Соли мотам: бузургони рафта дар соли 2020

2581
(Таҷдидшуда 13:48 23.12.2020)
Соли 2020 барои аҳли зиё, фарҳанг, маориф, низомӣ ва дигар қишрҳои ҷомеаи Тоҷикистон талафоти бузург овард. Намояндагони зиёди барҷастаи тоҷик имсол моро тарк карданд
Соли 2020 ҷони кадом ашхоси машҳури Тоҷикистонро гирифт
© Sputnik

Албатта ба ин талафоти бузург ҳамагирии COVID – 19 бетаъсир намонд. Чун сатҳи даргузашт аз моҳи апрел ин сӯ якбора баланд шуд.

Пас аз расидани “пову қадами” коронавирус ба Тоҷикистон, ки расман аз он 30 апрел мақомот гузориш доданд ва ҳатто то хабари расмӣ, ҳамагуна хабар дар бораи даргузашти ин ё он нафар дар шабакаҳои иҷтимоӣ ҳангомаофар мегардид.

Боиси зикр аст, ки оморҳои ҷамъовардаи Sputnik Тоҷикистон нишон доданд, ки соли 2020 нишондоди марг аз илтиҳоби шуш хело афзудааст.

Ва ё гоҳо наздикони фавтидагон иттилоъ медоданд, ки марҳум аз коронавирус даргузашт, аммо аз ҷониби Вазорати тандурустӣ тасдиқ ё инкор намегардид.

Ба ҳар ҳол, бино бар омори расмии вазорат, то имрӯз аз COVID-19 дар Тоҷикистон 89 тан аз коронавирус ҷон бохтаву шумораи гирифторон ба 12 ҳазору 960 нафар расидааст.

Донишмандону шоирон

Ҳамин тавр, Тоҷикистон дар соли 2020 донишмандоне  чун  - доктори илмҳои филологӣ

Абдусаттор Нуралиев , шоир ва рӯзноманигор Сардор Раҳдор, доктори илмҳои филологӣ, забоншинос Баҳриддин Камолиддинов, олими таърихшинос Баҳодур Раҳматовро аз даст дод.

Ҳамчунин халқи тоҷик ба сабаби  вируси корона бо муаллифи суруди миллии Тоҷикистон, шоири халқӣ Гулназар Келдиро видоъ кард.

 Файласуф Мӯсо Диноршоев, доктори илмҳои филологӣ Муҳаммадқул Ҳазратқулов, муҳаррири Энсиклопедияи тоҷик ва узви иттифоқи нависандагони Тоҷикистон Алишери Муҳаммадӣ, Саидмир Шомансуров – олими биолог, Исмоил Раҳматов – олими таърихшинос, Зуҳур Ёров - Олим, геолог, собиқ раиси Кумитаи сангҳои қиматбаҳои ҶТ, собиқ сардори экспедитсияи геологӣ-ҷустуҷӯии "Памирсэкспедитсия", Аълохуҷа Умарзод – риёзидон, Муҳаммадалӣ Аҷамӣ – шоир,  Раҳим Марупов - арбоби шоистаи илм ва техника, Хурсандқул Ибодинов - астрофизики маъруф, собиқ директори Институти астрофизикаи АИ ҶТ низ моро падруд гуфтанд.

 Соҳаи тибб

Пизишкон, ки дар давраи ҳамагирии коронавирус муборизони асосӣ ва қаҳрамонони замон буданд, худ қурбон ин вабо шуданд.

Дар соҳаи тибб низ талафоти зиёде ба қайд гирифта шуд. Тоҷикистон пизишкони барҷастаро чун ҷарроҳи машҳури Тоҷикистон – Саидшоҳ Акрамов, саратоншинос - Фурқат Мансуров, аввалин ҷарроҳи дил дар Тоҷикистон – Икром Болтабоев, Озодалӣ Муъминҷонов табиби осебшинос ва собиқ мудири Бемористони марказии ноҳияи Ашт, Садриддин Раҳимов, мудири шуъбаи ҷарроҳии калонсолони Бемористони клиникавии Суғд, Абдумалик Ҳафизов муовини сартабиби Фурудгоҳи байналмиллалии Хуҷанд, Шоира Бузрукова, сардухтури таваллудхонаи вилояти Суғд ва ғайраҳо аз даст дод.

Кашфи шакли нави коронавирус дар Бритониё: “70% сироятёбандатар аз пешӣ”

Афзун бар ин бурун аз марзи Тоҷикистон, дар Русия Шавкат Ҳафизов, табиби сироятшиноси тоҷик қурбони коронавирус шуд.

Соҳаи фарҳанг

Соли 2020 ҳунармандони машҳурро аз мо рабуд, ки марги бархе аз онҳо нобаҳангом буд. Тоҷикистон фарҳангиёне чун -  Ҳунарманди мардумии Тоҷикисто – Савринисо Сабзалиева, оҳангсоз, Ҳунарпешаи шоистаи Тоҷикистон Хуршеди Алидодро аз даст дод.

Диктор, ровии чорабиниҳои сатҳи олӣ Мунира Ҳакимова, дар паи бемории COVID – 19 даргузашту сарояндаи эстрада, дорандаи ҷоизаи “Сарояндаи сол” Баҳром Ғафурӣ дар як садамаи нақлиётӣ ҷон ба ҳақ супурд.

Ҳамчунин овозхони маъруф -  Ҷурабек Назрӣ аз олам чашм пӯшид.

Сиёсатмадорон ва низомиён

Тоҷикистон дар баробари донишмандон ва табибон сиёсатмадорону низомиёни барҷастаро аз даст дод, ки ҳар яки онҳо дар таърихи Тоҷикистон саҳми босазое гузоштаанд.

Нахустин раиси Суди Олӣ – Шароф Маҳмудов, ки соли 1991 Эъломияи истиқлоли Тоҷикистонро имзо кард имсол аз дунё чашм пӯшид. Ҳамчунин сиёсатмадори барҷаста Сайфиддин Тӯраев, ки  соли 1992 номзад ба мансаби президентӣ шуда буд бар асари бемории “вируси корона” ҷон аз даст дод.

Мотам дар суди тиббӣ: даргузашти сармутахассиси 56 - солаи вазорати тандурустӣ

Дар ин миён генерал-майор Абдулло Ҳабибов, генерал майор Адулназар Абдуласанов, фармондеҳи пешини нерӯҳои сарҳадии Тоҷикистон - Абдураҳмон Азимов, раиси пешини дастгоҳи Маҷлиси миллӣ, муовини вазири корҳои дохилӣ - Шамсзода Абдуҷабор Саймумин, муовини пешини вазри дифоъ - Абдусамад Самиев, генерал-майор - Зиёратшо Ғайратшозода, раиси пешини шаҳри Хоруғ - Назарбегим Муборакшоева, генерал-майор - Миллопар Бандишоев, собиқ раиси кумитаи иҷроияи шаҳри Душанбе - Набӣ Шораҳмонов низ моро тарк гуфтанд.

Кадом шахсиятҳои барҷаста дар соли 2020 дунёро тарк карданд, аз тасвирбаёни Sputnik Тоҷикистон тамошо кунед.

2581
Барчаспҳо:
олим, Шоира, даргузашт, фарҳанг, Тоҷикистон

Танку тӯпу зиреҳпӯш: қудрати ҳарбии Тоҷикистон дар рақамҳо

1096
(Таҷдидшуда 18:25 22.01.2021)
Дар Тоҷикистон ҳамасола барои мусаллаҳшавӣ тақрибан 79 миллион доллар масраф мекунанд. Sputnik Тоҷикистон муайян кард, ки маҷмааи мудофиаи дохилӣ аз чӣ иборат аст
Қудрати ҳарбии Тоҷикистон - 2021
© Sputnik

Дар рейтинги навшудаи байналмилалии қудрати ҳарбӣ, Тоҷикистон аз қатори 138-и имконпазир мақоми 99-умро ишғол кардааст.

Тибқи маълумоти нашркардаи ширкати байналмилалии Global Firepower, мавқеи ҷумҳурӣ дар тӯли сол тағйир наёфтааст. Дар артиши Тоҷикистон нӯҳ ҳазор нафар ҳузур доранд. Ин 0,1% аз шумораи умумии аҳолиро ташкил медиҳад. Маълум аст, ки Тоҷикистон дар соли 2020 барои мудофиа ва силоҳ 79 миллион доллар ҷудо кардааст.

Аз миёни таҷҳизоти техникии ҳарбӣ дар Тоҷикистон аз ҳама беш техникаи зиреҳпӯш - 400 адад, мавҷуд аст. Сипас дар ин феҳраст танкҳо қарор доранд, ки шумораи умумии онҳо 253 адад аст.

Гузашта аз ин, дар низоми захиравии кишвар 125 маҷмааи мушакӣ, 80 тӯп ва 20 чархбол қарор доранд.

Қонуни нави хизмати ҳарбӣ: маблағу тартибро Ҳукумат муайян мекунад

Аз миёни кишварҳои Осиёи Марказӣ, Ӯзбекистон қавитарин артишро дорад, ки бо 50 000 сарбозаш дар ҷои 51-ум қарор гирифта, ба ин соҳа 15 миллиард доллар масраф мекунад.

Қирғизистон каме болотар аз Тоҷикистон, дар хатти 93 қарор дорад, ки 11 000 сарбоз ва 20 миллион доллари амрикоӣ барои силоҳ солона харҷ мекунад.

Буҷаи мудофиавии Афғонистону Қазоқистон 4 миллиард доллар ва аз Туркманистон 800 миллион доллар мебошад.

1096
Барчаспҳо:
ҳарбӣ, қувва, Тоҷикистон

Хароҷоти буҷаи Тоҷикистон дар соли 2021

105
(Таҷдидшуда 13:50 18.01.2021)
Хароҷоти умумии буҷаи давлатии Тоҷикистон дар соли 2021 аз 27,6 миллиард сомонӣ зиёд хоҳад шуд. Маблағҳо ба куҷо масраф мешаванд: аз тасвирбаёни Sputnik Тоҷикистон бинед
Хароҷоти буҷаи Тоҷикистон дар соли 2021
© Sputnik

Тибқи маълумоти Вазорати молияи Тоҷикистон, дар соли 2021 қисми хароҷоти буҷаи давлатӣ нисбат ба соли 2020 6,1% зиёдтар аст.

Манбаъҳои ташаккули буҷети давлатии Тоҷикистон дар соли 2021 андозҳо (18,8 миллиард сомонӣ), даромадҳои ғайриандозӣ (1,39 миллиард сомонӣ), грантҳои ташкилотҳои байналмилалии молиявӣ (0,3 миллиард сомонӣ), қарзҳо ба лоиҳаҳои сармоягузории давлатӣ (4,87 миллиард сомонӣ), маблағҳои махсуси муассисаҳои буҷетӣ (2,26 миллиар сомонӣ) ташкил медиҳанд.

Дар соли 2021 ба бахши иҷтимоии иқтисод 13,16 миллиард сомонӣ ва ба бахши воқеии иқтисод 8,38 миллиард сомонӣ равона мешавад.

Хароҷоти буҷет соли - 2020: кадом бахшҳо муҳиманд

Аз буҷаи давлат барои бахши қудрат ва идоракунии давлатӣ 1,43 миллиард ва барои мудофиа ва ҳифзи ҳуқуқ 2 миллиард сомонӣ ҷудо карда мешавад. Ғайр аз ин, 2 миллиард сомонӣ барои пӯшонидани ӯҳдадориҳои қарзӣ равона хоҳад шуд.

Тибқи гузориши пешниҳодшуда, имсол ба нақша гирифта шудааст, ки қисми зиёди маблағҳо ба соҳаи маориф - 5,59 миллиард сомонӣ равона карда шаванд.

Аз даромад то каср: буҷети шаҳрвандӣ барои соли 2020

Барои суғуртаи иҷтимоӣ ва ҳифзи аҳолӣ 4,1 миллиард сомонӣ сарф карда мешавад. Қариб ҳамин миқдор маблағ дар Тоҷикистон барои рушди комплекси энергетикӣ ва сӯзишворӣ равона мегардад. Ҳамзамон, касри буҷа 0,5% ё 463 миллион сомонӣ пешбинӣ шудааст.

105
Барчаспҳо:
буҷа, Тоҷикистон

Дигар аз ҷояш нахест: Поре ба таври муассир Макгрегорро нокаут кард - видео

0
(Таҷдидшуда 11:33 24.01.2021)
Дар набарди асосии UFC 257, Коннор Макгрегори ирландӣ аз Дастин Прреи амрикоӣ, ки шаш сол пеш нокаут карда буд, мағлуб шуд

Дар Аморати Муттаҳидаи Араб дар "Ҷазираи муҳорибаҳо" мусобиқаи UFC 257 хотима ёфт. Мухлисон бесаброна интизори бозии ҷавобии байни размикори ирландӣ Коннор Макгрегор ва амрикои Дастин Поре буданд.

Муборизаи Макгрегор бо Поре дар даври дуввум хотима ёфт.

Агар дар даври аввал ва аввали даври дуюм эҳсоси ғалабаи Макгрегор пайдо шуда бошад ҳам, пас дар ниҳоят вазъ тағир ёфт.

Дар навор дида мешавад, ки Поре аввал пайи ҳам зарбаҳои Макгрегорро сар медиҳад. Дар баробари ин, варзишгар ноумед намешавад ва ҳатто рақибашро масхара мекунад.

Дар навор дида мешавад, ки Дастин омодагӣ мебинад ва ҳамлаҳои пайдарпайи худро оғоз мекунад. Ин Конорро ошуфта мекунад.

Дар натиҷа, Поре дар чанд сония Макгрегорро нокаут мекунад.

Ҳамзамон мушоҳида мешавад, ки зарба он қадар шадид буд, ки бори дуввум Макгрегор натавонист хеста чанд дақиқа дар рӯйи октагон дароз кашад.

0