Ҳаводиси муҳими соли 2020 дар Тоҷикистон

297
(Таҷдидшуда 19:50 28.12.2020)
Ҳаводиси муҳими соли 2020 дар Тоҷикистонро дар тасвирбаёне ҷамъ овардем, ки аз интихобот то масҷидбандию тирпаррониҳо дар марзро фаро мегирад
Ҳаводиси муҳими соли 2020 дар Тоҷикистон
© Sputnik

Баҳори соли равон ҳайати нави вакилони Маҷлиси намояндагони Тоҷикистон интихоб шуд. Рустами Эмомалӣ, шаҳрдори Душанбе, раиси Маҷлиси миллӣ - палатаи болоии парлумон шуд.

Баъдан пандемияи коронавирус сар заду дар макотиб таътил эълон шуд. Масоҷидро бастанд. Дар замони пандемия ситоди зиддиэпидемикӣ ташкил шуда, телефони боварӣ дар масоили коронавирус фаъол гардид. Барои паҳнсозии огоҳонаи бемориҳои сироятӣ – ҳабс аз 5 то 10 сол роҳандозӣ шуд.

Инчунин тибқи тағйирот дар қонунгузории Тоҷикистон, истифодаи пасвандҳои славянӣ дар номгузории тоҷикӣ истисно шуд.

Сел дар ноҳияи Хуросони вилояти Хатлон, ки ба 338 оила зиён расонду тирпарониҳо дар марзи Тоҷикистону Қирғизистон, ки маҷруҳону кушта барҷой гузоштанд, аз ҳаводиси нохуши соли 2020 буданд.

Дар баробари ин соли равон мақомоти Тоҷикистон ҳушдор доданд, ки ба далели камобӣ эҳтимоли камбуди нерӯи барқ ҷой дорад.  Аммо ахиран “Барқи тоҷик” аз лағви маҳдудиятҳои таъминоти барқ эълон карда, мардумро ба сарфакорӣ даъват намуданд.

Имсол инчунин 5 500-солагии Саразм таҷлил шуд. Интихоботи шашуми президенти Тоҷикистон аз ҳаводиси муҳими дигари соли 2020 буданд, ки Эмомалӣ Раҳмон дигарбора дар он пирӯз шуд.

>> Ҳаводиси 2019: аз задухӯрдҳои марзӣ то допинг, афв ва моҷарои пулфиристӣ

297
Барчаспҳо:
муҳим, ҳаводис, Тоҷикистон

Савдои хориҷии Тоҷикистон дар соли 2020

32
(Таҷдидшуда 20:57 27.01.2021)
Гардиши мол миёни Тоҷикистон ва кишварҳои хориҷӣ дар соли 2020 каме афзуд. Аммо тавозуни савдо ҳамоно манфӣ буда, Тоҷикистон ҳанӯз аз колои воридотӣ вобаста аст
Савдои хориҷии Тоҷикистон дар соли 2020
© Sputnik

Тоҷикистон дар соли 2020 бо 108 кишвари дунё табодули коло кардааст, ки аз он 10 давлати Иттиҳоди Давлатҳои Мустақил ва боқимонда кишварҳои хориҷи дур мебошанд.

Содирот аз Тоҷиикстон асосан ба Швейтсария – 49,0%, Туркия – 14,4%, Қазоқистон – 10,8%, Ӯзбекистон – 5,7%, Афғонистон – 5,0%, Русия – 2,9%,  Чин – 2,4%,  Белгия – 2,3%,  Итолиё – 1,1%,  Покистон – 1,0%, Гурҷистон – 0,9% ва дигар давлатҳо – 4,3% сурат гирифтааст.

Содироти нисбатан зиёд бар воридот дар додугирифт бо Швейтсария (682,0 млн. доллар), Туркия (83,4 млн. доллар), Афғонистон (69,0 млн. доллар),  Белгия (28,5 млн. доллар), Гурҷистон (11,1 млн. доллар),  Ҷазираҳои Вирҷин (6,7 млн. доллар) ва Латвия (6,3 млн. доллар) сабт шудааст.

Дар феҳрасти маҳсулоти асосии содиротии Тоҷикистон маҳсулоти ғизоӣ, аз ҷумла хушкмева, сангҳои гаронбаҳою нимақима, шароб ва нӯшокиҳои бе алкогол, маҳсулоти нассоҷӣ ва ғайра зикр шудаанд.

Дар мавриди воридоти мол зикр шудааст, ки Тоҷикистон колоро асосан аз Русия – 29,6%, Қазоқистон – 24,0%, Чин – 13,9%, Ӯзбекистон – 7,9%, Туркия – 3,8% ва аз Олмон – 2,9% ворид кардааст.

32
Барчаспҳо:
содирот, воридот, савдо, Тоҷикистон

Танку тӯпу зиреҳпӯш: қудрати ҳарбии Тоҷикистон дар рақамҳо

1366
(Таҷдидшуда 18:25 22.01.2021)
Дар Тоҷикистон ҳамасола барои мусаллаҳшавӣ тақрибан 79 миллион доллар масраф мекунанд. Sputnik Тоҷикистон муайян кард, ки маҷмааи мудофиаи дохилӣ аз чӣ иборат аст
Қудрати ҳарбии Тоҷикистон - 2021
© Sputnik

Дар рейтинги навшудаи байналмилалии қудрати ҳарбӣ, Тоҷикистон аз қатори 138-и имконпазир мақоми 99-умро ишғол кардааст.

Тибқи маълумоти нашркардаи ширкати байналмилалии Global Firepower, мавқеи ҷумҳурӣ дар тӯли сол тағйир наёфтааст. Дар артиши Тоҷикистон нӯҳ ҳазор нафар ҳузур доранд. Ин 0,1% аз шумораи умумии аҳолиро ташкил медиҳад. Маълум аст, ки Тоҷикистон дар соли 2020 барои мудофиа ва силоҳ 79 миллион доллар ҷудо кардааст.

Аз миёни таҷҳизоти техникии ҳарбӣ дар Тоҷикистон аз ҳама беш техникаи зиреҳпӯш - 400 адад, мавҷуд аст. Сипас дар ин феҳраст танкҳо қарор доранд, ки шумораи умумии онҳо 253 адад аст.

Гузашта аз ин, дар низоми захиравии кишвар 125 маҷмааи мушакӣ, 80 тӯп ва 20 чархбол қарор доранд.

Қонуни нави хизмати ҳарбӣ: маблағу тартибро Ҳукумат муайян мекунад

Аз миёни кишварҳои Осиёи Марказӣ, Ӯзбекистон қавитарин артишро дорад, ки бо 50 000 сарбозаш дар ҷои 51-ум қарор гирифта, ба ин соҳа 15 миллиард доллар масраф мекунад.

Қирғизистон каме болотар аз Тоҷикистон, дар хатти 93 қарор дорад, ки 11 000 сарбоз ва 20 миллион доллари амрикоӣ барои силоҳ солона харҷ мекунад.

Буҷаи мудофиавии Афғонистону Қазоқистон 4 миллиард доллар ва аз Туркманистон 800 миллион доллар мебошад.

1366
Барчаспҳо:
ҳарбӣ, қувва, Тоҷикистон
Мужчина с автоматом в руке, архивное фото

Ҳимояи худу фарзандон: шарҳи дастгиршуда дар Турсунзода дар бораи нигоҳдории силоҳ - видео

0
(Таҷдидшуда 20:55 27.01.2021)
Вазорати умури дохилии Тоҷикистон аз парвандаи ҷиноӣ алайҳи сокини шаҳри Турсунзода барои нигоҳдории ғайриқонунии силоҳ ва лавозимоти ҷангӣ хабар додааст

ДУШАНБЕ, 27 янв — Sputnik.  Бар асоси гузориши ВУД, маъмурини Раёсати кофтукоби ҷиноӣ дар пайи як амалиёт Маъбурҷон Таҳоров, сокини кӯчаи Айнии шаҳри Турсунзодаро дастгир кардаанд.

Дар пайи кофтукоб дар боми хонаи падари дастгиршуда, дар деҳаи Шукурови шаҳри Турсунзода як автомати Калашников бо 29 дона тир ва норинҷак пайдо карда шуд. Таҳоров дар гузориш изҳор медорад, ки ин аслиҳаро солҳои 1997 ё  1998 ба ивази 300 доллар бо ҳадафи ҳимоя харид.

Ӯ тавзеҳ дод, ки ин силоҳро он замон барои ҳимояи худу фарзандонаш гирифта буд.

Вазорати умури дохилии Тоҷикистон таъкид намуд, ки феълан алайҳи Таҳоров парвандаи ҷиноӣ оғоз шудааст. Ин ниҳод зикр намуд, афроде, ки ихтиёран ба мақомоти умури дохилӣ силоҳи оташфишон месупоранд аз ҷавобгарӣ озод мешаванд.

0
Барчаспҳо:
силоҳ, шаҳри Турсунзода, Тоҷикистон