Сомони и доллары, архивное фото

Суҳроби “валютчик” куҷост? пайгарди нафаре, ки миллионҳо пули муҳоҷиронро гирифту ғайб зад

2012
(Таҷдидшуда 20:47 12.02.2021)
Суҳроби сарроф дар Суғд сар аз соли 2020 якбора фаъолияташро қатъ карда, ғайб задааст. Муҳоҷирони зиёде ба ӯ бовар карда, амонаташонро дода буданд

 ДУШАНБЕ, 12 фев – Sputnik. Прокуратураи вилояти Суғд, дар шарҳи парванда алайҳи Суҳроб Абдуҳамидови “валютчик” иттилоъ дод, ки бо сабаби ҳозир нашудан ба тафтишот, нисбати ин сокини шаҳри Истаравшан кофтукови ҷиноӣ эълон шудааст.

Сафар Давлат Давронзод, сардори шуъбаи тафтиши парвандаҳои ҷиноятии махсусан муҳим дар прокуратураи вилояти Суғд, имрӯз зимни нишасти матбуотӣ гуфт, Абдуҳамидов бо ҷурми қаллобӣ бо моддаи қонун ҷавобгар дониста мешавад.

“Нисбати Суҳроб Абдуҳамидов бо моддаи 247 парвандаи ҷиноӣ оғоз карда шуда, айни замон тафтишоти пешкаӣ нисбати ӯ идома дорад. Азбаски номбурда аз тафтишот пинҳон шудааст, ҳоло нисбати ӯ кофтуков эълон шудааст”,- тавзеҳ дод Сафаров.

Суҳроб Абдуҳамидов сокини 45-сола, истиқоматкунандаи шаҳри Истаравшан гуфта мешавад, ки аз соли 2015 ба ивази ғайриқонунии асъор машғул буда бо ин роҳ ба боварии чандин нафар даромада, маблағи бузурги амонатии онҳоро аз худ кардааст.

Ӯ фаъолияти бонкиро бидуни ба қайдгирӣ ё иҷозатномаи махсус дар ҳолатҳое, ки чунин иҷозатнома ҳатмӣ мебошад, бо вайрон кардани шартҳои литсензиякунонӣ машғул гардидааст. Номбурда аз охирҳои соли гузашта ба ин тараф бедарак аст дар ҳоле, ки бархе аз сокинон ба фаъолияти саррофии ӯ бовар карда амонат додаанд.

Мардум ба фаъолияти ӯ бовар карда пулашонро иваз мекарданд. Шуморе аз онҳое, ки фарзандонашону пайвандонашон аз муҳоҷират рубли русӣ мефиристоданд, барои бо курси нисбатан баландтар иваз намудани пулашон ба наздаш мерафтанд.

Баъзеҳо ба фаъолияти саррофии ӯ бовар карда, ба ҷуз иваз намудан, ҳатто маблағашонро барои гардиш додан ба ӯ месупориданд.

Боздошти Охунҷони "валтютчик": "медонистам ин кор ғайриқонунӣ аст, пинҳонӣ мекардам"-видео

Ба ҳисоби соҳибкорон, даҳҳо хонаводаи муҳоҷирон аз Истаравшан ва деҳоти ноҳияи Деваштич дар ин миён будаанд, ки миллионҳо рубли худро ба ӯ бовар кардаанд.

Оғози моҳи январи соли ҷорӣ мақомоти ҳифзи ҳуқуқ иттилоъ дода буданд, ки ин Абдуҳамидов бо ваъдаи интиқол додани 80 ҳазор доллари амрикоӣ ба кишвари Чин аз як сокини 34-солаи ҷамоати Савристони Истаравшан 920 ҳазор сомонӣ гирифта ба эҳтиёҷоти худ сарф кардааст.

2012
Барчаспҳо:
пул, муҳоҷирон, кофтукоб, сарроф, Тоҷикистон

Дар болояш "палто" пӯшиду рафт: тафсилоти куштори кӯдак аз ҷониби зани бемор дар Душанбе

8646
(Таҷдидшуда 14:04 07.03.2021)
Хабари куштори кӯдаки 7-сола дар Душанбе сокинонро ба таҳлука андохтааст. Ҳамсояҳои марҳум дарвозаҳоро баставу фарзандонашонро ба кӯча намегузоранд

ДУШАНБЕ, 7 мар — Sputnik. Ҳодисаи куштори як писараки синфи 1-уми мактаби рақами 50- и пойтахт Аҳмадҷон Абдураҳмонов дар кӯчаи Олег Кошевойи Душанбе рух додааст. Гумонбаршавандаи асосӣ, хешованди писарак, ҳамсари амаки падари кӯдак Муборак Абдураҳмоноваи 53-сола гуфта мешавад.

Зан рӯзи ҳодиса, писаракро ба хонааш даъват кардаву баъди чанд дақиқа аз манзил берун мешавад ва нопадид мегардад. Ҷасади писаракро аз хонаи зан пайдо мекунанд.

Хабар дар бораи ин ҳодиса, ки шоми дирӯз дар шабакаҳои иҷтимоӣ нашр шуд, феълан аз ҷониби мақомот тавзеҳ дода нашудааст.

Ба Sputnik Тоиҷикистон даст дод, ки бо шоҳиди ҳодиса, яке аз аъзои хонавода, ки нахост номаш ифшо шавад, сӯҳбат кунад. 

Ба гуфтаи вай, рӯзи панҷум писарак пас аз дарс бояд ба хона бармегашт, аммо наомад. Пайвандонаш ӯро тӯли се соат, аз соати 14 то 17 ҷустуҷӯ карданд, ки бенатиҷа буд.

Дар ҳамин ҳол, баъди чанде ҷисми беҷони кӯдакро амаки падараш аз манзилаш пайдо кардааст. Зани мард писаракро ба хона дароварда бурдааст.

Ба гуфтаи узви хонаводаи марҳум , камераҳои мушоҳидавӣ сабт кардаанд, ки чигуна гумонбаршаванда, ҳамсоя ва хешованди хонавода Муборак Абдураҳмонова писаракро ба манзилаш медарорад ва баъди даҳ дақиқа худ берун шудаву меравад.

Ӯ меафзояд, ҳодиса пас аз зӯҳри 5 март, вақте Аҳмадҷони 7-сола аз мактаб бармегашт, рух дод.

Зани гумонбаршаванда, ки гуфта мешавад, бемории рӯҳӣ дошт, дар ҳамсоягии писараки марҳум ба сар мебурдааст.

"Зани амакам дар назди хона, ки мағоза доранд, савдо мекард. Ҳамон рӯз Аҳмадҷон вақте аз мактаб бармегашт, даъват мекунад. Ӯ давида ба назди зан мераваду дар як лаҳза ӯ кӯдакро ба дарун кашола карда медарорад, ин ҳама дар камераи мушоҳидавӣ ҳаст", - мегӯяд зан.

Амакам, ки ин вақт дар бозор будааст ба хона меояд ва дари мағозаву хонаро баста дида ба таҳлука медарояд, меафзояд ӯ.

"Амакам авал мағозаро мебинад, сипас ҳуҷраҳоро як як аз назорат мегузаронад, ки касе нест. Билохира ба ҳуҷрае ки дар даорун аст медарояд ва кӯдаки моро оғӯштаи хун пайдо мекунад", - меафзояд вай.

Ба гуфтаи духтарак, вақте ҷасади Аҳмадҷони 7-соларо пайдо каданд, бо шикам дар рӯи фарш хобонида шуда буд ва дар болояш палто пӯшида буд.

Расонаҳои иҷтимоӣ
Кӯдаке, ки аз сӯи зани бемори рӯҳие қатл шуд

Ба қавли ӯ, дар навор дида мешавад, ки ҳамагӣ пас аз 7 -10 дақиқа гумонбаршаванда аз манзил берун мешавад, дари мағоза ва дари хонаашроо қуфл мезанад ва меравад.

"Амаким пас аз дидани ин ҳодиса аз тарс падарамро фарёд мекунад. Падарам фикр мекунад, ки ба занаш чизе рух додааст, аммо вақте меравад, мебинад, ки ҷиянам дар даруни хун хобидааст. Ба сараш бо чизе задаанд, ки хуни зиёд рафтааст", - бо алам идома медиҳад вай.

Зани гумонбаршаванд то ҳол нопадид асту онҳо ба милиса хабар додаанд.

"Ҳамаи ҳамсояҳомон дарашон маҳкам баставу кӯдаконашонро ба берун намемонанд", - меафзояд вай.

Аммо ба қавли хонаводаи Аҳмадҷон, зани гумонбаршаванда бемрии рӯҳие надошт ва саломат буд.

"Бемор набуд. Ӯ баъди куштор либосҳояшро дигар кардаву либоси хунолудашро бо худ гирифтааст, магар инсони бемори рӯҳидошта чунин мекунад", - мегӯяд вай ва меафзояд, ки танҳо мехоҳанд, ки ин зан ба дигарон зарар нарасонад ва ба зудӣ дастгир шавад.

8646
Таджикские сомони и рубли, архивное фото

Ошкор шудани қаллобии марди 29 - сола: 66 ҳазор сомониро гирифту "Киа" нахарид

334
(Таҷдидшуда 19:06 04.03.2021)
Вазорати умури дохилаи Тоҷикистон ахиран аз ошкор шудани қаллобии марди 29- сола хабар медиҳад, ки мардеро фиреб карда 66 ҳазор сомониашро аз худ кардааст

ДУШАНБЕ, 4 мар — Sputnik. Бино ба гузориши Вазорати корҳои дохилӣ, ин мард сокини ноҳияи Рудакиро фиреб дода 66 ҳазор сомониашро аз худ кардааст.

Бино ба гузориши манбаъ, дар ин бора ба ШВКД дар ноҳияи И.Сомонӣ бо ариза марди 41-солаи сокини ноҳияи Рӯдакӣ муроиҷат кардааст.

Ба гуфти ӯ, ҳодиса моҳи августи соли 2020, дар ноҳияи И.Сомонӣ рух додааст.

Ӯ гуфтааст, ки ҳангоми дар назди маркази савдои "Рӯдакӣ Плаза" қарор доштанаш марди 29-солаи сокини ҷамоати деҳоти Лоҳури ноҳияи Рӯдакӣ бо роҳи фиреб ба бовариаш даромада, аз ӯ 66 ҳазор сомонӣ гирифтааст.

Мард ваъда додааст, ки бар ивази пулаш ба ӯ як худрави тамғаи "Киа" оварда медиҳад, аммо то ҳол маблағашро барнагардонидааст.

Ҳукми зиндони марди қазоқ барои дуздии 9 мошини хориҷии соҳибкори тоҷик-видео

Манбаъ афзудааст, ки аз рӯи ин ҳодиса тафтишот идома дорад.

334
Барчаспҳо:
ҷиноят, ошкоршавӣ, ошкор, ВКДҶТ, Тоҷикистон
Флагшток в Душанбе. Архивное фото

Таъсиси Палатаи савдои Осиёи Марказӣ дар Тоҷикистон

0
(Таҷдидшуда 00:23 08.03.2021)
Маркази тиҷоратӣ ва хизматрасонӣ дар Тоҷикистон ҳамчун Палатаи савдои Осиёи Марказӣ таъсис дода мешавад

ДУШАНБЕ, 8 мар — Sputnik. Вазорати молияи Тоҷикистон хабар додааст, ки Маркази тиҷоратӣ ва хизматрасонӣ дар Тоҷикистон бо ҳадафи иртиботи бештари корофаринон ва тавлидкунандагони Осиёи марказӣ ифтитоҳ хоҳад шуд.

Созмондиҳӣ ва фаъолияти ин марказ дар ҳоли баррасӣ аст. 

Дар моҳи феврали соли равон теъдоде аз гурӯҳҳои тиҷорӣ ва сармоягузории кишварҳои ҳамсоя барои ширкат дар ин тарҳ ба Тоҷикистон сафар карданд. 

Ин тарҳро ширкати “Девори ҷаҳон”, ки аз шуракоии ширкати сармоягузорӣ ва тавлидии “ Ориёнинвест”аст, иҷро хоҳад кард. 

Палатаи савдои Осиёи марказӣ тавлидкунандагон ва ширкатҳои мухталиф дар Тоҷикистон, Узбакистон, Қазоқистон, Қирғизистон ва Туркияро ба ҳам    муттаҳид мекунад.

Ҳамзамон дар қолиби ин пружа дар шаҳри Душанбе роҳандозии як намоишгоҳи доимии молҳо ва маҳсулоти кишварҳои ширкаткунанда дар ин пружа барномарезӣ шудааст. 

Ба таври куллӣ, барномарезӣ шудааст, ки фаъолияти ин сохтор тамоми равобити тиҷорӣ ва сармоягузорӣ дар ҳамаи мароҳил, назири ҷазби сармоягузорон, тавсеъаи барномаҳо, музокирот, ироаи хадамоту кумакҳои ҳуқуқӣ, ҳамкорӣ, тарвиҷи сармоягузорӣ ва маҳсулоти Тоҷикистонро дарбар хоҳад гирифт.

0
Барчаспҳо:
хизматрасонӣ, Осиёи Марказӣ, палата, савдо, Палатаи савдои Тоҷикистон, Тоҷикистон