Тақвими таътили толибилмони мактабҳои Тоҷикистон

1019
(Таҷдидшуда 15:54 23.10.2018)
Ҳукумати Тоҷикистон нақшаи нави таътили мактаббачагонро барои ҳамаи муассисаҳои таҳсилоти умумии кишвар тасдиқ кардааст
Таътилҳои мактабӣ дар соли хониши 2018-2019 дар Тоҷикистон
© Sputnik / Данияр Асылбек уулу

Соли таҳсили 2018-2019 дар Тоҷикистон барои мактаббачагон 36 ҳафтаи таълимӣ (барои синфҳои якум 35 ҳафта)-ро дар бар гирифта, ба чор чоряк тақсим мешавад.

Чоряки якум: аз 1 сентябр то 31 октябр;

Чоряки  дуюм аз 11 ноябр то 31 декабр;

Чоряки сеюм аз 11 январ то 20 март;

Чоряки чорум аз 1 апрел то 14 июн;

Таътилҳои соли хониш ба рӯзҳои мазкур рост меоянд:

тирамоҳӣ: аз 1 то 10 ноябр (10 рӯз);

зимистона: аз 1 то 10 январ (10 рӯз);

баҳорӣ: аз 25 то 31 март (7 рӯз);

тобистона: пас аз анҷоми соли таҳсил ва ҷамъбасти аттестатсия (14-уми июн) то 31 август. Хонандагони синфҳои 1 як ҳафта пеш аз анҷоми соли таҳсил (7 июн) ба таътил мебароянд.

Қарори мазкур аз 25-уми сентябри соли 2018 аз ҷониби  Ҳукумати Тоҷикистон ба тасвиб расидааст.

Ёдовар мешавем, ки соли 2010 дар Тоҷикистон таътилҳои тирамоҳӣ ва баҳорӣ аз байн бурда шуданд. Ба гуфтаи мақомот, ин иқдом бо далели рӯ ба рӯ шудани сокинони Тоҷикистон бо мушкилии барқ дар зимистон вобаста буд.

Чанде пеш Вазорати маорифи Тоҷикистон эълом кард, ки таътил ва чорякҳоро ба мактабҳои кишвар бармегардонад.

1019
Барчаспҳо:
душанбе, мактаббачагон, талабагон, мактаб, таътил, Тоҷикистон

Қавонини ҷадид дар макотиби Тоҷикистон: аз тартибот дар синфхонаҳо то ошхонаву ҳоҷатхона

774
(Таҷдидшуда 18:32 12.08.2020)
Вазорати маориф ва илми Тоҷикистон тартиботи расмӣ барои оғози соли хониши 2020/2021 дар замони пандемия ҷорӣ намудааст
Қавонини ҷадид дар макотиби Тоҷикистон
© Sputnik /

Соли хониши имсола чун ҳарвақта на аз 1 - уми сентябр, балки аз 17 - уми август шурӯъ мешавад. Далели ба барвақтӣ оғоз шудани соли хониш, ба нотамом мондани маводҳои таълимӣ дар моҳи май рабт дода мешавад.

Зеро ба далели авҷи маризии коронавирус, таҳсил дар макотибу донишгоҳҳои Тоҷикистон қабл аз муҳлат ҷамъбаст шуд ва маводҳои таълимӣ нотамом монданд.

Бо қарори Вазорати маориф ва илми Тоҷикистон аз 17 - уми август то 1 - уми сентябр маводҳое, ки дар моҳи май хонда нашуданд, азхуд карда мешаванд.

То шурӯъи дарс 12 рӯз монд: масъулин аз таъсири COVID-19 ба соҳаи маориф гуфтанд

Зимнан, вазорат кӯшидаст, то барои бехатарии толибилмон тартиботи расмиро ҷорӣ созад.

Ҳамин тариқ, дарсҳои дар Тоҷикистон дар се баст бо риоя шудани фосилаи иҷтимоӣ ба роҳ монда мешаванд.

Пӯшидани ниқоби тиббӣ, санҷидани ҳарорати толибилмон ва риояи фосила миёни толибилмон ва омӯзгорон аз шартҳои асосии тартибот гуфта мешавад.

Толибилмон дар соли хониши нав чӣ қадар таътил доранд? Тақвими истироҳати хонандагон

Гузашта аз ин, вазорат таъкид намудааст, ки бурдани кӯдакон ба боғча ҳатмӣ набуда, ҷойи онҳо новобаста аз ин, нигоҳ дошта мешавад.

Дарсҳои тарбияи ҷисмонӣ, мусиқӣ ва тайёрии ҳарбӣ бояд берун аз синфхона гузаронда шаванд. Вазорат талаб намудааст, ки синфхонаҳо, долону ошхона ва ҳоҷатхона бояд пайваста бо маводҳои безараргардонида дорупошӣ шаванд.

774
Барчаспҳо:
вазорати маориф, соли хониш, Тоҷикистон

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

285
Пандемияи коронавирус дар баробари талафоти зиёди ҷонӣ ба бор овардан, ҳамзамон раванди зиндагии оламиёнро дигаргун намуд
Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд
© Sputnik /

Бо авҷ гирифтани ин маризӣ, аксар кишварҳо марзҳояшонро ба рӯи ҳамсоякишварҳо бастанд. Гузашта аз ин, равобити ҳавоӣ ва зиминӣ низ мутавақиф шуд.

Тоҷикистон ҳам ба мисли даҳҳо кишварҳо дар замони пандемия хисороти калон дид.

Масъалаи муҳоҷирати меҳнатӣ, ки барои Тоҷикистон ниҳоят муҳим аст, аз ҳама беш зарар дид. Дар робита ба баста будани равобити ҳавоӣ ва заминӣ, муҳоҷирони тоҷик натавонистанд барои дарёти кор ва ризқу рузӣ ба Русия сафар кунанд.

Коронавирус – афсона ё ҳақиқат

Раванди ба муҳоҷират рафтани тоҷикистониён ҳудуди 57 фисад коҳиш ёфт.

Гузашта аз ин, бозгашти шаҳрвандони Тоҷикистон ба ватан низ коҳиш ёфта, ҳамагӣ 90 000 нафарро ташкил доду халос.

Ба замми ин, интиқоли маблағҳо низ аз кишварҳои хориҷ, бахусус русия ба Ҷумҳурии Тоҷикистон даҳчанд коҳиш ёфт.

Аммо хушбахтона вақтҳои охир раванди интиқоли маблағҳо ба Тоҷикистон рӯ ба беҳбуд ниҳода истодааст.

285
Барчаспҳо:
маризӣ, Тоҷикистон, муҳоҷирати меҳнатӣ
Мавзуҳо:
Пайомадҳои COVID-19 дар Тоҷикистон ва ҷаҳон
День 14 августа

Ҷашнҳои рӯзи 14 август дар Тоҷикистон ва ҷаҳон

0
(Таҷдидшуда 20:00 13.08.2020)
Рӯзи чордаҳуми август дар Покистон аз Рӯзи истиқлолият ҷашн гирифта мешавад. Ҳамзамон дар Зимбабве Рӯзи қаҳрамонони миллӣ қайд гирифта мешавад

Рӯзи 14 август дар ҷаҳон чӣ рух дод

Соли 1848 дар Канада амали санади расмӣ, ки  забони англисиро ҳамчун ягона забони давлатӣ дар кишвар муқаррар карда буд, қатъ карда шуд.

Соли 1893 дар Фаронса ба ронандагон бидуни супоридани имтиҳон додани ҳуҷҷати ронандагӣ  манъ карда шуд.

Соли 1919 бо мақсади ворид кардани Бавария ба ҳайати Олмон ба Конститутсияи ин кишвар тағйирот ворид карда шуд.

Соли 1920 дар шаҳри Антверпени Белгия маросими кушодашавии Бозиҳои ҳафтуми тобистонаи олимпӣ баргузор гардид (29 август ба анҷом расид).

Соли 1986 дар Амстердам расми аз ҳама калонтарин дар ҷаҳон гузошта шуд, ки 8 ҳазору 586 метри мураббаъро ташкил дод.

Соли 1908 дар шаҳри Фолкстони Англия аввалин маротиба озмуни байналмилалии зебоӣ баргузор гардид.

Соли 1936 аввалин маротиба ба рӯйхати  Бозиҳои тобистонаи олимпӣ баскетбол ворид карда шуд.

Рӯзи 14 август дар Тоҷикистон чӣ рух дод

Соли 2007 дар мулоқоти Президенти Ҷумҳурии Тоҷикистон  Эмомалӣ Раҳмон бо Президенти Ҷумҳурии Озарбойҷон Илҳом Алиев маҷмўи васеи масоили вақт ва дурнамои ҳамкории Тоҷикистону Озарбойҷон мавриди муҳокима қарор гирифтанд.

Президент Азербайджана Ильхам Алиев и президент Таджикистана Эмомал Рахмон
Президент Азербайджана Ильхам Алиев и президент Таджикистана Эмомал Рахмон

Соли 2012 сомонаи интернетии Президенти Ҷумҳурии Тоҷикистон, ки бо суроғаи «president.tj» аз соли 2005 инҷониб фаъол аст, дар таҳияи нав ба шабакаи ҷаҳонии интернет баромад. Сомонаи мазкур имрӯз дар ин шабака бо чор забон- тоҷикӣ, русӣ, англисӣ ва арабӣ оид ба сиёсати Сарвари давлати Тоҷикистон хабару гузориши расмӣ  пешниҳод менамояд.

Соли 2012 ба баррасии иҷлосияи дуюми ғайринавбатии Маҷлиси намояндагони Маҷлиси Олии Ҷумҳурии Тоҷикистон даъвати чорум лоиҳаи Кодекси андози Ҷумҳурии Тоҷикистон, пешниҳодоти Президенти Ҷумҳурии Тоҷикистон оид ба таъйин намудани раис ва муовини раиси Палатаи ҳисоби Ҷумҳурии Тоҷикистон пешниҳод карда шуданд.

Соли 2013 дар варзишгоҳи "20-солагии Истиқлолияти Тоҷикистон" дар шаҳри Хуҷанд бозии дӯстонаи дастаҳои футболи Тоҷикистон ва Ҳиндустон барпо гардид.

Ноги и футбольный мяч
© Sputnik / Алексей Филиппов
Ноги и футбольный мяч

Ҷашнҳои рӯзи 14 август

  •  Дар Покистон-Рӯзи истиқлолият.
  • Дар Зимбабве –Рӯзи қаҳрамонони миллӣ.

Рӯзи 14 август кӣ дар Тоыикистон ба дунё омадааст

Соли 1924 – рассом, ходими хизматнишондодаи санъат Давид Илябоев.

Солҳои 1951-1995 – нависанда, журналист Насруллои Асадулло.

0
Барчаспҳо:
ҷашн, ҷаҳон, Тоҷикистон