Бурду бохти соҳаи тандурустии Тоҷикистон: кадом корҳо анҷом ёфту боз чӣ дар назар аст

195
(Таҷдидшуда 16:09 20.08.2020)
Соҳаи тандурустии Ҷумҳурии Тоҷикистон дар чанд соли ахир ба таври назаррас рушд намудааст. Аммо бо вуҷуди ин ҳам, ҳанӯз норасоии пизишкони касбӣ ва ҳайати миёнаи тиббӣ мавҷуд аст
Пешрафтҳо дар соҳаи тандурустии Тоҷикистон

Бо мақсади тайёр кардани кадрҳои баландихтисоси тиббӣ ва илмӣ, Ҳукумати Ҷумҳурии Тоҷикистон "Барномаи тайёр кардани кадрҳои тиббӣ барои солҳои 2010-2020 дар Ҷумҳурии Тоҷикистон" - ро қабул кард.

Бар тибқи иттилои котиботи раисҷумҳури Тоҷикистон, агар соли 1991 маоши кормандони тиб ҳамагӣ 3 сомониро ташкил медод, ҳоло ҳақмузди кормандони ин соҳа ба 1253 сомонӣ баробар шудааст. Ҳамчунин аз моҳи сентябри соли ҷорӣ маоши пизишкон боз ба андозаи 15 дарсад афзоиш хоҳад ёфт.

Ба ҳамин минвол, буҷаи соҳаи тандурустӣ дар Тоҷикистон соли 2008 ҳамагӣ 255,6 миллион сомониро ташкил медод, ҳоло бошад он то 1 миллиарду 841 миллион сомонӣ афзоиш дода шуд.

Омори сирояту шифоёбӣ аз COVID - 19 дар моҳи июн

Гузашта аз ин, котиботи Президенти Тоҷикистон қайд мекунад, ки то соли 2021 сохтмони 132 иншооти марбут ба соҳаи тандурустӣ дар қаламрави кишвар ба назар гирифта шудааст.

Феълан теъдоди умумии муассисаҳои тиббӣ дар Тоҷикистон ба 4 369 адад баробар аст.

Бо вуҷуди ин, дар Тоҷикистон ҳоло ҳам танқисӣ аз лиҳози нарасидани пизишкони касбӣ ва ҳамчунин ҳайати миёнаи тиббӣ мавҷуд аст.

Гуфта мешавад, алъон дар қаламрави ин кишвар 4264 пизиш ва 2358 кормандони миёнаи тиббӣ намерасанд.

Аз ҳисоби муҷаҳҳаз гардондани муассисаҳои тиббӣ Тоҷикистон натиҷаҳои хуб ба даст овардааст.

Агар соли 1991 дар мамлакат танҳо як дона Дастгоҳи компютерии томографӣ мавҷуд буд, ҳоло шумораи чунин дастгоҳҳо ба 21 адад расидааст. Теъдоди дигар дастгоҳҳое, ки дар соҳаи тандурустӣ зарур мебошанд, афзоиш ёфтааст.

Қобили зикр аст, ки дар Тоҷикистон фавти атфол дар муқоиса ба соли 1991 ба маротиб коҳиш ёфтааст.

195

Қоидаҳои вуруди шаҳрвандони Тоҷикистон ба Ӯзбекистон

765
(Таҷдидшуда 18:19 22.09.2020)
Давлати Ӯзбекистон сар аз аввали октябр маҳдудиятҳои вуруд ва хурӯҷ ба ин кишварро дар бахшҳои ҳавоӣ, роҳи оҳан ва заминӣ бо риояти муқаррароти қарантина ва беҳдоштӣ лағв мекунад
Қоидаи вуруд ба Ӯзбекистон ҳангоми пандемия

Бар асоси тасмими Комиссияи вижаи мубориза бо вируси корона дар Ӯзбекистон, маҳдудият барои тараддуди шаҳрвандон ва васоили нақлиёт аз тариқи гузаргоҳҳои марзӣ коҳиш меёбад.

Маҳдудиятҳо аз 1 октябри соли равон барои сайёҳон сабуктар мешавад.   

Афроде, ки аз тариқи гузаргоҳҳои заминӣ аз Тоҷикистон, Қазоқистон, Туркманистон ва Афғонистон ба ин кишвар ворид шаванд пас аз тести вируси корона барои қарантинаи 14 рӯза ба меҳмонхонаҳо эъзом хоҳанд шуд.

Парвозҳо низ ба дараҷаҳои “сурх”, “зард” ва “сабз” тақсимбандӣ шудааст ва афроди ворид шуда бо парвоз аз тариқи кишварҳои “сабз” шомили Чин, Таиланд, Малайзия, Кореяи Ҷанубӣ, Гурҷистон, Венгрия, Финляндия, Латвия, Утриш ва Япония метавонанд бидуни маҳдудият вориди Ӯзбекистон шаванд.

Афрод муқими кишварҳои “зард” монанди Озарбойҷон, Беларус, Имороти Муттаҳидаи Арабӣ ва кишварҳои Иттиҳоди Аврупо ғайр аз Англия ва Испания ва низ манотиқи қирмиз, ки соири кишварҳои ҷаҳонро дар бар мегирад фақат дар сурати надоштани бемории вируси корона метавонанд вориди Ӯзбекистон шаванд.

Маълумоти бештар дар тавирбаёни Sputnik Ӯзбекистон

765
Барчаспҳо:
қоидаҳои вориду хориҷ шудан, беҳдоштӣ, роҳи оҳан, ҳавоӣ, маҳдудият, Ӯзбекистон, Тоҷикистон

Номзадҳо ба мансаби Президенти Тоҷикистон дар соли 2020: кӣ, чӣ қадар имзо ҷамъ кард

498
(Таҷдидшуда 14:44 16.09.2020)
Комиссияи марказии интихоботии Тоҷикистон коркарди ҳуҷҷатҳо ва имзои номзадҳоро ба мансаби раёсатҷумҳурии кишвар ҷамъбаст намуд
Номзадҳо ба мансаби Президенти Тоҷикистон 2020 чанд имзо ҷамъ карданд
© Sputnik (sputniktj_photo)

Дар Тоҷикистон Комиссияи марказии интихобот кори санҷиши ҳуҷҷатҳо ва ҷамъварии имзои номзадҳо ба курсии президентиро натиҷагирӣ кард.

Ба интихоботи раёсатҷумҳурии Тоҷикистон, дар маҷмӯъ 5 нафар аз номзадҳо, ки имзои кофӣ ҷамъ оварданд, роҳхат гирифтанд. Инҳо Рустам Латифзода (ҲАТ), Эмомалӣ Раҳмон (ҲХДТ), Мироҷ Абдуллоев (ҲКТ), Рустам Раҳматзода (ҲИИТ) ва Абдухалим Ғаффоров (ҲСТ) мебошанд.

Саидҷаъфар Усмонзода намоянда аз Ҳизби демократии Тоҷикистон, ҳарчанд тавонист имзоҳои кофиро ҷамъ орад, аммо аснои пешниҳод намудан ба КМИ, намояндагони ин комиссия дар гирдоварии имзоҳо ҷой доштани қонуншиканиро пайдо намуданд. Ҳамин тавр, Усмонзода аз имкони иштирок дар интихоботи президентӣ маҳрум шуд.

Тоҷикистон нозирони ИДМ-ро ба интихоботи президентӣ даъват кард

Гузашта аз ин, намояндаи ҷавон аз ВМКБ Фаромуз Иргашев, ки низ даъвои иштирок кардан дар интихоботи қарибулвуқӯро намуда буд, ба далели ҷамъ наовардани имзои кофӣ аз сабқат канор монд.

 Ҳамзамон Иброҳимҷон Юсуфбеков, ки қаблан хостори иштирок кардан дар интихоботи президентиро намуд, умуман ҳуҷҷатҳои лозимаро ба КМИ пешниҳод накард.

Ёдовар мешавем, интихоботи Президентии Тоҷикистон рӯзи 11 - уми октябри соли ҷорӣ баргузор мешавад. Дар Тоҷикистон ҷамъан 68 ҳавзаи интихоботӣ ташкил карда шудааст. Инчунин барои тоҷикони бурунмарзӣ низ барои иштирок намудан дар интихоботи мазкур, 39 ҳавзаи интихоботӣ омода карда мешавад.

498
Барчаспҳо:
имзо, КМИР, Тоҷикистон, Интихоботи президентӣ
Мавзуҳо:
Интихоботи президентӣ - 2020

Оғози машқҳои низомии “Қафқоз-2020”

0
(Таҷдидшуда 01:15 23.09.2020)
Машқҳои байналмилалии низомӣ “Қафқоз-2020” дар вилояти Астрахани Русия оғоз ёфтанд. Дар ин машқҳои низомӣ бе аз 80 ҳазор аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок хоҳанд кард

Машқҳои низомӣ санаи 21 сентябри соли равон оғоз ёфтанд. Таи ҳафтаи ахир  низомиён таҷҳихзоту аслиҳаро барои иштирок дар машқҳои низомӣ омода карданд. 

Аз ҷумла пеш аз оғози машқҳои байналмилалӣ тамоми низомиён аз санҷиши вируси корона гузаронида шуданд.

Дар машқҳо беш аз 80 ҳазор нафар аскару афсар, инчунин 250 тонк, 450 худрави ҷангии пиёданизом, 200 тӯпу рокетандоз иштирок доранд.

Русия барои иштирок дар ин машқҳо ҳамчунин низомиёни Арманистон, Мянма, Покистон ва Эронро низ даъват кардааст.

Низомиёни Тоҷикистон ба ин машқҳои низомӣ ба ҳайси нозир даъват шудаанд.  

Ҳамчунин дар феҳристи кишварҳои даъватшуда Озарбойҷон ва Ҳиндустон низ буд, аммо мақомоти ин кишварҳо имсол аз иштирок дар ин машқҳои низомӣ “Қафқоз-2020”худдорӣ карданд.

0
Барчаспҳо:
Афсар, аскар, Астрахан, артиш, тамрин, машқи низомӣ, машқ, Русия