Тақвими рӯзҳои Ид дар Тоҷикистон дар соли 2020

3899
(Таҷдидшуда 11:41 06.12.2019)
Дар тақвими Тоҷикистон дар соли оянда 116 рӯзи истироҳат ва 13 ҷашни давлатӣ дида мешавад. Дар соли 2020 мардуми Тоҷикиситон 116 рӯзи истироҳат ва 250 рӯзи корӣ доранд.
Календарь праздничных и выходных дней в Таджикистане на 2020 год
© Sputnik

Дар соли 2020 мардуми Тоҷикистон 13 ҷашни давлатӣ таҷлил хоҳанд кард. Бояд қайд кард, ки иди ангур ва себ дар соли равон эълон шуда буданд. Дар маҷмӯъ рузои Ид дар тақвими тоҷикистон 21 рӯзро ташкил медиҳад. Дар маҷмӯъ дар соли 2020 мардуми Тоҷикиситон 116 рӯзи истироҳат ва 250  рӯзи корӣ доранд.

Ҷашнҳои давлатӣ ва рӯзҳои истироҳат дар Тоҷикистон дар соли 2020

1 январ – Соли нави милодӣ;

8 март – Рӯзи Модар;

21-26 март – Ҷашни байналмилалии Наврӯз;

1 май – Рӯзи якдилии меҳнаткашон;

24-28 май- Иди Рамазон – рӯзи дақиқи он аз сӯи шӯрои уламои Тоҷикистон эълон мешавад;

27 июн – Рӯзи Ваҳдати миллӣ;

1 август – Иди Қурбон - рӯзи дақиқи он аз сӯи шӯрои уламои Тоҷикистон

15 август – Иди ангур

9 сентябр – Рӯзи Истиқололияти давлатии Тоҷикистон;

19 сентябр  - Иди себ;

6 ноябр – Рӯзи Конститутсияи Тоҷикистон;

Инчунин бояд дар бораи ҷашнҳои дигар низ фаромуш накард. Новобоста аз он ин ҷашнҳо давлатӣ нестанд, мардуми ҷумҳурӣ онҳоро ҳар сол ҷаншн мегиранд.

23 феврал- Рӯзи Артиши миллии Тоҷикистон;

18 апрел – Рӯзи Душанбе;

19 апрел – Рӯзи илм дар Тоҷикистон;

12 май – Рӯзи Шашмақом;

23 май – Рӯзи ҷавонони Тоҷикистон;

13 ё 20 сентябр – Рӯзи Иди харбуза, тарбуз ва асал. Дар рӯзҳои 2 ё 3-юм ҳафтаи якшанбе таҷлил карда мешавад. Рӯзаш то ҳол муайянг нашудааст;

22 сентябр –Рӯзи Рӯдакӣ;

30 сентябр – Рӯзи Ҷалолиддини Балхӣ;

5 октябр – Рӯзи забон;

10 октябр – Рӯзи фалак;

16 октябр – Рӯзи кинои тоҷик

18 октябр – Иди Меҳргон;

7 ноябр – Рӯзи театри тоҷик;

10 ноябр – Рӯзи милитсия

24 ноябр – Рӯзи парчами миллӣ.

Агар ба тақвим назар андозем, танҳо да моҳи июл ҳеҷ ҷашну иде мушоҳида намешавад. Ин моҳро мардуми Тоҷикистон бидуни иду рӯзҳои истироҳат сипарӣ мекунанд. Серҷашнтарин моҳ, моҳи май ва сентябр будааст. Дар ин моҳҳо тақрибан 5 ҷашни таҷлил карда мешавад.  

3899
Барчаспҳо:
мардум, давлатӣ, ҷашн, тақвим, Тоҷикистон

Паҳнсозони COVID–19 дар Тоҷикистон чӣ ҷазо мегиранд?

310
(Таҷдидшуда 21:14 09.07.2020)
Тағйироти ҷадид ба қонунгузории Тоҷикистон, ки мавриди амал қарор гирифтанд, барои паҳн кардани бемориҳои сироятӣ, аз ҷумла коронавирус ҷазои маъмурӣ ва ҷиноиро пешбинӣ мекунанд
Кадом ҷаримаҳо паҳнкунандагони коронавирусро дар Тоҷикистон таҳдид мекунанд
© Sputnik /

Тибқи меъёрҳои ҷадиди қонунгузории Тоҷикистон, барои паҳни иттилои бардурӯғ дар шароити пандемия ва амалисозии чораҳои қарантинӣ шахсони инфиродӣ аз 580 сомонӣ боло ва шахсони ҳуқуқӣ то 11,6 ҳазор сомонӣ ҷаримабандӣ хоҳанд шуд.

Инчунин нақзи қоидаҳои ниқобпӯшӣ дар ҷойҳои ҷамъиятӣ, аз ҷумла дар боғҳо, бозор, мағоза, қаҳвахона, нақлиёт ва ҳатто ҷои кор ҷарима дар ҳаҷми аз 116 то 290 сомонӣ дар пай дорад.

Ҷаримаҳои алоҳида барои риоя накардани меъёрҳои санитарию эпидемиологӣ пешбинӣ гардидаанд. Аз ҷумла барои нақзи қоидаҳои беҳдошт ҳангоми паҳншавии бемориҳои сироятӣ ҷазои пулӣ дар ҳаҷми аз 2 то 5 маоши ҳадди ақал пешбинӣ шудааст.

Эълони ҷазои Зиёев барои таҷовузи духтарчаи сесола - акс

Барои вайрон кардани қоидаҳои санитарию эпиемиологӣ ба шаҳрвандони қаторӣ аз 406 то 696 сомонӣ, ба соҳибкорон - аз 1160 то 3480 сомонӣ, мансабдорон - аз 3480 то 4640 сомонӣ, шахсони ҳуқуқӣ - аз 8700 то 11 600 сомонӣ таҳдид карда, дар сурати такрори қоидавайронкунӣ афзоиши ҷарима дар назар аст.

Инчунин бар асоси тағйирот дар қонунгузории Тоҷикистон, барои паҳнсозии бемориҳои сироятӣ ҷазои ҷиноӣ низ пешбинӣ шудааст. Аз ҷумла барои сирояти оммавии атрофиён аз 2 то 5 сол ва барои расондани зарари вазнин ба саломатӣ ё сироят, ки марг дар пай дорад, аз 5 то 10 соли зиндон дар назар аст.

310
Барчаспҳо:
дурӯғ, дезинформация, ниқоби сиёҳ, ҳабс, ҷарима, Тоҷикистон

Омори сирояту шифоёбӣ аз COVID - 19 дар моҳи июн

493
(Таҷдидшуда 21:01 02.07.2020)
Омори гирифторон, шифоёфтагон ва фавтидагон аз коронавируси навъи COVID - 19 дар моҳи июнро аз тасвирбаёни Sputnik Тоҷикистон бубинед
Коронавирус дар Тоҷикистон: омори моҳи июн
© Sputnik /

Тибқи додаҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар давоми моҳи июн дар Тоҷикистон 2024 нафар ба коронавирус сироя 2564 нафар аз ин беморӣ шифо ёфт ва 5 кас ҷони худро аз даст дод.

Дар умум бино бар омори Вазорати беҳдошти кишвар аз 30 апрели соли равон то 30 июн дар Тоҷикистон 5954 кас гирифтори коронавирус шуда, 4568 нафар шифо ёфтанд ва 52 кас қурбони ин вабои аср гардиданд.

Ҳукумати Тоҷикистон барои пешгирии паҳншавии ин беморӣ чораҳоеро дар моҳи май роҳандозӣ карда буд, ки бархе аз онҳо бардошта шуданд ва баъзеи дигар ҳамоно фаъол боқӣ мемонанд.

Ҳамин тавр, боғчаҳо ва мактабҳо то 18 август баста буда, донишҷӯён пеш аз муҳлат ба таътил фиристода шуданд. Дар кишвар пӯшидани ниқоб ҳатмӣ буда, масҷидҳо баста шуда, намози дастаҷамъома манъ шуд.

Кадом маҳдудиятҳо дар Тоҷикистон бардошта шуданд

Равуо миёни вилоятҳо ва навоҳии кишвар озод шуд. Баргузории маросими дафн иҷоза дода шуд.

Аз 15 июн дар шаҳри Душанбе фаъолияти бозорҳои либоса, марказҳои савдо, кинотеатрҳо, театрҳо, сартарошхонаҳо, кошонаҳои ҳусн оғоз шуд.

Баргузории маросими арӯсӣ иҷоза дода шуд: бо ширкати на бештар аз 100 меҳмон, пӯшидани ҳатмии ниқоб, дастпӯш ва санҷиши ҳарорати бадан.

Бозии футбол бидуни тамошобин иҷоза дода шуд.

Аз 25 июн барои бозгардонии шаҳрвандони Тоҷикистон, аз Русия ба Тоҷикистон парвозҳои махсус роҳандозӣ шуд. То имрӯз беш аз 600 шаҳрвандони Тоҷикистон ба Ватан бозгардонида шуданд.

493
Барчаспҳо:
омор, вируси нав, Тоҷикистон
Кадры разрушенных домов после землетрясения в Раштском районе

Заминҷунбӣ дар Тоҷикобод 100 манзилро хароб кард: хиросор ҳисоб шуду кумак баррасӣ мешавад

0
Хисороти заминҷунбӣ дар Тоҷикобод муайян шуда, феълан масъалаи расонидани кумаки зарурӣ ба аҳолии зарардида баррасӣ ва ҳаллу фасл мешавад

ДУШАНБЕ, 10 июл — Sputnik. Гурӯҳи кории байниидоравӣ хисороти заминҷунбӣ дар деҳоти ноҳияи Тоҷикободро муайян намуд. Дар ин хусус АМИТ "Ховар" бо такя ба Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон иттилоъ медиҳад. 

"Ба асари заминҷунбӣ 26 манзили истиқоматӣ қисман зарар дидаанд, 85 хонаи истиқоматӣ ва биноҳои ёрирасони воқеъ дар деҳаҳои Ганишоб, Сафедоб, Дараи Назараки ҷамоати деҳоти Қалъаи Лаби об, Себистон, Ширинчашма, Сари Най ва Полезаки ҷамоати деҳоти Ширинчашма, Нушори ҷамоати деҳоти Нушор, Зарафшон ва Шаҳристони ҷамоати деҳоти ба номи М. Шогадоев каму беш осеб дидаанд", — омадааст дар хабарнома.

Гуфта мешавад, санҷиш нишон дод, ки хонаҳои аз заминҷунбӣ зарардида дар солҳои 70-80-уми асри гузашта бидуни риояи қойидаҳо ва меъёрҳои сохтмонӣ бо истифода аз масолеҳи сохтмонии маҳаллӣ бунёд шудаанд. Заминҷунбӣ талафоти ҷонӣ ба бор наовардааст.

Айни замон масъалаи расонидани кумаки зарурӣ ба аҳолии зарардида баррасӣ ва ҳаллу фасл мешавад.

Барои муайян кардани хисороти заминларза гурӯҳи корӣ ба Тоҷикобод рафт

Хотирнишон менамоем, ки 4 июл дар Ҷумҳурии Тоҷикистон заминдарза ба кайд гирифта шуд. Маркази заминларза 201 километр дуртар аз самти шимолу шарқии Душанбе, дар ҳудуди ноҳияи Тоҷикобод воқеъ буд. Қувваи заминларза дар марказ 5 ва дар шаҳри Душанбе 3 балро ташкил дод.

Заминҷунбӣ дар Тоҷикобод: чанд манзили сокинон хароб шуд

0
Барчаспҳо:
ҳисоб, хисорот, заминҷунбӣ, Тоҷикобод
Мавзуҳо:
Заминларза дар Тоҷикистон