Бурди Тоҷикистон аз даъвати омӯзгорони рус

264
(Таҷдидшуда 16:13 10.11.2020)
Бо шарофати мутахассисони рус, кӯдакон малакаи хониши худро такмил медиҳанд, ба асарҳои адабӣ таваҷҷӯҳ зоҳир мекунанд, дар олимпиадаҳо ширкат меварзанд ва имконияти дохилшавӣ ба муассисаҳои таълимии Русияро пайдо мекунанд
Омӯзгорони рус дар Тоҷикистон
© Sputnik

Дар Форуми V байнипарлумонӣ Валентина Матвиенко пешниҳод кард, ки ба ҶТ муаллимони забони русӣ фиристода шавад. Зимнан, Маҳмадсаид Убайдуллоев изҳори дошт, ки омӯзгорони русро барои кор дар мактабҳои кишвар даъват мекунад.

Ҳамин тариқ, Лоиҳаи гуманитарии таълимии Вазорати маориф таҳти сарпарастии Шӯрои Федератсияи Маҷлиси Федеролии Русия ва Парлумони Тоҷикистон оғоз гардид.

Кишвардорони Тоҷикистону Русия, Эмомалӣ Раҳмон ва Владимир Путин низ ҷонибдорӣ пиёда намудани ин тарҳ будаанд.

Ба ҳамин минвол, аз 18 манотиқи Русия омӯзгорони ботаҷриба гирд оварда шуда, ба 22 шаҳру ноҳияҳои Тоҷикистон барои таълим додани хонандагон сафарбар гардиданд.

Коршинос Зенкович гуфт чаро омӯзгорони рус дар Тоҷикистон муваффақ шуданд

Ин омӯзгоронро Русия бо маоши корӣ таъмин мекунад. Хароҷоти роҳу хизматрасонии коммуналӣ ва таъмин кардани онҳо бо манзили зист ба дӯши Тоҷикистон вогузор шудааст.

Гуфта мешавад, аксари омӯзгороне, ки дар ин лоиҳа ширкат меварзанд, ҳавасманди идома додани фаъолияти кории худ дар Тоҷикистон мебошанд.

Аз 48 омӯзгори рус, ки дар Тоҷикистон фаъолият мекунанд, давоми солҳои хониши 2019/2020, танҳо 4 нафари онҳо бо сабабҳои гуногун аз идомаи кор дар Тоҷикистон даст кашиданд.

Маълумоти бештар дар мавриди шумораи омӯзгорони рус, масъулияти онҳо ва аз кадом фанҳо толибилмони тоҷикро дарс меомӯзонанд, аз тасвирбаёни омодакардаи Sputnik Тоҷикистон бубинед.

264
Барчаспҳо:
фоиданок, Тоҷикистон, рус, омӯзгорон

Дар куҷо ва чӣ қадар хориҷиён имкони кор дар Русия доранд

320
(Таҷдидшуда 19:39 18.11.2020)
Русия ҳиссаи талабот ба хориҷиён барои кор дар соҳаҳои гуногуни иқтисодиро дақиқ кард. Тасвирбаён ба суоли дар куҷо ва чӣ миқдор хориҷиён метавонанд дар Русия кор кунанд, посухи дақиқ дорад
Дар куҷо ва чӣ теъдод хориҷиён метавонанд дар Русия кор кунанд
© Sputnik

Сарвазири Русия Михаил Мишустин ахиран муайян намуд, ки соли 2021 дар соҳаҳои гуногуни ин кишвар чӣ миқдор хориҷиён имкони фаъолият карданро доранд.

Ҳамин тариқ, фоизи хориҷиён аз шумораи умумии кормандоне, ки метавонанд дар як ширкати русӣ кор кунанд, муайян карда шуданд.

Муайян шудааст, ки аксари муҳоҷирон метавонанд дар сохтмон кор кунанд. Дар чунин ширкатҳо, ҳиссаи коргарони хориҷӣ метавонад то 80 дарсадро ташкил диҳад. Инчунин, шумораи зиёди коргарони хориҷӣ нисбат ба шаҳрвандони Федератсияи Русия метавонанд дар таъмири бинову тоза кардани ҳудудҳо  кор кунанд. Дар ин ҷо истифода бурдани 70% хориҷиён ҷоиз аст.

Бино бар пандемия 75 дарсади муҳоҷирони меҳнатӣ дар шаҳри Маскав бекор монданд

Нисфи муҳоҷирони меҳнатӣ метавонанд дар соҳаҳои кишоварзӣ, хоҷагии ҷангал ва чӯбкорӣ кор кунанд.

Дар ҳамин ҳол, на бештар аз 24% ҳамаи кормандон метавонанд дар нақлиёти автомобилӣ ва 0% дар фурӯши доруҳо, инчунин дар муассисаҳои савдои ғайрисистемавӣ кор кунанд.

Пештар хабар дода шуд, ки Федератсияи Русия ният дорад ба теъдоди муайяни муҳоҷирон имкони вуруд шуданро фароҳам орад.

Инчунин барои соли 2021 квотаҳо барои додани иҷозат барои иқомати муваққатӣ дар Русия коҳиш дода шуданд.

320
Барчаспҳо:
кор, муҳоҷирон, Русия

Тақвими мусалмонӣ барои соли 2021

980
(Таҷдидшуда 14:13 18.11.2020)
Мусалмонон дар соли 2020 кадом рӯзҳо идҳои Рамазон ва Қурбонро ҷашн мегиранд? Ба тасвирбаёни Sputnik Тоҷикистон назар андозед
Тақвими мусалмонӣ барои соли 2021
© Sputnik

Солшумории мусулмонӣ аз замони ҳиҷрати Расули акрам (с) аз Макка ба Мадина оғоз шудааст.

Ин солшуморӣ дар замони хилофати ҳазрати Умар (с) бо машварати ӯ ва иҷмоъи саҳоба ҷорӣ мегардад. Аввали соли ҳиҷрии қамарӣ аз моҳи Муҳаррам шуруъ мешавад ва аз солшумории шамсӣ 11 рӯз фарқ дорад, зеро бар асоси ҳаракати Моҳ дар мадори худ ҳисоб мешавад.

Мутобиқи тақвими ҳиҷрии қамарӣ ҳоло моҳи Ҷумодал-ухро, яъне моҳи шашуми соли 1441-1442 аст. 

Ҷашнҳои муҳими мусалмононро метавонед дар тасвирбаёни Sputnik Тоҷикистон бубинед.

Масоҷид ва марказҳои мусалмонӣ дар вилояти Маскав дубора ба кор даромаданд

Рақамҳо дар кунҷи чап ба тақвими григорианӣ рабт доранд ва дар кунҷи рост ба тақвими – мусалмонӣ.

Ҷашнҳои мусалмонӣ бо ранги зард ишора шудааст.

Рӯзҳои ид ҳарсол иваз мешаванд. Рӯзҳои ҷашни онҳо аз ҷумла Идҳои Қурбон ва Рамазон аз тарафи мақомоти ваколатдори давлатӣ оид ба дин муайян карда мешаванд. Дар Тоҷикистон ин корро Шӯрои Уламои кишвар анҷом медиҳад.

 Иди Қурбон (ид-ал-Адха) – Иди Қурбон яке аз ду иди асосии мусалмонон аст. Онро дар рӯзи 10-уми моҳи Зулҳиҷҷаи тақвими қамарии исломӣ таҷлил карда, ид се рӯз идома меёбад.

980
Барчаспҳо:
мусалмон, тақвим
Асозода Дилшод Алимурод глава города Нурек  посетил ветерана ВОВ  Гулов Малах

Мақомоти шаҳри Норак ба иштирокчии Ҷанги Бузурги Ватанӣ хона сохт

0
(Таҷдидшуда 19:28 24.11.2020)
Мақомоти шаҳри Норак эълон кардааст, ки ахиран ба Гулов Малах, ки иштирокчии Ҷанги Бузурги Ватанӣ мебошад манзили нави зист иборат аз 3 ҳуҷра сохта тақдим карда шуд

ДУШАНБЕ, 24 июн — Sputnik. Бино бар иттилои дафтари маӣбуоти раиси шаҳри Норак ахиран раиси шаҳр Асозода Дилшод Алимурод ба аёдати иштирокчии Ҷанги Бузурги Ватанӣ Гулов Малах рафт.

Раиси шаҳри Норак бо вазъи зисту зиндагонии пири хирад Гулов Малах ошно гардидааст.

Манбаъ қайд кардааст, ки бо ташаббуси мақомоти шаҳр манзили нави зист иборат аз 3 ҳуҷра, ошхона барои аҳли оилаи Гулов Малах сохта, ба истифодаи онҳо супорида шуд.

Ҳамзамон раиси шаҳри Норак барои мавсими зимистонгузаронӣ ба иштирокчии ҶБВ маблағи пулӣ тақдим кардааст.

Бояд гуфт, ки солҳои ҶБВ аз аҳолии 1,5 милюнии Тоҷикистон камубеш 300 ҳазор кас ба ҷанг рафта, беш аз 100 ҳазор кас аз онҳо шаҳид шудаанд. Аз ин шумор 55 ҳазор сарбозу афсар бо нишону медолҳо ва 54 кас бо болотарин унвони кишвар - Қаҳрамони Иттиҳоди Шуравӣ сарфароз гардиданд.

0
Барчаспҳо:
ҶБВ, куҳансарбоз, собиқадорон, Норак, Тоҷикистон