Душанбе: ду ҷавон худро маъюб вонамуд карда, талбандагӣ мекарданд - акс

3138
(Таҷдидшуда 17:22 05.02.2021)
Милисаҳои пойтахт ду ҷавонро дастгир карданд, ки дар кӯчаҳои Душанбе ба талбандагӣ машғул буданд. Гуфта мешавад, онҳо ҷисман солим, вале худро маъюб вонамуд мекарданд

ДУШАНБЕ, 5 фев — Sputnik. Раёсати Вазорати корҳои дохилаи Тоҷикистон дар Душанбе аз ҳабси ду ҷавон хабар дод, ки дар пойтахт талбандагӣ мекарданд.

Онҳо дар кӯчаҳои марказӣ ҳангоми таваққуфи мошинҳо дар назди чароғак худро маъюб вонамуд карда, ба назди ронандаҳо мерафтанд ва дархости кӯмак менамуданд.

Ҳабси ду ҷавони қаллоб дар Душанбе: худро маъюб вонамуд мекарданд
Ҳабси ду ҷавони қаллоб дар Душанбе: худро маъюб вонамуд мекарданд

Бино бар иттилои манбаъ, дастгиршудаҳо Алихон Ҳаитови 24-сола, сокини ноҳияи Рӯдакӣ ва Бахтиёр Халосови 31-сола, сокини шаҳри Турсунзода мебошанд.

Аввал ҷодуро дар гӯристон ҷо мекард, сипас меёфт: боздошти фолбин - навор

Манбаъ афзудааст, номбурдагон, ки дар асл сиҳат ва ҷисму бозӯи солим доранд, худро маъюб ва дардманду муҳтоҷ вонамуд карда, дар роҳи мошингузар бо ба вуҷуд овардани вазъияти хатарнок ба талбандагӣ машғул буданд.

"Номбурдагон то ба дараҷае моҳирона худро маъюб нишон медиҳанд, ки дар дили ҳар роҳгузар эҳсоси раҳму шафқатро ба вуҷуд оварда, ба онҳо дасти кӯмак дароз мекунанд", - таъкид кардааст котиботи раёсат.

Ҳабси ду ҷавоне, ки худро маъюб вонамуд карда, талбандагӣ мекарданд
Ҳабси ду ҷавоне, ки худро маъюб вонамуд карда, талбандагӣ мекарданд

Афзун бар ин, як нафар аз ин ҷавонҳо барои чунин амалаш дастгир шуда будааст.

Вобаста ба ин нисбати ҳар ду протоколи ҳуқуқвайронкунии маъмурӣ тартиб дода шуда, бо ҳукми суд нисбати ҳар кадоме ҷазо дар намуди ҳабси маъмурӣ ба муҳлати 5-шабонарӯзӣ таъин карда шудаст.

3138
Барчаспҳо:
навор, дастгир, талбандагӣ, ҷавон, Душанбе
Преступник за решеткой

Исфандиёр барои ҷалби тоҷикистониён ба сафи ДИИШ 5,5 сол зиндон шуд

43
(Таҷдидшуда 15:08 02.03.2021)
Айбдоршуда ба 5 солу 6 моҳ маҳкум шуд ва барои адои ҷазо ба зиндони низомаш умумӣ интиқол ёфт

ДУШАНБЕ, 2 мар — Sputnik. Як шаҳрванди Осиёи Миёна дар шаҳри Санкт-Петербург барои кумак ба фаъолияти гурӯҳҳои террористӣ ба панҷу ним сол зиндон маҳкум ва барои адои ҷазо ба зиндони низомаш умумӣ равона шуд, иттилоъ додааст дафтари матбуоти Идораи минтақавии ФСБ-и Русия.

"Акрамов Исфандиёр дар тарғиби ду шаҳрванди Тоҷикистон дар шаҳри Санкт-Петербурги Русия барои сафар ба Сурия ба хотири иштирок дар амалиёти ҷангӣ дар ҳайати созмони байналмилалии террористии “Давлати исломӣ” (мамнӯъ дар Русия ва Тоҷикистон) гунаҳгор дониста шуд", - омадааст дар иттилоия.

Айбдоршаванда ба 5 солу 6 моҳи зиндон маҳкум шуд. Номбурда дар зиндони низомаш умумӣ адои ҷазо хоҳад кард.

Ҳукм аз ҷониби додгоҳи сайёри ҳавзаи низомии дувуми Ғарбии Русия содир карда шуд.

Ёдрас мешавем, ки чанде пеш як шаҳрванди Тоҷикистон дар Олмон барои терроризм маҳкум шуда буд. Додгоҳи Олмон шаҳрванди Тоҷикистонро ба 7 соли зиндон маҳкум кард.

Зодаи Тоҷикистон дар якҷоягӣ бо дигар шаҳрвандони ҷумҳурӣ дар Олмон як бахши гурӯҳи террористии ДИИШ-ро таъсис дод. Номбурда ба шариконаш кӯмакҳои молиявӣ мерасонд ва тасмим дошт дар Аврупо ҳамлаҳои террористӣ анҷом диҳад.

43
Барчаспҳо:
тоҷикистониён дар сафи ҷангҷӯён, ДИИШ, зиндон, террористӣ, Русия
Руки в наручниках, архивное фото

Фатоев боз боздошт шуд: пулро гирифту замин надод

354
(Таҷдидшуда 17:42 01.03.2021)
Вазортаи умури дохилии Тоҷикистон аз боздошти як сокини ноҳияи Вахш хабар медиҳад, ки дар қаллобӣ муттаҳам мешавад

ДУШАНБЕ, 1 март - Sputnik. Бино ба иттилои дафтари матбуотии ин ниҳод, пулис дар асоси аризаи сокинони дигари ноҳияи Вахш Фатоев Пардахони 49 соларо боздошт кардааст.

Манбаъ мегӯяд, Фатоев Пардахон бо роҳи фиреб, ки гӯё ба ин нафарон замин барои сохтмони манзилҳои истиқоматӣ ҷудо карда медиҳад, аз ӯ маблағ гирифтааст.

Гуфта мешавад, пеш низ 5 маротиба бо моддаи 247 Кодекси ҷиноятии Ҷумҳурии Тоҷикистон суд шудааст, бо истифода аз боварӣ ва эътимоди мардум дар якчанд ҳолат даст ба ҷиноятҳои қаллобӣ зада, маблағҳои пулии шаҳрвандонро азони худ кардааст, мегӯяд манбаъ.

“Зимни пешбурди корҳои тафтишотӣ муайян карда шуд, ки номбурда дар содир намудани ҷинояти қаллобӣ ба маблағи 20 000 сомонӣ ба шаҳрвандон зарар расонидааст”,-афзудааст манбаъ.

Қаллобӣ бо кӯмаки собиқ раиси идораи замин: 13 ҳазор доллари корафтодаро азхуд карданд

ВУД мегӯяд, айни замон нисбати Фатоев Пардахон дар шуъбачаи тафтишотии ШВКД дар ноҳияи Вахш бо моддаи 247 қисми 2 Кодекси ҷинояти Ҷумҳурии Тоҷикистон парвандаи ҷиноятӣ оғоз гардида, номбурда дар ҳабси пешакӣ қарор дошта, тафтишот идома дорад.

354
Барчаспҳо:
қаллоб, боздошт, замин, Вахш, Тоҷикистон
Церемония открытия учений Центр-2019

Покистон: мо ҳамаи ихтилофот бо Ҳиндро ҳал мекунем

0
(Таҷдидшуда 15:14 02.03.2021)
Вазири умури хориҷаи Покистон аз тасмими ин кишвар барои ҳаллу фасли тамоми ихтилофот ва танишҳову масоили дуҷониба бо Ҳинд хабар дод

ДУШАНБЕ, 2 мар — Sputnik. Ба нақл аз хабаргузории "Форс", Шоҳмаҳмуди Қурайшӣ, вазири умури хориҷаи Покистон гуфт: Мо мехоҳем ҳамаи масоилро бо Ҳинд аз тариқи гуфтугӯи сулҳомез ҳал кунем.

Вай изофа кард, ки Покистон мехоҳад мутобиқ бо қатъномаҳои Шӯрои амнияти Созмони Милал бо Ҳинд дар мавриди масъалаи Кашмир гуфтугӯ кунад, аммо мо наметавонем аз мавзӯи ҳуқуқи башари кашмириҳо чашмпӯшӣ кунем.

Қурайшӣ ёдовар шуд, ки Покистон қасди ҳуҷум надорад, аммо агар ҳодисаи Болокут такрор шавад, медонад чӣ гуна аз худ дифоъ кунад.

Ба гуфтаи вазири умури хориҷаи Покистон, Ҳинд 26 феврали 2019 аз марзҳои Покистон убур ва Болокутро бомбаборон кард то ба ҷаҳониён бигӯяд, ба як урдӯгоҳи шибҳинизомиён ҳамла кардаву ҳудуди 300 террористро куштааст. Аммо имрӯз ба ҷаҳон собит шудааст, ки ҳеч урдӯгоҳе аз шибҳинизомиён дар он ҷо набуда ва ҳеч террористе дар онҷо кушта нашудааст.

Қурайшӣ таъкид кард, ки Покистон дунболи ташдиди танишҳо нестем, аммо мехоҳем ба ҷаҳониён собит кунем, ки қодир ба муҳофизат аз худ ҳастем.

0
Барчаспҳо:
таниш, ихтилофот, мушкилот, Покистон, Ҳинд