Ребенок с игрушкой на дороге, архивное фото

Ваколатдори ҳуқуқи кӯдак: масъалаи "ахта" кардани педофилҳоро меомӯзанд

393
(Таҷдидшуда 19:00 04.02.2021)
Ваколатдори ҳуқуқи кӯдак дар Тоҷикистон мегӯяд, масъалаи пурзӯр шудани ҷазо барои кӯдакозорӣ дар кишвар омӯхта мешавад

ДУШАНБЕ, 4 фев — Sputnik. Ваколатдори ҳуқуқи кӯдак дар Тоҷикистон Раҷабмоҳ Ҳабибуллозода мегӯяд, масъалаи пурзӯр кардани ҷазои кӯдакозорон дар кишвар омӯхта мешавад.

Дар рафти нишасти матбуотӣ аз хонум Ҳабибуллозода рӯзноманигорон дар бораи муроҷиати фаъолони ҷомеа ба президенти Тоҷикистон дар мавриди пурзӯр кардани ҷазо барои кӯдакозорӣ пурсон шуданд.

Дар посух ваколатдор гуфт, ки аз ин муроҷиатҳо хабар дорад ва дар мавриди масъалаҳое, ки дар он омадааст, кор бурда мешавад.

"Такмили қонунгузорӣ, пурзӯр намудани ҷазо дар ҷаласаи Маҷлиси миллӣ низ масъалагузорӣ карда шуд. Феълан таҷрибаи дигар давлатҳо дар ин маврид омӯхта мешавад", - таъкид кард вай.

Дар ҳамин ҳол, рӯзноманигорон аз як талаботи дигари ҷомеаи шаҳрвандӣ дар муроҷиатномаашон - маҳрум кардани таҷовузгар аз қувваи мардӣ ёдрас шуданд ва пурсиданд, ки оё дар Тоҷикистон ин иқдом татбиқ мешавад.

Силсилаи таҷовузи кӯдакон дар Тоҷикистон: сабаб чист, чӣ бояд кард?

"Ин масъала ҳам омӯхта мешавад. Татбиқи ин чораҳо ҳам масъалагузорӣ шуд. То кадом андоза имкон дорад ва зарур аст, омӯхта мешавад", - гуфт Раҷабмоҳ Ҳабибуллозода.

Ин дар ҳолест, ки соли гузашта ҳодисаҳои таҷовузи кӯдакон, аз ҷумла кӯдакони хурдсол дар Тоҷикистон боиси нигаронии ҷомеаи шаҳрвандӣ гашта буд. Дар пайи чанд қазияи монанд, фаъолон ба президенти Тоҷикистон муроҷиат карданд, ки ҷазо барои ин ҷиноят пурзӯр карда шавад.

393
Барчаспҳо:
ҷазо, зӯроварӣ, кӯдак, Тоҷикистон
Молоток судьи, архивное фото

Зодаи Тоҷикистонро дар Петербург барои кумак ба террористон равонаи зиндон карданд

157
(Таҷдидшуда 14:36 03.03.2021)
Як зодаи Тоҷикистон, ки чун муҳоҷири корӣ дар қаламрави Русия қарор дорад, ба ҳамватани худ барои пайвастан ба ҷангиёни Сурия кумак кардааст

ДУШАНБЕ, 3 март - Sputnik. Мақомоти тафтишотии Санкт-Петербург як шаҳрванди Тоҷикистонро барои кумак ба фаъолияти як созмони террористӣ айбдор мекунад, хабар медиҳад 78.ru бо истинод ба мақомоти ҳифзи ҳуқуқ.

Маълум шуда, ки зодаи Тоҷикистон О.Соатов ҷонибдори ҳаракати радикалӣ будааст.

Муҳоҷири меҳнатӣ ба ҳамватани худ А.Тошев дар масъалаи интиқолаш ба Сурия кумак кардааст.

Маълум шуда, ки Тошев ба созмони террористие, ки дар ҷангҳои Сурия алайҳи нерӯҳои ҳукуматӣ иштирок мекунад, пайвастанӣ буд.

Ҳамин тариқ, Соатов дар ҷамъоварии маблағ барои як ҳамхидматаш кумак кард, ки бо он маблағ Тошев бояд билети ҳавопаймо мехарид.

Ғайр аз он, шахси боздоштшуда бо як корфармои як созмони террористӣ робитаи пинҳонӣ пешниҳод кардааст, то дар сурати боздошти Тошев осори иртиботи мустақим намонад.

Маълум мешавад, ки худи Тошев моҳи сентябри соли 2020 дар яке аз фурудгоҳҳои Маскав ҳангоми кӯшиши парвоз ба Туркия барои сафари минбаъда ба Сурия боздошт шудааст.

Нисбати ин мард барои ширкат дар фаъолияти як созмони террористӣ парвандаи ҷиноӣ боз шудааст.

Ва танҳо баъдтар, мақомоти тафтишот шарики ӯро муайян карданд ва Соатовро низ дар Санкт-Петербург боздошт кардаанд. Ҳамин гуна парвандаи ҷиноӣ алайҳи ӯ низ боз шудааст.

Тафсилоти нав дар қазияи муҳоҷире, ки зани ҳомила ва хусурашро кушт: қарздор буд

Ҳоло додгоҳи ноҳияи Невскийи Санкт-Петербург Соатовро ба мӯҳлати ду моҳ ҳабс кардааст.

157
Барчаспҳо:
айбдорӣ, зода, Русия, Тоҷикистон
Задержанный преступник, архивное фото

Марде, ки ба гардану шиками занаш қайчӣ зад, боздошт шуд

2469
(Таҷдидшуда 12:50 03.03.2021)
Вазорати умури дохилии Тоҷикистон аз боздошти марде хабар медиҳад, ки ҳамсарашро бо қайчӣ захмӣ кардааст

ДУШАНБЕ, 3 март - Sputnik. кормандони милиса марди 31 - соларо боздошт намуданд, ки бо гумони расонидани зарари ҷисмонӣ ба саломатӣ муттаҳам дониста мешавад.

Ба иттилои манбаъ, боздоштшуда сокини ҷамоати деҳоти Мирсаид Миршакари ноҳияи Роштқалъа мебошад.

Гуфта мешавад, номбурда, 2-юми марти соли 2021, тахминан соати 03:30-дақиқа, аз сабаби рашки зиёд ҳамсари 29-солаи сокини ҷамоати деҳоти К.Гадоалиеви ноҳияи мазкурро бо қайчӣ ба тарафи рости гардан ва шикамаш 1-маротибагӣ задааст.

“Дар натиҷа, ҷабрдида ҷароҳати ҷисмонии сабук ба саломатиаш бардошта, дар беморхона бистарӣ шуд”, - афзудаст манбаъ.

ВУД мегӯяд, аз рӯи ҳодисаи мазкур тафтишот идома дорад.

Муноқишаи оилавӣ: марди 64 - сола ҳамсар ва духтарашро корд зад

Ёдовар мешавем, қаблан ин ниҳод аз боздошти як сокини ноҳияи Рӯдакӣ хабар дод, ки дар ҳолати мастӣ бо корд як маротиба ба шиками ҳамсари 33 - солаи худ зада буд.

2469
Барчаспҳо:
боздошт, захмӣ, ҳамсар, мард, Бадахшон
Денежные купюры: евро, доллары и российские рубли.

Ҷаҳиши қурби Евро ва рубли русӣ дар Тоҷикистон

0
(Таҷдидшуда 09:44 04.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз эълон кард. Дар Тоҷикистон қурби Евро ва рубли русӣ боло рафт

ДУШАНБЕ, 4 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1530 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро аз 13.6377 то 13.8500 сомонӣ арзёбӣ кардааст.

Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1530 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рубл имрӯз 0,1530 - 0,1550 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1460 то 0.1560 ва дар "Алифбонк", 1 рубл аз 0,1520 то 0,1560 сомонӣ нишон дода шудааст.

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

0
Барчаспҳо:
рубл, евро, асъор, Бонки миллии Тоҷикистон, Тоҷикистон