Генерал-майор Сулаймон Султонзода, сардори Ожонси назорати давлатии молиявӣ ва мубориза бо фасоди Тоҷикистон

Ожонсии зидди фасод тафсилоти ҷурми "Илҳом Командир" ва шарикашро ифшо кард

4982
(Таҷдидшуда 14:04 16.02.2021)
Ҳотамов Илҳом маъруф ба номи "Илҳом Командир" бо ҷурми азхуд кардани маблағи калон, ки барои барномаҳои давлатӣ аз "Агроинвестбонк" қарз гирифта буд, паси панҷара рафт

ДУШАНБЕ, 16 фев — Sputnik. Сулаймон Султонзода роҳбари Ожонсии зидди фасод тафсилоти парвандаи "Илҳом Командир" -ро дар нишасти хабарӣ ифшо кард.

Ба иттилои Султонзода, Ҳотамов Илҳом ва ё "Илҳом Командир", ки молик бинифисиатори ҶСК "Котонтекстайл" мебошад, ҳамроҳ бо мудири ҷамъияти мазкур Ҳакимов Раҷаб Хайруллоевич даст ба азхудкунии маблағи давлат задааст.

Ҷинояти мазкурро "Илҳом Командир" ҳамроҳи шарики худ соли 2009 содир кард.

"Онҳо 6,4 миллион сомонӣ маблағҳои барномаҳои давлатиро аз "Агроинвестбонк" ба тариқи қарз гирифта, онро пурра ғайримақсаднок ва пурра тасарруф намуданд", - тавзеҳ дод Сулаймонзода.

Муовини Раёсати тафтишоти ожонси мазкур мегӯяд, барои содир намудани ин ҷиноят нисбати "Илҳом Командир" тибқи моддаи 246 қисми 3 Кодекси ҷиноятӣ парвандаи ҷиноӣ оғоз гардида, бо ҳукми суди шаҳри Душанбе, ӯ ба мӯҳлати 9 сол равонаи зиндон шуд.

Ҳамзамон, шарики ӯ, Ҳакимов Раҷаб ҷаримабандӣ гардид.

Қаблан, дар робита ба парвандаи Илҳомов ва ғасби маблағҳои давлатӣ, Шермуҳаммад Шоҳиён гуфт, масъалаи бозпас овардани маблағ аз ҷониби Ҳотамов таҳти назорати бевоситаи роҳбарияти Додгоҳи Олӣ қарор дорад.

Ёдовар мешавем, ки номи Илҳом Ҳотамов ки ба тиҷорати пахта машғул аст, моҳи ноябри соли 2019 дар пайи як типарронӣ дар шаҳри Леваканд расонаӣ шуда буд, ки гӯиё ин тирпарронӣ миёни одамони "Илҳом командир" ва моликони бозори "Ҳоҷӣ Шариф"-и шаҳри Бохтар рух дода будааст.

Ҳоли табоҳ: ҳукми мудири “Харбуза” ва ҳабси Алимардонов - акс

Бозори "Ҳоҷӣ Шариф" ба хонаводаи Соҳибовҳо, яке аз хонаводаҳои маъруфи Тоҷикистон ва наздик ба роҳбарияти ҷумҳурӣ тааллуқ дорад. Аммо расман ин иттилоъ тасдиқ нашуда буд.

4982
Барчаспҳо:
ифшо, шарики асосӣ, ҷурм, Ожонси зидди фасод
Таджикские сомони и рубли, архивное фото

Ошкор шудани қаллобии марди 29 - сола: 66 ҳазор сомониро гирифту "Киа" нахарид

291
(Таҷдидшуда 19:06 04.03.2021)
Вазорати умури дохилаи Тоҷикистон ахиран аз ошкор шудани қаллобии марди 29- сола хабар медиҳад, ки мардеро фиреб карда 66 ҳазор сомониашро аз худ кардааст

ДУШАНБЕ, 4 мар — Sputnik. Бино ба гузориши Вазорати корҳои дохилӣ, ин мард сокини ноҳияи Рудакиро фиреб дода 66 ҳазор сомониашро аз худ кардааст.

Бино ба гузориши манбаъ, дар ин бора ба ШВКД дар ноҳияи И.Сомонӣ бо ариза марди 41-солаи сокини ноҳияи Рӯдакӣ муроиҷат кардааст.

Ба гуфти ӯ, ҳодиса моҳи августи соли 2020, дар ноҳияи И.Сомонӣ рух додааст.

Ӯ гуфтааст, ки ҳангоми дар назди маркази савдои "Рӯдакӣ Плаза" қарор доштанаш марди 29-солаи сокини ҷамоати деҳоти Лоҳури ноҳияи Рӯдакӣ бо роҳи фиреб ба бовариаш даромада, аз ӯ 66 ҳазор сомонӣ гирифтааст.

Мард ваъда додааст, ки бар ивази пулаш ба ӯ як худрави тамғаи "Киа" оварда медиҳад, аммо то ҳол маблағашро барнагардонидааст.

Ҳукми зиндони марди қазоқ барои дуздии 9 мошини хориҷии соҳибкори тоҷик-видео

Манбаъ афзудааст, ки аз рӯи ин ҳодиса тафтишот идома дорад.

291
Барчаспҳо:
ҷиноят, ошкоршавӣ, ошкор, ВКДҶТ, Тоҷикистон
Молоток судьи, архивное фото

Зодаи Тоҷикистонро дар Петербург барои кумак ба террористон равонаи зиндон карданд

166
(Таҷдидшуда 14:36 03.03.2021)
Як зодаи Тоҷикистон, ки чун муҳоҷири корӣ дар қаламрави Русия қарор дорад, ба ҳамватани худ барои пайвастан ба ҷангиёни Сурия кумак кардааст

ДУШАНБЕ, 3 март - Sputnik. Мақомоти тафтишотии Санкт-Петербург як шаҳрванди Тоҷикистонро барои кумак ба фаъолияти як созмони террористӣ айбдор мекунад, хабар медиҳад 78.ru бо истинод ба мақомоти ҳифзи ҳуқуқ.

Маълум шуда, ки зодаи Тоҷикистон О.Соатов ҷонибдори ҳаракати радикалӣ будааст.

Муҳоҷири меҳнатӣ ба ҳамватани худ А.Тошев дар масъалаи интиқолаш ба Сурия кумак кардааст.

Маълум шуда, ки Тошев ба созмони террористие, ки дар ҷангҳои Сурия алайҳи нерӯҳои ҳукуматӣ иштирок мекунад, пайвастанӣ буд.

Ҳамин тариқ, Соатов дар ҷамъоварии маблағ барои як ҳамхидматаш кумак кард, ки бо он маблағ Тошев бояд билети ҳавопаймо мехарид.

Ғайр аз он, шахси боздоштшуда бо як корфармои як созмони террористӣ робитаи пинҳонӣ пешниҳод кардааст, то дар сурати боздошти Тошев осори иртиботи мустақим намонад.

Маълум мешавад, ки худи Тошев моҳи сентябри соли 2020 дар яке аз фурудгоҳҳои Маскав ҳангоми кӯшиши парвоз ба Туркия барои сафари минбаъда ба Сурия боздошт шудааст.

Нисбати ин мард барои ширкат дар фаъолияти як созмони террористӣ парвандаи ҷиноӣ боз шудааст.

Ва танҳо баъдтар, мақомоти тафтишот шарики ӯро муайян карданд ва Соатовро низ дар Санкт-Петербург боздошт кардаанд. Ҳамин гуна парвандаи ҷиноӣ алайҳи ӯ низ боз шудааст.

Тафсилоти нав дар қазияи муҳоҷире, ки зани ҳомила ва хусурашро кушт: қарздор буд

Ҳоло додгоҳи ноҳияи Невскийи Санкт-Петербург Соатовро ба мӯҳлати ду моҳ ҳабс кардааст.

166
Барчаспҳо:
айбдорӣ, зода, Русия, Тоҷикистон
Фармацевт выбирает лекарство в аптеке, архивное фото

Қазияи доруфурӯши "Осон - фарм" то пулис рафт: маблағи ҳангуфтро аз худ кардааст

0
(Таҷдидшуда 17:46 06.03.2021)
Вазорати умури дохилаи Тоҷикистон аз қаллобии зани 58 - сола хабар медиҳад, ки дар муддати 6 моҳи корӣ дар дорухона 30 ҳазор сомониро ба манфиати худ сарф кардааст

ДУШАНБЕ, 6 мар – Sputnik. Тибқи иттилои Вазорати корҳои дохилаи Тоҷикистон дар ин бора ба ШВКД-1 дар ноҳияи Фирдавсӣ бо ариза марди 27-сола муроҷиат кардааст.

Қазия аз моҳи феврали соли 2020, оғоз шудааст, замоне, ки мард зани 58-солаи сокини шаҳри Хуҷандро дар дорухонаи "Осон-фарм" ба ҳайси фурӯшанда ба кор қабул намудааст.

Дар муроҷиатномаи ин мард омадааст, ки номбурда бо роҳи фиреб ба бовариаш даромада, дар муддати 6 моҳи кориаш маводи дорувории фурӯхтаашро ба маблағи 30 ҳазор сомонӣ ба манфиати худаш сарф намуда, ваъда додааст, ки дар муддати кӯтоҳ маблағи гирифтаашро бармегардонад.

Ба қавли ин мард то ҳол зан маблағро барнагардонидааст.

Инчунин, ба ШВКД дар шаҳри Турсунзода бо ариза зани 34-солаи сокини ҷамоати деҳоти Ҷ. Раҳмонови шаҳри мазкур муроҷиат намудааст.

Ӯ шикоят дорад, ки соли 2019 марди 39-солаи сокини ҷамоати деҳоти 10-солагии Истиқлолияти ҳамин шаҳр, бо роҳи фиреб ба бовариаш даромада, аз ӯ 100 ҳазор сомонӣ гирифта, то ҳол маблағашро барнагардонидааст.

Мард қарз доду чанде пас фавтид: қазияи бозпас гирифтани 200 ҳазор доллар то пулис рафт

Манбаъ афзуда, ки аз рӯи ин ҳодисаҳо тафтишот идома дорад.

0
Барчаспҳо:
қаллобӣ, маблағ, пулис, Тоҷикистон, ВКД ҶТ