Каримов Худжа Рахимович, Хуҷа-командир, бывший полевой командир

Хӯҷа - Командир дар таҷовуз ба номус ҳам муттаҳам мешавад

2962
(Таҷдидшуда 12:35 19.02.2021)
Парвандаи Хӯҷа Каримов маъруф ба номи Хӯҷа- Командир аллакай ба суд ирсол шудааст. Ӯ дар содир намудани 20 ҷинояти куштор муттаҳам дониста мешавад

ДУШАНБЕ, 19 фев — Sputnik. Рамазон Раҳимзода, вазири умури дохилаи Тоҷикистон гуфт, Хӯҷа Каримов дар баробари даст доштан дар 20 ҳолати куштор, ҳамчунин дар таҷовуз ба номус низ муттаҳам дониста мешавад.

Раҳимзода имрӯз зимни нишасти хабарӣ изҳор дошт, ки бар иловаи 20 ҷинояте, ки Хӯҷа - Командир дар содир кардани онҳо муттаҳам дониста мешавад, ҳамчунин дар дасти онҳо санҷишҳое мавҷуданд, ки ҷиноятҳои дигари ин нафарро бозгӯ мекунанд.

Ба гуфтаи ӯ, боздоштшуда дар чанд ҳолати нав, аз ҷумла таҷовуз ба номус, гаравгонгирӣ ва куштор муттаҳам шуда, ин маводҳо низ барои барраси ба прокуратура ирсол хощанд шуд.

Ёдовар мешавем, ки Додситонии куллӣ Тоҷикистон парвандаи ҷиноии Хӯҷа Каримовро ниҳоӣ намуда, ба додгоҳ ирсол кард.

Юсуф Раҳмон, додситони кулли Тоҷикистон зимни нишасти хабарӣ иттилоъ дод, ки Хӯҷа Каримов дар "20 ҷинояти куштор айбдор дониста мешавад".

Парвандаи Хӯҷа Каримов ё "Хӯҷа-Командир" ҳанӯз соли 2008 оғоз шудааст. Ӯ бар асоси 7 банди Кодекси ҷиноии Тоҷикистон, аз ҷумла бандитизм, одамкушӣ, азобу уқубат, шиканҷа, гаравгонгирӣ ва ғайриқонунӣ нигоҳ доштани силоҳи оташфишон муттаҳам мешуд ва дар кофтукови расмӣ қарор дошт.

Иттиҳоми нав дар парвандаи Хӯҷа Командир: ба пой ва бадани марди 62 - сола тир холӣ кард

Хӯҷа Каримов яке аз фармондеҳони Фронти халқӣ буд, ки дар замони ҷанги дохилӣ ноҳияи Ғозималики собиқ (ҳоло Хуросон) ва навоҳии атрофи онро таҳти назорат дошт.

Каримовро дар оғози моҳи феврал аз Дубай ба Душанбе истирдод ва тафтиши парвандаашро оғоз карданд. Аз рӯи иттиҳомҳое, ки мақомот нисбат ба Хӯҷа Каримов эълон кардаанд, ба ӯ солҳои тӯлонии зиндон таҳдид мекунад.

2962
Барчаспҳо:
таҷовузи ҷинсӣ, парванда, Тоҷикистон, ВКД
Девушка в наручниках, архивное фото

Дар Хуҷанд зани 51-сола маъшуқи ҷавонашро корд зад

581
Занро феълан дастгир кардаанд. Марди маҷрӯҳ дар беморхона бистарӣ шудааст ва тафтишот идома дорад

ДУШАНБЕ, 24 фев – Sputnik. Дар Хуҷанд як занро бо гумони кордкашӣ дасгир кардаанд. Дар ин бора Вазорати корҳои дохилии Тоҷикистон хабар медиҳад.

"Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани 51-солаи сокини шаҳраки Бӯстони ноҳияи Мастчоҳ бо гумони қасдан расонидани зарари вазнин ба саломатӣ дастгир карда шуд", - омадааст дар гузориши манбаъ.

Тавре дафтари матбуотии ВКД менависад, ҳодиса ҳанӯз 12 феврал тақрибан соатҳои 10:30 субҳ рух додааст.

Гуфта мешавад, зани гумонбаршаванда дар хонаи муваққатан истиқоматиаш, воқеъ дар шаҳри Хуҷанд бо ҳамзисташ марди 39-солаи сокини ҳамон ҷо, ки дар ҳолати мастӣ қарор дошт, аз сабаби муноқишаи ба миён омада, ҷангу ҷанҷол кардааст.

Сипас бо корди хоҷагӣ 1-маротиба ба қафаси синааш задаст.

"Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст", - менависад ВКД Тоҷикистон.

Сарзаниши падар: донишҷӯ сабаби ба декан корд кашиданашро гуфтааст

Нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

581
Барчаспҳо:
корд, Хуҷанд
Молоток судьи в зале суда

Акбар Холиқзода, додраси ноҳияи Бобоҷон Ғафуров куҷо фирор кард?

1814
(Таҷдидшуда 13:34 24.02.2021)
Нисбати ӯ, ҳоло кофтукови ҷиноӣ эълон шудааст. Акбар Холиқзода аллакай дувумин намояндаи мақомот аз ноҳияи Бобоҷон Ғафуров аст, ки баъди дастгир шудан, фирор мекунад

 ДУШАНБЕ, 24 фев – Sputnik. Акбар Холиқзода, судяи Суди ноҳияи Бобоҷон Ғафуров, ки ба порагирӣ муттаҳам дониста мешавад барои бозпурсӣ ба суд ҳозир нашуда, фирор кардааст. Нисбати ӯ, ҳоло кофтукови ҷиноӣ эълон шудааст.

"Ҳолати порагирии Акбар Холиқзода, судяи Суди ноҳияи Бобоҷон Ғафуров ошкор шудааст", - гуфт Аваззода Шараф Тавар, сардори Ожонси мубориза бо коррупсия дар Суғд, зимни нишасти матбуотӣ.

Ба қавли вай, бар асоси ёфт шудани далелҳои шайъӣ нисбати Холиқзода парвандаи ҷиноӣ бо моддаи 319 (гирифтани пора) оғоз ва нисбаташ айб эълон шуд, аммо дар баррасии додгоҳӣ ӯ ҳозир нашудааст.

“Аз ҷониби кормандони Раёсат соли ҷорӣ Акбар Холиқзода, ҳангоми гирифтани пора дастгир гардида, далелҳои шайъӣ аз ҷойи ҳодиса гирифта шуд. Ӯ ба суд ҳозир нашуда, фирор кардааст. Айни ҳол нисбати Холиқзода кофтуков эълон шудааст”, - зикр кард сардори Идораи мубориза бо фасод.

Акбар Холиқзода, сокини 40 солаи шаҳри Бӯстон гуфта мешавад, ки дар пайи ошкор шудани порахурӣ моҳи ноябри соли 2020 бо фармони раисиҷумҳур аз вазифаи судяи Суди ноҳияи Бобоҷон Ғафуров барканор шуд.

Дар Тоҷикистон таъйин ва барканории судяҳо тибқи фармони Президент сурат мегирад.

Акбар Холиқзода баъд аз Абдусамад Маннонзода, раиси собиқи ноҳияи Бобоҷон Ғафуров дуюмин нафари мансабдор дар ин ноҳияи ба ҳисоб меравад, ки баъди нисбаташон оғоз шудани парвандаи порагирӣ ба суд ҳозир нашуда, балки фирор кардаанд.

Абдусамад Маннонзода давоми солҳои 2013-2015, раиси ноҳияи Бобоҷон Ғафуров буд.

Соли 2016 аз сӯи Раёсати Ожонси назорати давлатии молиявӣ ва мубориза бо фасод дар вилояти Суғд, бар асоси моддаи 319 қисми 4 банди “г” и Кодекси ҷиноии Ҷумҳурии Тоҷикистон барои гирифтани пора ба миқдори калон парвандаи ҷиноӣ оғоз намуда гуфта буд, ки Маннонзода дар вақти раиси ноҳия буданаш барои ҷудо намудани замин ба хоҷагии ёрирасони кишоварзӣ дар маҷмӯъ 140 ҳазор доллари амрикоӣ пора гирифтааст.

Аз фирори Маннонзода то ҳабси Иноятзода: парвандаи собиқ раисони ноҳияҳои Суғду Хатлон 

Баъди эълони айб нисбаташ, ин собиқ раиси ноҳияи Бобоҷон Ғафуров ба суд ҳозир нашуда фирор кард ва то ин ҷониб дар куҷо ғайб задани ӯ маълум нест.

Мақомот се соли пеш дар бораи дар кофтуков қарор доштани ӯ, эълон карда буданд.

1814
Барчаспҳо:
парванда, фирор, суд

Сабти боз як заминларзаи дигар дар Тоҷикистон

58
Дар қаламрави Тоҷикистон заминларза бо шиддати 4,1 балл ба қайд гирифта шуд, ки субҳи имрӯз рух дод

ДУШАНБЕ, 25 феврал - Sputnik. Дар Тоҷикистон субҳи барвақт заминларза рух дод, хабар медиҳад Маркази ҷумҳуриявии мониторинги пешгӯии сейсмикии Вазорати ҳолатҳои фавқулодаи Ӯзбекистон.

Ларзиш соати 07: 11-и вақти Душанбе ба қайд гирифта шудаанд.

Қувваи заминҷунбӣ 4,1 баллро ташкил дод, он дар умқи 151 километр рӯй додааст.

Кумитаи ҳолатҳои фавқулодда ва мудофиаи граждании Тоҷикистон дар бораи заминларзаи навбатӣ ҳоло шарҳ надодааст.

Ҳамзамон дар бораи хисорот ва ё талафот хабаре нест.

Инчунин маълум аст, ки қувваи заминларза дар қаламрави Ӯзбекистон эҳсос нашудааст, масофа аз маркази зилзила то Тошканд дар самти ҷанубу шарқ 497 километрро ташкил додааст.

35 километр дуртар аз Мурғоб: тафсилоти заминларзаи шоми дирӯз дар Тоҷикистон

Ёдовар мешавем, ки ин аввалин заминларзае нест, ки дар давоми ин моҳ аз ҷониби пойгоҳҳои сейсмикӣ ба қайд гирифта шудааст. Дар маҷмӯъ, дар моҳи феврал тақрибан 10 чунин ларзиш рух дод.

58