Дар гузаргоҳи зеризаминӣ ба зане дастдарозӣ кард: боздошту ҳабси марди 43-солаи пойтахт
(Таҷдидшуда 18:31 20.02.2021)
Раёсати вазорати корҳои дохила дар Душанбе аз боздошти Ҳамидов Диловар хабар додааст, ки дар ҳолати мастӣ дар хиёбонҳо нисбат ба занон рафтори ғайриахлоқӣ кардаастДУШАНБЕ, 20 феврал - Sputnik. Тибқи иттилои дафтари матбуотии ин ниҳод, номбурда дар пайи шикояти зане боздошт шудааст.
Ба иттилои манбаъ, ҷавонзан, сокини шаҳри Душанбе бо ирсоли расмҳои як нафар мард аз мақомоти милитсяи пойтахт дархост намуд, то нисбати номбурда чораҳои дахлдори қонунӣ андешида шавад.
“Зеро ҳангоми гузаштан аз роҳи зеризаминии назди Бозори “Саховат” нисбаташ ҳаракатҳои ғайриахлоқӣ намуда, бо ин тартиб шаъну шарафашро дар назди атрофиён поймол кардааст”,-афзудааст манбаъ.
Гуфта мешавад, зимни гузаронидани як қатор чорабиниҳои оперативӣ-ҷустуҷӯӣ муайян карда шуд, ки ҷавони дар расмҳо инъикосёфта шаҳрванд Ҳамидов Диловари 43-сола истиқоматкунандаи шаҳри Душанбе мебошад.
“Баъд аз ба мақомоти милитсия дастрас гардидан дар натиҷаи пурсиши гумонбар ва дигар шоҳидони ҳодиса муайян гардид, ки дастгиршуда Ҳамидов Диловар ҳангоми убури гузаргоҳи зеризаминӣ дар ҳолати сархушӣ қарор дошта, нисбати ҷавонзани муроҷиаткунанда дастдарозӣ намуда, ҳаракатҳои бадахлоқонаро анҷом додаст”,- мегӯяд манбаъ.
Ҷазои Шералӣ барои паст задани шаъну шарафи шоира Адибаи Азиз-видео
ВУД мегӯяд, вобаста ба ҳолати мазкур нисбати дастгиршуда тибқи талаботи моддаи 460 (майдаавбошӣ) Кодекси ҳуқувайронкунии маъмурии ҶТ протоколи маъмурӣ тартиб дода шуда, нисбаташ бо Қарори Суди ноҳияи Фирдавсӣ ҷазо дар намуди ҳабси маъмурӣ ба муҳлати 5-шабонарӯз таъин карда шуд.
Ошкор шудани қаллобии марди 29 - сола: 66 ҳазор сомониро гирифту "Киа" нахарид
(Таҷдидшуда 19:06 04.03.2021)
Вазорати умури дохилаи Тоҷикистон ахиран аз ошкор шудани қаллобии марди 29- сола хабар медиҳад, ки мардеро фиреб карда 66 ҳазор сомониашро аз худ кардаастДУШАНБЕ, 4 мар — Sputnik. Бино ба гузориши Вазорати корҳои дохилӣ, ин мард сокини ноҳияи Рудакиро фиреб дода 66 ҳазор сомониашро аз худ кардааст.
Бино ба гузориши манбаъ, дар ин бора ба ШВКД дар ноҳияи И.Сомонӣ бо ариза марди 41-солаи сокини ноҳияи Рӯдакӣ муроиҷат кардааст.
Ба гуфти ӯ, ҳодиса моҳи августи соли 2020, дар ноҳияи И.Сомонӣ рух додааст.
Ӯ гуфтааст, ки ҳангоми дар назди маркази савдои "Рӯдакӣ Плаза" қарор доштанаш марди 29-солаи сокини ҷамоати деҳоти Лоҳури ноҳияи Рӯдакӣ бо роҳи фиреб ба бовариаш даромада, аз ӯ 66 ҳазор сомонӣ гирифтааст.
Мард ваъда додааст, ки бар ивази пулаш ба ӯ як худрави тамғаи "Киа" оварда медиҳад, аммо то ҳол маблағашро барнагардонидааст.
Ҳукми зиндони марди қазоқ барои дуздии 9 мошини хориҷии соҳибкори тоҷик-видео
Манбаъ афзудааст, ки аз рӯи ин ҳодиса тафтишот идома дорад.
Барчаспҳо:
Зодаи Тоҷикистонро дар Петербург барои кумак ба террористон равонаи зиндон карданд
(Таҷдидшуда 14:36 03.03.2021)
Як зодаи Тоҷикистон, ки чун муҳоҷири корӣ дар қаламрави Русия қарор дорад, ба ҳамватани худ барои пайвастан ба ҷангиёни Сурия кумак кардаастДУШАНБЕ, 3 март - Sputnik. Мақомоти тафтишотии Санкт-Петербург як шаҳрванди Тоҷикистонро барои кумак ба фаъолияти як созмони террористӣ айбдор мекунад, хабар медиҳад 78.ru бо истинод ба мақомоти ҳифзи ҳуқуқ.
©
AP / Sherin Zada
Маълум шуда, ки зодаи Тоҷикистон О.Соатов ҷонибдори ҳаракати радикалӣ будааст.
Муҳоҷири меҳнатӣ ба ҳамватани худ А.Тошев дар масъалаи интиқолаш ба Сурия кумак кардааст.
Маълум шуда, ки Тошев ба созмони террористие, ки дар ҷангҳои Сурия алайҳи нерӯҳои ҳукуматӣ иштирок мекунад, пайвастанӣ буд.
Ҳамин тариқ, Соатов дар ҷамъоварии маблағ барои як ҳамхидматаш кумак кард, ки бо он маблағ Тошев бояд билети ҳавопаймо мехарид.
Ғайр аз он, шахси боздоштшуда бо як корфармои як созмони террористӣ робитаи пинҳонӣ пешниҳод кардааст, то дар сурати боздошти Тошев осори иртиботи мустақим намонад.
Маълум мешавад, ки худи Тошев моҳи сентябри соли 2020 дар яке аз фурудгоҳҳои Маскав ҳангоми кӯшиши парвоз ба Туркия барои сафари минбаъда ба Сурия боздошт шудааст.
©
Flickr / Mr Korn Flakes
Нисбати ин мард барои ширкат дар фаъолияти як созмони террористӣ парвандаи ҷиноӣ боз шудааст.
Ва танҳо баъдтар, мақомоти тафтишот шарики ӯро муайян карданд ва Соатовро низ дар Санкт-Петербург боздошт кардаанд. Ҳамин гуна парвандаи ҷиноӣ алайҳи ӯ низ боз шудааст.
Тафсилоти нав дар қазияи муҳоҷире, ки зани ҳомила ва хусурашро кушт: қарздор буд
Ҳоло додгоҳи ноҳияи Невскийи Санкт-Петербург Соатовро ба мӯҳлати ду моҳ ҳабс кардааст.
Барчаспҳо:
Ҷабборов бо сафари расмӣ ба Тоҷикистон меравад
ДУШАНБЕ, 4 мар — Sputnik. Президенти Қирғизистон Содир Ҷабборов қасд дорад ба Тоҷикистон сафари расмӣ анҷом диҳад, гуфт вазири корҳои хориҷии ҷумҳурӣ Руслан Казакбоев дар як нишасти матбуотӣ.
Зимни суханронӣ дар брифинг роҳбари Вазорати корҳои хориҷии Қирғизистон дар бораи сафарҳои ояндаи байналмилалии сарвари давлат сухан гуфт.
"Президент ният дорад сафари навбатии худро ба Ӯзбекистон анҷом диҳад. Тахминан рӯзҳои 11-12 март", - гуфт сарвари вазорати корҳои хориҷӣ.
Ба гуфтаи Казакбоев, Ҷабборов инчунин қасд дорад ба кишварҳои ҳамсоя - Чин, Тоҷикистон ва Туркманистон сафар кунад.
Ҷабборов ба кишвардори Русия тӯҳфаи ғайриоддӣ дод
Хотиррасон мекунем, ки қаблан Президент ба Русия ва Қазоқистон ташриф оварда буд.
Дар Маскав вай бо Владимиров Путин мулоқот кард. Ҷабборов ба ҳамтои руси худ тӯҳфаи ғайриоддӣ - шамшери қирғизиро тақдим кард.
Барчаспҳо: