Интихоботи роҳбари Тоҷикистон: иштирок дар хориҷ аз кишвар

145
(Таҷдидшуда 23:45 10.10.2020)
Санаи 11 октябри соли равон дар Тоҷикистон интихоботи президентӣ баргузор мешавад. Шаҳрвандони ҷумҳурӣ, ки имрӯзҳо берун аз кишвар ҳастанд, ҳамчунин имкон доранд дар интихоботи раёсатҷумҳурӣ иштирок намоянд
Дар кадом кишвари хориҷӣ метавон дар интихоботи перзидентии Тоҷикистон иштирок кард
© Sputnik

Дар Тоҷикистон 11 октябр интихоботи президентӣ сурат мегирад.

Ҷумҳурӣ барои гузаронидани маъракаи интихоботӣ дар сатҳи олӣ омодагӣ гирифтааст.

Шаҳрвандони ҷумҳурӣ, ки имрӯзҳо берун аз кишвар ҳастанд, ҳамчунин имкон доранд дар интихоботи раёсатҷумҳурӣ иштирок намоянд ва ба номзади дилхоҳи худ раъй диҳанд.

Барои онҳо дар 29 кишвари ҷаҳон 39 ҳавзаи интихоботӣ боз хоҳад шуд.

Дар Аврупо шаҳрвандони Тоҷикистон метавонанд дар Австрия, Белгия, Бритониё, Олмон, Фаронса, Швейтсария раъй диҳанд.

Ҳамчунин ҳавзаҳои интихоботӣ дар Афғонистон, Миср, Ҳиндустон, Эрон, Қатар, Чин, Кувайт, Малайзия, Аморати муттаҳидаи Араб, Покистон, Кореяи Ҷанубӣ, Арабистони Саудӣ, ИМА, Туркия ва Ҷопон боз хоҳад шуд.

Аксари шаҳрвандони Тоҷикистон дар кишварҳои ИДМ кору зиндагӣ мекунанд. Имрӯзҳо шумори зиёди шаҳрвандони Тоҷикистон дар Русия ҳузур доранд. Барои шаҳрвандони Тоҷикистон 5 ҳавзаи интихоботӣ дар шаҳрҳои мухталифи Русия боз шудааст. Инчунин гуфта шудааст, ки шаҳрвандони Тоҷикистон имкон доранд дар Озарбойҷон, Туркманистон, Қирғизистон, Ӯзбекистон, Қазоқистон, Беларус ва Укроин дар маъракаи раъйдиҳӣ иштирок намоянд.

Ба сифати номзад ба мақоми президенти Тоҷикистон расман 5 нафар ба қайд гирифта шуданд. Эмомалӣ Раҳмон, номзади Ҳизби халқии демократӣ, Рустам Латифзода, номзади Ҳизби кишоварзӣ, Абдулҳалим Ғаффоров, номзади Ҳизби сотсиалист, Рустам Раҳматзода, номзади Ҳизби ислоҳоти иқтисодӣ ва Мироҷ Абдуллоев, номзади Ҳизби коммунисти Тоҷикистон дар интихоботи раёсатиҷумҳурии рӯзи 11 октябри ин кишвар рақобат хоҳанд кард.

Интихоботи пешини сарвари давлати Тоҷикистон рӯзи 6 ноябри соли 2013 баргузор шуда буд. Дар интихоботи қаблӣ Эмомалӣ Раҳмон, раисҷумҳури феълӣ пирӯз шуда буд. Аз соли 1994 мақоми раисиҷумҳури Тоҷикистонро Эмомалӣ Раҳмон ишғол мекунад.

145
Барчаспҳо:
Интихоботи раёсатҷумҳурӣ, иштирок, Интихоботи президентӣ, интихобот, Тоҷикистон
Мавзуҳо:
Интихоботи президентӣ - 2020 (77)

Рушди хоҷагиҳои деҳқонӣ дар Тоҷикистон

221
(Таҷдидшуда 15:05 15.10.2020)
Ҳиссаи хоҷагиҳои деҳқонӣ дар Тоҷикистон ва ҳаҷми маҳсулоти пешниҳодкардаи онҳо чӣ гуна тағир ёфтанд - ба инфографикаи Sputnik Тоҷикистон нигаред
Хоҷагиҳои деҳқонӣ
© Sputnik

Дар Тоҷикистон дар 20 соли охир ҳиссаи хоҷагиҳои деҳқонӣ хеле афзудааст.

Бояд гуфт, ки 93 дарсад қаламрави Тоҷикистонро кӯҳҳо ташкил медиҳанд. Дар айни замон, масоҳати умумии барои зист мувофиқ каме бештар аз 140 ҳазор километри мураббаъро ташкил медиҳад ва тақрибан 5,5 километри мураббаъ барои зироаткорӣ мувофиқ аст.

Дар аввали моҳи январи соли 2020 дар ҷумҳурӣ 171,9 ҳазор хоҷагиҳои деҳқонӣ мавҷуд буданд. Нисбат ба соли 2014 шумораи онҳо 2,7 маротиба афзудааст.

Инчунин бояд қайд кард, ки дар Тоҷикистон тақрибан 60% қувваи кории кишоварзиро занон ташкил медиҳанд. 

Ҳамин тариқ, дар тӯли 6 сол шумораи занони роҳбар тақрибан се маротиба афзудааст, имрӯз беш аз 38 ҳазор зан роҳбар шуданд.

Намояндагони Созмони Милали Муттаҳид дар соҳаи озуқаворӣ ва кишоварзӣ (FAO) дар Тоҷикистон чунин мешуморанд, ки эътирофи нақши муҳими занон дар соҳаи кишоварзии кишвар ба таъмини амнияти озуқаворӣ дар деҳот мусоидат хоҳад кард.

Трактор барои деҳқонон: Тоҷикистон ҳоло ҳам ба техникаи нави кишоварзӣ ниёз дорад

Аз рӯи миқдори маҳсулоти кишоварзии истеҳсолнамудаи хоҷагиҳо, ҷои аввалро вилояти Хатлон ишғол мекунад.

Дар соли 2019 вилоят ба маблағи 14,4 миллион сомонӣ маҳсулот фурӯхтааст. Аз ин 10 миллион сомонӣ ба зироаткорӣ ва беш аз 4 миллион ба чорводорӣ рост меояд.

Дар ҷои дуюм аз рӯи истеҳсолот вилояти Суғд - 8,1 млн.

Хатлон инчунин дар истеҳсоли пахтаи хом пешсаф аст. Соли гузашта дар он ҷо зиёда аз нисфи пахтаи ҷумҳурӣ - зиёда аз 266 ҳазор тонна ҷамъоварӣ карда шуд.

Инчунин бояд қайд кард, ки баъзе омилҳое, ки ба рушди соҳибкорӣ дар соҳаи кишоварзӣ халал мерасонанд.

Аз ҷумла гарон будани нархи техникаи кишоварзӣ, рушди сусти шабакаи миёнарав, низоми сусти қарздиҳӣ ба хоҷагиҳои деҳқонӣ, инчунин сатҳи пасти тайёрии соҳибкорон мебошад.

221
Барчаспҳо:
хоҷагиҳои деҳқонӣ, рушд, Тоҷикистон

Натиҷаи интихоботи президентии 2020 дар ҶТ

1656
(Таҷдидшуда 11:24 12.10.2020)
Комиссияи марказии интихобот ва раъйпурсӣ (КМИР)-и Тоҷикистон натиҷаҳои пешакии овоздиҳӣ дар маъракаи интихоботи президенти Тоҷикистонро эълон кард

Интихоботи раисиҷумҳур дар Тоҷикистон рӯзи якшанбеи 11 октябр баргузор шуд.

Аксари кулли овозҳо 3 млн. 837 ҳазор 227 - 90,92 дарсадро президенти амалкунандаи ҷумҳурӣ Эмомалӣ Раҳмон соҳиб шуд.

Эмомали Рахмон в день выборов Таджикистана
© Официальная страница пресс-службы президента РТ в Facebook

Ба ҷонибдории номзади Ҳизби аграрӣ Рустам Латифзода 127, 72 овоз яъне 3,3 %, Ҳизби сотсиалист Абдуҳалим Ғаффорзода 62, ҳазору 835 овоз 1, 49%, Ҳизби ислоҳоти иқтисодӣ Рустам Раҳматзода 90 ҳазору 587 овоз,  2,19 % ва Ҳизби коммунистӣ Мироҷ Абдуллоев – ҳамагӣ 49 ҳазору 212 овоз яъне 1, 17 %-и интихобкунандагон овоз доданд.

Бино ба маълумоти КМИР, дар интихоботи президенти Тоҷикистон аз шумори умумии 4 млн. 221 ҳазору 76 - нафар интихобкунадагон 85,39%-и интихобкунандагон ширкат карданд.

Ба маъракаи интихоботи президентӣ дар Тоҷикистон беш аз 122 нафар нозирони байнулмилалӣ аз Дафтари институтҳои демократӣ ва ҳуқуқи башари САҲА (ДИДХБ), ИДМ, Ассамблеяи байнипарлумонии ИДМ, СҲШ, кишварҳои ҷудогона ва созмонҳои байнулмилалӣ ташриф оварданд.

1656
Барчаспҳо:
президентӣ, интихобот, натиҷа, Тоҷикистон
Мавзуҳо:
Интихоботи президентӣ - 2020 (77)
Здание МВД Республики Таджикистан

Бедарак шудаанд: милиса барои пайдо кардани 3 нафар аз мардум кумак хост-видео

0
Вазорати умури дохилии Тоҷикистон дар гузориши ахири видеоияш акси се нафар бедаракшударо намоиш дода, аз мардум барои пайдо кардани онҳо кумак хост

ДУШАНБЕ, 23 окт - Sputnik. Тибқи иттилои Вазорати умури дохилии Тоҷикистон, ноболиғ Садам Қурбонов ҳанӯз моҳи март аз хона баромада бедарак шудааст.

“Садам Қурбонов, соли таваллудаш 2003, истиқоматкунандаи ноҳияи Восеъ, 26-уми марти соли равон аз хона баромада, бедарак аст”, - хабар дод ВУД.

Боздошти Муминов барои қатли тағои 70-солааш: хонаро ба ӯ нею ба додараш додааст-видео

Манбаъ афзуд, Фармонқул Абдураҳмонов, зодаи соли 1971,  бошандаи хона-интернати бемориҳои руҳии шаҳри Ҳисор 22 сентябр баромада, бедарак гаштааст.

Нафари бедаракшудаи дигар Акбарзода Ҷамолиддин, соли таваллудаш 1986, зодаи шаҳри Бохтар мебошад, ки аз 1 сентябри соли равон дар бораи ӯ иттилое нест.  

ВУД хоҳиш кардааст, афроде, ки дар бораи бедаракшудаҳо иттилое доранд, тариқи рақамҳои 2 21 21 21 ё 2 27 98 98 хабар диҳанд.  

0
Барчаспҳо:
бедарак шудан, парванда, Тоҷикистон