯҳӣ 23+24 ва дар ноҳияҳои кӯҳӣ 15+18 дараҷа гармиро ташкил медиҳад.

Давоми моҳ ҳарорати ҳаво дар водиҳо шабона 17+22 ва рӯзона 33+38 дараҷа гарм пешгӯӣ шуда, дар ноҳияҳои кӯҳӣ шабона 6+11 ва рӯзона аз 17+22 то 24+29 дараҷа мерасад.

Миқдори моҳонаи бориш дар ҳудуди меъёри иқлимӣ дар баъзе ноҳияҳо кам буда, дар водиҳо 1-2мм,  дар доманакӯҳҳо ва кӯҳӣ 3-4мм ва дар ноҳияҳои кӯҳӣ 7-14мм пешбинӣ шудааст. Дар даҳрӯзаи аввали моҳ боронҳои кӯтоҳмуддат, раъду барқ пешгӯӣ шуда, дар баъзе ноҳияҳо шамол бо шиддати то 15-20 метр дар як сония мевазад.

Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон низ ҳарорати миёнаи моҳонаи ҳаво дар ҳудуди меъёри иқлимӣ пешгӯӣ шудааст.

Дар ин давра ҳаво шабона аз 10+15 то +18 дараҷа гарм шуда, рӯзона ҳарорат аз 23+28 то 30+35 дараҷа мерасад. Дар ноҳияи Дарвоз то +38 дараҷа  гармӣ пешгӯӣ мешавад.

Миқдори моҳонаи бориш аз меъёри иқлимӣ кам ва дар баъзе ноҳияҳо дар ҳудуди меъёри иқлимӣ пешбинӣ шудааст.

Нимаи дуюми моҳ боридани борон бо раъду барқ дар назар дошта шудааст.

Дар шарқи  Вилояти Мухтори Кӯҳистони Бадахшон ҳарорати миёнаи моҳонаи ҳаво аз меъёри иқлимӣ 1 дараҷа  паст шуда, 8+12 дараҷа гармиро ташкил медиҳад. Давоми моҳ ҳарорати ҳаво дар ин вилоят  шабона аз 2 дараҷа хунук то 3 дараҷа гарм ва рӯзона аз 11+16 то 18+23 дараҷа  гарм мешавад.

Миқдори моҳонаи бориш аз меъёри иқлимӣ камтар пешгӯӣ шуда, 5-17 мм-ро ташкил медиҳад.

0
Барчаспҳо:
гармӣ, Ожонси ҳавошиносӣ, Тоҷикистон