Пресс-конференция Уполномоченного по правам человека в Таджикистане

Дона Набиевро намешиносем: омбудсмени Тоҷикистон дар бораи зиндони пирамард

1714
(Таҷдидшуда 13:56 04.02.2021)
Рӯзноманигорон аз ваколатдор оид ба ҳуқуқи инсон дар Тоҷикистон оид ба қазияи зиндони як пирамарди 81-сола пурсон шуданд, аммо ғайр аз он ки мо ӯро намешиносем, қариб ки дигар посухе нагирифтанд

ДУШАНБЕ, 4 фев – Sputnik. Омбудсмени тоҷик Умед Бобозода дар бораи саволҳои пай дар пайи рӯзноманигорон дар рафти нишасти матбуотӣ оид ба қазияи зиндони як пирамарди тоҷик Дона Набиеви 81-сола гуфт, "ӯро намешиносад".

Саволи намояндагони расонаҳо дар бораи он буд, ки то куҷо қазияи пирамард ба меъёрҳои байналмилалии ҳуқуқи инсон рост меояд, аммо посухи ваколатдор ва муовинаш хело норӯшан садо медод.

Пас аз такрор шудани ин суол аз ҷониби чанд расона, онҳо саранҷом гуфтанд, ки "одатан пас аз муроҷиати нафаре ба таҳқиқи қазия шурӯъ мекунанд, Дона Набиев бошад ба онҳо муроҷиате накардааст".

"Набиеве, ки шумо мегӯед, ба мо муроҷиат накардааст. Ман ростӣ гап, ҳозир аз ҳамкоронам пурсидам, ки кист вай иттилое надорам ва чизе гуфта намедонам", - қайд кард Бобозода.

Дар ҳамин ҳол, омбудсмени  тоҷик гуфт, ки дар мавриди шиканҷа дар соли 2020 ба онҳо ҳафт муроҷиат шуда буд, ки аз он як ҳолати муносибатҳои ғайриқонунӣ тасдиқ шуд ва онҳо барои баррасии он ба мақомоти дахлдор муроҷиат карданд.

Ёдрас мешавем, авалҳои моҳи январ хабар дода шуд, ки Дона Набиеви 81-соларо ба 7 соли зиндон маҳкум гардид.

Дар ҳамин ҳол Вазорати умури дохилии Тоҷикистон боздошту ҳабси Набиев Донаи 81-соларо шарҳ дод, ки бо фаъолияти экстремистӣ муттаҳам мешуд
Ба иттилои дафтари матбуотии ин ниҳод, Набиев Дона зодаи ноҳияи Файзобод, истиқоматкунандаи деҳаи Гулбуттаи ҷамоати деҳоти Чимтеппаи ноҳияи Рӯдакӣ барои содир кардани ҷиноятҳои вазнин 27 августи соли 2020 аз ҷониби мақомоти ВКД боздошт гардид.

Манбаъ мегӯяд, баъди анҷоми тафтиши парвандаи ҷиноятӣ нисбати ӯ, аз тарафи Суди ноҳияи Рудакӣ дар асоси моддаи 3073 қ. 2 Кодекси ҷиноятии Ҷумҳурии Тоҷикистон (Ташкили фаъолияти ташкилоти экстремистӣ (ифротгароӣ) ба муддати 7 сол аз озодӣ маҳрум карда шуд.

Ин ниҳод гуфтааст, Набиев Дона дар куштори оммавии сокинони маҳаллии вилояти Хатлон дар замони ҷанги шаҳрвандӣ даст дорад ва  дар сохтори собиқ Ҳизби наҳзати исломӣ (фаъолияташ дар Тоҷикистон мамнуъ) ба ҳайси “қозӣ” фаъолият намуда, сокинони бегуноҳи ҷумҳуриро ба ҷазоҳои вазнинтарин, ҳатто то ҳукми қатл, маҳкум мекард.

Баъди ба имзо расидани Созишномаи истиқрори сулҳ ва ризоияти миллӣ дар соли 1997 тамоми ҷиноятҳои содирнамудаи ӯ аз ҷониби Ҳукумати Ҷумҳурии Тоҷикистон афв гардида буданд.

Додгоҳ Дона Набиеви 81-соларо 7 сол зиндон кард: ВКД шарҳ дод

Манбаъ мегӯяд, бо вуҷуди он, ки собиқ Ҳизби наҳзати исломӣ 29-уми сентябри соли 2015 фаъолияташ расман манъ карда шуд, Набиев Дона маблағҳои пулии аз тарафи хадамоти махсуси давлатҳои муайян ҷудошударо, тариқи истифодаи масири интиқоли маблағҳо аз кишварҳои сеюм қабул намуда, онҳоро барои паҳнкунии ғояҳои ифротӣ, харидорӣ, нашр ва густариши адабиёти экстремистӣ, ҷалб ва сафарбар намудани ҷавонон ба сафи гурӯҳҳои ҷиҳодӣ сарф мекард.

Ин ниҳод гуфтааст, зимни таҳқиқу тафтиши парванда далелҳои шайъӣ пурра тасдиқи худро ёфтанд ва мувофиқи Кодекси ҷиноятии Ҷумҳурии Тоҷикистон ҳама дар назди қонун баробаранд ва ҳар як шаҳрванд, новобаста аз ҷинсият, синну сол (баъди расидан ба балоғат) дар назди қонун барои кирдорҳои ҷинояткоронааш тибқи ҷазои дар моддаҳои қисми махсуси ҳамин кодекс пешбинишуда ҷавоб мегӯяд.

1714
Барчаспҳо:
пирамард, шиканҷа, Тоҷикистон

Дар болояш "палто" пӯшиду рафт: тафсилоти куштори кӯдак аз ҷониби зани бемор дар Душанбе

6052
(Таҷдидшуда 14:04 07.03.2021)
Хабари куштори кӯдаки 7-сола дар Душанбе сокинонро ба таҳлука андохтааст. Ҳамсояҳои марҳум дарвозаҳоро баставу фарзандонашонро ба кӯча намегузоранд

ДУШАНБЕ, 7 мар — Sputnik. Ҳодисаи куштори як писараки синфи 1-уми мактаби рақами 50- и пойтахт Аҳмадҷон Абдураҳмонов дар кӯчаи Олег Кошевойи Душанбе рух додааст. Гумонбаршавандаи асосӣ, хешованди писарак, ҳамсари амаки падари кӯдак Муборак Абдураҳмоноваи 53-сола гуфта мешавад.

Зан рӯзи ҳодиса, писаракро ба хонааш даъват кардаву баъди чанд дақиқа аз манзил берун мешавад ва нопадид мегардад. Ҷасади писаракро аз хонаи зан пайдо мекунанд.

Хабар дар бораи ин ҳодиса, ки шоми дирӯз дар шабакаҳои иҷтимоӣ нашр шуд, феълан аз ҷониби мақомот тавзеҳ дода нашудааст.

Ба Sputnik Тоиҷикистон даст дод, ки бо шоҳиди ҳодиса, яке аз аъзои хонавода, ки нахост номаш ифшо шавад, сӯҳбат кунад. 

Ба гуфтаи вай, рӯзи панҷум писарак пас аз дарс бояд ба хона бармегашт, аммо наомад. Пайвандонаш ӯро тӯли се соат, аз соати 14 то 17 ҷустуҷӯ карданд, ки бенатиҷа буд.

Дар ҳамин ҳол, баъди чанде ҷисми беҷони кӯдакро амаки падараш аз манзилаш пайдо кардааст. Зани мард писаракро ба хона дароварда бурдааст.

Ба гуфтаи узви хонаводаи марҳум , камераҳои мушоҳидавӣ сабт кардаанд, ки чигуна гумонбаршаванда, ҳамсоя ва хешованди хонавода Муборак Абдураҳмонова писаракро ба манзилаш медарорад ва баъди даҳ дақиқа худ берун шудаву меравад.

Ӯ меафзояд, ҳодиса пас аз зӯҳри 5 март, вақте Аҳмадҷони 7-сола аз мактаб бармегашт, рух дод.

Зани гумонбаршаванда, ки гуфта мешавад, бемории рӯҳӣ дошт, дар ҳамсоягии писараки марҳум ба сар мебурдааст.

"Зани амакам дар назди хона, ки мағоза доранд, савдо мекард. Ҳамон рӯз Аҳмадҷон вақте аз мактаб бармегашт, даъват мекунад. Ӯ давида ба назди зан мераваду дар як лаҳза ӯ кӯдакро ба дарун кашола карда медарорад, ин ҳама дар камераи мушоҳидавӣ ҳаст", - мегӯяд зан.

Амакам, ки ин вақт дар бозор будааст ба хона меояд ва дари мағозаву хонаро баста дида ба таҳлука медарояд, меафзояд ӯ.

"Амакам авал мағозаро мебинад, сипас ҳуҷраҳоро як як аз назорат мегузаронад, ки касе нест. Билохира ба ҳуҷрае ки дар даорун аст медарояд ва кӯдаки моро оғӯштаи хун пайдо мекунад", - меафзояд вай.

Ба гуфтаи духтарак, вақте ҷасади Аҳмадҷони 7-соларо пайдо каданд, бо шикам дар рӯи фарш хобонида шуда буд ва дар болояш палто пӯшида буд.

Расонаҳои иҷтимоӣ
Кӯдаке, ки аз сӯи зани бемори рӯҳие қатл шуд

Ба қавли ӯ, дар навор дида мешавад, ки ҳамагӣ пас аз 7 -10 дақиқа гумонбаршаванда аз манзил берун мешавад, дари мағоза ва дари хонаашроо қуфл мезанад ва меравад.

"Амаким пас аз дидани ин ҳодиса аз тарс падарамро фарёд мекунад. Падарам фикр мекунад, ки ба занаш чизе рух додааст, аммо вақте меравад, мебинад, ки ҷиянам дар даруни хун хобидааст. Ба сараш бо чизе задаанд, ки хуни зиёд рафтааст", - бо алам идома медиҳад вай.

Зани гумонбаршаванд то ҳол нопадид асту онҳо ба милиса хабар додаанд.

"Ҳамаи ҳамсояҳомон дарашон маҳкам баставу кӯдаконашонро ба берун намемонанд", - меафзояд вай.

Аммо ба қавли хонаводаи Аҳмадҷон, зани гумонбаршаванда бемрии рӯҳие надошт ва саломат буд.

"Бемор набуд. Ӯ баъди куштор либосҳояшро дигар кардаву либоси хунолудашро бо худ гирифтааст, магар инсони бемори рӯҳидошта чунин мекунад", - мегӯяд вай ва меафзояд, ки танҳо мехоҳанд, ки ин зан ба дигарон зарар нарасонад ва ба зудӣ дастгир шавад.

6052
Таджикские сомони и рубли, архивное фото

Ошкор шудани қаллобии марди 29 - сола: 66 ҳазор сомониро гирифту "Киа" нахарид

321
(Таҷдидшуда 19:06 04.03.2021)
Вазорати умури дохилаи Тоҷикистон ахиран аз ошкор шудани қаллобии марди 29- сола хабар медиҳад, ки мардеро фиреб карда 66 ҳазор сомониашро аз худ кардааст

ДУШАНБЕ, 4 мар — Sputnik. Бино ба гузориши Вазорати корҳои дохилӣ, ин мард сокини ноҳияи Рудакиро фиреб дода 66 ҳазор сомониашро аз худ кардааст.

Бино ба гузориши манбаъ, дар ин бора ба ШВКД дар ноҳияи И.Сомонӣ бо ариза марди 41-солаи сокини ноҳияи Рӯдакӣ муроиҷат кардааст.

Ба гуфти ӯ, ҳодиса моҳи августи соли 2020, дар ноҳияи И.Сомонӣ рух додааст.

Ӯ гуфтааст, ки ҳангоми дар назди маркази савдои "Рӯдакӣ Плаза" қарор доштанаш марди 29-солаи сокини ҷамоати деҳоти Лоҳури ноҳияи Рӯдакӣ бо роҳи фиреб ба бовариаш даромада, аз ӯ 66 ҳазор сомонӣ гирифтааст.

Мард ваъда додааст, ки бар ивази пулаш ба ӯ як худрави тамғаи "Киа" оварда медиҳад, аммо то ҳол маблағашро барнагардонидааст.

Ҳукми зиндони марди қазоқ барои дуздии 9 мошини хориҷии соҳибкори тоҷик-видео

Манбаъ афзудааст, ки аз рӯи ин ҳодиса тафтишот идома дорад.

321
Барчаспҳо:
ҷиноят, ошкоршавӣ, ошкор, ВКДҶТ, Тоҷикистон
Президент Таджикистана поздравил женщин с Днем матери

Эмомалӣ Раҳмон аз бузургии модарон гуфту ба ҷавонон хитоб кард: дуои некашонро гиред

34
Президенти Тоҷикистон Эмомалӣ Раҳмон занони кишварро ба муносибати фаро расидани ҷашни Рӯзи Модар табрику таҳният гуфт

ДУШАНБЕ, 7 мар — Sputnik. Дар паёми раисҷумҳур, ки котиботаш нашр кардааст, зикр мегардад, ба ифтихори Рӯзи модар, ки дар оғози фасли зебои баҳор фаро мерасад, тамоми модарону бонувони муҳтарам ва хоҳарону духтарони азизро самимона табрик мегӯям ва ба ҳар яки онҳо, пеш аз ҳама, саломатӣ, хушбахтӣ ва рӯзгори осуда орзу менамоям.

Раисиҷумҳури кишвар аз бузургиву ҷойгоҳи модар муфасал зикр карда, ҳамзамон гуфтааст, ки модари тоҷик дар тӯли таърихи чандинҳазорсолаи халқамон садҳо ва ҳазорон фарзандони фарзонаву донишманд, ҷоннисору қаҳрамон, далеру ҷасур, ҷавонмарду диловар ва ватандӯсту ватанпарварро ба дунё овардааст, онҳоро тарбия карда, ба камол расонидааст ва барои хизмат ба мардум ва ҷомеаи башарӣ дуои нек додааст.

Мо ҳамеша ба нерӯи созандаи занону бонувони ватандӯсту ободгари кишвар такя мекунем ва нақши онҳоро дар устувор гардонидани оила, тарбияи шоистаи фарзандони баодобу соҳибмаърифат, инчунин, заҳмату талошҳои пайгиронаи онҳоро дар рушди мамлакат басо арзишманд мешуморем, таъкид мекунад раисиҷумҳур.

Президент гуфтааст, имрӯз мо бо қаноатмандӣ метавонем гӯем, ки тайи сӣ соли истиқлоли давлатӣ занону бонувони мо дар ҳамаи соҳаҳо баробари мардон хизмат карда истодаанд.

Ҳамчунин, бояд гуфт, ки саҳми бонувону занон дар тарбияи насли солим, танзими расму ойинҳо ва муқовимат ба ифротгароиву хурофотпарастӣ басо арзишманд мебошад.

Ҳакимзода аз номи Президент як модари ниёзмандро табрик намуда, ба ӯ хона тақдим кард

Эмомалӣ Раҳмон гуфтааст, дар таълиму тарбияи наврасону ҷавонон, аз ҷумла ҷавондухтарони мо имрӯз дар баробари соҳиби касбу ҳунар намудани онҳо ба ҳаёти мустақилона омода кардан, омӯзонидани ахлоқи ҳамида, маърифати оиладорӣ ва ҳунари кадбонугӣ масъалаҳои муҳимтарин ба шумор мераванд.

"Бо эътимоди комил изҳор медорам, ки модарону бонувони азизи мо рисолати худро дар ин самт низ бо камоли масъулият иҷро мекунанд",- таъкид кардааст раисиҷумҳур.

Президент ба ҳар фарди бонангу номус, махсусан, ба наврасону ҷавонон хитоб кардааст, ки падару модарон ва бонувону хоҳаронро дар ҳама ҳолат эҳтиром намоянд, нисбат ба онҳо ҳамеша меҳрубону дилсӯз бошанд, иззату ҳурмати калонсолонро ба ҷой оваранд ва дуои неки онҳоро гиранд.

Хотирнишон месозам, ки ин меъёр, яъне масъулияти фарзандон барои нигоҳубин ва таъминоти иҷтимоии падару модар дар Конститутсияи мамлакат дарҷ гардидааст.

Мо бояд аҳли ҷомеа ва фарзандони худро ҳамеша ба роҳи рост ва барои ҳифзи истиқлолу озодӣ, амнияти давлат ва ҷомеа, ҳимояи сулҳу оромӣ, суботи сиёсӣ, ваҳдати миллӣ ва таҳкими пояҳои давлатдории миллиамон ҳидоят намоем, тахкид кардааст, раисиҷумҳур.

Қадрдонии поккорони пойтахт аз ҷониби Рустами Эмомалӣ: беш аз 3,5 миллион сомонӣ дод

Кишвардори Тоҷикистон гуфтааст, бовар дорад, ки модарону занони муҳтарам ва бонувону хоҳарони азизи мо минбаъд низ барои тарбияи наслҳои ояндасозу ободгари халқамон, таҳкими оила, ба хотири рушди давлат ва ободии Ватан заҳмат мекашанд.

34