Аз даромад то каср: буҷети шаҳрвандӣ барои соли 2020

549
(Таҷдидшуда 16:42 16.01.2020)
Дар моҳи ноябри соли 2019 вакилони парлумони Тоҷикистон лоиҳаи қонуни “Дар бораи Буҷети давлатии Тоҷикистон барои соли 2020” ва дурнамои нишондиҳандаҳои Буҷети давлатӣ барои солҳои 2021-2022-ро қабул намуданд
Иқтисоди Тоҷикистон: нишондиҳандаҳои асосии соли 2020
© Sputnik / Мария Вишнякова

Вазорати молия дар доираи лоиҳаи “Дастгирии самтҳои алоҳидаи ислоҳот дар идоракунии молияи давлатӣ”, ки аз ҷониби Иттиҳоди Аврупо маблағгузорӣ мешавад, дар якҷоягӣ бо коршиносони лоиҳаи мазкур варианти содакардашудаи Қонуни Тоҷикистон “Дар бораи Буҷети давлатии Ҷумҳурии Тоҷикистон барои соли 2020”  бо забонҳои тоҷикӣ, русӣ ва англисӣ таҳия кард.

Лоиҳаи мазкур дар сомонаи расмии Вазорати молияи Тоҷикистон ҷойгир карда шудааст.

Дар парлумони кишвар Файзиддин Қаҳҳорзода, вазири молияи Тоҷикистон зимни муаррифии лоиҳаи буҷаи давлатӣ барои соли оянда иттилоъ дод, ки  ҳаҷми умумии даромади буҷа дар соли 2020 ба маблағи 26 миллиарду 54 миллион сомонӣ пешбинӣ гардидаст, ки ба 29,8 фоизи Маҷмӯи маҳсулоти дохилӣ баробар мебошад.

Зикр гардид, ки ҳаҷми умумии хароҷоти Буҷети давлатӣ барои соли 2020 аз ҳисоби ҳамаи манбаъҳои маблағгузорӣ дар ҳаҷми 26 миллиарду 403,5 миллион сомонӣ ба нақша гирифта шудааст, ки 30,2 фоизи Маҷмӯи маҳсулоти дохилиро ташкил медиҳад.

Дурнамои нишондиҳандаҳои буҷаи давлатӣ барои солҳои 2021-2022 давоми мантиқии лоиҳаи буҷети соли 2020 буда, ҳаҷми умумии даромади Буҷети давлатӣ соли 2021-ум 28 млрд. 635,6 млн. сомонӣ ва соли 2022-ум 30 млрд. 983,1 млн. сомонӣ пешбинӣ карда шудааст, ки мутаносибан ба 29,2 ва 28,5 фоизи Маҷмӯи маҳсулоти дохилӣ  баробар мебошад.

549
Барчаспҳо:
даромад, қабул, нишондиҳанда, парлумон, вакилон, Тоҷикистон

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

183
Пандемияи коронавирус дар баробари талафоти зиёди ҷонӣ ба бор овардан, ҳамзамон раванди зиндагии оламиёнро дигаргун намуд
Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд
© Sputnik /

Бо авҷ гирифтани ин маризӣ, аксар кишварҳо марзҳояшонро ба рӯи ҳамсоякишварҳо бастанд. Гузашта аз ин, равобити ҳавоӣ ва зиминӣ низ мутавақиф шуд.

Тоҷикистон ҳам ба мисли даҳҳо кишварҳо дар замони пандемия хисороти калон дид.

Масъалаи муҳоҷирати меҳнатӣ, ки барои Тоҷикистон ниҳоят муҳим аст, аз ҳама беш зарар дид. Дар робита ба баста будани равобити ҳавоӣ ва заминӣ, муҳоҷирони тоҷик натавонистанд барои дарёти кор ва ризқу рузӣ ба Русия сафар кунанд.

Коронавирус – афсона ё ҳақиқат

Раванди ба муҳоҷират рафтани тоҷикистониён ҳудуди 57 фисад коҳиш ёфт.

Гузашта аз ин, бозгашти шаҳрвандони Тоҷикистон ба ватан низ коҳиш ёфта, ҳамагӣ 90 000 нафарро ташкил доду халос.

Ба замми ин, интиқоли маблағҳо низ аз кишварҳои хориҷ, бахусус русия ба Ҷумҳурии Тоҷикистон даҳчанд коҳиш ёфт.

Аммо хушбахтона вақтҳои охир раванди интиқоли маблағҳо ба Тоҷикистон рӯ ба беҳбуд ниҳода истодааст.

183
Барчаспҳо:
маризӣ, Тоҷикистон, муҳоҷирати меҳнатӣ
Мавзуҳо:
Пайомадҳои COVID-19 дар Тоҷикистон ва ҷаҳон

Толибилмон дар соли хониши нав чӣ қадар таътил доранд? Тақвими истироҳати хонандагон

944
(Таҷдидшуда 15:29 06.08.2020)
Дар Тоҷикистон ба далели авҷ гирифтани маризии сироятии коронавирус, макотибу донишгоҳҳои кишвар қабл аз мӯҳлат ба таътил баромаданд
Тақвими таътили мактабӣ дар тоҷикистон барои солҳои 2020-2021
© Sputnik /

Вазорати маорифи Тоҷикистон дар робита ба таҳсили толибилмону донишҷӯён ва ҳамзамон таҳтили қабл аз мӯҳлати онҳо фармон бароварда буд.

Тибқи ин фармоиш таътил дар муассисаҳои таҳсилоти томактабӣ то ба эътидол омадани вазъи эпидемиологӣ дар ҷумҳурӣ (дар мувофиқа бо ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус дар Ҷумҳурии Тоҷикистон) тамдид карда мешавад.

Вазири маориф ҳангоми таътил ба боздиди мактабҳои Муъминобод рафт

Имсол дар муассисаҳои таҳсилоти умумӣ аз 11 май то 16 августи соли 2020 ба хонандагону омӯзгорон таътили тобистона дода шуд.

"Идомаи соли таҳсили 2019-2020 дар синфҳои 1-8 ва 10 муассисаҳои таҳсилоти умумӣ новобаста аз шакли ташкилию ҳуқуқӣ аз 17 августи соли 2020 оғоз карда шавад", - омадааст дар фармоиши вазир.

Зимнан, хонандагони мактаб дар соли нави хониш ҷамъан 109 рӯзи таътил доранд. Ҳамчунин 144 рӯзи дарсӣ доранд.

Фармоиши Нуриддин Саид барои се рӯзи таътил дар Душанбе: Чаро?

Дар Тоҷикистон маъмулан аз ҳисоби таътили тӯлонитари зимистона истироҳат дар тобистон дертар фаро мерасад.

Синфҳои болоӣ то мобайнҳои моҳи июн дарс хонада сипас барои чанд ҳафтаи дигар имтиҳон месупоранд. аммо имсол ба далели авҷ гирифтани маризии коронавирус, таътил дар мактабҳо барвақт эълон шуд.

Донишҷӯён низ дар баробари муассилини мактаб барвақт ба таътил фаро гирифта шуданд.

944
Барчаспҳо:
мактаб, таътил, Тоҷикистон

Ҷашнҳои рӯзи 8 август дар Тоҷикистон ва ҷаҳон

0
(Таҷдидшуда 23:06 07.08.2020)
Рӯзи ҳаштуми август Рӯзи байналмилалии кӯҳнавардон буда дар Чин – Рӯзи падар ва дар Бутан –Рӯзи истиқлолият таҷлил мешавад

Рӯзи 8 август дар ҷаҳон чӣ рух дод

Соли 1925 дар Вашингтон аввалин конгресси миллии Ку-Клукс-Клана оғоз гардида буд.

© Sputnik / Стас Этвеш / Вишнякова Мария

Соли 1925 аввалин маротиба дар шаҳри Торонтои Канада чароғаки роҳ насб гардид.

Соли 1927 дар Фаронса эълони сохтани ваксина бар зидди вабои саг паҳн гардид.

Соли 1932 Иттиҳоди Шӯравӣ истифодаи меҳнати занонро дар конҳо иҷозат дод.

Соли 1937 тасарруфи Пекин аз ҷониби Ҷопон.

Соли 1949 дар шаҳри Страсбурги Фаронса аввалин ҷаласаи Шӯрои Аврупо баргузор гардид.

Соли 1959  дуюмин Бозиҳои тобистонаи халқҳои Иттиҳоди Шӯравӣ баргузор гардид.

Соли 1967 баргузории рӯзҳои фарҳангии Тоҷикистон дар Маскав.

Рӯзи 8 август дар Тоҷикистон чӣ рух дод

Соли 2006 дар ноҳияи Ховалинги вилояти Хатлон мақбараи Султон Увайси Қаранӣ баъд аз тармим кушода шуд.

© Sputnik / Стас Этвеш / Вишнякова Мария

Соли 2011 бо иштироки раисиҷумҳур Эмомалӣ Раҳмон дар маҳаллаи навбунёди «Зарринкӯҳ»-и шаҳри Кӯлоби вилояти Хатлон мактаби замонавӣ ба истифода дода шуд.

Соли 2011 дар шаҳри Кӯлоби вилояти Хатлон Президент  Эмомалӣ Раҳмон Маҷмааи истироҳативу фароғатӣ ва варзишии «Кӯли ҷавонон» — ро мавриди баҳрабардорӣ   қарор доданд.

Соли 2016  Эмомалӣ Раҳмон ва муовини Дабири кулли СММ, Намояндаи олӣ оид ба масъалаҳои кишварҳои камтараққӣ, кишварҳои тараққикунандаи маҳсур дар хушкӣ ва ҷазиракишварҳои хурди тараққикунанда Гян Ачария вазъи ҳамонвақта ва дурнамои муносибатҳои Тоҷикистон ва Созмони Милали Муттаҳид дар бахшҳои муҳими ҳаёти ҷаҳони муосирро мавриди баррасӣ қарор дод.

Ҷашнҳои рӯзи 8 август

  • Рӯзи байналмилалии кӯҳнавардон.
  • Дар Чин – Рӯзи падар.
  • Дар Бутан –Рӯзи истиқлолият.

Рӯзи 8 август дар Тоҷикистон кӣ ба дунё омадааст

Ғаюр Ашўров (1960) – доктори илми тиб, профессор.

Надежда Бутовская (1890- 1977)- Китобдори шоистаи Тоҷикистон.

Абдумаҷид Воҳидов (1942) – доктори илми тиб, профессор.

Григорий Масич (1925) – сарояндаи оркестр, Ҳунарпешаи шоистаи Тоҷикистон.

Муҳаммад Шодӣ (1959)- шоир, нависанда.

Раҷаб Насим (1935) – нависанда.

Камолиддин Нодиров (1957)- рассом.

Ҳамид Обидӣ (1911 – 1948) – нависанда, драматург.

Акрам Ризоев (1946)- олими соҳаи техника, профессор.

Александр Соловёв (1892 – 1959) – астрофизик, Ходими шоистаи илми Тоҷикистон.

Одилҷон Умурзоқов (1954) – сароянда, Ҳунарпешаи шоистаи Тоҷикистон.

0
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 1 август дар Тоҷикистон ва ҷаҳон
Ҷашнҳои рӯзи 2 август дар Тоҷикистон ва ҷаҳон
Ҷашнҳои рӯзи 3 август дар Тоҷикистон ва ҷаҳон
Ҷашнҳои рӯзи 4 август дар Тоҷикистон ва ҷаҳон
Ҷашнҳои рӯзи 5 август дар Тоҷикистон ва ҷаҳон
Ҷашнҳои рӯзи 6 август дар Тоҷикистон ва ҷаҳон
Ҷашнҳои рӯзи 7 август дар Тоҷикистон ва ҷаҳон