Аввал ҷодуро дар гӯристон ҷо мекард, сипас меёфт: боздошти фолбин - навор
(Таҷдидшуда 20:14 04.02.2021)
Як ҷавони 26-сола дар Душанбе роҳи нави пулкоркуниро "ихтироъ" кард: ӯ худро фолбин муаррифӣ намудаву ҷодуро дар хонаҳои мардум ҷой медод, сипас онро ёфта додаву барои ин "хизматаш" пули калон мегирифтДУШАНБЕ, 4 фев — Sputnik. Вазорати корҳои дохилии Тоҷикистон аз боздошти Ҷаҳонгир Бобомуродов ном ҷавоне дар шаҳри Душанбе хабар медиҳад, ки бо роҳи мардумфиребӣ маблағ ба даст меовардааст.
Гуфта мешавад, Ҷаҳонгири 26-сола, сокини ноҳияи Варзоб ба Душанбе омада, худро фолбину ҷинбарор муаррифӣ карда, нафаронеро, ки ба бовариаш медароманад, фиреб мекардааст.
"Дастгиршуда худро ҳамчун фолбину ҷодубарор муаррифӣ намуда, бо макру ҳила ашёи барои сеҳру ҷоду истифодашавандаро худ омода ва дар қабристону манзили истиқоматкунандагон пинҳон мекардааст. Баъдан муроҷиаткунандаро бовар мекунонидааст, ки ӯро сеҳру ҷоду кардаанд, ва барои боварӣ ашёи қаблан пинҳоннамудаашро бароварда, гӯё сеҳру ҷодуро тоза мекардааст", - гуфта мешавад дар иттилои манбаъ.
Дар навори омодакардаи ВКД як ҷавони аз дасти Бобомуродов фиребхӯрда, дар амалҳои боздоштшуда нақл мекунад.
"Мо ошхона дорем. Рӯзе як шиносамон дуто ҷодугарро оварданд. Онҳо гуфтанд, ки дар ҳамин ҷо панҷто тӯмор ҳаст. Онҳо маро барои об равон карданд, ман об овардам. Баъди омадани ман тӯморро кофтанду ёфтанд ва барои ин хизматашон 1600 сомонӣ гирифтанд. Вақте рафтанд, аз камераҳои мушоҳидавӣ дидам, ки ёфтаашонро худашон партофта будаанд", - тавзеҳ медиҳад вай.
Худи боздоштшуда ҳамчунин нақл мекунад, ки чигуна дар манзили сокинон қуфлу бастаҳоро ҷой медоду рӯзи дигар рафта, онро пайдо мекард.
МВД Таджикистана
"Экстрасенс" из Таджикистана, оперативная съемка
"Рӯзе марде сурат овард. Вақте берун рафт, яктои онро гирифтам ва ба қабристон рафта онро ба қабри чуқуре партофтам. Рӯзи дигар бо ҳамон одам рафта, суратро аз дохили чуқурӣ баровардам", - мегӯяд ӯ.
Дар ҳамин ҳол ҷавони боздоштшуда ба сокинони муроҷиат мекунад, ки ба нафарони мисли вай бовар накунанд.
Ба иттилои ВКД нисбати ҷавон тибқи моддаи 247, қисми 2 Кодекси ҷиноии Тоҷикистон парванда боз шуда тафтишот идома дорад.
Бо пиёзу қуфл ва шамъу испанд ҷоду мекард: фолбини 49 - сола боздошт шуд - навор
Ин қисми моддаи мазкур ҷарима ба андозаи аз сесаду шасту панҷ то нӯҳсаду дувоздаҳ нишондиҳанда барои
ҳисобҳо ё маҳрум сохтан аз озодӣ ба мўҳлати аз ду то панҷ солро пешбинӣ мекунад.
Барчаспҳо:
Ошкор шудани қаллобии марди 29 - сола: 66 ҳазор сомониро гирифту "Киа" нахарид
(Таҷдидшуда 19:06 04.03.2021)
Вазорати умури дохилаи Тоҷикистон ахиран аз ошкор шудани қаллобии марди 29- сола хабар медиҳад, ки мардеро фиреб карда 66 ҳазор сомониашро аз худ кардаастДУШАНБЕ, 4 мар — Sputnik. Бино ба гузориши Вазорати корҳои дохилӣ, ин мард сокини ноҳияи Рудакиро фиреб дода 66 ҳазор сомониашро аз худ кардааст.
Бино ба гузориши манбаъ, дар ин бора ба ШВКД дар ноҳияи И.Сомонӣ бо ариза марди 41-солаи сокини ноҳияи Рӯдакӣ муроиҷат кардааст.
Ба гуфти ӯ, ҳодиса моҳи августи соли 2020, дар ноҳияи И.Сомонӣ рух додааст.
Ӯ гуфтааст, ки ҳангоми дар назди маркази савдои "Рӯдакӣ Плаза" қарор доштанаш марди 29-солаи сокини ҷамоати деҳоти Лоҳури ноҳияи Рӯдакӣ бо роҳи фиреб ба бовариаш даромада, аз ӯ 66 ҳазор сомонӣ гирифтааст.
Мард ваъда додааст, ки бар ивази пулаш ба ӯ як худрави тамғаи "Киа" оварда медиҳад, аммо то ҳол маблағашро барнагардонидааст.
Ҳукми зиндони марди қазоқ барои дуздии 9 мошини хориҷии соҳибкори тоҷик-видео
Манбаъ афзудааст, ки аз рӯи ин ҳодиса тафтишот идома дорад.
Барчаспҳо:
Зодаи Тоҷикистонро дар Петербург барои кумак ба террористон равонаи зиндон карданд
(Таҷдидшуда 14:36 03.03.2021)
Як зодаи Тоҷикистон, ки чун муҳоҷири корӣ дар қаламрави Русия қарор дорад, ба ҳамватани худ барои пайвастан ба ҷангиёни Сурия кумак кардаастДУШАНБЕ, 3 март - Sputnik. Мақомоти тафтишотии Санкт-Петербург як шаҳрванди Тоҷикистонро барои кумак ба фаъолияти як созмони террористӣ айбдор мекунад, хабар медиҳад 78.ru бо истинод ба мақомоти ҳифзи ҳуқуқ.
©
AP / Sherin Zada
Маълум шуда, ки зодаи Тоҷикистон О.Соатов ҷонибдори ҳаракати радикалӣ будааст.
Муҳоҷири меҳнатӣ ба ҳамватани худ А.Тошев дар масъалаи интиқолаш ба Сурия кумак кардааст.
Маълум шуда, ки Тошев ба созмони террористие, ки дар ҷангҳои Сурия алайҳи нерӯҳои ҳукуматӣ иштирок мекунад, пайвастанӣ буд.
Ҳамин тариқ, Соатов дар ҷамъоварии маблағ барои як ҳамхидматаш кумак кард, ки бо он маблағ Тошев бояд билети ҳавопаймо мехарид.
Ғайр аз он, шахси боздоштшуда бо як корфармои як созмони террористӣ робитаи пинҳонӣ пешниҳод кардааст, то дар сурати боздошти Тошев осори иртиботи мустақим намонад.
Маълум мешавад, ки худи Тошев моҳи сентябри соли 2020 дар яке аз фурудгоҳҳои Маскав ҳангоми кӯшиши парвоз ба Туркия барои сафари минбаъда ба Сурия боздошт шудааст.
©
Flickr / Mr Korn Flakes
Нисбати ин мард барои ширкат дар фаъолияти як созмони террористӣ парвандаи ҷиноӣ боз шудааст.
Ва танҳо баъдтар, мақомоти тафтишот шарики ӯро муайян карданд ва Соатовро низ дар Санкт-Петербург боздошт кардаанд. Ҳамин гуна парвандаи ҷиноӣ алайҳи ӯ низ боз шудааст.
Тафсилоти нав дар қазияи муҳоҷире, ки зани ҳомила ва хусурашро кушт: қарздор буд
Ҳоло додгоҳи ноҳияи Невскийи Санкт-Петербург Соатовро ба мӯҳлати ду моҳ ҳабс кардааст.
Барчаспҳо:
Футболбозони клуби “Хуҷанд” ба Туркия мераванд: мақсад чист?
(Таҷдидшуда 20:34 05.03.2021)
Футболбозони клуби “Хуҷанд” ба Туркия сафар карда 10 рӯз он ҷо мемонанд. Пеша аз сафар раиси вилояти Суғд бо онҳо мулоқот кардДУШАНБЕ, 5 март - Sputnik. Раиси вилояти Суғд Раҷаббой Аҳмадзода бо футболбозони клуби "Хуҷанд" дидору мулоқот кард.
Бино ба гузориши мақомоти вилояти Суғд, раиси вилоят аснои мулоқот бо ҳайати даста гуфтааст, ки роҳбарияти вилоят дар партави дастурҳои Эмомалӣ Раҳмон ба рушди намудҳои варзиш, аз ҷумла футбол таваҷҷуҳи зарурӣ зоҳир намуда, клубҳои футболро мунтазам дастгирӣ менамояд.
Дар ин росто бозингарони дастаи "Хуҷанд" бо мақсади баланд бардоштани маҳорату малака ва омодагӣ ба мавсими нави футбол, инчунин омӯзиши техникаҳои нави бозии футбол ба Ҷумҳурии Туркия сафарбар карда мешаванд.
"Бозингарони "Хуҷанд" давоми 10 рӯз дар Туркия се бозии рафиқона анҷом дода, барои иштирок дар чемпионатҳо омодагӣ мебинанд", - омадааст дар хабарнома.
Таъкид гардида, ки минбаъд дастаҳои футболи "Эсхата" ва "Истаравшан" низ барои такмили маҳорат ва мубодилаи таҷриба ба кишварҳои дуру наздик фиристода мешаванд.
Раиси вилоят дар поёни мулоқот ба шахсони масъул ҷиҳати беҳтар намудани шароити бозингарон, омодагии ҳамаҷонибаи дастаҳои футбол дар лигаи олӣ, рушди варзиш дар шаҳру навоҳӣ супоришҳои мушаххас додааст.
Барчаспҳо: