Ҷойҳои ҷашни Наврӯз дар Душанбе

440
(Таҷдидшуда 13:34 20.02.2021)
Наврӯз ба далоили беҳдоштӣ имсол дар Тоҷикистон на ба шевае таҷлил мегардад, ки солҳои қаблӣ ҷашн гирифта мешуд. Дар тасвирбаён маконҳо асосии чорабиниҳои идона дар Душанбе гирд оварда шудаанд
Наврӯз-2021 дар Душанбе
© Sputnik

Ҷашни Наврӯз имсол дар Душанбе чор рӯз давом хоҳад дошт. Чорабиниҳои асосӣ 21 март дар назаранд.

Имсол ҷашн асосан дар боғи "Курӯши Кабир" ва Боғи ба номи Садриддин Айнӣ дар назар аст. Гузашта аз ин, чорабинӣ ва консерт дар ду ҷойи дигар дар майдони Сино ва дар наздикии прокуратураи шаҳрӣ ва Боғи истироҳативу фароғатии ба номи Фирдавсӣ баргузор мегардад.

Дар Боғи марказии Рӯдакӣ сайругашти оммавӣ баргузор карда мешавад, аммо ташкили консерт ба нақша гирифта шудааст.

Дар мавриди мусобиқаҳои варзишӣ бошад, ба монанди гӯштингирӣ ва пойга низ дар "Наврӯзгоҳ" дар рӯзҳои таҷлили Наврӯз баргузор карда мешавад.

Боз як тӯҳфаи дигар ба Наврӯз ташкили намоишгоҳ-фурӯшгоҳҳои ҷашнӣ дар бозори "Меҳргон", "Саховат" ва наздикии майдони Қаряи Боло мешавад.

Ба иттилои шаҳдорӣ, дар ҳар яке аз боғҳои Душанбе аз пагоҳ то бегоҳ барномаҳои консертӣ ташкил карда мешавад, ки дар он гурӯҳҳои рақсӣ ва ситораҳои тоҷик ҳунарнамоӣ хоҳанд кард.

Таббохони маҳаллӣ бо хӯроки миллӣ сокинонро шод хоҳанд кард ва занон коми душанбегиҳоро бо суманак ширин хоҳанд намуд.

440
Барчаспҳо:
Душанбе, Наврӯз, Тоҷикистон

Тоҷикистон аз Чин чанд пул қарздор аст

193
(Таҷдидшуда 20:01 01.03.2021)
Раванди қарздиҳии Чин ба Тоҷикистон тайи наздик ба 20 соли охир идома дошта, феълан қарзи аз ҳама зиёди ҷумҳурӣ дар назди бонку муассисаҳои чинӣ мебошад
Тоҷикистон аз Чин чанд  қарздор аст
© Sputnik

Аз далелҳои рӯй овардани Тоҷикистон ба қарзҳои чинӣ имтиёзноку дастрасии осон арзёбӣ мешавад.

Муассисаҳои қарздиҳандаи асосӣ “Эксимбонк”, Бонки давлатии рушди Чин ва Бонки мардумии Чин мебошанд.

Маблағҳои чинӣ асосан барои лоиҳаҳои инфрасохторӣ дар соҳаи нақлиёт, энергетика ва дигар бахшҳо сарф мешаванд.

Аз ҷумла сохтмони роҳи Душанбе – Чаноқ – Хуҷанд, ягона роҳи пулакии Тоҷикистон, нақби Шар-Шар, Маркази барқу гармидиҳии “Душанбе – 2” ва хатҳои интиқоли барқ аз ҷумлаи лоиҳаҳое мебоошанд, ки бо қарзҳои Чин амалӣ шудаанд.

Инчунин корхонаҳои зиёди муштарак таъсис дода шудаанд, ки дар бахшҳои гуногун, аз истихроҷи тилло то истеҳсоли сементу масолеҳи дигари сохтмонӣ фаъолият мекунанд.

Бархе аз ширкатҳои дигари чинӣ, аз ҷумла Xinjiang Production and Construction, “Синзян инхай” ва “Хай Ли” қитъаҳои замин дар Тоҷикистонро гирифта ба истеҳсоли маҳсулоти кишоварзӣ машғул мебошанд.

193
Барчаспҳо:
қарз, Чин, Тоҷикистон

Содирот ва воридоти Тоҷикистон дар соли 2020

145
Дар соли 2020 сохтори содирот ва воридоти Тоҷикистон ба таври назаррас тағир ёфт
Содирот ва воридоти Тоҷикистон дар соли 2020
© Sputnik

Тибқи маълумоти Палатаи савдо ва саноати Тоҷикистон, соли гузашта ҳаҷми умумии савдо 4,557 миллиард долларро ташкил додааст. Дар айни замон, содирот ба 1,4 миллиард доллар расид, дар ҳоле ки воридот аз 3,1 миллиард доллар убур кард.

Дар соли 2020, Тоҷикистон асосан металлҳои қиматбаҳоро ба хориҷ фиристод (49% аз ҳаҷми умумӣ). Сухан дар бораи содироти тилло ба Швейтсария меравад, ки ба дастгирии иқтисоди ҷумҳурӣ дар давраи пандемия кумак кард. Инчунин аз ҷумлаи молҳои бештар содиршуда алюминий, пахта ва маъдан буданд.

Даромади фурӯш ба алюминий, пахта, чормағз, семент, маъданҳо ва нерӯи барқ ​​коҳиш ёфт, аммо афзоиши меваю сабзавот, тамоку ва чарм ба қайд гирифта мешавад.

Дар давраи пандемия, тағйирот ба воридоти Тоҷикистон низ таъсир расонданд. Соли гузашта ҷумҳурӣ бештар аз шарикони хориҷӣ гандум ва ғалла, маҳсулоти нафтӣ ва сӯзишворӣ, гази моеъ, таҷҳизоти нақлиётӣ ва техникӣ мехарид.

Дар Тоҷикистон феҳристҳои содироти маҳсулоти кишоварзӣ ва саноатӣ таҳия шуд

Дар соли 2020, Тоҷикистон хароҷоти хариди гандум, орд, равғани растанӣ, нуриҳои минералӣ, гази табиӣ ва ангиштро афзоиш дод. Ҳамзамон, хароҷот барои хариди гилхок, гази моеъ, сӯзишвории ҳавоӣ, маҳсулоти нафтӣ ва шакар кам карда шуд.

145
Барчаспҳо:
воридот, содирот, Тоҷикистон
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

503
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

503