Давлятов Айниддин Нуриддинович- студент

Сарзаниши падар: донишҷӯ сабаби ба декан корд кашиданашро гуфтааст

756
(Таҷдидшуда 14:50 19.02.2021)
Як донишҷӯ, ки декани факултаашро корд зада буд, қасди куштори ӯро доштааст. Ӯ пас аз сарзаниши падараш аз таҳсилаш дар донишгоҳ, дар даст корд ба назди устодаш рафтааст

ДУШАНБЕ, 19 фев — Sputnik. Вазорати умури дохилаи Тоҷикистон имрӯз дар рафти нишасти матбуотӣ қазияи кордкашии як донишҷӯи Донишгоҳи технологии Тоҷикистонро, ки деканро захмӣ намуда буд, шарҳ дод.

Ёдрас мешавем, ҳодиса охирҳои моҳи январи соли ҷорӣ рух дода буд. Тибқи иттилои пешакии вазорат, Айниддин Давлатов, донишҷӯи курси дувуми Факултети менеҷменти байналмилалии ДТТ Имомназаров Музафарро корд задааст.

Имомзода гуфт, мехоҳад иддаои донишҷӯи кордкашро шунавад

"Донишҷӯи макзкур санаи 28 январи соли 2021 бо корд мусаллаҳ гашта, дар ошёнаи 3-уми донишгоҳ декани факултаашро бо корд як маротиба бо шикамаш задааст", - тавзеҳ доданд намояндагони вазорат. 

Тавре онҳо афзуданд, сабаби ба ин кор даст задани гумонбаршаванда, сарзаниши падар баъди даъваташ аз ҷониби декан ба донишгоҳ будааст.

"Донишҷӯ ба таври мунтазам дар дарсҳо иштирок намекардааст, нисбати устодон беэҳтиромӣ зоҳир мекардааст, аз имтиҳон низ қарздор будааст ва бо ҳамин сабаб декани факултет падарашро даъват карда, сӯҳбат мекунад ва баъд аз сарзаниши падар донишҷӯ қасди куштори устодашро тарҳ мекашад", - афзуданд намояндагони ВКД Тоҷикистон.

Ёдрас мешавем, дар бораи ҳодисаи коркашии донишҷӯ дар Донишгоҳи технологии Тоҷикистон нахустин шуда Sputnik Тоҷикистон гузориш дода буд.

Бояд гуфт, ки қазияи маҷрӯҳ шудани декан аз ҷониби донишҷӯро чанде пеш рӯзноманигорон аз Вазири маорифи Тоҷикистон низ пурсон шуданд.

Имомзода дар шарҳи ин ҳодиса гуфт, ки ҷурми декан ҳам дар ин масъала истисно нест.

Вазир посух гуфт, ҳоло он иттилое, ки дорад, яктарафа аст ва то тафтиши пурраи ҳодиса аз ҷониби мақомот ба хулосае омада наметавонад.

Кордро аз бозори Саховат харид: навори бозпурсии донишҷӯе, ки деканро маҷрӯҳ кард - навор

"Ҳоло мақомотҳои марбута ин ҳолатро тафтиш доранд, лекин барои мо ҳарду ҳам баданд. Он чизҳое ки мо шунидем якҷониба аст, лекин ман мехостам ҷониби донишҷӯро низ шунавам", - таъкид кард вай.
Ба гуфтаи Имомзода, вақте санҷиш ба итмом мерасад, ин масъаларо дар сатҳи тамоми донишгоҳҳо баррасӣ мекунад.

756
Барчаспҳо:
кордкашӣ, донишҷӯ, декан, донишгоҳ
Девушка в наручниках, архивное фото

Дар Хуҷанд зани 51-сола маъшуқи ҷавонашро корд зад

633
Занро феълан дастгир кардаанд. Марди маҷрӯҳ дар беморхона бистарӣ шудааст ва тафтишот идома дорад

ДУШАНБЕ, 24 фев – Sputnik. Дар Хуҷанд як занро бо гумони кордкашӣ дасгир кардаанд. Дар ин бора Вазорати корҳои дохилии Тоҷикистон хабар медиҳад.

"Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани 51-солаи сокини шаҳраки Бӯстони ноҳияи Мастчоҳ бо гумони қасдан расонидани зарари вазнин ба саломатӣ дастгир карда шуд", - омадааст дар гузориши манбаъ.

Тавре дафтари матбуотии ВКД менависад, ҳодиса ҳанӯз 12 феврал тақрибан соатҳои 10:30 субҳ рух додааст.

Гуфта мешавад, зани гумонбаршаванда дар хонаи муваққатан истиқоматиаш, воқеъ дар шаҳри Хуҷанд бо ҳамзисташ марди 39-солаи сокини ҳамон ҷо, ки дар ҳолати мастӣ қарор дошт, аз сабаби муноқишаи ба миён омада, ҷангу ҷанҷол кардааст.

Сипас бо корди хоҷагӣ 1-маротиба ба қафаси синааш задаст.

"Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст", - менависад ВКД Тоҷикистон.

Сарзаниши падар: донишҷӯ сабаби ба декан корд кашиданашро гуфтааст

Нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

633
Барчаспҳо:
корд, Хуҷанд
Молоток судьи в зале суда

Акбар Холиқзода, додраси ноҳияи Бобоҷон Ғафуров куҷо фирор кард?

1933
(Таҷдидшуда 13:34 24.02.2021)
Нисбати ӯ, ҳоло кофтукови ҷиноӣ эълон шудааст. Акбар Холиқзода аллакай дувумин намояндаи мақомот аз ноҳияи Бобоҷон Ғафуров аст, ки баъди дастгир шудан, фирор мекунад

 ДУШАНБЕ, 24 фев – Sputnik. Акбар Холиқзода, судяи Суди ноҳияи Бобоҷон Ғафуров, ки ба порагирӣ муттаҳам дониста мешавад барои бозпурсӣ ба суд ҳозир нашуда, фирор кардааст. Нисбати ӯ, ҳоло кофтукови ҷиноӣ эълон шудааст.

"Ҳолати порагирии Акбар Холиқзода, судяи Суди ноҳияи Бобоҷон Ғафуров ошкор шудааст", - гуфт Аваззода Шараф Тавар, сардори Ожонси мубориза бо коррупсия дар Суғд, зимни нишасти матбуотӣ.

Ба қавли вай, бар асоси ёфт шудани далелҳои шайъӣ нисбати Холиқзода парвандаи ҷиноӣ бо моддаи 319 (гирифтани пора) оғоз ва нисбаташ айб эълон шуд, аммо дар баррасии додгоҳӣ ӯ ҳозир нашудааст.

“Аз ҷониби кормандони Раёсат соли ҷорӣ Акбар Холиқзода, ҳангоми гирифтани пора дастгир гардида, далелҳои шайъӣ аз ҷойи ҳодиса гирифта шуд. Ӯ ба суд ҳозир нашуда, фирор кардааст. Айни ҳол нисбати Холиқзода кофтуков эълон шудааст”, - зикр кард сардори Идораи мубориза бо фасод.

Акбар Холиқзода, сокини 40 солаи шаҳри Бӯстон гуфта мешавад, ки дар пайи ошкор шудани порахурӣ моҳи ноябри соли 2020 бо фармони раисиҷумҳур аз вазифаи судяи Суди ноҳияи Бобоҷон Ғафуров барканор шуд.

Дар Тоҷикистон таъйин ва барканории судяҳо тибқи фармони Президент сурат мегирад.

Акбар Холиқзода баъд аз Абдусамад Маннонзода, раиси собиқи ноҳияи Бобоҷон Ғафуров дуюмин нафари мансабдор дар ин ноҳияи ба ҳисоб меравад, ки баъди нисбаташон оғоз шудани парвандаи порагирӣ ба суд ҳозир нашуда, балки фирор кардаанд.

Абдусамад Маннонзода давоми солҳои 2013-2015, раиси ноҳияи Бобоҷон Ғафуров буд.

Соли 2016 аз сӯи Раёсати Ожонси назорати давлатии молиявӣ ва мубориза бо фасод дар вилояти Суғд, бар асоси моддаи 319 қисми 4 банди “г” и Кодекси ҷиноии Ҷумҳурии Тоҷикистон барои гирифтани пора ба миқдори калон парвандаи ҷиноӣ оғоз намуда гуфта буд, ки Маннонзода дар вақти раиси ноҳия буданаш барои ҷудо намудани замин ба хоҷагии ёрирасони кишоварзӣ дар маҷмӯъ 140 ҳазор доллари амрикоӣ пора гирифтааст.

Аз фирори Маннонзода то ҳабси Иноятзода: парвандаи собиқ раисони ноҳияҳои Суғду Хатлон 

Баъди эълони айб нисбаташ, ин собиқ раиси ноҳияи Бобоҷон Ғафуров ба суд ҳозир нашуда фирор кард ва то ин ҷониб дар куҷо ғайб задани ӯ маълум нест.

Мақомот се соли пеш дар бораи дар кофтуков қарор доштани ӯ, эълон карда буданд.

1933
Барчаспҳо:
парванда, фирор, суд
День 27 января

Ҷашнҳои рӯзи 27 феврал дар Тоҷикистон ва ҷаҳон

0
(Таҷдидшуда 18:53 26.02.2021)
Рӯзи бисту ҳафтуми феврал дар Русия аз Рӯзи қувваҳои амалиёти махсус ҷашнг гирифта мешавад. Ҳамчунин дар ин рӯз Доминикан истиқлолияти худро эълон намудаст

Рӯзи 27 феврал дар ҷаҳон чӣ рух дод

Соли 1844 истиқлолияти Ҷумҳурии Доминикан эълон карда шуд.

Соли  1900 дастаи футболи "Бавария" таъсис дода шуд.

Соли 1974  дар Ню-Йорк аввалин шумораи маҷаллаи "People" бо теъдоди 1 миллион нусха аз чоп баромад, ки дар бораи ҳаёт ва фаъолияти ситораҳои санъат нақл мекард.

Рӯзи 27 феврал дар Тоҷикистон чӣ рух дод

Соли 2000 интихоботи палатаи поёнии Парлумони Тоҷикистон баргузор гардид.

Эмблема Центральной комиссии по выборам и референдумам  Республики Таджикистан
© Sputnik Амир Исаев
Эмблема Центральной избирательной комиссии Республики Таджикистан

Соли 2009 дар шаҳри Душанбе миёни Донишгоҳи (славянии) Русияву Тоҷикистон ва Донишкадаи давлатии забони русии ба номи А. С. Пушкин шартномаи ҳамкорӣ ба имзо расид.

Соли 2010 дар шаҳри Коломбои Шри-Ланка барои мақоми сеюми мусобиқаи Ҷоми даъватии КФО миёни дастаҳои Тоҷикистон ва Мянма бозии футбол баргузор гардид.

Соли 2013 палатаи поёнии Парлумони Тоҷикистон лоиҳаи Қонуни ҶТ  "Дар бораи гаравхона (ломбард)"-ро қабул намуд.

День 25 февраля нац
© Sputnik/ Стас Этвеш/ Мария Вишнякова

Соли 2014 дар Маркази тадқиқоти стратегии назди Президенти Ҷумҳурии Тоҷикистон дар мавзӯи "Рушди минтақаҳо" Симпозиуми байналмилалӣ баргузор гардид.

Соли 2015 Барномаи рушди Китобхонаи миллии Тоҷикистон барои солҳои 2015-2020 тасдиқ карда шуд.

Соли 2017 баъди анҷоми музокироти байнидавлатии Президенти Ҷумҳурии Тоҷикистон Эмомалӣ Раҳмон ва Президенти Федератсияи Русия Владимир Путин миёни Ҳукумати Ҷумҳурии Тоҷикистон ва Ҳукумати Федератсияи Россия оид ба ҳамкорӣ дар соҳаи истифодаи энергияи атомии сулҳҷӯёна Созишнома ба имзо расид.

Ҷашнҳои рӯзи 27 феврал

  • Дар Русия – Рӯзи қувваҳои амалиёти махсус.

Рӯзи 27 феврал кӣ ба дунё омадааст

Соли 1933 - ходими намоёни фарҳанги Тоҷикистон Абдураҳмон Раҳимов.

Соли 1941 - доктори илмҳои филологӣ, профессор, ходими давлатӣ Абдунабӣ Сатторзода.

Соли 1963 – шоира Гули Зард

0
Барчаспҳо:
ҷашн, ҷаҳон, Тоҷикистон